Marc Matabaro : Kuki uyu musore yigeretseho umusaraba wo kuba UMUMOTSI w’Inzira Isesa amaraso y’Abanyarwanda ?(leprophete.fr)

Publié le par veritas

 

kagome-copie-1.pngUMUMOTSI ntibisobanura Umuvugizi. Kuko umuvugizi afata umwanya agatekereza, agashakisha inzira ikwiye yo gusobanura neza ikibazo cy’uwo avugira ku buryo abantu benshi bacyumva neza bityo n’abagomba gufata ibyemezo bagahera kuri ubwo buvugizi bakarenganura uvugirwa ! Ikibazo cy’UMUMOTSI ni uko avuga ibyo yatekerewe gusa. Icyo asabwa  si ugutekereza no kuvuga ibitekerezo bye byiza : icyo uwamuhaye akazi aba amutegerejeho ni ukuba INDANGURURAMAJWIgusa !  Ndasanga Bwana Matabaro asa na  Rwiyemezamirimo ariko ntawabura kumugirira impuhwebitewe n’uko kuba umuvugizi wa Sekibi (Avocat du diable) bidakunze koroha !

 

Uyu munsi nzinduwe no gusubiza inyandiko Matabaro yise ngo Aho tuzi uwo turwana na we cyangwa icyo turwanira ? ”twasohoye kuri uru rubuga. Matabaro ntiyanditse gusa. Yakoranye ikiganiro na radiyo Ijwi rya rubanda taliki ya 23/5/2012 aho yashishikariye kwemeza ko ibetekerezo bya Padiri Nahimana bidashyigikiye ko abicanyi bakora politiki bikwiye kwamaganwa kuko bicamo Opozisiyo ibice !

 

Icyo umuntu yashima ni uko, hirya y’utugambo  tuvangavanze (confusion), iyi nyandiko ya Matabaro  ishyira ahagaragara ibitekerezo  2 uyu musore ahora yubakiraho imvugo ye :

 

(1)Kwitiranya abagize ubwoko bw’Abatutsi bose n’Abatutsi bake bashinjwa ubwicanyi.

 

(2)Uko yumva inzira ebyeri zo gukemura ikibazo cy’ubutegetsi burenganya rubanda bwakomeje kuzutaguza Abanyarwanda kugeza ubu.

 

Reka dusesengure izo ngingo zombi.

 

I. KWITIRANYA ABAGIZE UBWOKO BW’ABATUTSI BOSE N’ABATUTSI BAKE BASHINJWA UBWICANYI.

 

Ushaka yakongera agasoma neza inyandiko ya Matabaro maze akibonera ukuntu iki gitekerezo ari cyo Matabaro aha umwanya munini cyane. Kandi uwashyira  igitekerezo cye muri formule y’imibare, yasanga mu mutwe wa Matabaro bishushanyije bitya :

 

A.ABATUTSI = Abatutsi b’abicanyi!


 
 

Iyi mvugo umuntu yayumva mu buryo bubiri:


 

(1)Ko Abatutsi bose uko bangana ari abicanyi; ko nta Mututsi muzima ubaho bityo gukorana n’abatutsi abo aribo bose bikaba bivuga gukorana n’abicanyi. Aramutse aribyo Matabaro yashakaga kuvuga byaba ari agahomamunwa, yaba akwiye kwamaganwa bikomeye. Ariko simpamya ko ari byo Matabaro yashakaga kuvuga.


(2)Ko Abatutsi nyabo, abafite akamaro muri politiki ari abishoye mu bwicanyi! Icyo gihe ushaka gukorana n’Abatutsi mu kuzahura igihugu yakwizirika ku bakoze ubwicanyi, byanze bikunze, kuko ari bo bashoboye akazi! Abatutsi batazi kwica ntacyo bamaze. Iki nicyo gitekerezo cya Matabaro kandi giteye impungenge!


Matabaro abigaragaza iyo ashinja ubuhezanguni no kuvangura Abatutsiumuntu wese ugaragaje ko adashyigikiye ko abakoze ubwicanyi bakomeza kwishyira imbere muri politiki! Nyamara abicanye batungwa agatoki si bamwe mu Batutsi gusa bo muri FPR, harimo n’Interahamwe zarimbuye Abatutsi b’inzirakarengane ndetse n’Abahutu batari bake nyamara nazo zikaba zicyumva ko arizo zishoboye politiki zonyine, ku ruhande rw’Abahutu! Bisa no kuvuga ko Abahutu batishoye mu bwicanyi nta politiki bashoboye, mbese muri make nabo ntacyo bamaze!

 

Gusa sinashoboye kumva neza impamvu, iyo unenze abicanye, Matabaro we yiyumvira abicanyi b’Abatutsi gusa! Ikibyerekana ni uko, kuri we, FDLR yo ntacyo yashinjwa, ngo imaze imyaka myinshi ku rugamba rwo kurwanya ingoma y’igitugu da! Wakwibuka ko Victoire Ingabire (Matabaro ashaka kugira igikoresho!) ashinjwa n’abarwanyi ba FDLR ukibaza uti: urugamba rwa FDLR ya Matabaro ari uruhe ?

 

Dore amwe mu magambo Matabaro akoresha iyo ashaka kujijisha agamije gucecekesha abanenga incuti ze zicanye:

 

Mwavugishije ukuri ko mudashaka opposition irimo umututsi ? “

 

Mu by’ukuri iki si igitekerezo, ni amarangamutima ashingiye kuri logique y’ iterabwoba twakomeje gushyirwaho guhera mu 1994: umuhutu utinyutse kugira icyo avuga kidashimishije umutegetsi runaka, biroroha kumugarekaho icyaha cyo kwanga Abatutsi, Ingengabitekerezo ya jenoside, Gupfobya jenoside….Matabaro na we, ashimishijwe no kwinjira muri ako gakino, ariko akinjira nabi.Nibyo, ingendo y'undi iravuna !

 

Mu bwira bwe bwo gushaka kuvugira Abatutsi b’Abicanyi na FDLR icyarimwe, Matabaro agera aho akemeza ko Abatutsi badashobora kwinjira muri Opozisiyo keretse iyobowe n’abandi Batutsi kabone n’iyo baba bakekwaho ubwicanyi! Aragira ati :” Mwaba muzi umubare w’abatutsi bumvaga bashaka kujya muri opposition mumaze gusubiza mu maboko ya Kagame uko bangana kubera amagambo yanyu yuzuyemo ivangura?”.  Na none ariko Matabaro ntatubwira impamvu ifatika yatuma Abahutu bo bagomba kwinjira buhumyi mu ishyaka rya Opozisiyo riyobowe n’umututsi ushinjwa ubwicanyi ! Kuyoboka buhumyi umututsi ushinjwa kurimbura Abanyarwanda  se nibyo byubaka ubumwe bw’Abanyarwanda? Abazi ibya Psychanalyse bazatubwire aho Matabaro akomora iyi myumvire! Uwavuga ko ari ibisigisigi by’ubuhake yaba akabije ariko ahari ntiyaba yibeshye cyane !

 

B.Umwanzuro kuri iki gitekerezo:

 

(1). Matabaro aravanga ibintu nkana cyangwa ni uko afite abo ashaka kurengera ku ngufu? Twese twarangije kumva neza ko aho ibihe bigeze ntawakora politiki nzima avangura Abanyarwanda: Ni IHAME. Gusa rero abifuza ko imyumvire y’Abanyarwanda ihinduka, aho kubakira politiki nshya ku Dutsiko tw’Abicanyink’uko byakunze kugenda mu mateka y’igihugu cyacu, ikubakirwa ku bantu b'Inyangamugayo, sibo basenya Opozisiyo ahubwo nibo bubaka Opozisiyo nzima!

 

Matabaro niyerure adusobanurire neza ukuntu  we n’abambari be basanga ko ABICANYI ari bo bonyine bashoboye gukora politiki mu Rwanda! Noneho abadashaka politiki yica rubanda bakaba ari abaswa n’ abahezanguni! Umuntu yitwa umwicanyi kubera ko yica abantu. Ibyo ubwabyo ni icyaha gikomeye (crime) gikemurwa n’ubutabera. Politiki y’aba criminels yaba iyihe yindi uretse kwica no gukoresha inzego z’ubutegetsi kugira ngo ubutabera butabaryoza ibyaha bakoze? Matabaro azadusobanurire aho ahera yemeza ko yarindisha IKIRURA intama, maze ikirura ntikirye intama ! None se ikirura kitariye intama cyo cyatungwa n’iki?

 

(2). Icyo Matabaro akwiye kwitondera, ubwo yiyemeje gushyira ibitekerezo bye ku karubanda nk’umunyamakuru n’umuhanga mu bitekerezo , ni uko no GUTEKEREZA bigira amategeko abigenga: kwemeza ijambo ugahita urivuguruza birutwa no kwicecekera.(On ne peut pas affirmer une chose et son contraire, dans la même proposition ! Sinon, un tel discours n’est plus crédible!) Namugira inama yo gukora ubushakashatsi akiga itegeko bita “Le Principe de non contradiction”:“On ne peut pas être et ne pas être, en même temps et sous les mêmes rapports”!

 

Mu kinyarwanda umuntu yacishiriza akabivuga muri ya magambo: Nk’uko ntawashobora  kuba injangwe n’imbeba icyarimwe,  ntushobora kubaka amahoro wica rubanda.

 

Nyamara Matabaro arashaka kuducurika atwemeza ko we yabishobora! Yego muri politiki byose birashoboka, ariko kugira ngo uwahoze arimbura abaturage ababere UMURINZI mwiza, agomba guhinduka cyane mu mutima (conversion miraculeuse), ku buryo bugaragarira abantu bose. Kandi rero ntawe  ugomba guhatirwa kwizera, kuyoborwa no kurindwa n’uwamuhekuye izuba riva! Ntibivuze ko umwicanyi adafite uburenganzira bwo kubaho, ariko….Gukora politiki byo si ibintu by’imikino, abicanyi nibabirekere abandi ! Ngo uwakanzwe n’iyera abona iyirabura agahunga!

 

Ariko mu by’ukuri, iyo ucukumbuye kurushaho uhita ubona neza  ko igitera  Matabaro gutekereza ko “byose byemewe” ari uko afite uko yumva Inzira yo kugarura amahoro mu Rwanda. Hari ibyo yitiranya kandi njye mbona ariho hari ikibazo gikomeye!

 

 

II.INZIRA EBYIRI ZO GUKEMURA IKIBAZO CY’ UBUTEGETSI BURENGANYA RUBANDA. 


 
 

Muri make  nyuma yo kwemeza ko « Opozisiyo nyarwanda igeze mu mayira abiri", Matabaro ashushanya inzira ebyiri, akemera imwe, akanenga indi. Kuri we, Inzira y’amahoro idasesa amaraso ntacyo imaze, ni inzozi nsa, irutwa n’Inzira y’intambara yica Abenegihugu umusubizo.

 

A. Ku byerekeye Inzira y’Amahoro idasesa andi maraso y’Abanyarwanda:


 
 

Matabaro aragira ati:


“Abakunze gukoresha iyo mvugo nakwita ko yuzuyemo za théories gusa mpamya ko nta n’umwe uzi kurashisha itopito….


 
 

“… mwadukanye uburyo abanyarwanda ngo bagomba guhita bakora revolution mu mahoro. Ese iyo revolution iteye gutyo mwambwira igihugu yabayemo? Aho abaturage bagiye mu muhanda badafite igisirikare ku ruhande rwabo?”


 
 

Abo Matabaro yikomye ni babandi bemera ko Abanyarwanda bahuye n’uruva gusenya kuko bigaragara mu mateka yabo ko ubutegetsi bwakomeje kwisuganya iruhande rw’udutsiko tw’abicanyi (le pouvoir s’est souvent organisé autour des criminels qui ont versé le sang des Rwandais). Ibi rero bikaba ari yo ntandaro y’iyicwa rya Perezida Kayibanda n’Abanyapolitiki b’Abanyagitarama ( 1973), iyicwa ry’Abatutsi mu 1973, jenoside yakorewe Abatutsi mu 1994, iyicwa ry’Abahutu batagira ingano mu Rwanda no muri Congo (1990-1998)…Iyi kandi niyo ntandaro y’akarengane kagaragara mu gihugu cyacu gatewe n’ubutegetsi bwiganjemo abantu bazi kurasa abaturage bashinzwe gucungira umutekano, aka ya mvugo yabaye ikirangirire ngo :”Abo twagombaga kurasa twarabarashe”!


Njyewe ubwanjye, n’umutima wanjye wose,  ndi mubemera ko iyi myumvire igomba guhinduka, politiki y’amahoro ikubakwa n’abantu b’Abanyamahoro, badafite ingeso yo gutsemba Abanyarwanda! Iyi ntego yo kubaka AMAHORO arambye ntidushobora kuyigeraho ku ruhembe rw’umuheto ( ce serait une contradiction dans les termes et dans la nature des choses!) Iyi ntego nta kundi twayigeraho tutanyuze  mu nzira y’IBIGANIRO bidafifitse, byubaka. Kandi niba koko abiyita Opozisiyo bashakira Abanyarwanda amahoro, bagomba kwemera kuzibukira inzira y’urugomo bakihatira gushaka ibisubizo binyuze mu KUGANIRA (Des solutions négociées). Kandi uwo Opozisiyo igomba kuganira na we, ni ufite ubutegetsi, akoresha mu buryo bw’igitugu. Uwo nta wundi ni Paul Kagame, Perezida w’u Rwanda muri iki gihe.

 

Ntawe uvuze ko kuganira na Kagame byoroshye. Ariko kwihandagaza ukemeza burundu ko bidashoboka ni ubumuga bw’umutwe (“étroitesse d’esprit”), bwihariwe n’abemeza ko nta cyiza bashobora kugeraho badafashe intwaro ngo bice! Wahera he wemeza ko Paul Kagame wo mu 2012 ATIFUZAamahoro mu gihugu ayoboye imyaka irenga 18? Yenda uburyo bwo kugera kuri ayo mahoro Abanyarwanda bose basonzeye nibwo bukwiye kuganirwaho.  Ndahamya ko Kagame aramutse agize amahirwe yo kubona abantu bafite gahunda nzima yo kubaka igihugu, bakamwizeza gutanga umuganda wabo mu gufasha Abanyarwanda gukemura ibibazo by’ubukene, umwiryane n' akarengane; bakagaragaza ko bashobora gufasha mu kubonera umuti ikibazo cy’ubutabera mpuzamahanga gihangayikishije Abanyarwanda batari bake (na Kagame ubwe arimo)….. yabuzwa n’iki kuganira nabo ? Ariko se abo banyapolitiki bazima kandi b'intwari bari he ? Kagame ni we uzafata iyambere ajye kubahiga iyo bihishe mu myobo ?


Na none ariko byumvikane neza: Paul Kagame aramutse yanze burundu inzira y’IBIGANIRO, ubwo byamusaba gufata intwaro akarwanya abo banyarwanda bifuza amahoro, ariko icyo gihe intambara yaba ari iye, ntiyaba ari iya Opozisiyo! Ibi bitandukanye cyane n’inzira isesa amaraso ku ikubitiro Matabaro n’abambari be bashyize imbere. Ariko rero mureke rwose tujye dutekereza akanya gato : wabwira umuntu w’umugabo ufite Ubutegetsi n’Ingabo, uti ndaje nkunige maze nkwambure ubutegetsi, ugatekereza ko azakureka ukamuniga asinziriye? Kuki we atagutanga ngo akwivune! Ushaka kumva uko Uruzurungutane rw’umwiryane (la spirale de violence), ruhabwa intebe mu gihugu, abantu bagahora bapfa umusubizo, yahera n’aho!

 

B. Ku birebana n’ Inzira isesa amaraso


 
 

Iyo Matabaro agiye kuvuga ibigwi Inzira isesa amaraso y’Abanyarwanda, akora mu nganzo akifashisha amagambo asa n’ay’igisigo! Aragira ati :


*“Ese ko muzi Kagame mubona ari uwo kubwiza umunwa gusa…?”
 

*“FDLR n’abandi bamaze imyaka bahanganye n’ubutegetsi bw’igitugu mwe mwiyicariye ! ” 

 

Sinzi niba Matabaro yarigeze kuganira na Perezida Kagame ku buryo yaba yarakuyeyo amaso burundu. Ndibaza kandi niba Matabaro yarabaye muri FDLR akaba azi neza gahunda yayo n’uko ihagaze muri iki gihe: Ubwo yazadusobanurira neza BILAN y’imyaka isaga 18 mu ishyamba, akaduha n’igisobanuro cy’uko buri mwaka tubona abayobozi bakuru ba FDLR bagira batya bakitahira mu Rwanda, kenshi bagiye kwisabira imyanya babanje gushinja inzirakarengane (Ndlr: Congo yo ahubwo iremeza ko FDLR yatashye cyera :  FDLR muri congo)!

 

Uko byamera kose, Matabaro aremeza ko nta yindi nzira ishoboka uretse kurunda intwaro, Opozisiyo igashoza urugamba rusesa andi maraso y’abanyarwanda! Ngo nta kundi Kagame yava ku butegetsi. Kuri Matabaro, Kagame wenyine ni we kibazo, kandi koko hari abasangiye ibi bitekerezo na Matabaro. Gusa hari abandi bemeza ko ikibazo kiri mu Rwanda ari système yose ya FPR irenganya Abenegihugu. Ubutegetsi bushingiye ku dutsiko niko bumera, no ku ngoma zabanje  twarabibonye.

 

Na none ariko  iyo ubyitegereje neza iyi nzira ya Matabaro, ishyira imbere intambara, iduhisha ko ifite n’ amakoni 3 ateye ubwoba azirikiyeho izi ngaruka 3 simusiga: (1)Kwimakaza umuco w’ubwicanyi;(2)Imyumvire ya politiki igayitse Abanyarwanda bagomba kurwanya; (3)Matabaro arabeshya hagamijwe kurangaza rubanda.

 

 

(1). Kwimakaza umuco w’ubwicanyi

 

Matabaro usingiza inzira y’intambara ntayobewe ikiguzi kirenze igipimo Abanyarwanda batanze kubera  intambara yatangijwe na FPR-Inkotanyi le 1/10/1990: urupfu rubi rw’Abanyarwanda bakabakaba miliyoni 2 barimo abazize jenoside yakorewe Abatutsi, imitungo itagira ingano yangijwe, ubuhunzi ku banyarwanda benshi, imfubyi, abapfakazi, ibimuga…Ndabona bisa n’aho Matabaro ntacyo yigiye kuri ibi byose, niyo mpamvu adatinya kugaragaza ko akumbuye intambara!

 

Matabaro, uzumva ryari ko intambara isenya ntiyubake? FPR yatangiye intambara yizeza Abanyarwanda ko ibazaniye Demokarasi ! Ubu se iyo demokarasi warayibonye? Kandi ikibabaje kuruta byose ni uko abatangije intambara yo  mu 1990, aribo nabo nyine Matabaro abereye UMUMOTSI, nibo bamwizeza ko noheho bashobora guteza intambara izazanira Abanyarwanda Amahoro n’ukwibohoza kuzuye! Ni uko Matabaro na we akabyemera, akagerekaho no kwica igiti n’isazi ashaka kubyemeza abandi! Ubwo se, ari padiri Nahimana na Matabaro,     uwibagirwa vuba ni nde? Amateka azadukiranure.

 

(2). Imyumvire ya politiki igayitse Abanyarwanda bagomba kurwanya.

 

Hirya y’ibigaragara shaka ukuri bishushanya!

 

Igitera Matabaro kuvuga ibyo avuga, ni igishushanyo afite mu mutwe we ku byerekeye imikorere y’ubutegetsi mu gihugu.

 

Kuri we, ubutegetsi nyabwo bushingiye kuri izi nkingi ebyiri:


 

BAKURE UMUTIMA-BAZAGUHAKWAHO”,(TERREUR-SOUMISSSION)


 

Bisobanuye ngo Umutegetsi w’ukuri agomba gutegekesha iterabwoba rikaze noneho Abaturage bakamuyoboka batarora inyuma  kubera kumutinya, kuko bamufata nk’inyamaswa y’inkazi.

 

Iyi myumvire y’ubutegetsi iberanye n’igihugu kiyoborwa n’Abategetsi b’Abicanyi ruharwa: nta kundi bashobora kuyobora uretse gukoresha iterabwoba ku baturage. Koko rero abaturage ntibashobora kugirira icyizere gishyitse umutegetsi ubica urubozo, ntibamwibonamo, nta légitimité agira kuko aba yarafashe ubutegetsi ku ngufu, atabuhawe n’abaturage ku neza!

 

Iyo Matabaro yemeza ko n’abicanyi barimbuye abanyarwanda bashobora gusubira inyuma bagafata ubutegetsi ku ngufu bikagirira abaturage akamaro, aba akoreshwa n’iyi schéma “Terreur-Soumission” yanditse mu bwonko bwe. Kandi nta mugayo, ubutegetsi bukora butyo nibwo Matabaro yabonye gusa! Ariko rero sinzi icyo kuba atuye i Bulayi byaba byaramumariye niba atarumvise ko hari indi nzira ishoboka!

 

Ariko mu by’ukuri hari ibyo Matabaro yitiranya! Iriya schéma Matabaro arwanira ishyaka ni ikinyuranyo (corruption) cy’indi schéma nzima: Ubutegetsi buha agaciro umuturage buba bwubakiye ku zindi nkingi ebyiri zenda gusa n’iza Matabaro ariko binyuranye cyane :


“BARENGERE-BAZAKUYOBOKA” (PROTECTION-OBEISSANCE).

 

Ubutegetsi burengera abaturage, bukabungabunga inyungu za buri muturage, bukamurindira umutekano, bukamufasha gukemura amakimbirane ahura nayo mu mibanire ye n’abandi, bukamuha icyizere cyo kubaho mu mahoro we n’urubyaro rwe…umuturage yabuzwa n’iki kwemera, kwizera, gukunda  no gushyigikira ubutegetsi nk’ubwo?

 

Gusa ubutegetsi nk’ubu ntibushobora gushingira imizi ku bategetsi bafite akageso ko kurasa abaturage no kwikubira ibyiza byose by’igihugu.

 

Ng’iyi inzira dushyigikiye, Matabaro we akaba yariyemeje kuyirwanya ku mugaragaro!

 

(3). Matabaro arabeshya hagamijwe kurangaza rubanda.

 

Ikibazo gikomeye kiri mu byerekeye inzira y’intambara ivusha amaraso Matabaro yemera kandi yigisha, ni IKINYOMA!

 

Ikinyoma giteye isoni aho gishingiye ni uko Matabaro n’abo avugira, bihandagaza bati tugiye kurwana na Kagame, nyamara wabyitegereza neza ugasanga BADAFITE UBUSHOBOZI bwo gukora n’iyo ntambara yo kubohoza igihugu bavuga!  Iyo baba babishoboye ngira ngo ntibakenera uruhushya rwa padiri Nahimana kugira ngo barase isasu rya mbere!

                                                                                 

Abavuga ko biteguye kurwana na Kagame barabeshya, nta ntambara bashoboye, kandi nabo barabizi ! Icyo bagamije ni ukurangaza Abanyarwanda barambiwe akarengane bagirirwa, no gukinisha amizero y’abasonzeye kubaho mu bwisanzure buzira ivangura mu gihugu cyababyaye.  Inyungu Matabaro n’abe bafite mu gukwiza izo mpuha ni ukugira ngo abaturage bakomeze bikange bibwira ko abo bantu  hari icyo bagishoboye gukora, bityo bakomeze kubatinya. Nyamara abo baturage bohererezwa izo mpuha ni nabo bahemukiwe, ku buryo ndetse baramutse babonye urwaho “abo nyine bafite uburambe mu kurasa bakamasha abenegihugu”, nta kindi babakorera uretse kubashyikiriza Ubutabera!

 

N’ubwo Matabaro yiha kunenga cyane ngo abo biyita abanyabwenge kandi “batazi no kurashisha itopito” simpamya ko Matabaro ubwe yaba yaramennye amaraso y’umunyarwanda. Aramutse yarabikoze, ibanga ryaba rihishuwe: ibisa birasabirana. Aramutse atarishe, ibyo avuga yaba abiterwa n’ubwira bwa gisore gusa, burya ngo  “ubuto buryana nk’indwara”!

 

Umwanzuro

 

Reka nsoze nsaba Abanyarwanda ko bakwima amatwi impuha zigamije kubarangaza no kubatesha igihe. Binyibukije ikiganiro nigeze kugirana n’Abakirisitu ba Paruwasi  ya Muyange h’i Nyamirundi, ubwo nari mbabereye Padiri Mukuru. Nkurikije ibibazo bari bafite, kubera umusilikari mukuru wahoraga abatesha umutwe ababwira ko azabashorera n’imbunda akabata mu kivu bose uko bangana, nabahaye ubu butumwa nari narumvanye umusaza w’inararibonye:

 

Nta cyo bimaze gukomeza gufunga umutwe.

Ubutegetsi bwose burayobokwa.

Bwaba bukubangamiye cyane ugashaka amaboko ukabukuraho.

Byose byakunanira, ugakuramo akawe karenge ukabuhunga!

 

Hari mu mwaka w’2004! Ubu ndamutse nsubiye ku Muyange,  ku byo nababwiye icyo gihe ntacyo nakuraho ariko hari icyo nakongeraho:

 

Inzira isesa amaraso itwara ingufu nyinshi cyane igasaba n’ibitambo birenze urugero! Kandi umusaruro wayo ukaba umwiryane. Uwahitamo gushaka ibisubizo anyuze  mu nzira y’IBIGANIRO bidafifise yonyine, akaba ariyo ashyiraho umutima we wose n’imbaraga ze zose, Abenegihugu bagatinyuka bagahanarira uburenganzira bwabo birinda urugomo, yenda byabatwara igihe kirekire ariko batanga ibitambo bike n’umusaruro ukaba ntamakemwa: AMAHORO ARAMBYE KANDI ASANGIWE N’ABANYARWANDA BOSE.

 

Bwana Marc Matabaro, gira Pentekosti nziza kandi

Roho w’Imana akongerere ingabire y’Ubushishozi.

 

 


Padiri Thomas Nahimana.

 

 

 

 

 

 

Commenter cet article

Zima 26/05/2012 10:34


Ntabwo mu Rwanda byoroshye ariko politique ya FPR iteye ubwoba , nyuma y'aho amashyaka yari hanze y'igihugu yakomeje kwiremarema akishyira hamwe akabyara ishyaka rya FDU -Inkingi , byateye ubwoba
FPR , ibona ko icyo gikorwa kitazayisiga amahoro, nibwo FPR ifashe bamwe mubayoboke bayo bari bafitanye utubazo tw'imitungo yasahuwe muri Congo babohereza hanze babaha mission yo gusenya
amashyaka avukira hanze ariko cyane cyane ishyaka rya FDU, ni muri urwo rwego Rudasingwa na gahima basohotse mu gihugu , bageze hanze batangira gutegura ingamba zo kwinjira muri muri FDU banyuze
mu Gihango ariko ku bw'impanuka yavutse hagati ya kagame na Nyamwasa , byatumye Nyamwasa ahunga kagame kuburyo butunguranye,bituma bariya bagabo bari biyemeje kujya muri FDU bucece bafatanya na
Kayumba na Karegeya bashinga ihuriro /umuryango rya RNC mu rwego rwo gushyira mu bikorwa gahunda ya FPR yo gusenya ishyaka rya FDU n'andi mashyaka yose ari hanze, bityo FPR ikaba ikomeye mu gihug
bigatuma ikora ibyo ishaka , noneho na FPR ikabba ikomeye hanze y'igihugu naho igakora ibyo ishaka mu izinarya RNC; guhunga FPR ujya hanzebigasa no guhungira ubwayi mu kigunda kuko FPR yari kuba
yatangatanze hose !


 


Ibyo byahise bituma kagame arakarira cyane ba Rutaremara kuko umugambi wo gusenya FDU washyizwemo kayumba kandi ashaka kumusimbura ,inama yahise iterana ikitaraganya , biyemeza ko abo bo muri RNC
bakomeza gahunda yo gusenya amashyaka yose y'abahutu avukira hanze y'igihugu kuko abateye ubwoba ariko bakirinda ko kayumba abyitwaza mu kibazo cye bwite afitanye na Kagame, bityo FPR yahise
ishyiraho ingamba zo guhoza isjisho ku musilikare wese wari inshuti ya kayumba no gushyikirana na Uganda ngo kayumba ataziha kwifashisha gahunda ya FPR (mu izina rya RNC) yo hanze agashaka
guhirika ubutegetsi bwa Kagame! Ni muri urwo rwego FDU imbere mu gihugu kagame yiyemeje kuyirimbura ahereye kuri Victoire Ingabire kuko yari amaze kumenya neza ko FDU hanze y'igihugu ntacyo
yakora ngo itabarize Ingabire kandi yarasheshwe na RNC; ubu FDU ntabwo ishobora gutabariza ingabire haba mubanyamahanga cyangwa mubanyarwanda kuko abayigize birirwa barwana hagati yabo kandi ibyo
bikaba bishyigikiwe cyane na FPR/RNC, yewe n'undi muyoboke wese w'ishyaka ritavuga rumwe na FPR imbere mu gihugu kaagame azajya amugenza uko ashaka amashyaka ari hanze ntashobora kugira icyo
avuga kuko RNC yayashwanyaguje !Intego ya FPR yo gukorera hanze murindi zina yayigezeho pe !


 


Hajemo kidobya batiteguye , iyo kidobya yavuye kumugabo witwa Twagiramungu Faustin, RNC/FPR yari yizeye ko Twagiramungu azaba umuyoboke wabo , ndetse bakamugira prezida wa RNC, bamara kwegeranya
amashyaka yose n'abahutu bose muri RNC bagatangira kubatatanya , igikorwa cya mbere bari gukora kwari ukwirukana kumugaragaro Twagiramungu Faustin noneho bigatera umwuka mubi muyri y'amashyaka
yibumbiye muri RNC, ibyo bigahita bigatuma RNC ihita yandagaza umuntu wese wari kwiha kwijujuta ngo ni uko Rukokoma yirukanywe mu buryo bw'amanyanga ! Ntabwo ari Rukokoma gusa wari ugenderewe ,
bashakaga na Rusesabagina , Habyarimana Emmanuel n'abantu bamwe na bamwe bazi ibya FDLR kugirango bamenye amabanga yayo noneho bayashyikirize FPR dore ko raporo za RNC zose zibikwa i Kigali! Icyo
gikorwa cyo kuzana abatavuga rumwe na FPR bo mubwoko bw'abahutu no kubirukana bose muri RNC cyari gushwanyaguza abahutu bose n'amashyaka yose yari kuba yaje muri RNC kuko batari kubivuga ho
rumwe; aho rero hababereye ihurizo Twagiramungu yanga kubakurikira ahubwo arushaho kubikomeza kuko yahise afatanya n'abandi bantu batari muyandi mashyaka bashinga ishyaka rya RDI, ririya shyaka
rya RDI ryaratunguranye cyane kuko nta mugambi bigeze barifatira; gahunda yari FDU!


 


Indi kidobya yajemo ni italiki ya 6/04, kuva génoside yaba mu rwanda umuhutu wese uri hanze yagendaga yihishe ntanatinyuke no kuvuga ko ari umunyarwanda , kwibuka no kwigaragambya ku italiki ya
6/04/2012 byashegeshe cyane FPR na RNC, kurwanya icyo gikorwa byahariwe RNC kuko ariyo FPR yahaye gahunda yo gusenya politique y'amashyaka yo hanze, ibiri amambu ariko igikorwa cyarabaye n'ubwo
RNC yashoboye gufatira mu kwaha ishyaka FDU ngo ridashyigikira icyo gikorwa; niyo mpamvu rero muri iyi minsi induru yabaye ndende kuri iriya taliki ya 06/04 no ku ishyaka RDI kuko byatunguranye
kandi bikaba byaramaze abahutu ubwoba !


 


Ibindi bintu byatunguranye batari biteze muri gahunda zabo ni ivuka rya leprophete na radio ijwi rya Rubanda , ibi binyamakuru byombi bihangayikishije cyane FPR/RNC, bagerageje gufata ingamba
zishoboka ngo babicecekeshe  ariko byarananiranye ahubwo ikibateye ubwoba kurushaho ni uko ibi binyamakuru bigiye gutuma RNC izimangana kandi yo yari izi ko igiye kuzimanganya amashyaka
y'abahutu akorera hanze!


 


Igisigaye rero ni ukumenya niba koko amashyaka y'akorera hanze azashobora guhangana n'umugambi wa FPR/RNC wo kuyasenya cyangwa se niba RNC nayo izashobora kubaho idasenyutse bitewe n'uko umugambi
wayo wamaze kujya mu mitwe y'abanyamashyaka bari hanze! iyo akaba ariyo mpamvu Rusesabagina yahise asimbuka akava muri RNC itarashobora kumuharabika kuko niwo wari umugambi!


 


Muri make ni uko ibimeze ibindi tuzabibagezaho ubutaha!