Rwanda: Inzego na Komite shya y'ishyaka PDP-Imanzi, Mushayidi Déo yakomeje kugirirwa ikizere cyo kuyobora ishyaka n'ubwo afunze!

Publié le par veritas

http://4.bp.blogspot.com/-w81EpVTy8JY/TWELjTqNBuI/AAAAAAAAHeo/AbrkWjjmzzM/s1600/Mushayidi.jpgKu cyumweru tariki ya 12 Mutarama 2014, inama rusange idasanzwe y'ishyaka PDP-Imanzi (Pacte Démocratique du Peuple - Imanzi) yateraniye i Buruseli mu Bubiligi ifata ibyemezo bikurikira:

  

1.Inama yashimiye byimazeyo Komite nyobozi yari imaze imyaka itatu iyobora ishyaka. By’umwihariko yashimiye Bwana KARANGWA SEMUSHI Gérard akazi keza yakoze mu butumwa akubutsemo bwo kwandikisha ishyaka PDP-Imanzi mu Rwanda, ubutumwa bwamaze amezi atandatu atangira ku itariki ya 20/06/2013 kugeza ku wa 21/12/2013 nk’uko byari biteganijwe mu cyemezo cyanditse cyabumwoherezagamo.

 

2.Inama ikaba yatoye komite nyobozi nshya ihagarariye inyungu z’ishyaka igizwe n’aba bakurikira:

 

a)Perezida fondateri w’ishyaka: Bwana Déogratias MUSHAYIDI;


b)Umunyamabanga mukuru w'ishyaka: Bwana Jean-Damascène MUNYAMPETA;


c)Umunyamabanga mukuru wungirije ushinzwe itangazamakuru:Bwana Pacifique KABALISA;


d)Umunyamabanga mukuru wungirije ushinzwe abari, abategarugori n’urubyiruko: Madame Astérie MUKARWEBEYA;


e)Umunyamabanga mukuru wungirije ushinzwe igenamigambi: Bwana Jean-Claude KABAGEMA;


f)Umubitsi mukuru w'ishyaka: Bwana Gérard HAKIZIMALI 

g)Abari munama rusange idasanzwe y'ishyaka PDP-IMANZI batoye kandi komisiyo zikurikira:


-Komisiyo ishinzwe amakuru n’inyandiko; 

-Komisiyo ishinzwe imyitwarire n’imiyoborere; 

-Komisiyo ishinzwe amategeko n’uburenganzira bw’ikiremwa-muntu. 

 

3.Ishyaka PDP-IMANZI rizatangaza mu minsi ya vuba  abazakomeza ubutumwa bwo kwandikisha ishyaka mu Rwanda ndetse na komite irihagarariye by’agateganyo imbere mu gihugu.

 

 Bikorewe i Buruseli ku wa 12/01/2014

 

 

Munyampeta Jean-Damascène 

Umunyamabanga mukuru 

Commenter cet article

Nkoronko:Ntibyumvikana! 13/01/2014 01:35


Ni kuki muri uru rutonde rw'abayobozi bashya nta Bwana Gérard Karangwa Semushi ugaragaramo?


Hari aho mwavuze ngo:"...comite YASHIMIYE by'umwihariko Bwana Karangwa Semushi...!!!"Byaba se ari ukumushimira muri sens ya "to dismiss" mu rwongereza?


Byaba byiza mutumaze amatsiko!


 


Nkoronko.