RDC: Agasuzuguro ka M23/RDF gateye isesemi ! Ngo mu masaha 24 Congo ibe iyisubije ibirindiro byayo !

Publié le par veritas

Gen-M23.png

                     Ntugire ngo arasinziriye ,ubu arimo ajijisha ! niyo mayeri ya M23/RDF

 

Mu gihe ibiganiro birimo biba hagati ya leta ya Congo n'umutwe wa M23/RDF i kampala muri Uganda , intumwa z'uyu mutwe ziri mubiganiro zabonanye n'umuhuza  (igihugu ya Uganda) kugira ngo zimugaragarize ko zinubira ko ibirindiro byazo byavogerewe n'ingabo za Congo zikabyigarurira ! Izo ntumwa z'abo barwanyi ba M23/RDF zikaba zabwiye umuhuza ko umutwe zihagarariye wahaye ingabo za Congo amasaha 48 zikaba zikuye mubirindiro zafashe ,bitaba ibyo ingabo za Congo zikakabona !

 

Mu ijoro ryo kuwa kabiri mu masaha ya saa munani nibwo ingabo za Congo zarasanye n'inyeshyamba za M23/RDF mu karere ka Kanyamahoro hafi ya Kibumba . Umuyobozi wa M23/RDF Bertrand Bisimwa avuga ko ingabo za Congo zaburijemo inzira y'amahoro kuko zayigabyeho ibitero kandi zikaba zikomeje kwitegura imirwano! Ingabo za ONU ziri muri ako karere zivuga ko ingabo za Congo zari ku irondo zakubitanye n'abarwanyi ba M23/RDF nabo bari ku irondo mu karere k'imirwano gahana umupaka ku mpande zombi bakarasana ,iryo rasana rikaba ryaramaze iminota igera kuri 20 gusa !

 

Kugira ngo ibiganiro byongere gutangira hagati y'impande zombi umutwe wa M23/RDF warasakuje cyane kubera ko wari umaze kugaragaza intege ncye cyane kurugamba , uvuga ko warambitse intwaro hasi ko ukeneye kuvugana na Congo uburyo abarwanyi bawo barambika intwaro hasi bagasubira mubuzima bwa gisivili ngo kuko badashaka no kwinjira mu ngabo za Congo; abakuru b'ibihugu by'akarere bakiriye neza ibyifuzo by'uwo mutwe ariko abazi neza amayeri y'inkotanyi bahise babona ari icenga ryo kwisuganya ngo babone uko bitegura neza urugamba nk'uko batangiranye ayo mayeri kuva i Kagitumba kugera i Kinshasa! none iryavuzwe riratashye ,M23/RDF imaze kwisuganya neza none igiye kwereka Congo n'amahanga aho ibera itabi !

 

Ubusanzwe ingabo za Congo zigomba kugenzura ubutaka bwose bwa Congo , kubona umutwe w'abicanyi utera hejuru ngo bawufatiye agace ugenzura!!! None se aho uwo mutwe ufite ni ikindi gihugu? Kuva kera amahanga yagiye atetesha aba bagizi ba nabi bahungabanya umutekano w'akarere k'ibiyaga bigari kuva mu 1990, none ubutesi bwokamye abagiriwe icyo kigongwe inyiturano batanze akaba ari "agasuzuguro gateye isesemi!".

 

Uyu mutwe wa M23/RDF ntamahoro na make ushobora gutanga kandi ibiganiro ntubyemera, kuba uyu mutwe uvuga ko uhaye ingabo za Congo amasaha 24 , ni uburyo bwo guhagarika ibiganiro byari bigeze kure kandi abari gufata ibyemezo ubu bayoboye uwo mutwe bakaba bashaka gutobera intumwa zawo ziri mu biganiro kuko zo zifite amahirwe yo kwinjira mubuyobozi bwa Congo abandi akaba ari ibicibwa !

 

Ahasigaye ni ukureba icyo iminsi iri imbere iduteguriye kuri uyu mutwe na leta ya Congo dore ko mu ntangiriro z'imirwano yawo wateraga icyocyere ko mu mezi make uraba ugeze i Kinshasa !

 

 

Ubwanditsi !

Commenter cet article