Rwanda: Igihugu gifite 64% by'abadepite b'abagore gihohotera abagore kibafungira hamwe n'abagabo kandi bazira ubusa!

Publié le par veritas

Tony-kagame.pngKugira ngo abanyarwanda bumve akaga babayemo bashyizwemo n'ubutegetsi bw'agatsiko k'abicanyi bayobowe na Paul Kagame bisaba gukurikirana buri munsi amakuru avugwa ku ihohoterwa ry'abanyarwanda n'ibinyoma abayobozi barwo birirwa babeshya abazungu!

 

Mu Rwanda ubukene n'inzara bimereye nabi abaturage mu gihe intore zishagaye umwicanyi Ruharwa Kagame Paul ziri gufuraha mu misoro yakwa abo baturage, izo nyangabirama zikajya gukodesha amahoteri ahenze cyane n'indege zibajyana mu bihugu by'i burayi kwidagadura, umurengwe nk'uyu ntabwo usiga ubusa ndabarahiye kandi n'abo bagiye gufuraha amaherezo ingaruka z'ibibazo batera abanyarwanda zitaretse n'abaturanyi bo mu bihugu duhana imbibi zizabageraho!

 

Amakuru dufite kandi ari gucicikana hirya no hino ku mbuga za interineti ni uko abagore b'abakene bo mu Rwanda ubu bamerewe nabi cyane , uretse kubura icyo bagaburira umiryango yabo, ingirwabayobozi ba Kagame Paul na FPR bari gufata abagore bacuruza ibintu bigendanwa bakabafungira mu kasho kamwe n'abagabo ! Mu nama yabereye kuri Stade i Nyamirambo mu karere ka Nyarugenge, tariki ya 12 Nzeri 2013, abacuruza mu buryo butemewe n’amategeko bazwi ku izina ry’abazunguzayi bahawe umwanya wo kubaza ibibazo bitandukanye ndetse no gutanga ibyifuzo.Bimwe mu bibazo bavugiye muri iyo nama birimo kutagira ingwate, kubura igishoro, gukubitwa n’abashinzwe umutekano, kwakwa ruswa, abagore bafungirwa hamwe n’abagabo, kwamburwa ibicuruzwa byabo, n’ibindi.

http://www.igihe.com/local/cache-vignettes/L485xH314/arton41994-51833.jpg

Umugore umwe mu bacururiza hafi y’isoko yagize ati “Mu isoko rya Kimironko harimo gereza ifungirwamo abagore n’abagabo, bakirirwamo, rwose muturenganure kuko birababaje cyane.”Mu gihe uyu mugore yavugaga iby’aha hantu bafungirwa yitaga gereza bagenzi be basaga ibihumbi bibiri bakomaga amashyi cyane, bamubwira ngo nakomeze abivuge! Mbese byashimisha Kagame Paul gufata umugore we Jeanetti agafungirwa muri gereza imwe n'abagabo? Mbese aba bagore basaga 64% bashyizwe mukitwa inteko ishingamategeko bumva hari icyo bamaze niba abagore batakoze icyaha na gito uretse gucuruza bajya gufunganwa n'abagabo?

 

Kagame aririrwa abeshya amahanga ngo arimo ashaka ubufatanye n'abacuruzi b'amabuye y'agaciro ngo arashaka ko ubukungu bw'u Rwanda buzamuka, nyamara abanyarwanda ntibakeneye amafaranga, icyo bakeneye mbere ya byose ni ubuyobozi bwiza , ubuyobozi bubatega amatwi , butabanigana ijambo , butabafungira ubusa , butabacurira amadosiye y'ibinyoma , ubuyobozi buvuye mu matora adafifitse abaturage bakabona umwanya wo kwikorera ibyabo ntawe ubahozaho iterabwoba ryo kubahohotera mu buryo bwinshi bunyuranye, imyaka yabo ntirandurwe, amazu yabo ntasenywe ! Naho ibindi byose kagame Paul arimo akora ari guta inyuma ya Huye !

 

Ibi byo gufunga abagore ngo ni uko bacuruje bihise binyibutsa ko inkotanyi arizo zadukanye amahano yo kwica abagore zibasatuye inda, none ubu ngo zahaye umugore agaciro daa!!

 

 

Ubwanditsi!

Commenter cet article