KWAMAGANA IBARUWA Y’IKINYOMA YATANGAJWE NA “therwandan.com”".

Publié le par veritas

Ishyaka-RDI.pngIshyaka RDI-RWANDA RWIZA riramenyesha abantu bose ko ntaho rihuriye n’ibaruwa yatangajwe k’urubuga rw’ikinyamakuru “therwanadan.com” (ibaruwa kuri therwandan);iyo baruwa ngo yandikiwe perezida Kagame n’amashyaka atavuga rumwe n’ubutegetsi bwe.

 

Muri iyo baruwa hagaragaramo ko umuyobozi wa RDI- Rwanda Rwiza ,Bwana Faustin Twagiramungu yayishyizeho umukono, ibyo akaba ari ikinyoma no kujijisha byakozwe n’abayanditse. Kwitirira ishyaka cyangwa umuntu inyandiko itari iye bihanwa n’amategeko bikanatesha agaciro ikinyamakuru kiba cyayitangaje. Ishyaka RDI-Rwanda Rwiza riramenyesha abasomye iyo baruwa ko ritigeze rigirana imishyikirano iyo ariyo yose na rimwe mu mashyaka avugwa ko yashyize umukono kuri iyo baruwa, kugira ngo bafate icyo cyemezo cyo kwandikira umukuru w'igihugu Paul Kagame.


Muri RDI-Rwanda Rwiza twibwira ko ibaruwa yo gusaba imishyikirano na Perezida wa Repulika y'u Rwanda atari kuriya yandikwa, ko kandi atari kuriya itangwa cyangwa ngo itangazwe. Abashaka ubwumvikane mu mashyaka bagomba kubyitondera cyane, kandi bakamenya ko POLITIKE atari umukino w'abana witwa: SAKWE SAKWE na SOMA. Politike ni ubuhanga kandi ikaba n’ubuhanzi bugomba ubwitonzi, ubushishozi no kwirinda guhubuka cyangwa gukina mu bikomeye.


Imishyikirano ni ngombwa kuko niyo izakemura ibibazo u Rwanda n'Abanyarwanda bafite ariko igira uko itegurwa. Twavuze kenshi ko INAMA RUKOKOMA ari yo yonyine "yabisobanura" kandi ikanabikemura. Iyo mibonano y'ayo mashyaka n'imeze ite muri iki gihe amashyaka ari hanze ageze kuri 21 akaba atari yashobora kwitoranyamo afite ingufu zo kwishyira hamwe ngo atume ubutetsi buriho bwiga neza ibyifuzo byayo? Amasezerano y'ARUSHA yari yarakurikiranywe mu rwego MPUZAMAHANGA yo ntimuzi uko byayagendekeye?!


Twitonde,politike si umukino w'amakarita , bimwe bya "muzungu anarara". Mujye munibuka ibitambo Abanyarwanda twatanze kubera amashyaka na politike. Turasaba ushinzwe urubuga rwa “therwandan.com” kujya yitondera gutangaza amakuru ariho imikono y’abantu atabajije n’umwe muribo niba koko aribo batanze iyo nyandiko. Niba iyi baruwa yatangajwe na “therwandan.com”, nyiri urwo rubuga yarashoboye kubaza umwe cyangwa benshi mu banyepolitiki bayishyizeho umukono, byaba byiza kumenyesha abo bayitangaje ko atari “Inyangamugayo” kandi ko bakina mubikomeye! Mugihe inyandiko –mpimbano nk’iyi yitirirwa abantu itangajwe n’ikinyamakuru, uwayitanze agomba kwisobanura kandi akabisabira imbabazi; uwatanze iyo nyandiko yaba atazwi , urubuga rwayitangaje , rukirengera amakosa rwakoze yo guhimbira abantu no gutangaza ibihuha,ibyo rukabisabira imbabazi. Turizera ko iyi nyandiko ihita ikurwa kurubuga rwa “therwandan.com kuko ari ikinyoma.

 
Turizera ko amakosa nkaya atazongera gukorwa.

 

 

 

Faustin Twagiramungu 

Umuyobozi wa RDI-Rwanda Rwiza. 


 

NDL: Ubwanditsi  bwa "veritasinfo" bumaze  kumenya ko Visi-Perezida wa PS-IMBERAKURI  nawe yamagana iyi baruwa kuko yabeshyewe ko yayishyizeho umukono nk'uko yabitangaje kurubuga rwa facebook taliki ya 19/11/2013 muri aya magambo:

 

 

Ishyaka PS Imberakuri ntaho rihuriye n'ibaruwa yandikiwe perezida Kagame irimo kugaragara ku rubuga the rwandan(http://www.therwandan.com/ki/ amwe-mu-mashyaka-atavuga-rumwe- na-perezida-kagame-yamwandikiy e-ibaruwa-ifunguye/).Nkanjye BAKUNZIBAKE Alexis nta baruwa nigeze nshyiraho umukono.

 

Commenter cet article

waruziko 03/12/2013 07:25


Noneho se ibi nibiki? "the rwandan.com" nayo tushyire mugafuko (akebo, agaseke cg agatebo) kamwe na ba bagome (abatekinika ba kagome) batekinika maze umuntu akisanga mucyaha iki cg kiriya
atakoze. Faustin we akina iyo hejuru (politike) ndetse akavugira ahareba inzega(ahabona) abikoze avuga ko yabikoze niyo abandi byabatera ipfunwe cg bagatinya wamunyakaboko karusha utuboko
twose  two kw'isi kuvusha amaraso yabatuye iy'isi no kuyasoma akayamira da! paul. bakunzibake we simuzineza. nimugaruke mu nzira!!!

fr4ncck 19/11/2013 20:19


salut


alors .ibinyoma


umubigendana  mbu  fuka  ye  yaba  yaracitse


uariko  natagukomerezaho


ubundin.ikiumuntuwese ataggomba kugendana.nu  uwo  babisanganye


acsabamabatsi.no,  ugusebanya  mwiri  hariho  abaga  kuri  radio 


,bavuga  ibtaganye  ,n.ishyakk.alors  mwisume


kutdabikoreshbyombi.  

Edmond Munyaneza 19/11/2013 20:16


Bwana Faustin Twagiramungu na Bakunzibake Alexis bagaragje aho bahagaze muri politiki.Ubu se niki banenga ibiri muri iriya baruwa?Harya aribwira ko we na Alexis Bakunzibake ko aribo bazavanaho
Kagame?Faustin urananiwe genda uruhuke ibyo utakoze bigishoboka ubu ho ntugirengo ntiwarangfije kunanairwa.Kuba uvuye mu ishyamba ejobundi koko nibyo bikubwirako bariya bahungu ibyo bakubwiye
aribyo bizaguha ubutegetsi?Tegereza urebe icyo abanyarwanda bazavuga naho abo wizeyebo aharya siwowe wabitaga abicanyira ?Ubu se noneho ubagarukiye ute?Nizereko nabyo atari uguhubuka nkibyabaye
umunsi Gatabazi yicwa!!!