Rwanda: Rudasingwa na Kagame bararegwa muri Amerika urupfu rwa Prezida Habyarimana Juvénal, ni ubutabera cyangwa ni amacenga ?

Publié le par veritas

 

07 TrvédicIbiri mu banyarwanda bimaze kuba indengakamere, nta muntu ushobora kwiyumvisha inzangano n’amatiku ari mu barwanya ubutegetsi bw’igitugu mu Rwanda noneho intera bigezeho.

Umuntu ashobora kwibaza ko hari impamvu 2 z’ingenzi zitera ako kajagari:

1.Opposition ishobora kuba yarinjiwe n’inzego z’iperereza z’u Rwanda, ku buryo uko bigaragara hari abantu twakeka ko bitwaza ubutagondwa n’ibindi nk’uturere ariko wareba neza ugasanga ni abantu bajijutse ukibaza impamvu batabona ko batiza ubutegetsi bw’igitugu umurindi. Umuntu akaba yakeka ko babikora babishaka kubera amafaranga, kubizeza ibitangaza, Blackmail/chantage n’ibindi kugira ngo bateze akaduruvayo muri opposition babisabwe na FPR. Abo bantu bakoresha ingufu bafite bagakurura n’abandi baba badafite amakuru ahagije bigahinduka isupu. Akenshi bashobora kwitwaza ubutagondwa ariko uwo bakorera bamuzi.

2.Abantu bamwe bumva ko ubwoko bumwe, ishyaka rimwe, umuntu umwe cyangwa akarere kamwe aribyo bishobora kuzahirika ubutegetsi bw’igitugu bwa Kagame. Ubwo butagondwa buhuma amaso abantu bamwe na bamwe bakibagirwa ko igihe bata barimo gusubiranamo Kagame we aba ari kongera ingufu ze ndetse anakomeza kwica urubozo abanyarwanda bigeretseho no kubasahura uduke asigaranye.

Ann-Fields_1-150x150 dans

Ann Fields

Hari hamenyerewe ko habaho ihangana hakoreshejwe amaradio n’imbuga za Internet aho guhangana hagati y’abari muri opposition byasimbuye kurwanya ubutegetsi bw’igitugu, noneho ihangana ryageze mu bucamanza.

Ku kirego cyatanzwe mu rukiko rwo muri Leta ya Iowa muri Leta zunze ubumwe z’Amerika ku itariki ya 11 Gicurasi 2012, ku bijyanye n’ihanurwa ry’indege ya Perezida Habyalimana, habaye agashya: Ku barezwe barimo Perezida Paul Kagame, Pierre Richard Prosper wabaye ambassadeur w’Amerika ku bijyanye n’ibyaha by’intambara, Ann Fields umuyobozi wa Kaminuza ya William Penn na Dr Théogène Rudasingwa umuhuzabikorwa wa RNC ari mubarezwe ubufatanyacyaha!


Mushobora kubona inyandiko zijyanye n’icyo kirego hano hasi:


http://dockets.justia.com/docket/iowa/iasdce/4:2012cv00191/47176/

http://kambale.com/pdf/kagame_case_iowa_summons_may11_2012.pdf

http://kambale.com/pdf/kagame_case_iowa_complaint_may11_2012.pdf

http://kambale.com/pdf/kagame_case_iowa_exhibit_A_may11_2012.pdf


bio-150x150

Pierre Richard Prosper

Muri aba bose barezwe Dr Rudasingwa niwe nakwita ko ibi birego bishobora kubangamira mu kazi ke k’umuhuzabikorwa wa RNC, Kuko atuye muri Leta Zunze ubumwe z’Amerika naho abandi ni abanyamerika uretse Perezida Kagame nawe utaba muri Leta Zunze ubumwe z’Amerika kandi ushobora kubona ubudahangarwa nk’umukuru w’igihugu.

Dr Rudasingwa bishobora kutamugiraho ingaruka zikomeye ariko mu kinyarwanda baravuga bati: N’utakwishe aragukerereza.

Bigaragare ko iki gikorwa gishobora kuba cyaturutse ku mpamvu 3 twakeka:


-Urwango rushingiye ku zindi mpamvu cyangwa ubwoko

Rudasingwa_Theogene_web-144x150

Dr Rudasingwa

-Leta ya Kigali ikoresha abo bantu ngo bayikize Dr Rudasingwa nk’umunyapolitiki uyimereye nabi

-Cyangwa abashaka kumukura muri Politiki ngo abasigire urubuga.

Ariko bigaragare ko aka kaduruvayo n’ubundi kagira ingaruka n’ubundi ku bantu badafite ubushake cyangwa batazi icyo barwanira. Twizere ko inzira yo gukuraho ubutegetsi bw’igitugu n’ubwo irimo inzitizi nyinshi nta kabuza abanyarwanda bazashirwa bibohoye ingoma y’igitugu.

 

 

 

Marc Matabaro

Rwiza News

 

 

Commenter cet article

Ngalula Marthe 16/05/2012 20:58


Ndunganira RUKATAZA wanditse iyi comment # 1


Nanjye kubanjye ndabona kuba RUDASINGWA yashizwe muri kiriya kirego arubuhanga bwinshi cyane kuko we nta immunité (ubudahangarwa), afite, akaba rero ashobora kwitaba urukiko vuba cyane, bityo
iruhande rwinkiko za Espagne na France hakaba hiyongereyeho izo muri Amerika. Urubanza rero rushobora gucibwa abo bandi bakitaba uretse KAGOME ufite ubudahangarwa, ariko mugihe urukiko ruica urwo
rubanza ukuri kwose kukaba kwavugiwemo, abafite ubuhamya bwose bakabutanga, uwicyaha gifashe agakatirwa, Kagame we agategereza ko ubudahangarwa bwe bumuvaho kugira ngo afatwe mpiri. Ibi bintu ni
byiza cyane kuko izo nkiko zose ziza fatanya kuko zihuruye ku kibazo kimwe. Ahubwo ndumva ibi bitari gukorwa RUDASINGWA  atabyumvikanyeho naba bapfakazi bombi babaprésident bu Rwanda
n'UBURUNDI aribo Madame HABYARIMANA na madame NTARYAMIRA. ibyo bikaba ari byiza cyane kuko byatuma sekibi ajya ahagaragara nyuma yiy myaka oyse turi mugihirahiro. Ibi rero bibere isomo abahora
bavuga ngo sinafatanya nuriya cyangwa uriya ngo numwicanyi, etc... Umwicanyi wese igihe kizagera ngo ysshyure ikibi yakoze, ariko mbere yuko icyo gihe kigera, tugomba gufatanya mugihe tubona ko
ibyo twese tubifitemo inyungu.

Rukataza 16/05/2012 19:21


Ndibwira ko Docteur Rudasingwa atagomba gukangwa na kiriya kirego kuko we yarangije gusaba imbabazi. Akarusho ahubwo ni uko we yiteguye kuvuga n'akari i murore. Niba ubutabera bwakiriye kiriya
kirego ari ubutabera budakora nka bwa bundi bwa Kagame, ibintu ahubwo ndabona bigiye kujya ahagaragara.