KAGAME Paul aratumara nidukomeza kwifata umujenjeko!

Abakurikiranira hafi ubwicanyi bwa Prezida Paul Kagame bahamya ko amaze guhitana abantu bagera kuri 8.000.000.Ubwo kandi uko gutsembatsemba ntikurahagarara .Haba mu Rwanda ,muri Congo...Kagame Paul ni umwicanyi utagira umupaka k'uburyo n'iyo za Amerika n'Uburayi ntahatinya ;  hari amakuru avuga ko hari umugambi wo kwicayo ababa babangamiye ingoma ye akoresheje amarozi cyangwa ibisumizi by'intore ndetse byaba ngombwa bakagurira amabandi yo muri ayo mahanga ! Ubwo  uwo bashaka kwikiza bakamutegera nk'ahantu bakamwica ubundi kugirango bayobye amarari bakamucuza utwe ngo bizakunde bigararagare ko bashakaga kumwiba ariko ntawe bigomba guca intege kuko « ntawamaze abatabazi kandi nta kurama kudapfa ».

«Uhishira umurozi akakumaraho abana », « Findi findi irutwa na so araroga ».Gukomeza kurebera umwicanyi nk'uriya bene kariya kagene akari cyera umuntu yazahanwa nacya cyaha cyo kwanga gutabara abari   mu kaga. «Nta rutoki rumwe rutora igishyimbo », « igiti kimwe si ishyamba », « ikiganza kimwe ntigigikoma amashyi » ni ubwo kandi ngo « igi ritajya riterana imigeri n'isarabwayi » ariko nanone« imigeri y'inshishi iratinda ikavungura ibuye »! Natwe rero dushyize hamwe ntitwatinda kugamburuza uriya mugabo ushaka kutumaraho abantu.

KAGAME NI AGATI KAMANITSWE NA BAMWE MUBANYAMERIKA

Kagame ni agati kamanitswe na bamwe mu banyamerika si akamanitswe n'Imana. Ibyo birasanzwe ngo agati kamanitswe n'Imana ntigahungabanywa n'umuyaga. Akamanitswe n'abo mvuze mu kanya ko iyo serwakira ihushye ikarandurana n'imizi ntumenye ko higeze ikintu. Ingero ni nyinshi zirebana nabene abo bagiye bahabwa ibiraka nk'ibyo. Izitari kure ni SADAM Hussen na Ben LADEN burya mbere y'uko Abanyamerika babahigisha uruhindu bari barabanje kubaha ibiraka nk'ibyo .Iyo ukiri muri icyo kiraka ,bagufata nk'inka imwe ,ukarindwa nk'ijisho,hagira ushaka kugukozaho urutoki akahavana imbwa yiruka .

Umushinja cyaha wari warashyiriweho gukurikirana abakoze amahano mu Rwanda no mu gihugu cyahoze cyitwa Yugoslavia Mme Carla der Ponte ;yigeze ashaka gukora dossier kuri Kagame Paul kubyaha avugwaho nk'ibyo ; ni uko bamwe mu banyamerika bamuhaye ikiraka bamutumaho bamuha" Gasopo" ubwo ndetse yakuyemo n'ubwehe bwo gutakaza ubushobozi yari afite bwo gukurikirana abakoreye ayo marorerwa ku banyarwanda ni uko bamupfa agasoni baba bamusigiye  abo muri Yugoslavia gusa ariko nabwo mu gihe kitari kinini cyane .Iyo rero ukiri muri icyo kiraka cyabo bagukoma isazi ariko icyo bagushakaho  bakibona  mukabyarana abo  mbese bakakugira nka kwakundi ugenza igitiritiri iyo umaze kurya ikigori.

Ngo" iyo agahararo gashize aga...no kayora ivu". Yahawe imbaraga n'abakagombye kumuhenangura Uretse ko n'abo bampatse ibihugu bamukingiye ikibaba , Prezida Paulo Kagame yagizwe ahanini n'abamugiye inyuma  bakamuha amashyi mu gihe bakagombye kumuha induru.Siniriwe ndondora abamurwanyaga bagiye bamanika amaboko ku bw'inda nini badafatiwe ku rugamba   ni uko bakamukomera amashyi ndetse bakabunga amahanga bamuhanaguraho icyaha ngo ntawe yishe kandi yarabamazeho abantu n’ibintu akabasiga nta rwara rwo kwishima,akabasiga aho inkoko irara .

Ngo"urya uwawe n'inshuro bigashira udahaze."kandi urushywa n'ubusa arara ahaze. Ndavuga kandi bene amashyaka yitwa ko amurwanya bahisemo kubanza kurwanyana hagati y'ayo bityo bagaha imbaraga uwo bitwaga ko barwanya .Abo mu miryango n'inshuti zabo yiciye nabo bakwiye kwiha akanyabugabo  ntibatinye kuvuga uwo mugome ,”yego birazwi ngo utarabona uburyo asangira n'uwishe se…” ariko  kwa Kagame ni kwa cya kirura kikurira umwana kikakurusha uburakari. Ibyo kandi bibaho   ngo "utonetse uwo asuzuguye agerekaho no kumwiyama ngo amusize amaraso."

Nyamara Kagame aragenda atakaza "ukugama"ejo  turaba tumwita "Kashobotse"!Koko si amakabya nkuru iyo uroye Paulo Kagame ,usanga muri iki gihe ahiga nta mbwa. Amahanga ndetse arimo na barya yari arambirijeho aramwiyama ubutitsa mu mafuti akora yaba ayo gufasha M23 n'andi. Ndetse ahubwo hakaba hasohoka n'amaraporo amuvuga uko ari ntanyongwe nk'uko mbere byagendaga,byongeye kandi hakaba hari n'ibitangazamakuru cyane cyane byo muri Leta zunze ubumwe z'Amerika ubu nabyo bisigaye bimuvuga amagambo atari ayo kumushimagiza  gusa.

KAGAME ASIGAYE ARIRIRA KU KARUBANDA

Abatari babyitegereje  ni bongere barebe video y'ibyabereye i Londre mu Bwongereza tariki ya18.05.2013.Abanyafrika " k'umugani we" bamuteye amagi,amase,n'ibikopo by'amazi ni uko ageze mu cyumba  yagombaga kwakirirwamo na bamwe mu bakimuri inyuma atangira kuvuga  akaga yahuye nako ,uko bamunazeho amagi n'ibindi... ubwo nawe ariko abangura amaboko abereka uko bamuteraga. Yabivuganaga agahinda kenshi ageze hagati ukwihangana kumubana gucye amarira ashoka mu gihanga  atungukira mu mazuru . Ubwo yahise akura umuswara mu mufuka arihanagura.Nyamara ni atisubiraho azarira arenze ayo.

NIYEMERE ASHYIKIRANE BIKIRI MU MAGURU MASHYA 

Niba akunda ubuzima bwe akanakunda ubw'abanyarwanda niyemere ashyikirane n'abatavuga rumwe nawe. Prezida Kikwete yamusabye gushyikirana na bamwe mu bamurwanya ,Kagame akora nka wa mwana  uhigira mugenzi we ati" sha niduhura nzakumena …"ntibyatinze Ministre w'ububanyi n'amahanga w'Ububiligi Bwana Didier  REYNDERS  atera mu rya Kikwete ,we ntacyo arasubizwa. Si abo gusa kandi  n'abandi bazabivuga ndetse si ugushyikirana na FDLR gusa Kagame agomba gushyikirana n'abo batavuga rumwe bose .

Ibyo bibaye abanyarwanda bakaboneraho, bakaganira ku cyo bapfa ntakwishishanya ,bakanenga amabi yakozwe n'abayagizemo uruhare  byashoboka  ndetse ba giti mujisho bagasaba imbabazi  ku mpande zombi "inkotanyi n'interahamwe" "uhereye kuri Kagame" ndumva ntawazimana .Sinzi uwo numvise ahigima ngo birakomeye !

Birazwi ngo ahatembye amaraso ntihajya hamera igiti cyitwa "ukwibagirwa"ariko icyo tugomba kuzirikana ni inyungu z'igihugu n'abadukomokaho .Iyo nama ibaye bya nyobyo bitari ibya nyirarureshwa,abanyarwanda bagahana igihango cyo kutazongera gusubira muri ayo mahano y'inzarwe  ngo ni inzangano... hagacibwa iteka ko Ubukungu bw'igihugu busaranganwa nta kurobanura ,umutegetsi ntiyigire kagarara akamenya ko ari umugaragu w'abaturage  ...ndakurahiye mu Rwanda haba i Rwanda .

Ntan'uwazongera kuruvamo ahunze .Uwajya ajya mu mahanga yabayo yataha ,akajyayo ajyanywe n'ibindi bitari ibibazo bya politike.

[Ndlr:Mbese Madame Jeannette Kagame azafasha umugabo we Paul Kagame kwikorera imva z'abanyarwanda yishe? Ejo ku cyumweru Jeannette Kagame yagiye muri yubile y'imyaka 50 paruwase ya Mushaka imaze ishinzwe , maze afata ijambo nk'iry'umukuru w'igihugu aho yagize ati "“Uyu munsi rero tugomba kwishimira ko mwakomeje kuba abafatanyabikorwa ba leta no kugendera mu murongo igihugu cyihaye wo kugera ku iterambere rihamye kandi rirambye. By’umwihariko turabashimira ko mwashyize mu bikorwa Politike y’igihugu y’ubumwe n’ubwiyunge kuko yari kimwe mu byihutirwa kugira ngo umuryango nyarwanda wongere usubirane"!Ubusanzwe umuntu ugomba kuvuga ijambo nk'iri ni umukuru w'igihugu, ministre w'intebe cyangwa perezida w'umutwe w'abadepite! None se Jeannette Kagame muri izi nzego mvuze ari muruhe rwego? Ko leta ya Paul Kagame yirirwa ivuza induru kuri Madame Agatha Habyarimana ngo yagize uruhare ngo mu byemezo byafatwaga mu gihugu hari umunyarwanda wigeze yumva Madame Agatha Habyarimana afata ijambo nkiri mu ruhame ashishikariza abaturage kubahiriza ibyemezo bya leta? Niba se atarabikoze ubu akaba ashinjwa ibyo twumva twese , Madame Jeannette Kagame amateka azamuteganyiza iki?].

Justin FAIDA