Rwanda: Ikinamico ryo kurushanwa no gushibura inoti !

Publié le par veritas

003 KubeshyaErega uretse ko abantu bamwe bibagirwa vuba, aba bantu bakundisha u Rwanda (na Kongo) amafaranga bahora mw'ikinamico no kurushanwa gushibura inoti.


Ibuka mu gihe cy'itsembabatutsi, Amerika ya Clinton iti muramenye ntimuhingutse ijambo "génocide", abandi bose bati ukozivuze nyamahembe, bararuca bararumira, ndetse bihutira gukura abaturage babo mu Rwanda, bose bose n'imbwa n'ipusi n'ibikinisho by'abana baragenda.

 
Abantu barapfaaa, maze itsembabatutsi ntirirangiye, Clinton ariruka apfukama i Kanombe asaba imbabazi barazimuha n'ubu hari abakibisubiramo babirata ngo yakoze igikorwa cyiza n'abandi bagombye gukurikiza.


Nyamara se ejobundi si we wagiye gusingiza ibyiza u Rwanda rwagezeho ngo bitari ku bw'"impanuka", kandi nyamara asize iwabo bamaze gufata icyemezo cyo kwimana amadolari ibihumbi 200 bari barageneye amahugurwa y'abasoda bo mu Rwanda? Ikinamico rirenze iri ni irihe?


Itsembabatutsi ryamaze imbaga mu Rwanda, none rimaze imyaka 18 rikoreshwa mu gusyonyora Abanyekongo, ibi kandi aba bariho bakangisha miliyoni za bo basanzwe babizi, baracecetse mu ndimi zose, none kwa Sam bati ibihumbi 200 ntabyo dutanze, abandi na bo nk'abitsamuye bati twe si ibihumbi ahubwo ni miliyoni, kandi muri icyo gihe bamwe mu bahagarariye ibyo bihugu bariho baryarya perezida Kagame bagereranya umubano wabo n'imodoka yakoze impanuka idakanganye, maze ngo ubu ikaba yaravuye mw'igaraji ari mupya. Uburyarya n'ikinamico birenze ibi ni ibihe?


Maze natwe abanyarwanda tukajyamo tukabyina ngo ni byiza, abandi ari ko baterana amagambo n'abakongomani ngo nibajye kurwana iwabo bave mu myigaragambyo mu Burayi (kera bigitangira nanjye ni ko nabwiraga abakongomani b'inshuti zanjye, aliko ubu ntangiye kubumva n'ubwo ntemera uburyo bakoresha mu kwiyama ababavogera).


Nteziryayo rero, ibi na byo ni ibyo kwitonderwa, kuko ntibyumvikana ukuntu abantu bakurikira butama icyemezo ngo ni iki cyafashwe n'Amerika, nk'aho ibarusha kumenya kariya gace n'ibibazo byakazambije, kandi bamwe basanzweyo kuva kera na mbere y'ubwigenge bw'u Rwanda na Kongo.

 
Amahoro

 

 

Murebwayire Agnès


Commenter cet article

Florence Ngirumpatse 29/07/2012 14:13


Murebwayire, iyi article yawe yuzuyemo uburyarya bwinshi cyane, kuko mubyukuri ntanicyo uvuze ! Urataraguritse werekana facts zabaye muri kariya karere, kimwe na za réactions zibihugu
byibihangage. Urebye neza usanga ikigaragara muriyi article yawe ari nkaho ubabajwe nuko ibyo bihugu bitangiye gutererana u Rwanda. Wihaye kuvuga ngo abantu babisamiye hejuru ubaseka kuko kuri
wowe byaba ari ntacyo bimaze. Ici tu fais preuve d'un cynisme certainement en rapport avec un certain désaroi que tu éprouverais en rapport avec la suite (qui ne te plaitpas) que pourraient
prendre les événements. Cela ne m'étonnerait pas car je sais comment tu t'es comportée quand tu travaillais à l'UNICEF ukotana, ubeshyera abantu mu bazungu ngo ni interahamwe, ubahora gusa kuko
batari bashyigikiye inkotanyi warwaniriraga kubundi buryo utakoresheje imbunda. Uri muri babandi bari barazihaye icyizere bakaziha kuburyo bwose, nyuma bakaza kwibona ntamwanya bazifitemo,
ntanicyo bibabwiye, ariko interuro yawe yanyariko mugakomeza gitinya impinduka yazaza iwacu mutari sûr ko abatutsi bene wanyu bazakomeza kuba kwisonga nkuko biri ubu, bigatuma ahubwo mwahitamo ko
Kagame ningoma mpotozi ye bakomeza gucucuma rubanda, mugahumiriza. Ntubona hejuraha ukuntu utu tugore cyangwase udukobwa turimo dutongoza Bush tumubeshya tumwagaza ? Niko nawe wakoraga ugenda
mubazungu mu Rwanda ubeshya, ugambanira benshi. Icyakora nubwo wari wagerageje kwandika ugerageza kuroha (noyer) ibitekerezo byawe bya nyakuri, interuro yawe irakugaragaje cyane wivamo nkinopfu.
Mubyukuri ubabajwe nabatutsi bene wanyu ngo bamaze imyaka nimyaka muri Congo. Impfu zabacongomani nabandi banyarwanda batarabo mu Bwoko bwawe ntacyo bukubwiye ! Harya ngo wabaye journaliste !
Nugutuka uwo mwuga ! Wisambaniraga nabategetsi babahutu bakwakuranwa ubutitsa iyo bakujyanaga iyo muri za mission, naho Inkotanyi zo zahageze warabaye bibi, wararngije gutukuzwa amaso ninzoga !