Kagame yabwiiwe kenshi n’inshuti ze ko ashobora kugezwa imbere y’urukiko mpuzamahanga kugeza ubu akaba atarabyumva !

Publié le par veritas

Gahima.pngNyuma ya Dépité Brigitte Tuyishime wagejeje kubanyarwanda uko abona Kagame Paul akaba yaranamwise muruhame « umurozi political » , hagakurikiraho Ministre Nkuliyingoma Jean Baptiste nawe wavuze uko Kagame Paul yivumbuye mu nama y’abamistre mu 1995 bigatuma  guverinema y’icyo gihe iseswa ; noneho inshuti za Paul Kagame z’abanyamahanga nizo zitangiye kumuvuga !

 

Stephen Rapp uyobora ishami rya Ministeri y’ububanyi n’amahanganga ya Leta zunze ubumwe z’Amerika,iryo shami rikaba rishinzwe inkiko mpanabyaha mpuzamahanga birimo ibyaha by’intambara, niwe ubimburiye abandi mukuvuga Kagame Paul, stephen Rapp aragira ati : «Urwanda turarufasha cyane ariko igihe kirageze ngo tubabwire tweruye kandi kumugaragaro icyo twakomeje kubabwira mu ibanga mu gihe cyashize ;na bwiyeabategetsi b’u Rwanda barimo na Kagame ko bashobora kujyanwa mu rukiko mpuzamahanga ICC niba bakomeje gufasha imitwe yitwaje intaro muri Congo, igakomeza guhungabanya umutekano w’icyo gihugu » !

 

Umunyarwanda yaravuze ati « Ntagahora gahanze », wabona umunsi umwe abica abantu muri ki gihe bazagera igihe bagakubitwa  intahe mu gahanga ! Mushikiwabo we yabiciye amarenga ubwo ku italiki ya 31/07/2012 yabwiraga itangazamakuru muri aya magambo : « bene ziriya raporo zituvugaho tuzimaranye imyaka 18,izo kugusha indege, kwica abantu muri Congo n’izindi » ! Mbese kuri Mushikiwabo ntakibazo gihari na gito kuko naraporo zakozwe mu minsi yashize ntacyo zabatwaye !

 

Gusa rero niba abica ubu bayobowe na Kagame badashoboye kuburanishwa n’inkiko mpuzamahanga cyangwa inkiko z’ibihugu bitewe ni uko bazaba baritabye Imana ; Gacaca nyarwanda ivuguruye izababuranisha dore ko abo bicanyi banayikoresheje mugucira imanza z’ibinyoma abazima n’abapfuye !

 

Umunyarwanda w’umuhanga mubyamategeko akaba yaranabaye umukozi wa hafi ya Kagame ariwe Gerard Gahima aratubwira mu buryo burambuye uburyo Kagame yizeye cyane abazungu akaba yibwira ko batamugeza imbere y’ubutabera ! Gahima kandi aranadusobanurira kuburyo burambuye ko Kagame Paul ashobora gukurikiranwa n’urukiko mpuzamahanga n’ubwo yaguma kumwanya wo kuba umukuru w’igihugu ! Iki kiganiro mugiye kumva Gahima yagikoranye n’umunyamakuru w’ijwi ry’Amerika ; veritasinfo ikaba yongeye kukibagezaho kugirango buri wese yisesengurire ibihe by’amahina Kagame agezemo :


 

 

 

 

Kamanzi Innocent Veritasinfo

 


Commenter cet article