Rwanda: FPR iri gutegura gushora abaturage ihohotera mu mihanda ngo barwanye urukiko rw'Arusha ngo kubera ko rwahaye ubutabera abasilikare bakuru bahoze muri FAR !

Publié le par veritas

Ndindiriliyimana.pngKuri uyu wa kabiri taliki ya 11/02/2014 urugereko rw’ubujurire mu rukiko mpuzamahanga rwashyiriweho u Rwanda rukorera Arusha (TPIR) mu gihugu cya Tanzaniya rwagize abere Gen. Augustin Ndindiliyimana na major François Xavier Nzuwonemeye,bombi bakaba bari abasilikare bakuru mu ngabo z’u Rwanda Ex FAR mbere y’umwaka w’1994. Aba basilikare bombi bahanaguweho ibyaha bya jenoside bashinjwaga, urukiko rutegeka ko bahita barekurwa. Urukiko kandi rwagabanyije igihano cyari cyarahawe Capt Innocent Sagahutu, kiva ku myaka 20 kijya ku myaka 15, bikaba bivuga ko asigaje umwaka umwe gusa agasohoka mu buroko, nawe akaba yari umusilikare mukuru wa FAR.Kubera kurenganurwa kw’aba basilikare bakuru n’urukiko, FPR-Inkotanyi yatangiye gahunda yo kurwanya ubutabera ihamagarira abaturage kwigaragambya kugira ngo irebe ko bayikingira ikibaba kuko ibona igiye kugerwaho !

 

Iyi nkuru yo kurekura aba basilikare 2 bahoze mu ngabo z’u Rwanda yatangajwe n’ikinyamakuru « Hirondelle ». Kuva mu mwaka w’1994 abahanga mu bumenyi bw’amateka bakomeje kwibaza byinshi kuri jenoside y’u Rwanda kugeza ubu bakaba batarabona ibisubizo bihamye bitewe ni uko mu mpande ebyiri zari zihanganye ku rugamba arizo : ingabo za kera FAR n’umutwe w’inyeshyamba za FPR-inkotanyi habonetsemo uruhande rumwe rwatsinze iyo ntambara arirwo rwa FPR- inkotanyi rwashoboye gukingirwa ikibaba n’ibihugu by’ibihangange naka USA n’ubwongereza ; Ibyo bihugu byombi byakoresheje igitugu mu kubuza ubutabera gukora neza ngo hagaragazwe uwahanuye indege yari itwaye abakuru b’ibihugu 2 aribo Habyarimana Juvenal w’u Rwanda na Cypriano Ntaryamira nabo bari kumwe bose, kugira ngo hagaragazwe imbarutso y’iyo jenoside ; ibyo bihugu bikaba byaranze ko iryo perereza rikorwa kuko bizi neza ko iyo ndege yahanuwe na FPR Inkotanyi kumabwiriza ya Paul Kagame nawe wabiherewe uburenganzira na Bill Clinton wayoboraga USA !

 

Ibyo bihugu by’ibihangange ntibyaburijemo iperereza ryo kumenya uwahanuye iyo ndege gusa,ahubwo byakingiye ikibaba abasilikare ba FPR-Inkotanyi bakoze ubwicanyi bukomeye kuva i Byumba kugera Matadi muri Congo kandi na nubu izo nkotanyi zikaba zikomeje kwica mu mutuzo. Ntabwo byagarukiye aho gusa kuko USA n’Ubwongereza byahise bisaba urukiko rw’Arusha guta muri yombi umuntu wese Kagame Paul abona ko amubangamiye ; abandi bazi ukuri kw’ihanurwa ry’iyo ndege Kagame akaba agiye kubamarira ku icumu bose ! Ibyo byose bikaba bikomeje gukorwa kuko byapanzwe na biriya bihugu 2 by’ibihangange kugira ngo uruhare rwabyo mu mahano yagwiririye u Rwanda rutagaragara ; akaba ari aho imbaraga za Kagame zo kwica no gukiza azikura !

 

http://ikazeiwacu.unblog.fr/files/2013/03/ex-far-300x225.jpgNyuma y’imyaka 20 urukiko rw’Arusha rukomeje kugaragaza ko hari abasilikare bagiye bakatirwa n’urukiko rw’ibanze rutitaye mu kureba niba koko ibyo baregwa bifatika ! Ubu amahanga atangiye kubona ko jenoside yo mu Rwanda irimo ibinyoma byinshi byacuzwe na FPR kuko kugeza kuri uyu munota nta musilikare wa FPR wagejejwe imbere y’uru rukiko kandi rwari rufite inshingano yo kuburanisha impande zombi ! Uru rukiko rugiye gufunga imiryango yarwo intego rwihaye yo kuzana ubumwe n’ubwiyunge mu banyarwanda ndetse no kugaragaza ukuri kuri jenoside yabaye mu Rwanda rutabishoboye !

 

Icyakora ibibi birarutana, kuba uru rukiko rwaragiyeho rugaca imanza mu buryo bubogamye cyane , rwerekanye ko leta yasimbuwe na FPR (abahutu)itigeze itegura jenoside , niba rero uruhande rumwe rwaragaragaye ko rutateguye jenoside ubwo hagombye kurebwa kurundi ruhande niba ntabimenyetso bigaragaza ko rwateguye iyo jenoside , niba uru rukiko rudashoboye kubikora amateka yo azabyerekana kandi bidatinze ! Uko kureba niba FPR itaragize uruhare muri jenoside nibyo bikomeje gutera ikidodo FPR ikaba ibona nayo igiye kugerwaho none ubu ikaba yaratangiye gahunda yo kurwanya ubutabera ! Izabishobora se !

 

Ubwanditsi !

Commenter cet article