Rwanda: Kubera itotezwa riri mu Rwanda, FDLR itangiye kwakira impunzi zivuye mu Rwanda! ONU byayibanye ikibazo !

Publié le par veritas

Village-des-refugies-rwanda-copie-2.PNGPaul Kagame akomeje ihohotera ry’abaturage mu gihugu cyose, muri iri joro ryakeye ryo kuwa 17/04/2014 hafashwe abanyamakuru babiri aribo : Gatera Stanley w’ikinyamakuru « UMUSINGI » na John Ntwari Williams w’ikinyamakuru gisohokera kuri internet kitwa « IREME.NET . Ejo tariki ya 16 mata 2014 nibwo John Ntwari Williams yasohoye itangazo avuga ko ikinyamakuru cye cyashimuswe n’abantu atazi, abo bagishimuse bakajya bandikaho inyandiko zisesereza Paul Kagame, icyaje kugaragara ni uko icyo kinyamakuru cyashimuswe n’urwego rushinzwe iperereza rwa Paul Kagame rwitwa DMI kugira ngo rwandikeho inyandiko ruzarega nyirikinyamakuru.  

 

Kuva ku italiki ya 4 mata 2014 ubwo Kizito Mihingo yafatwaga hamaze gufungwa abantu barenga 200 kandi abandi benshi bari gushakishwa. Abantu bibasiwe ni urubyiruko rwize rugizwe n’abahanzi ndetse n’abanyamakuru n’abayobozi b’inzego z’ibanze, abamaze kumenyekana mu rwego rw’igihugu ni aba bakurikira naho abandi bari kuburirwa irengero :


1.Kizito Mihigo : Umuhanzi akaba n’umuririmbyi

2.Cassien Ntamuhanga : Umuyobozi akaba n’umunyamakuru wa radiyo Amazing Grace

3.Jean Dukuzumuremyi : Wahoze mu ngabo

4.Madame Niyibizi Agnès : wikorera ku giti cye

5.Nsengimana Alfred : Umunyamabanga Nshingwabikorwa wa Gashaki/Musanze

6.Ndahiro Amiel : Umunyamabanga Nshingwabikorwa wa Muko/Musanze

7.Gatera Stanley : Umunyamakuru w’ikinyamakuru « Umusingi »

8.Ntwari Williams: Umunyamakuru w’ikinyamakuru kuri internet “ireme.net”

9.Gérard Niyomugabo: Umwanditsi w’ibitabo akaba n’umuyamakuru wa Contact FM, waburiwe irengero akaba ashakishwa!

 

Itotezwa ry’abanyarwanda ntabwo ritunguranye kuko Kagame Paul ubwe yabyibwiriye ingabo ze n’abapolisi mu itangazo yazigejejeho azifuriza umwaka mushya w’2014 ryasohotse mu binyamakuru ku italiki ya 28/12/2013. Paul Kagame yagize ati :«Umwaka wa 2014 uzazana ibyiza byinshi n’ingorane nyinshi. Uko biri kose, tuzahura n’ibigoye byinshi n’ibiduhungabanya, ariko ndizera ko hamwe n’umurava wacu, inararibonye no kudacika intege, tuzatsinda. Uretse no kuba tuzakira izo ngorane ; gukorera hamwe no gukunda igihugu n’ubushake, tuzagera no ku bikomeye, haba ku Rwanda ndetse no ku batuye Isi bose muri rusange.»

 

http://uburenganzira.com/wp-content/uploads/2012/10/Female-police-officers-prepare.pngBamwe mubagize urwego rw’iperereza mu Rwanda bemeza ko nyuma y’itsindwa ry’umutwe wa M23 Paul Kagame yafashe ingamba zo gukubura mu mbere y’ubutegetsi bwe kuko ariho yasanze hari abanzi bakomeye ko kandi ntacyo azageraho atabanje kubikiza. Itsindwa rya M23 Paul Kagame arishyira ku byitso by’abatutsi bari mu butegetsi bwe bohereza amabanga abatutsi bari hanze ba murwanya. Paul Kagame rero yasanze ntacyo yageraho mu gihe abatutsi bari imbere mu gihugu badashyizwe mu mwanya wabo bagaca bugufi kandi bakumva ko bagomba kumuramya kurusha abahutu bo mu majyaruguru y’u Rwanda yahinduye inkomamashyi ! Amakuru y’urugamba yose yagezwaga kuri Patrick Karegeya ayahawe n’abatutsi b’imbere mu ngoma ya Kagame nawe akayageza ku ngabo z’Afurika y’epfo na Tanzaniya ziri muri Congo, maze M23 barayihashya bikomeye bituma hafatwa n’ububiko bw’intwaro za Kagame  yahunitse mu gihe cy’imyaka 20 yose!

 

Paul Kagame kandi yamaze kwishyira mu mutwe ko azava ku butegetsi yishwe n’abatutsi yagabiye byose akaba ariyo mpamvu abo batutsi bagomba gucishwa bugufi, birumvikana ko abahutu yica bo batakivugwa! Kugira ngo ashobore kuzaguma kubutegetsi nta muntu numwe ushyize agatoki hejuru hafashwe ingamba zo gushyira icyoba mu ngabo za RPF ubu zitagifite akazi ko gukora kuko zirukanywe muri Congo kandi ibyo kuzitunga bikaba bigiye kugabanuka kuko umutungo asahura muri Congo wagabanutse cyane, Paul Kagame yiyemeje gukora politiki y’iterabwoba, ikaba ipanze mu byiciro 3 kandi byose bikazaba byagiye mu buryo mu mpera z’uyu mwaka w’2014!

 

Iyo gahunda ipanze kuburyo bukurikira:

 

1.Gucecekesha urubyiruko rwize rw’abatutsi rwishyize mu mutwe ko ntacyo rwishinja bityo rukaba ruvuga rikijyana. Urwo rubyiruko rugomba guhimbirwa icyaha cyo kwica umukuru w’igihugu rwifashishije RNC. Nubwo bizwi ko ntaho RNC ihuriye na FDLR, hagomba gukoreshwa imbaraga nyinshi muri Propagande abanyarwanda n’abanyamahanga bakumvishwa ko RNC ikorana na FDLR !

 

2.Hateganyijwe kuzakurikizaho abayobozi bakekwaho kubangamira igikorwa cyo guhindura itegeko nshinga kugira ngo Paul Kagame agume kubutegetsi.  Aba bayobozi bazashinjwa icyaha cyo gusabota politiki ya leta  bakora nabi kugira ngo bangishe leta  abaturage , akaba ari nabo badindiza gahunda y’ibikorwa bya  leta. Urutonde rw’abayobozi bazaherwaho rwakorewe mu mwiherero uheruka w’abayobozi bose b’igihugu wabereye i Gabiro, ari nawo mwiherero ministre w’intebe yashinjemo abayobozi bose ko bakoze nabi uretse perezida wa repubulika !!

 

3.Hazaheruka abasilikare bazaba bakunzwe mu ngabo za Kagame kugira ngo hatazagira utera hejuru avuga ko ingabo na polisi bifashwe nabi bakaba batinyuka gukora igikorwa cyo guhirika leta! Ibyo bizatuma abasilikare badakoma n’ubwo bazaba babayeho nabi. Abo basilikare bazashinjwa icyaha cyo gukorana n’abanzi b’igihugu bari hanze. Amazina menshi y’abo basilikare ubu yarangije gukorerwa urutonde. Amwe yavuye muri telephone ya Nyakwigendera Patrick Karegeya, andi yavuye mu mashini ya Kayumba Nyamwasa (I pad) bibye ubwo bari bamugabyeho igitero iwo mu rugo muri Afurika y’epfo, iyo mashini y’itumanaho igatoragurwa n’abashinzwe iperereza mubikapu by’ambasade y’u Rwanda muri Afurika y’epfo (valise diplomatique) andi mazina ni ayafashwe muri telefoni z’abayoboke ba PS Imberakuri bashimutiwe muri Uganda na DMI ya Kagame,kimwe n’amazina basanze muri tlefoni ya liyetena Mutabazi na bagenzi be bafatiwe muri Uganda, abo basilikare bose bazafatwa nko guhumbywa kandi abenshi bazicwa mu ibanga rya gisilikare!

 

Muri iyi minsi igikorwa cyo gukubura mu mbere y’ubutegetsi bwa Kagame cyatangiye, ubu Kagame ntakigaragara cyane, nta numuntu ashaka ko bavugana kugirango hatagira abatutsi b’ibikomerezwa bo muri FPR baza kumusaba kugira impuhwe ngo ace inkoni izamba! Amakuru menshi aremeza ko ubwoba bwatashye ibyo bikomerezwa akaba ariyo mpamvu biri kuvuga amagambo y’amangambure ku maradiyo kugira ngo ntibizagerweho vuba; abo ubwoba bwishe cyane ni Ministre Protais Mitali ushinja Kizito Mihigo kuba umwanzi w’igihugu kandi icyaha kitaramuhama, ndetse kuko azi neza ko amazina ye ari ku rutonde rw’abohereza amabanga hanze akaba arimo yitanguranywa avuga ko yakoranaga nabo atabizi!

 

Undi ubwoba bugiye kwica ni umuyobozi wa Radiyo Rwanda Habimana Aldo wafashe icyemezo cyo guca ibihangano bya Kizito Mihigo kuri radiyo kugira ngo ashimishe Kagame bityo arebe ko izina rye ryakurwa kurutonde rw’abakorana na RNC, twizere ko aba bombi badahungira muri FDLR dore ko ariho ubuhungiro busigaye!

 

Ingaruka zo guhohotera abanyarwanda zatangiye kugera mu bihugu bihana umupaka n’u Rwanda!

 

http://img.over-blog.com/630x474/4/07/34/76/nov-2013/Rutsiro.pngAbanyarwanda benshi bagizwe ahanini n’urubyiruko rw’abatutsi batangiye guhungira mu bihugu bihana umupaka n’u Rwanda bitewe n’uko bari guhigwa ariko abari guhungira mu gihugu cya Uganda ubu bari kurigiswa bagasubizwa mu Rwanda! Abahutu bari kwicwa naho abatutsi imiryango yabo yamenye ko bafashwe bagatabaza bari kujya gufungirwa ku Mulindi mu Rwanda. Amakuru veritasinfo ifite ni uko abantu benshi babanyarwanda bari muri Uganda bari kurigiswa n’inzego za DMI za Kagame ziri mu gihugu cya Uganda, mbese bimeze nkaho Uganda yabaye intara y’u Rwanda!

 

Ubu urubyiruko rwinshi rutangiye guhungira mu gihugu cya Congo kuburyo byatangiye gutera ONU impungenge ndetse amakuru menshi akaba avuga ko ubu muri FDLR hari guhungira abanyarwanda benshi bavuye mu Rwanda, nyuma y’imyaka 20 jenoside ibaye mu Rwanda, urubyiruko rw’abatutsi rwatangiye guhungira muri FDLR, ibyo bikaba bivuguruza propaganda ya Kagame n’agatsiko ke ivuga ko FDLR ifite umugambi wo kurimbura abatutsi! ONU ikaba itangiye kwibaza uburyo noneho yafata gahunda zo kurwanya FDLR kandi ariyo yabaye ubuhungiro bw’abanyarwanda bari gutotezwa n’ubutegetsi bwa Paul Kagame !

 

Ingaruka mu karere z’ubutegetsi bwa Kagame zikomeje kwiyongera kuburyo bisaba ko amahanga ashaka igisubizo cya buriya butegetsi cyangwa se ibihugu byo mu karere bikareba icyakorwa kugira ngo mu Rwanda habe umutekano, abaturage b’ibihugu byabo nabo bashobore kugira amahoro. ONu imaze kubona ko utahatira FDLR gutaha mu Rwanda kandi abaturage mu Rwanda bari gutotezwa bahorwa ko ari abayoboke ba FDLR cyangwa se baketswe kuvugana nayo gusa!

 

Kanda aha wumve uko abanyarwanda bari muri Congo bari kwakira impunzi zivuye mu Rwanda “France 24”!

 

 

Ubwanditsi 

 

Commenter cet article

Iseta 18/04/2014 04:07


Mbonye amakuru, atantunguye na gato, ko M23,Urwanda n'Ubugande bagiye gushoza intambara muri Kongo mu kanya gato. Umwanditsi w'iyo nkuru arabaz ati ese tuzakomeza turebeere ngo turindiriye
imishyikirano? Icyo ni ikibazo buri muntu akwiye kwibaza, kuko nk'uko nigeze kubiganiraho n'umwe mu barwanya leta iri i Kigali, Kagame ntashaka amagambo gusa, n'umuhumetso w'amabombe arawukunda.
Igihe cyarageze ngo abamurwanya bashinge igisirikare, naho iby'amagambo bizaze nyuma. None twibagiwe ko na we atabanje gusaba imishyikirano mbere yo gushoza intambara?Twibagiwe se ko hari
komisiyo irimo impunzi z'abatutsi yagombaga kujya mu Rwanda kureba uburyo impunzi zitahutse zizatuzwa bakayiburizamo bashoza intambara? None se imishyikirano ntiyemejwe n'intambara n'ubwo
nyuma yayo yirengagije ibyari biyikubiyemo agahitamo kurimbura abantu ahereye ku bo NGO yarwanirrraga?!!


Banyarwanda, ihene ifatwa igihebeba.