Rwanda: Loni ntishaka gufunga TPIR nka Gacaca !

Publié le par veritas

TPIR.pngKu italiki ya 30/06/2012 akanama ka Loni gashinzwe umutekano ku isi kemeje nta mpaka (unanimité) iyongerwa rya manda y’imirimo y’urukiko mpuzamahanga TPIR ku Rwanda ruri Arusha (Tanzaniya) rwagombaga kurangiza imirimo yarwo ku italiki ya 30/06/2012, urwo rukiko rukaba ruzakomeza imirimo yarwo kugeza ku italiki ya 31/12/214. Akanama gashinzwe umutekano ku isi kasanze TPIR itararangiza imirimo yayo kuko : yaciye imanza zijyanye na jenoside ariko urwo rukiko rukaba rutarakurikiranye ibyaha byakozwe mu ntambara kandi biri mu nshingano (manda) zarwo. Ni muri urwo rwego akanama k’umuryango w’abibumbye gashinzwe amahoro ku isi kongereye manda y’abacamanza 4 b’inararibonye bo muri TPIR kugeza ku italiki 31/12/2014 kugirango barangize neza izo nshingano zahawe TPIR muri icyo gihe cyongereweho.

 

Abantu benshi banyuranye basanga TPIR itaragera kunshingano zayo kuko yaburanishije igice kimwe (cya tsinzwe) cy’abanyarwanda bo mu bwoko bw’abahutu, ikirengagiza ikindi gice cy’abanyarwanda b’ababatutsi bibumbiye mu mutwe w’inkotanyi cyashoje intambara ku Rwanda, kigakora ibyaha byinshi by’intambara harimo no gushoza (provoquer) jenoside mu gihe cyakoraga igikorwa k’iterabwoba cyo guhanura indege yarimo abakuru b’ibihugu 2 Habyariama Juvenal (Rwanda) na Ntaryamira Cypriano (Burundi). Kutaburanisha umuntu n’umwe wo mu ngabo za FPR - Inkotanyi byaba bisize icyuho gikomeye mu bwiyunge bw’abanyarwanda ni igisebo gikomeye ku muryango w’abibumbye. Uru rukiko rwa TPIR rutwara umuryango wa bibumbye amafaranga menshi cyane, abayobozi b’u Rwanda bifuza ko uru rukiko rwafunga vuba cyane kuko batinya ko amaherezo bazagerwaho nabo bakaburanishwa , none rwongerewe indi myaka 2, twizere  ko hari ikizahinduka naho ubundi rwazafunga imiryango rusize inkuru imusozi nka Gacaca !

 

Umanika agati wicaye…

Kimwe mu bimenyetso kigaragaza ko TPIR itararangiza akazi kayo ni nkaya makuru y’ikirego tugezwaho na Rutayisire Bonifasi, nimwisomere uko abitubwira :

Ndamenyesha abanyarwanda n’abanyamahanga ko ndangije gahunda ndende  nari mazemo iminsi yo gutanga ikirego kuri International Criminal Tribunal for Rwanda (ICTR). Ikirego maze gutanga nkaba nkiregamo FPR, Kagame Paul na gouvernement iyobowe na FPR guhera 1994 hamwe n’abasirikare ba FPR. Uyu munsi tariki ya 29/06/2012 maze guhabwa n’inzego zibishinzwe ikimenyetso cyanditse kandi gisinye kigaragaza ko ikirego cyakiriwe cyageze mu ntoki z’urukiko.

 

Muri bimwe mubigize icyo kirego harimo ibi bikurikira :

«Nk’umuntu wabaye victime kumpande zombi (genocide hutu na tutsi)  kandi nkaba nkomoka mumuryango mugari  wagize abavictimes benshi, Nk’umuntu uhagarariye amashyirahamwe y’abavictimes Hutus, Tutsis n’abandi  ryitwa « comité Intarnational pour les Victimes de la Haine Ethnique Massacre et Genocide  na TUBEHO TWESE ASBL.

 

Ntanze ikirego ndegamo RPF na Kagame Paul n’igisirikare cya FPR. Ndarega kandi gouvenement y’u Rwanda iyobowe na FPR guhera  1994. Abo bose ndabarega kuba barakoze jenocide hutu na genocide tutsi muri 1994.  Mu kwezi kwa munani 1994 nari umwe mubayobozi bakuru muri société yigenga yitwa SULFO RWANDA INDUSTRIES, nari umukuru wa Service Généraux et Contentieux.  Mu izina rya Perezida w’association y’abakomoka muri Aziya baba  mu Rwanda, perezida wayo  akaba yari na directeur general wa Sulfo Rwanda Industries, muri 1994 nashinzwe no kumuhagararira  mukugerageza kugaruza ibintu by’abanyaziya  byari byarabohojwe  n’abantu kugiti cyabo hamwe  n’inzegobwite za leta y’u Rwanda hamwe n’iz’igisirikare cya FPR  hirya no hino.

 

Ni muri urwo rwego, nitwaje urupapuro rw’ubutumwa (ordre de mission) bw’akazi nakoraga muri Sulfo Rwanda Industries, nagiye i Gakenke (nk’uko kera hitwaga)  mukwezi kwa munani 1994 ngamije kugaruza ikamyo citerne ( ni ukuvuga ikamyo itwara ibintu bitemba) ya Sulfo Rwanda Industries yari yarabohojwe n’ingabo za FPR ndetse bakaba bari baranayisize n’amarangi yijimye ya gisirikare.  Ngeze i Gakenke, umukuru w’ikigo cy’abasirikare ba FPR  ari nawe wari umukuru w’ingabo muri ako karere kose yabajije abamukuriye barimo Ministiri w’Ingabo n’abandi bamukuriye, arangije ansubiza ko adashobora gutanga iyo kamyo kuko ngo yakoreshwaga  akagazi gakomeye cyane kandi kadashobora guhagarikwa ko guherekeza andi makamyo yuzuye impunzi z’abahutu bazijyana iwabo.  Muri izo mpunzi zari zikambitse i Gakenke n’ahandi, naje kubona amakuru nyuma asobanura ko  iyo migirire yo kubeshya impunzi bakazipakira,  hamwe no kubwirana hagati yabo ko izo mpunzi  bazipakiye bazijyana iwabo, ari  code yakoreshwaga kubahutu bapakiwe amakamyo bagiye kwicwa na FPR bakanatwikwa harimo n’abatwikwaga ari bazima.

 

Muri ubwo bwicanyi bwakozwe na FPR bwo gupakira abantu babajyana gutwikwa,  hamwe no kubasunikira mumashyamba  uje atataba yivuza cyangwa aje guhaha kumasoko  akicwa hamwe no kubicira aho babasanze cyangwa bamaze kubarunda muri za camp de transit nk’uko byakorerwaga Abayahudi, nahatakarije abantu benshi bo mumuryango wanjye. Kubireba genocide Tutsi nayo, bamwe mubatutsi batsembwe  n’abandi batutsi bo mungabo za FPR.  Abandi batutsi bo muri FPR  babaye mubateguye genocide tutsi na genocide Hutu .  Na none kandi bisabwe na FPR, bamwe mubatutsi ba RPF bagiye kubuza ONU guhurura abatutsi bicwaga mu Rwanda kugirango genocide Tutsi idashobora kuba yahagarikwa itabaye.

 

Ndasaba ko urukiko rwahamagaza ba Kayumba Nyamwasa, Colonel Twahirwa Dodo, Gerard Gahima, Théogène Rudasingwa, Faustin Twagiramungu, Karegeya, Musangamfura Sixbert, Furuma Alphonse n’abandi banyamuryango ba RPF hamwe n’abayoboye leta ya FPR tutibagiwe n’ababaye abakuru mugirikare cya RPF n’abandi.  Abo bose ndasaba ko bahamagazwa kugirango batange ibisobanuro kubintu bazi byose kubwicanyi bwa FPR. Kuri iki kirego nometseho izindi nyandiko nyinshi zigaragaza ibimenyetso kubyaha byakozwe na RPF mu Rwanda »

 

 

Bitangarijwe muri Hotel Novotel , Den Haag tariki ya 29/06/2012

RUTAYISIRE Boniface 

 


President w’association  y’abavictimes Hutus na Tutsis n’abandi “ TUBEHO TWESE ASBL “ na COMITE INTERNATIONAL POUR LES VICTIMES DE LA HAINE ETHNIQUE MASSACRES ET GENOCIDE akaba na  President w’ishyaka  BANYARWANDA

Tel (32) 488250305  Email : infotubeho  yahoo.fr

 

 

Ubwanditsi bwa veritasinfo


 

 

Commenter cet article

Bikino 03/07/2012 17:21


Bwana Rutayisire, Veritas n' abandi bitangira amahoro mwese;

Nagira ngo mbashimire cyane umwete n' umurava mukorana mwifuza ko ubwiyunge bw' abanyarwanda
bugerweho koko. Ibi byose bizagerwaho, ari uko TPIR iciriye imanza inkoramaraso zose, ntawe ushyizwe inyuma, nta kurengera, kuko nibwo buryo bwonyine buzatuma inkovu z' abanyarwanda zongera
komorwa. Maze gusoma inyandiko yerekeye ikirego cya Bwana Rutayisire Bonifasi, nari hanze mu gice cya Australie, numva ngaruye agatima n' icyizere, ko nibura abacu nabo bahohotewe bazagera aho
bakibukwa.

Muri urwo rugendo narimo, nibonaniye n' abasilikali ba Australia, bari mu Rwanda muri biriya bihe
by'amage, dore ko bamwe batagisinzira kubera ibibi, amahano bahaboneye. Negereye umwe, arambwira ati: " Abahutu bararegwa nibyo, ariko nkubwiye ibyo niboneye n' amaso yanjye mu Rwanda, byakozwe
na FPR n' ingabo zayo, ni agahomamunwa". Nagerageje kumubaza niba abifitiye gihamya(amashusho simusiga abigaragaza), ambwira ko yayabitse aho imvura itagwa, kandi ko atazava kuri iyi si
atayerekanye yose mu nzego zibishinzwe, ngo zifate umwanzuro ukuri kugaragare.

Yunzemo, anyereka amwe, yerecyeranye n' amafoto y' ibimodoka bya Gisilikali bya FPR, byatundaga
imirambo y' abahutu ziyijyana muri Uganda, hafi y' ikirunga cya Muhabura, ahantu hitwa Namuremure(grotte) Arongera koko anyereka andi yerekana uko batwikaga imirambo y' abahutu(iyo ni FPR)
ikajyanwa mu Kagera, bitwikiriye ijoro; ndumirwa. Yanyeretse n'agace kamwe ka Vidéo igaragaza ukuntu abahutu biciwe i Kibeho, amafoto agaragaza neza abasilikali ba FPR barasa ku basivili,
batagira kirengera, bagwirirana nk' udushwilili.

Icyanshavuje cyane, ni amafoto yanyeretse, yerekana ukuntu Musenyeli Phocas Nikwigize yari apfukamye
muri Kaburimbo, mu mvura y' amahindu, ikanzu ye yera abasilikali ba FPR bayishwanyaguje(en haillot), avirirana amaraso umubiri wose, bo bisekera cyane banywa Byeli bishimye cyane; mbere yuko
bamukuramo ubwonko, agahinda karandundura.

Yageze ahantu bita Cyondo ha Byumba, ndebye amafoto y' abagore n' abagabo babambwe izuba riva, amara
bayakuruye aziritse ku biti, yasohotse mu nda, basamba, ubona bagitera akuka, umutima wanjye ushaka guhagarara. Yanyeretse byisnhi cyane bitarondorwa hano, ndumirwa, ambwira ko atagisinzira
kubera amahano yabonye, kandi ko nubwo afata thérapie, bitazamubuza kubishyikiriza ubucamanza no kujya gushinja ayo mahano, we n' abagenzi be, imbere y' inkiko zibishinzwe.

Yakomeje ambwira ibyo yiboneye mu Karere k' Umurera, ukurikije uko abibara, kandi afitiye gihamya,
ahazi neza, cellule ku yindi, uko abantu bagiye bicwa na FPR abyibonera nk' indorerezi, arumirwa. Gusa ikibazo yibaza ni ukumenya impamvu amahanga yose abizi,afite amashusho yabyo, agahuma amaso,
kandi amaraso y' abantu bose atukura. Yarangije ambwira ati:" Kwitwa umuhutu muri ruriya rwanda, nyuma ya 1994, birenze ukwemera". Twizere ko noneho amahanga atangiye kumenya aho ukuri
guherereye, agakiranura abarengana bose, nta manyanga yihishe inyuma.

Nkaba nshimira cyane abantu bose bafashe iya mbere ngo aba victimes bose barenganurwe, binyuze mu
buryo bunoze, nta kwihorera, mu kuri kandi abiciwe bose bakabona impozamalira yuzuye. Niyo ntandaro yonyine izatuma abanyarwanda basubirana ubumuntu, urukundo, icyizere cyo kubaho, kubana mu
mahoro. Mukomereze aho, intambara niho igitangira bana b' IMANA, kandi ntimukagire ubwoba bwo kurengera ikiremwa-muntu icyaricyo cyose, kuko kubaho kuri iyi si yacu, ukayivaho nk' imbwa, ntacyo
umariye abandi
uba witwa cya Kinyoni kigenda kitavuze, no mu ijuru ntiwazaharonka umwanya
ndakurahiye.
Uhishira umurozi, akakumaraho abana. Niba uri ibuye , uzahirime, niba uri umuyaga, uzahuhe bigire
inzira. Mukomereze aho bana b' urwanda, kandi muharanire ubwiyunge bwa bose, abishwe bose bahabwe icyubahiro gikwiye.

Imana ibalinde