Rwanda: Paul Kagame akomeje gusuzugura Afurika y'epfo! Nyamwasa yongeye kurusimbuka !

Publié le par veritas

http://www.inyenyerinews.org/wp-content/uploads/2012/07/Kayumba-Nyamwasa-with-his-wife.jpgAmayeri yakoreshejwe mu myaka y'1990 niyo FPR ikomeje gukoresha nubu kugira ngo irebe ko yaguma kubutegetsi kuko izi neza ko ibyayo atari byiza muri iki gihe! Mu myaka y'1990 FPR yicaga abanyepolitiki batavuga rumwe n'ubutegetsi bwa Habyarimana ikavuga ko bishwe n'interahamwe,ubwo urwicyekwe rukaba rurabyutse hagati y'amashyaka atavuga rumwe n'ubutegetsi na leta yariho icyo gihe maze Inkotanyi zikaba zibonye icyuho cyo kubarimbura bose ! Muri iyi minsi hasohotse inkuru ivuga ko Kayumba Nyamwasa agiye kwica Sylvestre Mudacumura wa FDLR anyuze kuri Byiringiro Victor nawe uyobora FDLR (kanda aha usome iyo nkuru), gutangaza inkuru nkiyo ni ukuryanisha abari muri FDLR ubwabo noneho bakaryana na RNC kandi abo bombi ari abanzi ba Kagame na FPR! Mu gihe baba baryana Inkotanyi ziba zibyungukiramo, uwavuga ko uwatangaje iriya nkuru (uwayihaye ibinyamakuru) yari azi umugambi wo kwica Nyamwasa umaze kuburiramo ubwa gatatu ntabwo yaba yibeshye cyane ! Iyo Nyamwasa apfa byari kwitirirwa FDLR aho kuba Kagame, Mudacumura akarasana na Byiringiro,umwe avuga ko undi ariwe wamwishe ko kandi ko uratanga undi nawe amwica...ahasigaye Kagame akareba uko abanzi be bamarana , ngiyo imirwanire ya FPR! Amayeri y'imirwanire nk'iyi ashushanya umugani wa Bakame yariye umwenda w'intare n'ingona, maze ikizeza ibyo bikoko byombi ko igiye kubyishyura umwenda wabyo ibiha itungo bigomba gukurura,Bakame ikabyambika ikiziriko mu ijosi ikabishishikariza gukururana kugeza igihe byombi bipfiriye naho Bakame yigaramiye ! Umenya ariko aya mayeri ashobora kutazatanga umusaruro ushimishije kuri FPR muri iki gihe kuko yamenyekanye!

 

Mu makuru y'incamake kandi yihuta (urgent) veritasinfo ikesha radiyo mpuzamahanga y'abafaransa RFI aremeza ko uyu munsi wo kuwa kabiri taliki ya 4/03/2014 jenerali Kayumba Nyamwasa yongeye kurusimbuka mu gihugu cy'Afurika y'epfo. Nkuko iyo radiyo ibyemeza , abantu bitwaje intwaro bigabye mu rugo rwa Kayumba Nyamwasa bafite umugambi wo kumuhitana! Ku bw'amahirwe bakaba batasanze  Nyamwasa ari mu rugo. Amakuru amwe akaba yemeza ko igihugu cy'Afurika y'epfo cyatahuye uwo mugambi hakiri kare kigahungisha Nyamwasa! Kugeza ubu amakuru menshi avuga ko abo mu muryango wa Kayumba ari bazima!

 

Iyo radiyo ivuga ko amakuru y'impamo y'icyo gitero iyakesha abayobozi b'ishyaka rya RNC bari kumugabane w'Uburayi, ubu Kayumba Nyamwasa acungiwe umutekano ahantu hizewe n'igihugu cy'Afurika y'epfo. Ubu bukaba bubaye ubwa gatatu Kayumba Nyamwasa asimbuka urupfu , Kagame Paul akaba yariyemeje kurimbura abatavuga rumwe n'ubutegetsi bwe bose bahungiye mu bihugu by'amahanga nkuko yabivuze mu kwezi kwa Mutarama 2014 yigamba urupfu rwa Karegeya ariko igihugu cy'Afurika y'epfo cyo akaba amaze kukigira agatobero!

 

Mu mwaka w'2010 Kayumba Nyamwasa yarasiwe muri Afurika y'epfo kubw'amahirwe ararusimbuka, ubwo abamurashe bamukurikiranye aho arwariye ngo bamuhe uburozi ,kubw'amahirwe ntiyaburya, mu ijoro ryo kuwa 31/12/2013 nibwo Nyakwigendera Patrick Karegeya yiciwe muri Afurika y'epfo; maze Kagame Paul yivuga imyato ndetse atangaza ko ari ikibazo cy'igihe ko n'abandi banze kumupfukamira azabohereza iwabo wa twese bidatinze!

 

Umenya Kayumba Nyamwasa afite igiti cyo kuba asimbutse urupfu izi nshuro zose ariko kandi birereka amahanga yose ko Afurika y'epfo ari igihugu kitizewe na gato kubona kivogerwa bene kariya kageni abantu bakicwa ntihagire umugizi wa nabi ufatwa!

 

Afurika y'epfo nayo igomba kwisuzuma ikareba aho bipfira naho ubundi iraba urwamenyo y'abasetsi mu ruhando rw'amahanga!

 

Ubwanditsi.

Commenter cet article

Jean Musafiri 05/03/2014 19:24


LE  VAUTOUR INASSOUVI !!!


 


COMBIEN  DE TEMPS CONTINUERA-T-IL DE SE  REGALER DE CHAIR HUMAINE  CARCINEE PAR SES AILES INVISIBLES, TENTACULAIRES, ELECTRIFIEES  ET MORTIFERES QUI
TETANISENT MORTELLEMENT  PAR FOUDROIEMENT ET ETOUFFEMENT SA PROIE A DES MILLIERS DE KILOMETRES, COMME PAR MAGIE !!!  OH, MAUDIT VAUTOUR, AIE PITIE POUR LES
HUMAINS !!!

Kamina 05/03/2014 12:37


Murakoze kutugeza ho amakuru mazima uretse ziriya nkuru ziva mu binyamakuru bikorera Kagame.


Kuba Nyamwasa bongeye gushaka kumwica biragaragara ko ibyo Kagame yavuze azabishira mu bikorwa koko kuko yavuze ko abamurwanya bose azabica. Umuti rero nta wundi ni ugushaka uburyo habaho ingabo
zikamutera zikamuvanaho naho ubundi azamara abamuhunze. Hakenewe ko FDLR na RNC bishira hamwe bigakora umutwe wingabo zishoboye guhangana niza Kagame bakamutera. Ntitube nka bariya bashumba
bandika  ku ma site zikorera Kagame nka Ikazeiwacu n’ibindi byirirwa bishimagiza ibintu bidafite akamaro.


 Ikazeiwacu  inyandiko zayo usanga ari urukozasoni. Wagira ngo abayandikaho ni abashumba. Usanga igamije gutesha abantu igihe gusa, nta gitekerezo kizima kihaba. Ugusebanya, impuha,
gutukana, nibindi by’ububwa gusa.


Mu minsi ishize bamaganye aba Politiciens nka Padiri ndetse na Rukokoma kuko batekerezaga ko agiye gushira hamwe amashaka.


None kubera ko byamunaniye  ubu ikigezweho ni ukumutaka nkaho ibyo yakoze atari echec. Yashatse guhuza amashaka atumira 10 none yose yaramwangiye uretse irye na ririya yahimbye
ry’Agakingirizo riyobowe na Paulin Murayi. Uretse koko INYANGARWANDA ninde wakwishimira  biriya Rukokoma yagezeho?


Uretse ko nubundi  ntacyo ibya Rukokoma byatumarira , anariyo mpamvu benshi banze no kubijyamo kuko usanga yimije imbere inda ye no kuyobora abandi ngo narangiza asabe kuganira na
Kagame. Ibyo baganiriye se nti tubizi ibyo byatuzaniye se murabiyobewe ?  Ngo ni inararibonye muli Politike, ni giki cyiza yakoreye Abanyarwanda twamwibukiraho ko ari
inararibonye ? Uretse gusenya gusa hari ikindi mumuzi ho ? Yasenye ingoma ya Habyarimana aha ingufu FPR ifata ubutegetsi, Yasenye ubwoko bwe yemeza ko bwakoze Genocide kandi azi neza ko
Abahutu bapfuye muli 1994 baruta kure Abatutsi bapfuye icyo gihe, Yashatse gusenya opposition yiha kuyitegeka igishimishije ni uko yamunaniye kuko na FDLR avuga ko akorana nayo ntimwemera, aho
gusingiza kiriya kirura mwagombye kucyamagana kikava  muli Politike kuko ntakindi gishoboye uretse kudusubiza inyuma.


Kugira ngo Kagame aveho bizasaba ko bamurasaho nta kindi, birasaba ko FDLR na RNC bishira hamwe maze bagashaka ingabo zamoko yose bagakuraho ririya shano.Naho ibigambo ni ugutesha abantu
igihe.Igihe twakoreye za manifestations murabona byaratanze uwuhe musaruro.


 


Ikazeiwacu nireke kuyobya abantu, FDLR ntawe ukeneye kuyigarurira kuko ntacyo yayimaza.Abayifite bose bayimajije iki  uretse guhora mu munyururu gusa. Hari na cellule imwe y’u Rwanda
ifite uretse gukomeza gupfira mu ma shamba Kagame agenda aroba uwo ashaka? Si ukuba mu mashamba nkintare dukeneye kandi si ibyo umuntu yashimirwa. Ibyo rero niba aribyo bishimishije ikaze
iwacu murumva abaribo. Kubera amafuti yabo na za commentaires ntibemera ko zibaho. Muzagerageze murebe. Twe dukeneye ko FDLR na RNC byashira hamwe ingufu za gisirikare bakava mu mashamba bagataha
mu gihugu bagakuraho uriya mwicanyi , maze ziriya mbwa za Ikazeiwacu zikamwara hamwe nabazikoresha. Ibyo bandika muzabirebe muzasanga byose ari amafuti gusa.  Nubona ikazeiwacu igutatse
uzagire ubwoba kuko uzaba wageze mumurongo w’imbwa.

Jean Musafiri 05/03/2014 01:57


LE  VAUTOUR INASSOUVI !!!


 


COMBIEN  DE TEMPS CONTINUERA-T-IL DE SE  REGALER DE CHAIR HUMAINE  CARCINEE PAR SES AILES INVISIBLES, TENTACULAIRES, ELECTRIFIEES
 ET MORTIFERES QUI TETANISENT MORTELLEMENT  PAR FOUDROIEMENT ET ETOUFFEMENT SA PROIE A DES MILLIERS DE KILOMETRES, COMME PAR MAGIE !!!  OH, MAUDIT VAUTOUR, AIE PITIE POUR LES
HUMAINS !!!


 


COMBIEN  DE TEMPS CONTINUERA-T-IL DE SE  REGALER DE CHAIR HUMAINE  CARCINEE PAR SES AILES INVISIBLES,
TENTACULAIRES, ELECTRIFIEES  ET MORTIFERES QUI TETANISENT MORTELLEMENT  PAR FOUDROIEMENT ET ETOUFFEMENT SA PROIE A DES MILLIERS DE KILOMETRES, COMME PAR MAGIE !!!  OH, MAUDIT
VAUTOUR, AIE PITIE POUR LES HUMAINS !!!