Rwanda: Ndemera ko nagize uruhare mu gikorwa cyo guhanura indege yarimo Perezida Juvenal Habyarimana ( Major Jean Marie Micombero)

Publié le par veritas

Perezida w’u Rwanda General Major Habyarimana Juvenal wahawe izina ry’Ikinani yishwe ku italiki ya 6 Mata 1994. Urupfu rwe rwakuruye ubwicanyi bwateye ubwoba isi yose hagati y’amoko y’abanyarwanda. Urupfu rwa Habyarimana Juvénal rufatwa nk’imbarutso ya jenoside yabaye mu Rwanda bikaba byaratumye izina rya Habyarimana Juvénal rikomeza kuvugwa mu mazina y’abakuru b’ibihugu bibukwa cyane ku isi !

 Jean-Marie-Micombero.png

Mu nimero ya 40 y’ikinyamakuru cyo mu bufaransa cyitwa « Marianne » yasohotse ku italiki ya 28 werurwe 2014, icyo kinyamakuru cyasohoyemo inyandiko yemeza ubuhamya bwatanzwe na Major Jean Marie Micombero bwemeza ko indege yari itwaye Perezida Juvénal Habyarimana yahanuwe n’izahoze ari ingabo za FPR Inkotanyi ku itegeko rwa Perezida Paul Kagame.

 

Majoro Micombero ni umwe mubahoze ari abarwanyi bafite ipeti ryo mubarwanyi bakuru ba APR, mu kwezi kwa Mata 1994 akaba yari ari mu Ngoro ishingamategeko i Kigali CND mu mutwe w’ingabo za APR zari zishinzwe kurinda abategetsi b’inzibacyuho b’uwo mutwe bari bateganyijwe kwinjira mu buyobozi busangiwe nk’uko byemezwaga n’amasezerano y’Arusha. Micombero akaba yarabwiye « Marianne » iby’ihanurwa ry’indege ya Habyarimana muri aya magambo : «nka bagenzi banjye twari kumwe mu ishami rishinzwe iperereza mu ngabo za APR-Inkotanyi, nkaba narakurikiranaga ibikorwa by’abasilikare by’inkotanyi muri icyo gihe nzi neza aho ibisasu bya misile byahanuye indege yari irimo perezida Habyarimana Juvénal byarasiwe ».

 

Ubu buhamya bwa Major Micombero bwemeza ko FPR-Inkotanyi ariyo yarashe indege yarimo perezida Habyarimana Juvénal butanzwe mu gihe kibi cyane cyo kwibuka imyaka 20 jenoside ibaye mu Rwanda ; birushijeho kuba bibi cyane kuri Kagame na FPR ayoboye bitewe ni uko ubu buhamya butanzwe n’umwe mubahoze ari abasilikare bakuru b’umutwe yari ayoboye kandi uwo musilikare akaba yarakoraga mu rwego rushinzwe iperereza rya gisilikare muri APR.

 

Major Jean Marie Micombero abaye umwe mubatangabuhamya bahagaze ku gikorwa cyo guhanura indege yari itwaye  Habyarimana Juvénal nabo bari kumwe, icyo gikorwa kibi kikaba cyarabaye imbarutso ya jenoside mu Rwanda. Micombero yari umusilikare mu kuru muri batayo ya 3 y’APR-Inkotanyi ari nayo yari muri CND i Kigali ihafite abasilikare 600 nyuma yo gusinya amasezerano y’Arusha.

 

Ku italiki ya 5/07/2013 no ku italiki ya 30/01/2014 abacamanza b’abafaransa Nathalie Poux na Marc Trévidic bakiriye Major Jean Mari Micombero abagezaho ukuri kose azi ku ihanurwa ry’indege yarimo Perezida Habyarimana w’u Rwanda, Perezida w’u Burundi Cypriano Ntaryamira ,abafaransa 3 n’abakozi bakuru b’ibihugu byombi. Igihugu cy’u Bufaransa kikaba kigomba kugeza imbere y’ubucamanza abahanuye iriya ndege bitewe n’imiryango y’abafaransa baguye muri iyo ndege, yatanze ikirego mu bucamanza bw’icyo gihugu !

 

Iyicwa rya Perezida Habyarimana ryatumye ingabo z’igihugu muri icyo gihe FAR zitsindwa urugamba , ubutegetsi bufatwa na FPR- Inkotanyi. Kubutegetsi bwa FPR Major Micombero yaburanishijwe n’urukiko rukuru rwa gisilikare rumuziza ibyaha byo kunyereza umutungo ariko Major Micombero we akaba avuga ko yaburanishijwe ku mpamvu za politiki, ko ntabyaha yakoze, Major Micombero akaba yari umuyobozi Mukuru ushinzwe umutungo muri ministeri y’ingabo. Nyuma yo kurangiza ibihano bye yahungiye mu gihugu cy’Ububiligi kuva mu kwezi kwa Kanama 2011, muri iki gihe akaba ari umwe mubayobozi bakuru ba RNC.

 

http://t0.gstatic.com/images?q=tbn:ANd9GcQrfDbsxgohMgzdA2IasFqcVCAMVrc2-3D7OF7J_XLGsr3hqumeZrbjL-5EMajor Micombero yabwiye kuburyo burambuye abacamanza ihanurwa ry’indege yarimo Habyarimana Juvénal bitegetswe na Paul Kagame. Micombero yemeza ko iyo ndege yahanuwe na Frank Nziza, Eric Nshimiyimana n’umushoferi wari ubatwaye witwa Didier Mazimpaka. Abatanze ibikoresho byo guhanura iyo ndege no gutunganya aho izahanurirwa akaba n’umuyobozi mukuru w’icyo gikorwa ni Paul Kagame,afashijwe na James Kabarebe, uwayoboraga batayo Micombero yarimo icyo gihe Charles Kayonga, James Karamba Kamugisha, silas Udahemuka n’umukozi wo mu rwego rwo hasi witwa Eric Kibonge Ntazinda.

 

Ubuhamya bwatanzwe na Major Micombere ntabwo ari bushya ariko burashimangira ubushakashatsi bwakozwe mu mwaka w’1999 na Félicien Kanyamibwa yise «Urwibutso ku iyicwa rya Perezida Habyarimana Juvénal » ; ibimenyetso bitangwa na Major Micombero birashimangira mukuri ndakuka ko Paul Kagame na FPR Inkotanyi aribo bahanuye indege yari itwaye Habyarimana Juvénal bikaba n’imbarutso ya jenoside mu Rwanda.

 

Ibidashidikanywaho ni uko Habyarimana Juvénal yifurizaga u Rwanda amahoro na demokarasi naho Paul Kagame akaba yarashakaga gufata ubutegetsi ku mbaraga kuko atinya demokarasi. Kagame akaba yarifashishije amasezerano y’Arusha kugira ngo abone uko acengera igisilikare cy’igihugu FAR muri icyo gihe kimwe n’inzego z’iperereza zakoreraga i Kigali, ari nabyo byahaye Kagame Paul uburyo bwo kwicwa Habyarimana Juvénal kugira ngo atere ubwicanyi bushingiye ku moko mu banyarwanda ; ibyo bikaba byaratumye afatwa nk’umutabazi kandi ahabwa umugisha n’amahanga yose.

 

Mugushimangira ubuhamya bwe Major Micombero yabivuze muri aya magambo : «Njyewe ubwanjye nakurikiranye ibikorwa byo kwica perezida Habyarimana w’u Rwanda na perezida Cypriano Ntaryamira w’u Burundi nabo bari kumwe bagera ku 10 barimo abafaransa 3, nkaba naragize uruhare mubyabaye » Kuba Major Micombero yishinja kugira uruhare mu rupfu rwa Habyarimana ni ikimenyetso cy’uko ibyo avuga yabihagazeho.

 

Muri iyi myaka 20 ishize ubuhamya bwinshi ndetse na raporo zinyuranye zerekanye ko Kagame Paul ariwe wakoze igikorwa cy’iterabwoba cyo guhanura indege ya gisivili, icyo gikorwa kikaba n’imbarutso ya jenoside mu Rwanda, ariko kugeza ubu ntakirakorwa. Hari iperereza ryakozwe n’umucamanza w’umufaransa Bruguière, iperereza ry’umucamanza wa Espagne, ubu hakaba harabaye amaperereza y’abacamanza Nathalie Poux na Trévidic, ayo maperereza yose nta gikorwa kigaragara cyayakurikiye. Hari ubuhamya bwa Abdu Ruzibiza witabye Imana amaze gutanga ubuhamya bwe, Jean Pierre Mugabe, Major Rudasingwa Théogène, Colonel Patrick Karegeya wishwe na Kagame mu ntangiriro z’uyu mwaka… ariko ubwo buhamya bwose ntacyo bwashoboye gusunika kuri icyo kibazo !

 

Ikibazo gikomeye abantu bakomeje kwibaza , ni ukumenya niba ubu buhamya bwa Major Jean Marie Micombero hari icyo burahindura mu gukurikirana mu butabera abagizi ba nabi bateje u Rwanda amakuba bagakora kiriya gikorwa cyo guhanura indege yarimo abaperezida 2 b’ibihugu byigenga, icyo gikorwa kikaba n’imbarutso ya jenoside !

 

Ni ukubitege amaso

 


Kanda aha usome iyi nkuru mu buryo bw'umwimerere

 

 

Ubwanditsi.

 

   

Commenter cet article

Sisiana 04/04/2014 09:47


Ukuri kugeze aharindimuka ngo kwandikwe mumateka kutazasubirwamo, maze imyaka 20nfite ingingimira mumutima kandi nyamara hari FPR itanga version y'uko byagenze inabihagazeho, ariko sinigeze nunva
nemeye iyo version yabo, namaze iyo myaka 20 nunva ntahamanya n 'umutima wanjye ko ibivugwa ari ukuri surtout que muma pages magana....na za conversations nagiye ngirana n'abasilikali ba FPR
nabonyemo ibinyoma byinshi cyaneeee, umutima ukambwira ngo ibyo wasomye byose si ukuri??? Nti se noneho ukuri kuzava hehe????? Sinigeze nunva nshaka kunva ibyava mukanwa k'abahutu kuko nunvaga
bashobora kwigiza nkana, kandi umuntu yarababonaga imyiteguro yabo n'ishyirwa mubikorwa ry'imigambi yabo!! Uyu munsi nshimishijwe nuko ndi kwemeranya na version ya opposition tutsie kubuhamya
bwabo, nunva ntashidikanya ko ibyo bavuga ari ukuri kwambaye ubusa kandi gushobora kugeza kubanyarwanda kuri reconciliation nyayo. Abakoze ibyaha mu iyicwa rubozo ry'abatutsi, n'abahutu
batijanditse mumaraso y'abatutsi barangiza nabo bakicwa nk'inyamaswa, abo bose bazahanwe sans condition aucune. Soyez neutres c'est par là que vous comprendrez ce qui s'est réellement 
passé!!! Kandi Uwiteka Imana yo mu ijuru izabibafashemo, kuko nzi neza ko biruhije kubyunva no kubyemera!!


Kate

Iseta 31/03/2014 03:41


Rwose ndashima Micombero mu gutanga ubuhamya bufatika nk'umuntu wabuhagazeho. Ariko rero ntitwirengagize ko aya makuru atanze ntawe uyayobewe, gusa imbogamizi dufite n'ibihugu by'ibihangange
ndavuga Amerika, Ubwongereza n'amashhumi yabo batuma imigambi yose yagarurira Abanyarwanda amahoro arambye bigerwaho, kubera uruhare bagize muri ariya mahano badashaka ko rugarargara. Gusa
ababishobye bakomeze batange ubuhamya bwabo cyane cyane muri iyi minsi FPR na Pol bari kwimonogoza ngo bararirira abazize jenoside, wenda igihe kizagera abagize uruhare mu rupfu rw'Abanyarwanda
umutima ubarye batange amahoro kuko kugeza ubu basa nk'aho bayagize umwihariko wabo kugeza no muri lonmi.

kiki 31/03/2014 00:21


ese nkuyu ari mubiki?bagufate bagufunge niba wiyemerera icyaha.ese abishwe za 1980 na 1990 bo indege yabaga yaguye yari iyihe.ahubwo niyo apfa arwaye ko bari kwica abatutsi kubera urwango bari
bafitiwe.indege cg gupfa kwa habyara siyo yabiteye ahubwo babonye igituma babikora ntacyo bikanga.mwikomeza gukina kubabuze ababo di.niba ubyemera fata inzira ujye lahaye witange. 

Ingabe Gile 30/03/2014 23:29


Ubuhamya bwaratanzwe kuva kera, imyaka 20 irashize; bwerekanye neza imigambi ya FPR kuva yatangira intambara kugeza ubu, FPR yashaka ubutegetsi, nako nugushaka i gihugu kuko iyo biba ubutegetsi
gusa abantu aba bafite amahoro, ihanuye indege, abanyarwanda barapfuye mu gihugu mu mashyamba ya Congo, mu bindi bihugu byose. Icyo abantu dukwiye kumenya nuko FPR itashyikirizwa ubucamanza USA
na UK batabishatse kuko ibyakozwe byose byari munungu zabo kugirango bashyikire umutungo wa congo. Isi ubu ni Jungle USA ni intare(Lion) UK ikaba Tigger, niyo mpamvu amaperereza na reports
zakozwe zibitse mu tubati, igihugu gishatse kubyutsa izo dossiers USA na UK bikireba ikijinjo, kigahita kihutira gusubiza mu kabati. Niyo mpamvu Kagame yanga nogufungura urubuga rwa Polotike,
ikimodoka atwaye ubu akinjijemo abandi bantu byaba bipfuye, kuko ibyaha bye byacya kumugaragaro, bikaba ngombwako USA umutanga kandi itararangiza gusarura muri RDC.


Mu bonako yabaye ruvumwa hose, ariko ibihugu biracyamutumira kugira intare ibirebe neza.

Ingabe Gile 30/03/2014 23:00


Azashyikirizwa ubutabera cg yicwe na USA igihe inyungu za USA na UK zizaba zitakimukenye, bazamwiyicira cg bamutange

Jean Musafiri 30/03/2014 19:51



IBYO MAJOR JEAN MARIE MICOMBERO YAVUZE KW’IYICWA RYA BA PEREZIDA JUVENAL HAYARIMANA NA CYPRIEN NTARYAMIRA NTA GISHYA KIRIMO. NI INKURU
ISHAJE. UBAHAMYA BWINSHI BUFITE IBIMENYETSO SIMUSIGA  BWAGARAGAJE KO BISHWE NA FPR KW’ITEGEKO RYA PAUL KAGAME. AHUBWO IKIBAZO KITUMVIKANA: NI KUKI
IMYAKA20 ISHIZE, PRESIDENT PAUL KAGAME N’ABICANYI BA FPR BADAFATWA NGO BASHYIKIRIZWE UBUTABERA MPUZAMAHANGA ???