Rwanda: Ubucamanza bwa Paul Kagame bwemeje ko ICYITONDERWA J.B aguma mu buroko!

Publié le par veritas

http://ikazeiwacu.unblog.fr/files/2013/11/icyitonderwa1.jpgUyu munsi kuwa 17/12/2013 urukiko rukuru rwa Kigali rwasomye umwanzuro warwo ku bujurire bw’urubanza umunyamabanga mukuru ushinzwe ubukangurambaga ariwe Bwana Jean Baptiste ICYITONDERWA yarimo ajuririra icyemezo urukiko rwa Gasabo rwafashe cyo ku mufunga by’agateganyo muri gereza ya Gasabo,uyu munsi kuwa kabiri taliki ya 17/12/2013 urukiko rukuru rwa Kigali rwashimangiye icyemezo cy’uko Bwana Jean Baptiste ICYITONDERWA akomeza gufugwa mu gihe agitegereje urubanza mu mizi yarwo.

 

Iyi akaba ari imwe mu nzira ubutegetsi bwa Kagame Paul/FPR bukomeje gukoresha yo gusiragiza ababunenga mu nkiko maze n’abanyarwanda bashobora gukora ibikorwa bitandukanye by’urugamba rwo guharira amahoro bagata umwanya baherekeza abo ubutegetsi buba busiragiza mu nkiko,ariko ubu butetsi bwa FPr buroge magasi kuko amazi atakiri yayandi kandi burya ibuye ryagaragaye ntiriba rikishe isuka. Ishyaka PS-Imberakuri rirasaba abanyarwanda bose bifuza impinduka kudata umwanya bibaza ku butabera bw’u Rwanda kuko nta cyiza babutezeho usibye kubarangaza gusa ;ahubwo abanyarwanda bagomba gukomeza imirimo itandukanye igamije impinduka yavuba leta ya FPR itarabamarira mu magereza bose kuko nibyo yifuza nubwo Imana itayemerera.

 

Kuba kandi Bwana Jean Baptiste ICYITONDERWA ,Bernard NTAGANDA ?MUSHAYIDI Deo,INGABIRE Victoire UMUHOZA n’abandi bafungiwe ubusa bakomeje guhezwa muri gereza nta munyarwanda numwe wifuza impinduka byakagombye guca intege,ahubwo byakagombye kongerera intege abanyarwanda zo gushaka inzira zose zacibwamo kugirango bafungurwe. NTA NA RIMWE IMANA IJYA ITERERANA ABARENGANA !!!

 

Ububwanditsi

 

Commenter cet article