Kagame Paul arata ibitabapfu! Mu gihe arimo yohereza abana muri M23, Umupaka wa Gisenyi na Ruhengeri ushobora kurindwa n'abasaza n'abakecuru !!

Publié le par veritas

http://resize.over-blog.com/275x145-ct.jpg?http://voiceofcongo.net/wp-content/uploads/2013/10/hi-congortxzp9h-8col.jpgIyi nkuru yasotse ku rubuga www.mtanzania.com iratuma umuntu yakwibaza niba igihugu cyacu kiyoborwa n'abantu bazima cyangwa ubundi bwoko bw'abantu bavuye ku yindi si itameze nk'iyi yacu. Igitumye mvuga ibi ni ukubera impamvu ebyiri: kwinjiza abana mu gisirikare noneho bafite imyaka 11 ni ubunyamaswa butwereka ko batazatinya gukura abana bari ku ibere rya ba nyina bakabohereza kwicirwa muri RD .Congo.


Ikindi ni ukwishongora gukomeje kuranga Leta y'inkoramaraso ya Kagame aho bumva ko ngo aribo bayobora neza kurusha abandi bityo buri muturanyi akaba agomba kuza kubigiraho. Ariko burya ngo nta mupfu winukira koko! Ariko se kagame na Mushikiwabo biyibagiza ko dufite umugani mu kinyarwanda uvuga ngo : « ihene mbi ntawe uyizirikaho iye »! 

 

Nkuko urubuga Mtanzania rubitangaza, ngo umuryango w'abibumye uremeza ko Urwanda ruriho rwinjiza abana mu gisoda cya M23. Ubu ngo Kagame amaze gukura abana bari mu gisoda cye batarengeje imyaka 16 ngo bagera kuri 3000 akaba ariho abohereza muri M23.


Iyi nkuru uru rubuga tuvuze hejuru rukaba narwo ruyikesha Radio Ijwi ry'Amerika VOA. Aya makuru nayo ikaba yayakuye mu muryango w'abibumbye(Loni). Umukozi w'ikigo cya Loni-Monusco gishinzwe kurinda abana uri i Kinshasa, Dee Brillenburg Wurth yatangaje ko Urwanda ruriho ruha abana imyitozo idasanzwe kugirango rubohereze muri M23. bamwe muri abo bana bakaba bafite imyaka 11 y'amavuko!


http://m.c.akam.licdn.com/mpr/mpr/shrink_200_200/p/1/000/043/02d/0dd1600.jpgDee Brillenburg Wurth (Uyu uri ku ifoto) arakomeza avuga ko ibi birego bifite ishingiro, ariko kubera ko MONUSCO itemerewe gukorera hanze ya RD.Congo, ngo bariho barareba icyakorwa. Arakomeza avuga ko ku bana 122 bafatiwe muri RD.Congo, 37 ari abanyarwanda bavuga ko bahawe imyitozo ya gisoda n'Urwanda bakinjizwa muri RD.Congo batazi ko bari mu kindi gihugu. Abasigaye ngo ni kavukire ka RD.Congo.


"abenshi bagiye bafatwa bunyago nkuko bigenda mu mitwe yose yitwaje intwaro, bagakoreshwa imirimo yo kwiba no gusahura, gutwara intwaro kuva ahantu ujya ahandi, aba bana baba bakuwe mu misozi yabo bakangirwa gusubira iwabo. Abenshi muri aba bana batangiye ubuzima bwabo nk'abana ba M23 bagaheka imizigo kuva ku mupaka w'Urwanda na RDCongo."


Umujyanama mu bijyanye no kurinda abana muri Loni


Ibi byose Mushikiwabo akaba yabihakanye yivuye inyuma. Ariko ngo mu gihe yabihakanaga, Umuyobozi mukuru w'inyeshyamba za M23 Bisiimwa yariho avugana kuri telefoni na RAI ku wa kane tariki ya 10 z'Ukwakira 2013. Akaba atangazwa ngo  n'ukuntu iyo M23 iriho ikubitwa ,Loni ntacyo ivuga ariko ngo M23 yakwivuna umwanzi Loni ikavuza induru. Umva uko Bisiimwa yasobanuye.


" UN ni abantu batangaje cyane, bashaka ko dupfa ariko abasoda ba Leta ntibapfe. Twebwe nta muntu n'umwe udufasha, turiho turarwanira igihugu cyacu kugirango tugikure mu maboko y'ubutegetsi bubi. Twebwe Abakongomani turifuza kuba mu gihugu cy'amahoro nka cya kindi cya Nyerere. Ntabwo tuzigera tureka kurwana. Nibaze muri Uganda tuganire niba hari ibyo babona twaganiraho. Twebwe turashaka amahoro, niba ariko batabishoboye tuzakomeza imirwano." 

 

Umuvugizi wa gisirikare cya RD.Congo Olivier Amuli yabwiye VOA ko igisirkare cya RD.Congo na MONUSCO barangije gushwiragiza ingabo za M23 igisigaye ari ukubambura intwaro ngo bakaba batazabona umwanya wo kwisuganya.


Biragaragara ko Kagame ariho ata ibitabapfu.


enfants soldatsKagame ariho arasaza imigeri nk'umuntu uriho ushiramo umwuka, asaza imigeri asezera ku isi. Bya bigwi yarataga ngo yakoreye abanyarwanda ubu byose byashyizwe iherezo ahasigaye ariho arashaka gukora ibishoboka byose ngo arebe ko iminsi ashigaje kwicara mu Rugwiro mbere y'uko isaha yo kujya mu ibohero yakwicuma gato. 


Ibi tuvuze hejuru byashimangirwa n'ukuntu aherutse kurwana agaramye muri Loni atukana ahatana ngo Loni idohore Kenyatta yoye kujya kubazwa abantu barenga 1000 yicishije mu gihe cy'amatora yo muri Kenya  yo muri 2010 n'abantu bakuwe mu byabo batagira aho bakinga umusaya  kugeza n'ubu bagera ku 600,000. Ikibabaje ni uko ibye bimeze nka bya bindi bya Nyamwongerabibi, none se iki nicyo gihe  cyo kohereza abana mu gisoda mu gihe isi iriho imushinja jenoside yakoreye miliyoni zirenga 6 z'abakongomani, n'uruhare rwe muri jenoside yo mu Rwanda yo muri 1994 ashinjwa n'Abatutsi bahoze ari inkoramutima ze? Ibi byose kandi akaba ariho abikora abona urwo bakaniye Charles Taylor(imyaka 50 mu buroko) ushinjwa wenda 1/100 cy'ibizashinjwa Kagame.


http://i.telegraph.co.uk/multimedia/archive/02220/Charles-Taylor_2220622b.jpgMu nyandiko twasoye kuri uru rubuga rwanyu shikama.fr, umunsi w'ejo naho twababwiye ko intandaro y'ubucuti budasanzwe hagati ya Kenyatta na Kagame ishingiye ku kutajyanwa mu rukiko mpuzamahanga. Kagame na Museveni ntibashaka ko Kenyatta ajyayo kuko bahita bakurikiraho. Kagame rero biriya byose ariho akora si urukundo akunda abanyakenya na Kenyatta ahubwo niwe uriho wikorera.Muri make ariho araramira amagara ye abona ko ageraniwe.

 

Niba mubona Kagame yirirwa yiruka hirya no hino ku isi azi ko umunota uwo ariwo wose ibuye ry'imyigaragambyo y'abakongomani ryamumena umusaya, impamvu nta yindi atari kwa gusamba twababwiye hejuru kandi mbere yo kuva ku isi ugomba gusiga urishye ibibi wasize uhakoreye.Muri make uko yannyohagije abandi niko nawe agomba kunnyohagizwa wenda binaruseho kuko we agiye no kuba umutegetsi wa mbere ku isi abagore bambuye imyenda bakamuhenera, abandi bakiyambura bakandika ibitutsi ku mabere yabo bamubwira ubwicanyi bwe.


Abanyarwanda rero niba badahagurutse ngo basezerere uyu mwiyahuzi, biragaragara ko mu minsi iri imbere atazatinya kohereza abakecuru n'abasaza kujya guhagara mu Ruhengeri na Gisenyi ngo babe baraswa mu gihe we azaba ariho abaza Nziza na Munyuza niba atanywa kuri twa tuzi yamarishije abanyarwanda maze bakamutwika nkuko yabikoreye abanyarwanda batabarika mu rwego rwo kwanga ko "umubiri we" ugwa mu maboko y'abanzi dore ko batanabarika. Ikibazo cye ni uko ba Kayumba na Rudasingwa barahira bagatsemba ngo ni ikigwari ubu butwari ntiyabugira! Kurazikubone ni umwana w'umunyarwanda kandi ngo giraso yiturwa indi.


 

Nkusi Joseph 

shikama.fr 

 

 

Commenter cet article

Gisa Chris 19/10/2013 23:12


Ariko sha muri ibicucu mwebwe ba nyiri iyi site kabisa.Ibi muvuga ni nko kwikirigita mugaseka! Ariko mwaretse amagambo mugasanga Kagame i Kigali mukamurwanya aho kwirirwa muta igihe mumutega
imisni ko atari mwe mana.Rev. Rick Warren ntako atagize ngo ababwire ariko uhwitura injiji amara ibinonko koko!

Mahoro 18/10/2013 13:41


Oli, jya wicecekera abamennye amaraso bo ni benshi kandi sibo barimo kuryozwa ibyo bakoze. Gusa hari umucamanza utabera . Kuvuga amagambo meza uzi neza ko uwo uyambwira ayemera kumunwa gusa
ntacyo bimaze. Mujye mwicecekera amagambo atera abandi ibikwasi arahari ariko ukuri ni ukundi

oli 18/10/2013 08:53


muntu wanditse iyinkuru ibyowifuza ntibyaba komeza ute ibitabapfu ariwowe ntukange umuntu kugiti cyawe ngushake nokumwangisha abandi.gusa sinkuzi ariko ulikigoryi erega ayanamaraso
yinzirakarengane arikubGARUKA IMANA IBATURINDE

unva 18/10/2013 07:34


Inkuru zanyu ,nako amazimwe yanyu ntaho bihuriye n'itangazamakuru


ndabona mukwiye kuba abashumba.gusebanya wagirango n'akazi muhemberwa.

rutayisire 18/10/2013 01:15


kuriterabwoba genda wangare iyo wanguye nonese wibwirako kagame ntabo yafashije niba nabo banzi bahari ariko nabakunzi be nabo baraha sintambara mushaka muze mureke kuneshesha umunwa gusa