Kagame Paul yohereje impunzi z'abanyarwanda zirukanywe na Tanzaniya kujya gufata ibintu by'abakongomani bahunze intambara ya M23/RDF muri Congo !

Publié le par veritas

http://www.jambonews.net/wp-content/themes/branfordmagazine-pro/scripts/timthumb.php?src=http://www.jambonews.net/wp-content/uploads/2013/08/Abanyarwanda-bahungutse1-2.jpg&w=250&h=150&zc=1Kuri iyi ngoma ya Kagame na FPR Inkotanyi abanyarwanda bagiye gusiga umugani ku isi yose ko ari abantu b'inzererezi, batagira ubwenegihugu bakaba batagira aho babarizwa kandi bagatera ibibazo by'umutekano mucye aho bageze hose! Muri Kivu y'amajyaruguru mu gice kigenzurwa n'abarwanyi ba M23/RDF hamaze kugera imiryango 200 igizwe n'abanyarwanda bavugako birukanywe mu gihugu cya Tanzaniya,bagera mu Rwanda bakoherezwa ku Gikongoro none bakaba bavuyeyo berekeza iya Congo!

 

Amakuru veritasinfo ikesha urubuga rwa "Romandie" rwandikirwa mu gihugu cy'Ubusuwisi aremeza ko mu karere ka Chengerero muri Kivu y'amajyaruguru hamaze kugera imiryango igera kuri 200 y'abanyarwanda, ako karere kakaba kagenzurwa n'umutwe wa M23/RDF! Ubu impaka ni zose kuri iyo miryango y'impunzi iri kwinjira kubutaka bwa Congo! Abaturage batuye akarere iyo miryango iri guhungiramo kimwe n'abayobozi b'intara ya Kivu y'amajyaruguru bemezako ari imiryango y'abanyarwanda birukanywe mu gihugu cya Tanzaniya kuko bari batuye muri icyo gihugu nta byangombwa bafite byo kukibamo ubu bakaba baje gutura mu gihugu cya Congo; naho abarwanyi ba M23/RDF bemeza ko iyo miryango ari iy'abatutsi b'abakongomani yabaga mu nkambi ya Gikongoro itashye mu gihugu cyayo cya Congo kuko ngo yari yarahunze kubera imirwano hagati ya M23/RDF n'ingabo za Congo!

 

Iyo urebye ibisobanuro bya M23/RDF kubyerekeranye n'iyo miryango iri guhungira muri Congo usanga huzuyemo amacenga menshi kuko baramutse ari imiryango y'abakongomani itahutse nta mpamvu abaturage bari basanzwe bayizi babanye mu gihugu cyabo mu karere kamwe bayita abanyamahanga kandi ngo ishyirwe no mu nkambi igeze muri Congo kandi yari isanzwe ifite ibintu byayo , ikindi kandi ntabwo izo mpunzi zo ku Gikongoro z'abakongomani zahunguka umuryango wa HCR ushinzwe iby'impunzi utaziherekeje! Biragaragaraga kandi ko imirwano yatumye izo mpunzi za Congo zihungira mu Rwanda itarahagarara kuburyo imiryango ingana ityo yavuga ko itashye ngo intambara yararangiye kandi isaha kuyindi imirwano ishobora kubura hagati y'ingabo za Congo na M23/RDF!

 

Jean Claude Bambanze uba mu muryango ushinzwe uburenganzira bwa muntu muri Kivu y'amajyaruguru  yemeza ko iyo miryango y'impunzi z'abanyarwanda yatangiye kugera mu nkambi y'abatagira kivurira ya Chengerero kuva kuwa gatandatu w'icyumweru gishize. Imiryango ishinzwe kurengera ikiremwamuntu ndetse n'abaturage batuye ako karere impunzi z'abanyarwanda zahungiyemo muri Congo bemeza ko bagize ikibazo cyo kwegera iyo miryango ngo bashobore kubarura abayigize kuko izo mpunzi zahise zigotwa n'abarwanyi ba M23/RDF zikabuza abantu kubegera no kubavugisha !

 

http://www.apanews.net/IMG/artoff204181.jpgKuri uyu wa kabiri taliki ya 01/10/2013 imiryango itabogamiye kuri leta yo muri Kivu y'amajyaruguru yashyize ahagaragara itangazo ryamagana abarwanyi ba M23 bari kubarura amazu n'imirima by'abakongomani bahunze kubera intambara kugira ngo babihe izo mpunzi z'abanyarwanda birukanywe muri Tanzaniya ! Abarwanyi ba M23  bavuga ko amateka y'izo mpunzi bayasangiye ngo bakaba bafite impungenge ko nibashyira intwaro hasi izo mpunzi zizafatwa na leta ya Congo nk'abanyamahanga!

 

Akarere ka Kivu y'amajyaruguru gafite ubutaka bwera cyane , ako karere kakaba karabaye isibaniro ry'imirwano y'abatutsi bashaka kukigarurira kubera ubukungu bwako bakirukana abaturage b'abakongomani bo muyandi moko bahatuye, akaba ariyo mpamvu n'ubu ibiganiro biri guhuza umutwe wa M23/RDF na leta ya Congo nta mwanzuro irageraho none M23/RDF itangiye guhamagara abanyamahanga b'abatutsi ngo bature ako karere mu maguru mashya kandi ikiyemeza kuzakabarindiramo!

 

 

Ubwanditsi!

Commenter cet article