RDC: Impanuka y'ububiko bw'intwaro muri Congo yahitanye abantu n'ibintu byinshi!

Publié le par veritas

 

http://www.africa24monde.com/images/informations/6164f70dabc2d900-25952.jpg

     Iyi n'ifoto igaragaza uko ububiko bw'intwaro bwasenyutse bwose

 

Ububiko bw'intwaro bwafashwe n'umuriro i Mbuji-Mayi muri repubulika iharanira demokasi ya Congo kuri uyu wa gatanu taliki ya 24/01/2014 bwahitanye abantu bagera kuri 20 abandi barenga 50 barakomereka nkuko byemezwa n'ingabo z'umuryango w'abibumbye Monusco.

 

Ntabwo ari abantu bagize ibibazo gusa kuko n'amazu menshi yari yegereye ubwo bubiko bw'intwaro nayo yasenyutse. Kuwa gatandatu abayobozi ba Congo bari bavuze ko iyo mpanuka yahitanye abantu 5 gusa, Martin Kobler umuyobozi w'ingabo za ONU muri Congo yasabye ishami ry'izo ngabo riherereye Mbuji-Mayi gukora ibishoboka byose bagafasha abayobozi bo mu nzego z'ibanze bo muri ako karere guhangana n'ingaruka zikomeye z'iyo mpanuka.

 

Umujyi wa Mbuji-Mayi iyo mpanuka yabereyemo ni umurwa mukuru w'intara ya Kasayi y'amajyaruguru, inzu y'ububiko bw'intwaro zafashwe n'inkongi y'umuriro ikaba yari iherereye mu kigo cya gisilikare kiri hafi y'isoko. Abayobozi ba Congo bavuga ko iyo nkongi y'umuriro yafashe ububiko bw'intwaro yatewe n'inkuba yakubise ubwo bubiko bugafatwa n'umuriro wabaye uruhererekane. Umunyamakuru wa AFP wari hafi y'aho iyo mpanuka yabereye ,aremeza ko iyo nkongi yafashe ahantu hanini inkuta z'amazu yari yegereye aho nko muri metero zirenga 10 zirasenyuka zose izindi zirashya zirakongoka.

 

intwaro zari mububiko zari zirunze ahantu hangana na metero 30 kuri metero 50, izo ntwaro zose ntizashoboye gushwanyagurika ariko izahiye zigaturika zacukuye icyobo kirenga metero ujya mu kuzimu. Iyo mpanuka ikimara kuba umugore n'umwana bahise bitaba Imana , ubu ubuzima butangiye kugaruka buhoro buhoro mu mujyi wa Mbuji-Mayi.

 

Ubwanditsi

Commenter cet article

Mureke Zawadi 27/01/2014 03:37


Ko mutavuga se ko ari Urwanda rwabikoze???! Dore ko veritansinfo ikorera leta ya congo ariko mukiyita abanyarwanda mwa bicucu mwe.FDLR we mwagorwaaaa