Rwanda: Abanyarwanda baba muri Congo Brazza bashyizeho "UMUSHUMBA MWIZA"

Publié le par veritas

http://3.bp.blogspot.com/_46Ml0YNgb2s/S8yfEcIfhYI/AAAAAAAAAMY/rKT999PIeW0/s1600/bon+pasteur.jpg[ndlr: Abanyarwanda hirya no hino ku isi usanga bitabaza itumanaho rigezweho kugira ngo bashobore gukurikirana amakuru ari kubera hirya no hino ku isi; ndetse bikanabafasha no gukurikirana amakuru abera mu Rwanda umunsi ku wundi, isaha ku yindi. Abanyarwanda baba mu nkambi ndetse no mu byaro byo mu bihugu by’Afurika biberaho mu icuraburindi,nta telefoni, nta interineti, nta radiyo, nta televiziyo … bagira. Abanyarwanda baba muri Afurika bashoboye kubona rimwe muri iryo tumanaho amakuru babona barayisangiza ubwabo kuko kuyageza kubandi biba bitoroshye!

Kubera izo mpamvu zose mvuze haruguru abanyarwanda baba mu gihugu cya Congo Brazza, abenshi bakaba bibumbiye mu mashyaka agize CPC (RDI-Rwanda Rwiza, FDLR, PS Imberakuri na UDR) bashyizeho akanyamakuru kitwa “UMUSHUMBA MWIZA”. Ako kanyamakuru kazajya kageza ku banyarwanda amakuru anyuranye abafitiye akamaro. Abanyarwanda bari muri icyo gihugu kandi nabo bazajya banyuzamo ibitekerezo byabo bigere ku bandi. Twashimira abanyarwanda bagize icyo gitekerezo kiza cyo gufasha umuryango nyarwanda kugirango urusheho guhumuka no kubumbatira umuco nyarwanda mu rubyiko rwavukiye hanze. Veritasinfo ikaba yiyemeje kugeza kubasomyi bayo inyandiko y’ibanze y’ubwanditsi bw”Umushumba mwiza” ni mwisomere:]

UMUSHUMBA-MWIZA.jpg

IMANA IRIHO


Abanyarwanda bagomba guhitamo kwigumira mu bucakara cyangwa kurwanira ubwigenge bwabo. Abanyarwanda bo nta n’inkono z’inyama nk’izo mu Misiri zikwiye kubarangaza kuko inzara n’ubukene bigiye kubamarira ku icumu. Ikibazo bafite si uguhitamo hagati y’ubwigenge n’ubucakara ikingenzi kuribo kandi kihurirwa ni uko babona icyo barya bagahaga. Ikibazo cyabo ni uguhitamo UKWIGENGA cyangwa UKWICWA n'Ubucakara !

Ku bibaza niba Imana iri kumwe na Leta ikoresha rubanda uburetwa  nk’iya Farawo cyangwa niba iri ku ruhande rw’abaharanira ubwigenge , dore icyo twababwira: 

Nk’uko Imana yakinguye inyanja umuryango wayo ugatambuka nta nkomyi, ni nako igiye gukubita inkonji ingoma y’igitugu yayogoje u Rwanda, maze abenegihugu bongere bahumeke umwuka w’ituze n’amahoro. 

 Nk’uko ukuboko k’Uhoraho Imana kwashije (gusatura) urutare rugapfupfunukamo amazi meza yuhiye umuryango wayo wendaga kwicwa n’inyota, ni nako Imana igiye gukoresha abandi ba Musa, bagahangamura ingoma yishuka ko izabaho ubuziraherezo ikaba yarimakaje AKARENGANE mu Rwanda. Bityo rubanda izuhirwa UBUTABERA, abarenganye barenganurwe, abafungiye akamama basubire mu ngo zabo, abambuwe ibyabo babisubizwe, buri wese ahabwe icyo agomba , nta vangura rishingiye ku bwoko cyangwa inkomoko.

Twifurije imigisha myinshi, abifuza gutanga umuganda wabo kugira ngo UBUCAKARA bugende nk’ifuni iheze, UBWINGEGE bw’abana b’Imana busugire busagambe mu Rwatubyaye.

 

  umushumba mwizakanda aha usome " umushumba mwiza"

 

Ubwanditsi bw’UMUSHUMBA MWIZA

 

 

 

Commenter cet article