Rwanda: Mushikiwabo si ukuyicuranga yayiciye umurya ! Ngo mu gihe ibihugu bikiturata sheke (checkbook/chequier) mu maso, ntidushobora kureshya!

Publié le par veritas

Mushikiwabo-copie-2.pngNdlr: Mushikiwabo arimo yivugira ifaranga gusa ariko ibihugu bimwe bitangiye gutekereza ibindi bihano kandi bigafatwa n'akanama gashinzwe amahoro ku isi aho gufatwa na buri gihugu nk'uko igihugu cy'Ubufaransa cyagejeje icyo cyifuzo kuri ako kanama ka ONU !Kuri uyu wa Gatandatu Minisitiri w’Ububanyi n’Amahanga w’u Rwanda Louise Mushikiwabo yashinje ibihugu byo mu Burengerazuba bw’isi (western countries) kwifashisha inkunga bitanga bigafata ibihugu by’Afurika nk’abana b’ibitambambuga. Ibi yabitangaje mu gitondo cyo kuri uyu wa Gatandatu ubwo yari mu kiganiro nyunguranabitekerezo Mindspeak gitegurwa na AlyKhan Satchu cyabereye muri HotelIntercontinental I Nairobi muri Kenya.

 

Muri iki kiganiro cyamaze amasaha atatu, mu ngingo zibanzweho cyane harimo irebana n’ihagarikwa ry’inkunga bimwe mu bihugu bikize byahaga u Rwanda birimo Leta Zunze Ubumwe z’Amerika, u Budage, u Buholandi, n’u Bwongereza, hagendewe kuri raporo ya Loni ishinja u Rwanda kuba rutera inkunga umutwe w’inyeshyamba za M23 zirwanira mu Burasirazuba bwa Congo Kinshasa. Mushikiwabo mu bisobanuro yatanze ashize amanga kuri iki kibazo, yagize ati “Uyu mubano usa n’uba hagati y’umubyeyi n’umwana ukwiye kurangira…hakwiye kubaho ubwubahane.”

 

Yakomeje agira ati “Mu gihe ibihugu bikiturata sheke (checkbook/chequier) mu maso, ntidushobora kureshya.” Aha yakomeje avuga ko ibihugu by’Afurika bikwiye kurushaho gukorana umwete kugirango biteze imbere ubukungu bwabyo, bityo bikarekera kubeshwaho n’inkunga. Ingengo y’imari y’u Rwanda kuri ubu iterwa inkunga n’ibihugu bikize iri hejuru gato ya 40%. Minisitiri w’Ububanyi n’Amahanga yavuze ko kuri ubu hakiri kare kugirango hagire ikivugwa ku ngaruka iri hagarikwa ry’inkunga rishobora kugira kuri guverinoma y’u Rwanda mu rugamba irimo rw’iterambere. Yagize ati : “Twabayeho mu bihe bibi birenze kuba twakwimwa amadolari.”

 

Mushikiwabo yashinje umuryango mpuzamahanga gushaka gushyira ibibazo byose bibera mu Burasirazuba bwa Congo ku mutwe w’u Rwanda. Yagize ati “Mwivanga u Rwanda mu bibazo bya Congo. Ntibitureba.” Raporo ya Loni ivuga u Rwanda rwateye inkunga y’intwaro ndetse n’ibikoresho by’itumanaho inyeshyamba za M23 ; kuri iki kibazo Minisitiri yasobanuye ko ubwoko bw’intwaro bugaragara muri iyo raporo hashize igihe kitari gito u Rwanda butakibukoresha cyangwa ngo bubutunge. Aha yanavuze kandi ko ibikoresho by’itumanaho bivugwa muri raporo nabyo hashize igihe kinini bitagikoreshwa n’igisirikare kigezweho nk’icy’u Rwanda, ibi bivuga ko nta kuntu u Rwanda rwatanga ibikoresho narwo rutagira.

 

Minisitiri Mushikiwabo yavuze ko ibirebana n’umutwe wa gisirikare uzaba udafite aho ubogamiye uzashyirwa hafi y’umupaka w’u Rwanda na Congo bizigirwa mu nama ya ba minisitiri b’ingabo bo mu karere k’ibiyaga bigari mu minsi itatu iri imbere.

 

 

Source : Igihe.com

 


Commenter cet article

Pacis 30/07/2012 16:29


Ugize ngo iki? Ngo Kagame yisunga abatavuga rumwe na we! Ubu aho ibintu bigeze ntidushobora kwemera kuvugana na we, yewe ntitukifuza no kumureba mu maso! Igihe gishize tumwinginga kirahagije.
Icyo we n'agatsiko ke bakwiriye kandi bashigaje ni ugutabwa muri yombi no kugezwa imbere y'inkiko gusa.

Ndarama Jean Claude 29/07/2012 22:41


Arikose nkuyu mukarasi wagira ngo aheruka kwitera irizi umwaka ushize, arasamba atera imigeri itagifite agatege ashaka iki ? Dore mbese iyo sura ! Agashitani gusa kagiye kwicwa na sida ! Ariko
rubanda rurashobora koko nkumugabo watinyutse kunyegera aka gakendekazi ! Ahaaa ! Ariko nubundi ubusanzwe ngo inyenzi ngo zenda inka zabo da ! Naba nazo ! Ibibi birarutanwa !

Kagina 29/07/2012 11:22


Iri hagarikwa ry’imfashanyo kandi rikaba
ryahangayikishije cyane leta ya Kigali yabanje kwihagararaho ikemeza ko amadorari ibihumbi 200 yahagaritswe n’abanyamerika ari ubusa kuri yo ariko yibagirwa ko ibihugu byinshi biyiha imfashanyo
hafi ya byose bikorera hamwe. Ubu noneho ikibazo kikaba cyabaye insobe ku buryo u Rwanda ngo rushobora kuzagira ingorane zo kubonera abakozi bose imishahara yabo y’ukwezi kwa Nyakanga 2012 dore
ko ari nako kwezi kwa mbere kujyanye n’intangiriro y’ingengo y’imari ya 2012-2013. Ngo n’iyo yaboneka kandi ngo byagorana kubona ay’amezi akurikiyeho. Abazi ibya politiki bemeza ko Kagame
ashobora kuba asigaranye amahirwe make cyane yo kuguma ku butegetsi dore ko amakuru amwe anavuga ko yari yarahawe  na Amerika igihe cyo kwitegura kuva ku butegetsi ndetse
anemererwa ubuhungiro muri Amerika hamwe n’umuryango we ariko icyo gihe kigeze yavuniye ibiti mu matwi ahubwo ahiramo kwigira muri Kongo none nabyo ntibimuhiriye. Ababikurikiranira hafi banemeza
ko Kagame asigaranye amahirwe amwe gusa yo kwisunga abatavuga rumwe n’ubutegetsi bwe ariko nanone iyi nzira ngo iragoye cyane kuko ngo amazi ashobora kuba yararenze inkombe dore ko bamwe yabishe
abandi akabafunga.