Rwanda-France: Komiseri w'ishyaka rya RDI Rwanda Rwiza mu Bufaransa yarusimbutse!

Publié le par veritas

Rukundo-Alphonse.jpgAbicanyi ba Paul Kagame bakomeje kugaragaza ko ntaho batinya, nyuma y'igihugu cy'Afurika y'epfo ubu batangiye kugaba ibitero ku banyarwanda bahunze ingoma ngome ya Kagame na FPR bahungiye ku mugabane w'Uburayi! Muri iri joro ryakeye ryo kuwa 21 rishyira kuwa 22/04/2014, Komiseri w'ishyaka rya RDI Rwanda Rwiza mu gihugu cy'Ubufaransa Rukundo Alphonse yaraye arusimbutse we n'umuryango we !

 

Bwana Rukundo Alphonse yari agiye kwicwa nka Nyakwigendera Patrick Karegeya! Ku mugoroba wo kuwa mbere taliki ya 21/04/2014, Rukundo Alphonse yahamagawe n'umunyarwanda baziranye utuye mu mujyi wa Paris amusaba ko bahurira ku kabari kari muri uwo mujyi bagasangira agacupa! Rukundo Alphonse ntiyazuyaje yahise afata imodoka bajya guhurira mu kabari bari bamaze kuvuganaho.

 

Rukundo Alphonse akigera muri ako kabari yasanze uwo munyarwanda wamuhamagaye ahari ari kumwe n'abandi banyarwanda nabo azi ndetse n'abarundi. Rukundo Alphonse yamaranye nabo igihe gito ariko bo bashaka kumugumana, baramwinginga aranga, bavuga ko bagiye kumucurangira arabananira; nibwo umwe muri abo banyarwanda yiyemezaga kujyana na Rukundo mu modoka kugira ngo amugeze aho yari amubwiye!

 

Bagaze mu nzira Rukundo yahagaritse imodoka ajya kwihagarika, agarutse ngo akomeze urugendo imodoka arayibura n'umugenzi bari kumwe nawe aramubura, yashatse icyo yakora arakibura yihutira kujya muri polisi yari hafi aho ayibwira ibimubayeho; mu gihe yari muri polisi, iwe mu rugo hagabwe igitero kirimo babanyarwanda bari kumwe nawe muri ka kabari, bakaba baraje bambaye amakoti maremare y'umukara.

 

Bageze ku nzu ye basabye umugore gufungura, umugore yabanje kurebera mu idirishya ry'urugi kugirango amenye abo bashyitsi batunguranye, yabonye mu bantu bari kumukinguza harimo umwe mubagabo bahamagaye umugabo we abona mu ikoti rye harimo imbunda kandi umugabo we atari kumwe nabo. Umugore yanze kubakingurira bagerageje kumuhata ngo akingure aranga, abo bagabo babonye ko bashobora gufatwa bahise bikura baragenda; umugore yahise afata telefone ahamagara umugabo we ngo amenye aho ahari anamubwire ibimaze kuba, umugabo nawe yahise amubwira ko ari muri polisi ko kandi imodoka yayibuze!

 

Faustin twagiramunguUmugabo yahise amenyesha polisi iby'igitero cyagabwe mu rugo rwe kirimo abantu yarimo asangira nabo mu kabari; polisi yahise ibuza umugabo gutaha iwe mu rugo, ubu ikibazo kikaba kirimo gikurikiranywa n'inzego zishinzwe umutekano kuko kugeza ubu ari umugenzi wari mu modoka, ari imodoka ari n'abagabye igitero mu rugo iwe ntawe urabaca iryera!

 

Hakurikijwe amakuru ariho, biragaragaza ko Paul Kagame yiyemeje kurimbura abatavuga rumwe nawe ariko akaba yibasiye cyane abanyepolitiki abona bigoranye gushinja jenoside kimwe na Twagiramungu Faustin umuyobozi w'ishyaka RDI Rwanda Rwiza akaba n'umuyobozi w'Impuzamashyaka CPC. Mu minsi ya shize inzego zishinzwe umutekano z'Ububiligi zagejeje amakuru kuri Faustin Twagiramungu zimumenyesha ko umwicanyi ruharwa Paul Kagame yohereje abicanyi i Burayi bo kumugirira nabi kimwe n'abayoboke bo mu ishyaka rye none ikimenyetso cya mbere kigaragaye mu Bufaransa! Aho bukera intore za FPR zirafatwa mu bihugu by'amahanga nk'ibyihebe byo kwa Osama Bin Laden!

 

 

Ubwanditsi

Commenter cet article

Jean Paul 16/05/2014 23:55

Immaculée la burundaise à Paris ni indaya kabombo ! Si ubwa mbere atwara abagabo b'abandi n' uwanjye yaramutwaye habura gato mumuvana mu nzara!Ntibitangaje rero ko yacyuye iwe uwo Rukundo Alphonse kuko na we agikunda byasaze ku buryo ni umugore we ajya yemera akamera nka ndabaga akajya kubohora umugabo we mu mabere y'abagore! Naho ibyo ku mutwara imodoka byo ntibishoboka kuko uwo munsi yatashye yinyara mu mapantalo kuko no guhagarara ntiyabishoboraga Kubera gusinda ! ubwo yafashe imodoka police yamubonye kare ihita umutamika alcootest iba iramwandagaje! akomeza n'amaguru ajya kurara mu maguru ya Immaculée none imyaku yahavanye iramukurikiranye! ngo inkotanyi zaje ku mwica! n'ubwo zica ariko ntizakwirirwa zica uwo Rukundo Alphonse kuko urwo apfuye si ruto yapfuye ahagaze!!!!!

Jean Paul II 23/06/2014 11:56

Immaculée, sinkuzi ariko umutimanama wanje unsaba gusubiza amagambo nk'ayo uyu mugore avuze (Jean Paul!!!!) Ako kabari ndakazi nakagenzemo, niba ntazi uyu mudamu Immaculée, ni uko atagaragara cyane cyangwa ngo yishyire imbere. ubwo buraya rero simbwemeye.
Ese madamu Jean Paul, uwo mugabo wawe ni akantu katakaye ahantu Immaculée araza aratoragura, cyangwa uri muri ba bagore bajujubije abagabo bababuza uburyo, uwawe ahuye na Immaculée amusangana amahoro?
Umuntu ni umuntu kandi agira umubiri. Ntiwakwiha Rukundi ngo "aragikunda" ugasonera uwo wita umugabo wawe kandi wumva yaragutaye agasanga uwo Immaculée, vugako n'iwawe bagikunda, tout au moins ku rwego rwa Rukundo kuko bajya hamwe.
Ntabwo nigeze nemera ko Président w'u Rwanda ari umushumba wirirwa n'itopito arasa inyoni zose zigurutse, byaba ari ugusuzugura u Rwanda n'abanyarwanda. donc ayo ma story sinyemera. Ariko nituvuga tujye dutanga ibitekerezo ibyo gusebanya tubishyire ruhande, aha ni ku karubanda. Rukundo afite impamvu ze bwite zatumye akwiza iriya nkuru, ikibabaje ni uko nka Nyamwongerabibi, aho kugarura ubwenge ku gihe impuha zirushaho gkwira no gukabirizwa. Ntagitangaza kuba yaravuganye na Immaculée, nta gitangaza kuba yaranyoye byeri, agasangira n'abandi bazwi natwe yenda twasangiye ikindi gihe.
Uri umufana, hangana na Rukundo muduhe ibitekerezo byanyu twumve uwagirira u Rwanda akamari, MU RWEGO RWE. Umugabo wawe ni umusambanyi? Muhe urushyi cyangwa ujye muri instance babatandukanye, ushyire umugore mugenzi wawe hasi.
Immaculée, ingoma zawe ntizikabure imirishyo, ntawanga gukundwa.

Nimanirabona Noël 24/04/2014 13:32


Ngo Rukundo yararusimbutse? C est de n importe quoi!!! Le ridicule ne tue pas! Ndakeka ko Rukundo arwaye mumutwe. Inshuti n abavandimwe be mumutabare!c est urgent!!! Aravuga ngo kuwa mbere taliki
ya 21/04 umunyarwanda yaramuterefonnye baje gusangira icupa mu kabare? Ngo aje yahamaze igihe gito!!  Ngo yatahanye n inshuti bageze munzira ahagalika i modika ajya kwihagalika agarutse ngo
asanga imodoka bayitwaye n inshuti balikumwe arabura? Reka rero  tubeshyuze Rukundo , uwo munyarwanda wamuhamagaye ninde? Ko atatubwira ako kabare yalimo? Ko atatubwira iyo nshuti batahanye?
Rukundo we urabeshya cyane , umugore we yaramuterefonye ngo amenye aho ali saa sita z ijoro yali akili mukabare Gare de l Est yali kumwe n umugore witwa Imaculée alinawe batahanye mu modoka
Aubervilliers bombi basinze, ubwo abuze icyo abwira umugore we kuko yaraye mugasozi n undi mugore ahimbye abeshya ngo yaratewe? Niyemere ko yahemukiye umugore we n'ishyaka rya RDI Rwanda
Rwiza  yoye kubeshya

joe 23/04/2014 20:21


Ariko namwe ntimukaryiteshe! Ngo yagiye kwituma mu bihuru, nako mu gisambu, hanyuma avuyeyo asanga imodoka bayijyanye.


Mwazegereye Abakotanyi bakabigisha uko batekinika kabisa. Puuu

Uwimana 23/04/2014 08:48

Yewe ibi bintu ndabona ari ugupfundikanya, ni ibinyoma bidafatika ndakurahiye, ubuse abantu bashaka kukwica bakabigenza kuriya koko, mijye mushaka ibindi mukoresha muharabikana. nonese ubundi abo
bantu ko wumva wari ubazi kuki utabavuze. ntimukabeshye.