Inkuru mbi:Igihugu cy'Ubwongereza kiyemeje guhagarika inkunga nini cyane cyateraga u Rwanda mu gihe Mushikiwabo yumva ko yemeje impuguke za ONU ko u Rwanda ari Malayika !

Publié le par veritas

Kibihira.pngNtabwo u Rwanda rworohewe na gato muri ibi bihe ,amakuru veritasinfo imaze kubona aremeza ko igihugu cy’ubwongereza kimaze gufata icyemezo cyo guhagarika imfashanyo cyateraga u Rwanda ihwanye na miliyoni 16 z’amafaranga y’ubwongereza , (hafi 15 374 452 528 y’amafaranga y’u Rwanda) kubera uruhare rw’igihugu cy'u Rwanda muguteza umuteka muke mu karere k’ibiyaga bigari rufasha umutwe wa M23 no gukingira ikibaba Ntaganda Jean Bosco. Iyi nkuru ishyizwe ahagaragara nyuma y’uko Ministre Mushikiwabo amaze kubwira itangazamakuru ibyo yaganiriye n’impuguke za ONU.

 

 Ibisobanuro bya Mushikiwabo n’impuguke za ONU ntibisobanutse !

 

Kuri uyu wa gatanu, Louise Mushikiwabo, Ministre w’Ububanyi n’Amahanga, yavuze ko Leta y’u Rwanda ibabajwe n’ibyemezo bihubukiwe byafashwe n’abaterankunga ba budget y’u Rwanda. Kuri ibi byemezo bya Leta ya Amerika n’Ubuholandi Ministre Mushikiwabo mu itangazo ryasohowe n’iyi Ministeri akaba yagize ati:


”Tumaze kurangiza ibiganiro n’itsinda ry’inzobere (zakoze raporo ya UN) twabahaye ibimenyetso bifatika, babyumvise ndetse bemeza ko hari ibyo guhindura bagatanga raporo.

Nibereka iyi raporo bariya bafatanyabikorwa bacu mu majyambere, twizeye ko bizabaha ukuri ku byavugwaga n’ibitangazamakuru n’ababifitemo inyungu za politiki bashinja u Rwanda kuba mu ntambara.


u Rwanda ruhangayikishijwe gusa no kurandura ubukene, iterambere ry’ubukungu no kwihaza kw’abaturage. Abanyarwanda ntabwo bashaka ibi byo kubarangaza mu nzira barimo”.


 

Source : telegraph n’umuseke

 

 

Commenter cet article