Rwanda-RSA: Si ukwirukana abakozi b'ambasade gusa,Kagame Paul yiyemeje no kwirukana ingabo z'Afurika y'epfo na Tanzaniya i Goma muri Congo!

Publié le par veritas

http://img.over-blog-kiwi.com/0/53/50/55/201304/ob_7967a765a31fb09c8a744d22cd59d1ed_militaires-sudaf.jpgUbushyamirane mu bubanyi n’amahanga hagati y’u Rwanda n’igihugu cy’Afurika y’epfo (RSA –République Sud-Africaine) bushobora gufata indi ntera yo guhangana mu rwego rwa gisilikare imbonankubone muri Congo! Nyuma yo gusimbuka urupfu incuro ebyiri mu mwaka w’2010 kwa Gen.Kayumba Nyamwasa mu gihugu cya RSA n’ iyicwa rya Col Patrick Karegeya ; RSA yahise iva mu bitotsi ishakisha neza abari inyuma y’ibyo bitero. Kuwa mbere w’icyi cyumweru nibwo inzego zishinzwe umutekano z’Afurika y’epfo zateze umutego abicanyi bagabye ibitero ku rugo rwa Gen Kayumba Nyamwa, bituma icyo gihugu kibona ibimenyetso byiyongera kubyo cyari gisanganywe maze gisanga byose bihama leta y’u Rwanda maze gifata ibyemezo byo kwirukana ku butaka bwacyo abakozi b’ambasade y’u Rwanda bishora muri ibyo bikorwa by’iterabwoba !

 

Ntabwo igihugu cya RSA cyagarukiye gusa mu kwirukana inkotanyi zishora mu bikorwa by’iterabwoba kubutaka bwacyo, icyo gihugu kirukanye n’umurundi witwa Jean Claude Sindayigaya wari umujyanama muri ambasade y’u Burundi muri Afurika y’epfo. Igihugu cya RSA kirashinja uyu murundi kuba yaraguriye imodoka abicanyi b’ambasade y’u Rwanda muri Afurika y’epfo ibafasha gukora ibikorwa by’iterabwoba kubutaka bwayo, uyu murundi kandi yakoze mu nzego z’iperereza z’igihugu cy’u Burundi mbere y’uko agirwa umujyanama muri ambasade y’u Burundi muri RSA nkuko byemezwa na J.A.

 

Kagame na Mushikiwabo ntibarava mu bitotsi byo guhubuka !

 

Nyuma y’uko igihugu cy’Afurika y’epfo gifatiye icyemezo cyo kwirukana ibyihebe by’abadiplomate bakora ibikorwa by’iterabwoba kubutaka bwayo, Paul Kagame na Mushikiwabo bataye umutwe batangira gufata ibyemezo bitarimo ubushishozi kandi biteye isoni !

 

Kimwe mu cyemezo aba bayobozi bakuriye aba terroristes babo bohereza kwica abanyarwanda mu bihugu by’amahanga ni uko Kagame Paul na Mushikiwabo bahise birukana abakozi 6 bakuru b’ambasade y’igihugu cy’Afurika y’epfo i Kigali ; Mushikiwabo ahita ajya kurubuga mpuzambaga rwa twitter avuga ko u Rwanda rwabirukanye kuko igihugu cy’Afurika y’epfo gicumbikiye Nyamwasa ushinjwa ibyaha na Kagame, iki gisubizo cya Mushikiwabo gihita cyerekana ko u Rwanda rwishinja ibyaha byo kugaba ibitero by’ibyihebe ku butaka bw’Afurika y’epfo kugira ngo gihitane abanyarwanda bagihunze ! None se ko abanyarwanda batemera ubutegetsi bwa Kagame bari mu bihugu byose byo ku isi, Kagame azajya gukora ibikorwa by’iterabwoba muri ibyo bihugu agiye kwica abanyarwanda bamuhunze ?

Kagame-Mushikiwabo.png

Barimo bafata ibyemezo byo mu nzozi byo koreka abanyarwanda bo bishimisha (photo facebook)

 

 

Ikindi cyemezo gihubukiweho kandi gifite ingaruka ikomeye cyane kubanyarwanda kitaretse n’agatsiko kafasheho ingwate abanyarwanda, ni uko muri iri joro ryo kuwa gatanu taliki ya 07/03/2014 ; Paul Kagame yafashe icyemezo cyo kugaba igitero muri Congo. Ingabo z’inkotanyi  RDF zikaba zigomba gutangira vuba na bwangu ibikorwa byo gucengera muri Congo ;mu ntara ya Kivu (y’epfo ni iya ruguru), izo ngabo za Kagame zikaba zifite intego 3 zigomba kubahiriza :

 

1.Gucengera mu baturage b’abakongomani bo mu bwoko bw’abatutsi, izo ngabo zikiyitirira umutwe w’abakongomani barwanya leta ya Kabila noneho bakagaba ibitero shuma no gutega imitego ya gisikare ingabo z’Afurika y’epfo (RSA) na Tanzaniya, maze izo ngabo za Kagame zikica abasilikare benshi b’ibyo bihugu byombi bari mu ngabo za ONU muri Congo bigatuma abaturage b’ibyo bihugu byombi bivumbura, maze leta zabyo zigahamagaza ingabo zabyo zohereje mu mutwe wa ONU muri Congo!

 

2.Gucengera mu batugare muri Congo zikagaba ibitero shuma ndetse zigatega n’imitego yo guhitana ingabo n’abayobozi ba FDLR ndetse n’impunzi z’abanyarwanda muri rusange zidasize n’abayobozi bo mu ntara ya Kivu bo mu bwoko bw’abahutu b’abakongomani.

 

http://media01.radiovaticana.va/imm/1_0_724750.JPG3.Kurinda no guca amayira y’abanyarwanda n’abakongomani bacukura amabuye y’agaciro mu birombe bya Congo ; izo ngabo za Kagame zikaba zigomba kurinda no kuyobora abasahura ayo mabuye bayazana mu Rwanda kuko muri iki gihe ubukungu bwarwo bumerewe nabi kubera ayo mabuye atangiye kuba make.

 

Muri iki gihe Kagame ashobora kubura icyo ahemba ingabo ze nyinshi cyane dore ko abakozi basanzwe bo bagiye kujya bakorera ubusa, akaba ariyo mpamvu kujya kwiba umutungo wa Congo ari igikorwa cyo gupfa cyangwa gukira! Hagati aho umuyobozi mukuru wa Banki y’igihugu akaba yarasabwe gukora amafaranga menshi y’ibigarasha bazajya bakinga abaturage mu maso n’izo ngabo z’uruhuri ; leta igasobanurira abaturage ko imfashanyo z’amahanga zafunguwe ku Rwanda ! Ntibizabatangaze mu minsi iri imbere nimubona ifaranga ry’u Rwanda riri guta agaciro kuburyo butangaje kugera aho muzabona ikiro k’isukari gitangiye kugura ibihumbi ijana, ni ukubera icyo gikorwa cyo gukora amafaranga y’ibipapuro gusa !!

 

Ibi byemezo byose bihubutse bya Paul Kagame na Mushikiwabo biragaragaza ko bageze mu ikona rikomeye cyane, ntacyo batekereza kubaturage bari kwicwa n’inzara n’abari kwamburwa utwabo, ntacyo batekereza ku mpunzi z’abanyarwanda ziri mu bihugu binyuranye zishaka gutaha ; ahubwo bo bumva bagomba kwica izo mpunzi ; izi gahunda zififitse nizo bamaze imyaka 20 bashyira mu bikorwa ariko bashyigikiwe n’isi yose , mu bihugu byazaga ku isonga mu kubakubita ingabo mu bitugu muri Afurika harimo igihugu cy’Afurika y’epfo none inyiturano bagihaye niyo kucyandarika no guhungabanya umutekano wacyo mu rugaga mpuzamahanga !

 

Iki kibazo cy’urwicyekwe hagati y’Afurika y’epfo n’u Rwanda kirakangura ibindi bihugu by’amahanga kandi birerekana ko leta ya Paul Kagame ari leta y’ibyihebe ikwiza iterabwoba ku isi yose nka Osama Bin Laden !


 

Ubwanditsi  

Commenter cet article