Ni Ukuyobya uburari cyangwa ni impamo ? Ngo LT Gen Fred IBINGIRA yaburiwe irengero !

Publié le par veritas

Ibingira.pngAmakuru dukesha urubuga Chimpreports.com rwo mu gihugu cya Uganda aravuga ko Lt Gen Fred Ibingira wari Umugaba mukuru w’Inkeragutabara yaba yatorotse igihugu.

 

Ayo makuru akomeza avuga ko Lt Gen Fred Ibingira yaba yarabuze ku buryo budasobanutse kuri uyu wa gatandatu tariki ya 14 Mata 2012 mu mugoroba. Urubuga Chimpreports.com rukomeza ruvuga ko rugikora iperereza ngo rumenye ko iyi nkuru ari impamo.


Tubibutse ko Lt Gen Ibingira yatawe muri yombi ku ya 18 Mutarama 2012 we na bagenzi be 3, Brig Gen Gumisiriza, Brig Gen Rutatina, na Col Munyuza bazizwa ibikorwa byo gukora ubucuruzi butemewe mu gihugu cya Congo. Bikaba bivugwa ko bari bafungiwe mu ngo zabo, ariko hari amakuru yatangajwe n’urubuga African Dictator yavugaga ko bagiye gufungirwa ahantu hatazwi nyuma y’uko bimenyekanye ko bashakaga gutorokera mu gihugu cya Uganda.


Lt Gen Ibingira aregwa ibyaha byinshi by’intambara birimo, ubwicanyi bw’abaturage b’abahutu b’ubuduce twose twaciyemo ingabo yategekaga kuva mu Mutara, Kibungo, Bugesera, Gitarama, Butare. Ibyabaye agahomamunwa n’ibyabereye i Kibeho aho impunzi zitabarika zicwaga imbere y’abasirikare ba ONU. Avugwa cyane kandi mu rupfu rw’abasenyeri ba Kiliziya Gatorika biciwe i Gakurazo muri Kamena 1994. Ariko yakomeje gukingirwa ikibaba na Leta ya Kagame.


Reka tubitege amaso!


 

Marc Matabaro
Rwiza News

 

Commenter cet article