Rwanda : Madame Victoire Ingabire yasabiwe igihano cyo gufungwa burundu !

Publié le par veritas

023 IngabireAmakuru dukesha Televiziyo mpuzamahanga y'abafaransa TF1 News aremeza ko uyu munsi kuwa gatatu taliki ya 25/04/2012 , Ubushinjacyaha bw'u Rwanda bwasabiye Madame Victoire Ingabire igihano cyo gufungwa ubuzima bwe bwose (Burundu); ibyo bikaba byakorewe imbere y'abacamanza b'urukiko rwa Kigali ,Madame Victoire Ingabire n'abamwunganira ntabwo bari muri urwo rukiko.

 

Madame Victoire Ingabire akaba ashinjwa n'ubutegetsi bwa Kagame Paul ibyaha by'iterabwoba n'ingengabitekerezo ya jenoside nk'uko bitangazwa n'ibiro ntaramakuru bya AFP. Umushinjacyaha Mukuru wungirije Bwana Alphonse Hitayezu ari imbere y'abacamanza yagize ati :"Turasabira Madame Victoire Ingabire igihano cyo gufungwa burundu"!

 

Madame Victoire Ingabire akaba ari umunyapolitike utavuga rumwe n'ubutegetsi bwa Kagame akaba n'umuyobozi w'ishyaka rya FDU, akaba yarabaga mu gihugu cy'Ubuholandi , akaba yaraje mu Rwanda ashaka kwiyamamariza kuba Perezida wa Repubulika mu matora yari ateganyijwe mu mwaka w'2010, mbere y'ayo matora yaje gufungwa na Kagame amushinja iterabwoba n'ingengabitekerezo ya jenoside ! Yashakiwe abamushinja ibinyoma , biba ngombwa ko Madame Victoire Ingabire yikura muri urwo rubanza kuko yari amaze kubona ko adashobora guhabwa ubutabera buboneye n'inkiko z'u Rwanda zitigenga.

Urubanza rwe rwatangiye mu kwezi kwa Nzeri 2011 , nyuma yo gusabirwa igifungo cya burundu n'ubushinjacyaha uyu munsi , hateganyijwe ko urukiko ruzatanga umwanzuro wa nyuma ku italiki ya 29 z'ukwei kwa gatandatu 2012.

 

Ubwanditsi bwa VERITASINFO 

 

 

 

Commenter cet article