Meya wa Rusizi Nzeyimana Oscar ashobora gucibwa umutwe kubera kubaka igorofa hejuru y'imirambo y'abatutsi !

Publié le par veritas

Oscar.png[Ndlr:Kuwa gatanu taliki ya 22/11/2013 nibwo abayobozi batatu b’akarere ka Rusizi barimo umuyobozi w’akarere wungirije ushinzwe imibereho myiza y’abaturage, Nirere Francoise, uwungirije ushinzwe ubukungu, Habyarimana Marcel n’umunyamabanga nshingwabikorwa w’akarere, Ndemeye Albert beguye ku mirimo yabo mu buryo butunguranye.Nyuma yo kwegura kw’abo bayobozi hagombaga gushakishwa impamvu yo kweguza umuyobozi w’ako karere Nzeyimana Oscar none ubu yabonetse :Arashinjwa kubaka igorofa hejuru y’imirambo y’abatutsi bishwe muri jenoside, iki cyaha mu Rwanda gihanwa n’itegeko ryo kugira ingengabitekerezo no gupfobya jenoside ! Ntawamenya niba aba bayobozi bose b’abahutu barashyirwa muri « NDI UMUNYARWANDA » kugira ngo bihane ibyaha byabo n’iby’ubwoko bwabo cyangwa se niba bacibwa umutwe nk’uko byagendekeye abahutu benshi bari mu nzu z’imbohe !]

 

Mu gihe u Rwanda rwitegura igikorwa cyo kwibuka ku nshuro ya 20 abazize Jenoside yakorewe Abatutsi, abayirokotse bo mu karere ka Rusizi ntibashira amakenga inzu y’igorofa irimo kubakwa n’umuyobozi w’Akarere ka Rusizi, Nzeyimana Oscar yubatse mu kibanza cyavanywemo imibiri mu murenge wa Gihundwe, ku buryo bakeka ko muri iyo gorofa hashobora kuba hakirimo abandi bantu batigeze batabururwa ngo bashyingurwe mu cyubahiro.


Perezida wa Ibuka ku rwego rw’akarere ka Rusizi Nkurunziza Charte yabwiye Imvaho Nshya ko bakimenya ayo makuru bakurikiranye bagasanga ari abantu bagera kuri bane, batatu muri abo ngo ni abiciwe mu gihe cya jenoside kuri bariyeri yari mu marembo y’aho meya wa Rusizi arimo kubaka iyo nzu iri ahitwa ku Kadashya mu kagari ka Ruganda. Iyi bariyeri ngo ikaba yarabagaho umwe mu bacuruzi bakomeye nk’uwitwa Munyandamutsa Pierre, bakaba barajugunye abo bantu mu busitani buri munsi y’iyo nyubako, kugeza ubu hakaba ngo harashyinguwe babiri gusa.


Baritana ba mwana


http://www.igihe.com/local/cache-vignettes/L448xH336/arton44912-df750.jpgUmuyobozi w’akarere ka Rusizi Nzeyimana Oscar yabwiye Imvaho Nshya ko aribyo koko ari we urimo kubaka iyo gorofa iherereye mu kagari ka Ruganda mu mudugudu wa Murindi, avuga ko mu gihe abakozi be bubakaga babonye umubiri umwe gusa mu gihe cyo gusiza ikibanza, icyakora ahakana ko atari ahe kuvana mbere kuko ngo yahaguze na Dushimimana protais. Ati “mu byukuri icyo gihe cya Jenoside abatanze amakuru bavuga ko haguye abantu batatu, njye nabonye umwe kandi twaramushyinguye dufatanyije n’ubuyobozi bw’akagari ka Ruganda abandi basigaye sinamenya aho bari, gusa icyo nemeza ni uko batari munsi y’iyo nzu yanjye ndimo kubaka.”


Mu kiganiro n’Imvaho Nshya, umubyeyi wa Nzeyimana Oscar Rwigereka Athanase umusaza w’imyaka 81 wavukiye mu murenge wa Gihundwe mu kagari ka Ruganda, yemera ko ari mu baturage bafashije mu gikorwa cyo gushyingura imibiri y’abantu bashoboye gutabururwa hafi y’iyo nyubako, icyakora na we avuga ko kuba hataraboneka abandi bantu ngo bashyingurwe bose uko ari bane hakirimo urujijo. Naho umunyamabanga nshingwabikorwa w’akagari ka Ruganda Kantarama Evelyne avugana n’Imvaho Nshya kuri telefone yagize ati “ikusanyamakuru ry’ibanze ryagaragaje ko abo ari abantu bishwe barimo guhunga mu gihe cya jenoside yakorewe Abatutsi mu 1994, mu gihe umwe wabonetse mu kibanza meya Nzeyimana Oscar arimo kubakamo yashyinguwe, ku kibazo cy’indi mibiri ivugwa ko ikiri muri iyo nyubako twazanye umuganda udasanzwe urashaka uraheba.”


Umunyamabanga nshingwabikorwa w’umuryango Ibuka Ahishakiye Naftar avuga ko ari ikibazo Ibuka imaze igihe yaramenyeshejwe, uretse ko ngo habanje kubaho gutsimbarara k’ubuyobozi butashakaga ko aho hantu bahacukura mu rwego rwo gushaka iyindi mibiri yari itaraboneka, nyuma baza kubyumva. Mu gihe cyo kwibuka jenoside yakorewe Abatutsi mu karere ka Rusizi barateganya gushyingura imibiri isaga ijana izimurwa mu nzibutso aho idashyinguye neza ikajyanwa gushyingurwa mu cyubahiro mu rwibutso rw’i Nyarushishi rutarubakwa neza ngo rwuzure bitewe n’ibibazo by’ingengo y’imari.



INKURU Y’IMVAHO NSHYA 

 

 

Commenter cet article