Padiri Evariste Nambaje akorera nde : Ngo ntashaka ko Padiri Thomas Nahimana asubira mu Rwanda ???!!! (leprophete.fr)

Publié le par veritas

 

Padiri Evariste Nambaje yibwira ko afite bubasha ki kuri mugenzi we padiri Thomas ?

Basaserdoti, Bihayimana, Bakristu bavandimwe, ntimwamfasha gusubiza uyu mupadiri ko mbona iyi baruwa ye ifite ukundi iteye ? Ahari mwandusha kumva ikimuzinduye n'ikimuvugisha ! Agambiriye iki ? Yatumwe nande ? Ububasha bwo kumpa "injonction" (Inama!) abushingira ku rihe tegeko ? Ko mbona asa n'unshyiraho iterabwoba, yizeye iki ? Ngaho namwe nimwisomere.(Note de l'A.Thomas Nahimana)


 

 

Muvandimwe Padiri Thomas, 

 

Uraho neza?

 

1.Maze igihe numva ko hari abantu muvugana ndetse n'abo wandikira ukanyikoma. Byatumye nshaka e-mail yawe ngo nkwandikire nk'umuvandimwe dufitanye ibanga ry'Ubusaseridoti; kuko ibyo abandi bakubwira ukabiheraho unyikoma bashobora kuba hari ukundi babivuga. 

 

2.Muvandimwe Padiri, abantu muvugana bari mu Rwanda baba abapadiri,  abihayimana cyangwa abakirisitu , sinzi ibyo bakubwira cyangwa inama bakugira. Icyakora niba hari umuntu ukugira inama yo gukomeza umurongo wa ruriya rubuga leprophete.fr  aragushuka,abifitemo inyungu cyangwa arashaka kukuroha mu rwobo kugira ngo arebe uko uzarwikuramo.

 

3.Muvandimwe Padiri Thomas, uzi neza ko igihe wavaga mu Rwanda wagera hanze ukandika inyandiko yandagaza, iharabika, itesha agaciro Umwepiskopi , ibintu bikagukomerana, ndi mu bantu bakugiriye inama yo kwicisha bugufi ugasaba imbabazi Umwepiskopi. Wumviye inama wicisha bugufi uratakamba, ibintu bisubira mu buryo. Ese ubona icyo gihe narakugiriye inama mbi ? Niba ubona icyo gikorwa cyo gusaba imbabazi wakoze icyo gihe ari kibi, wabimbwira nkagusaba imbabazi kuko naba naraguhemukiye.

 

4.Gusa rero ikintu kitatunganye neza ni uko icyo gihe inyandiko itukana, iharabikana kandi yandagaza Umwepiskopi izwi na benshi, ariko izo gusaba imbabazi no kuzitanga ntizizwi ku buryo hari abitiranya ibintu.Ariko icyingenzi ni uko uwagombaga gusaba imbabazi yazisabye n’uwagombaga kuzitanga akazitanga.

 

5.Muvandimwe Padiri Thomas, kuva watangira kwandika ku rubuga leprophete.fr, sinahwemye kubwira abantu cyane cyane abo nabaga nkeka ko muvugana ko ugomba kuruhagarika cyangwa guhindura umurongo w’ibitekerezo kandi ugasaba imbabazi abo wandagaje bose. Sinzi niba warigeze kuvugana n’Umushumba wa Diyosezi cyangwa Musenyeri Igisonga cy’Umwepiskopi ngo wumve icyo babitekerezaho. Ariko icyo babitekerezaho bagitangaje ku mugaragaro ndetse n’Inama nkuru y’Abepiskopi Gatolika mu Rwanda. Wenda ntibakwandikiye ibaruwa yo guhagarika urwo rubuga rwawe, ngo niwanga bagufatire ibyemezo bakurikije amategeko ya Kiliziya ariko bagaragaje aho bahagaze. Kandi kuguheza mu kirere no mu gihirahiro, ni ikibazo gikomereye impande zose. 

 

6.Muvandimwe Padri Thomas, niba wemera ko inama nakugiriye igihe wandagazaga Umwepiskopi yagufashije, ndagira ngo nkugire indi nama yagufasha :

 

1° Guhagarika urubuga rwa leprophete.fr cyangwa kuruha undi murongo w’ibitekerezo.

 

2° Gusaba imbabazi abanyarwanda, abakirisitu n’abandi bantu urwo rubuga rwakomerekeje.

 

3° Gusaba imbabazi abantu ku giti cyabo baharabitswe kandi bandagajwe n’urwo rubuga.

 

Nyuma y’ibyo niba ushaka kuza mu Rwanda,  nzaguha umusanzu wanjye ushoboka muri iyo gahunda yo gusaba imbabazi no kongera kumenyera. 

  

Nkwifurije amahoro y’Imana.

 

Umuvandimwe wawe

PAdiri Evariste NAMBAJE 

 

Commenter cet article

Burundiano 02/06/2012 18:07


Uyu mupadiri Evariste ategerezwa kuba afite akabazo mu head kuko ntakuntu yavunga ngo Thomas
ahagarike uru rubuga..Injiji ni nyinshi vraiment!!Evariste aragiye aho arahuraguye ibigambooooo est ce que yibwira ko tutabona ko yatumwe n'umukuru w'intozo intore nkuru Kaguta kagame Pahulo
Pilato No1!Nkuyu Evariste yiyita umupadiri akaba akorana nabantu bamaze abantu none ngo arimo atanga inama yafasha Padiri wacu Thomas!!Genda wangirwa mupadiri ngo ni Evariste..asyi!!!Genda ubwire
boss wawe Kagame uti mission wampaye yananiye..

Kalisa 02/06/2012 10:58


Ariko ndunva rwose uyu mu padiri ari inshuti yawe kandi arakugira inama rwose zubaka. Sinzi rero wowe icyo ushingiraho uvuga ko ari kukwikoma. Nonese wa mugani we niba yarakugiriye inama mbere
ukayikurikiza ubuna bitaragufashije?? bitekerezeho urasanga agushakira ineza.