Ingaruka zo guhagarika inkunga ku Rwanda zitangiye kwigaragaza mu ngabo za Kagame Paul !

Publié le par veritas

http://info.microetape.com/wp-content/uploads/2012/12/rwandanarmy.jpg[Ndlr :Ngo « umusore utiraririye ntarongora inkumi » Kagame Paul yagiye abeshya amahanga n’abanyarwanda incuro nyinshi ariko ikinyoma cye gitangiye ku mwambika ubusa ! Kugira ngo yiyemere kubanyarwanda n’abanyamahanga yashyizeho igikomembe cyamwitiriwe « Kagame Cup » gikinirwa n’amakipe y’ibihugu , icyo gikombe gitwara amadolari ibihumbi 60 buri mwaka, mu mwaka umwe akoresheje rwandaday 2 zitwaye akayabo, intambara ya M23 itwara u Rwanda ibihumbi 20 by’amadolari buri munsi (imiti, ibiribwa, ibikoresho..) ! Hagati aho abanyeshuri babuze amafaranga ya buruse,amahanga akomeje guhagarika inkunga,ibirombe akuramo zahabu bikomeje gufatwa n’ingabo za Congo ,none abatangiye kwishyura fagitire y’ibyo byose ni abanyarwanda bose, ubu bigeze no mu makipe y’imikino y’ingabo za APR ! Bikomeje gutya ntibyazatangaza ejo cyangwa ejobundi mubonye ingabo za Kagame (RDF) zitangiye kugurisha imbunda zifite kugira ngo zibonye icyo kurya ! N’ubwo FPR ariryo shyaka rikize ku isi ruswa ritanga mu mahanga n’intambara ya Congo bishobora gutuma ikigega cyayo cyuma vuba cyane ! Iyi nkuru yo gusenya amakipe ya APR iratwereka ko ishyamba atari ryeru ! ]

 

Ikipe ya APR FC (y’abagore), APR Basketball Club y’abagore na APR Volleyball Club y’abagore, zasheshwe n’ubwo zimwe zari zaratangiye shampiyona, ngo bikaba biri muri gahunda yo kugabanya amakipe y’ingabo z’igihugu.


Mu ibaruwa yashyikirijwe abatoza b’ayo makipe, ubuyobozi bwa Minisiteri y’Ingabo bwandikiyikiye abahagarariye aya makipe n’abo bireba bose gushyira mu bikorwa icyemezo cyo kugabanya amakipe cyafashwe mu nama yo kuwa 23 Nzeri 2013, yayobowe n’umugaba mukuru w’Ingabo z’u Rwanda.


Icyo cyemezo cyari icyo kugabanya amakipe y’Ingabo, hagendewe ku makipe atajya yitabira amarushanwa mpuzamahanga mu mikino ya Gisirikare (Military Games).


Gusa twagerageje kuvugisha abashinzwe Siporo muri Minisiteri y’Ingabo, batubwira ko amakuru yose arebana n’Ingabo atangazwa n’Umuvugizi wa zo, ariko tugerageje kuvugisha Brig.Gen. Joseph Nzabamwita, ntitwabasha kumubona kuko atitabaga telefoni igendanwa.

 

http://www.umuryango.rw/local/cache-vignettes/L600xH364/APR_volley_abagore-b46b5.jpgBamwe bati : "Kubura ubushobozi bwo guhemba abanyamahanga bari bari muri iyi kipe byatumye isubira inyuma, none gusubira inyuma kwa yo bishobora kuba ari yo ntandaro yo kujya ku rutonde rw’ayasheshwe", n’ubwo Politiki yo gukinisha abanyarwanda gusa yari imaze gushinga imizi, aho iyi kipe ya APR WFC yari inafite Centre yitorezamo abana bakiri bato.


Cyakora nyuma yo kumva icyo cyemezo n’amabwiriza yo kugishyira mu bikorwa, twegereye umutoza w’ikipe ya APR WFC Sgt. Nzeyimana Alexis, adutangariza ko babimenyeshejwe, kandi ko bagiye guhita babishyira mu bikorwa.


Sgt. Nzeyimana Alexis yagize ati : “Ni byo twahawe amabaruwa atumenyesha ko amakipe ya APR Football, Basketball na Volleyball y’abagore, hafashwe icyemezo cyo kuyasesa mu rwego rwo kugabanya amakipe.”


“Uretse ko hari benshi batabyishimiye, ubu twe turimo gushakisha uburyo abakinnyi bahabwa imishahara ya bo, hanyuma tukanabakorera amabaruwa abemerera kujya kwishakira andi makipe.”


Andi makuru kandi agera ku UMURYANGO aravuga ko aya makipe yasheshwe mu rwego rwo gushyirahamwe ubushobozi bwatangwaga ku makipe atandukanye kugirango, hagire irushaho gutera imbere kurushaho.


Ibi byatuma umuntu yibaza niba ibyo bitaba bifitanye isano n’ikibazo cy’ubukungu cyagiye kivugwa mu makipe ya APR amwe n’amwe nka Football y’abagabo, aho byavugwaga ko yatakaje amafaranga menshi bikabije mu myaka yo hambere, bitewe n’ubwinshi bw’abanyamahanga.


APR Women Basketball Club n’ubwo yari yaratwaye igikombe cy’umwaka ushize w’2012/2013, ubu ikaba yari yaratangiye shampiyona y’uyu mwaka 2013/2014, na yo ubu imikino yari isigaje gukina izaterwa mpaga.


http://www.umuryango.rw/local/cache-vignettes/L650xH320/arton9284-85a25.jpgBenshi mu bakurikiranaga aya makipe bemeza ko ari icyuho gikomeye, kuko amarushanwa aya makipe yitabiraga wasangaga ari yo atuma agira ingufu.


Umwe mu bakunzi b’umukino wa Basketball utashatse ko amazina ye atangazwa yagize ati : “Ni ukuri niba birababaje niba ari byo koko ayo makipe akaba yarasheshwe. Reba ikipe ya APR Women Basketball Club ni yo yaryoshyaga shampiyona, ndetse ni na yo yatwaye igikombe cy’umwaka ushize, muri Football na ho murabizi ko ari imwe mu makipe yajyaga abasha guhangana na AS Kigali, muri Volleyball na ho murabizi ko ari yo yajyaga inatanga abakinnyi benshi mu ikipe y’igihugu.”

 

APR Women Volleyball Club na yo ntizagaragara muri shampiyona iteganyijwe gutangira mu Gushyingo uyu mwaka.


Nyinawumuntu Grace Umutoza wa AS Kigali (y’abagore), ngo nta mpungenge bimuteye n’ubwo APR WFC yigeze kujya imubuza igikombe, ndetse akajya ahangana na yo cyane.


Grace yagize ati : “Twe nka AS Kigali nta cyo byaduhungabanyaho. Ubushize twakinnye shampiyona turi amakipe 11, APR ivuyemo mu gihe Gakenke yashinze ikipe kuwa gatanu w’icyumweru gishize, ubwo tuzakomeza tube amakipe 11 nihatagira indi iza cyangwa hagire ivamo.”


“Ibyo ari byo byose bayisheshe kuko babonaga ko yasubiye inyuma, kuko ubundi wasangaga yabaye iya kabiri, ariko umwaka ushize yabaye iya gatatu, ikindi kandi nta go yari ikiri mu makipe duhanganye.”


N’ubwo iki cyemezo cyafashwe, hari abasanga giteye impungenge ku buringanire (Gender) muri Siporo mu Ngabo, kuko hasheshwe amakipe y’abagore kandi nyamara bajya bavuga ko inshingano z’ingabo atari izo kurinda igihugu gusa, ahubwo harimo no guteza imbere imikino n’imyidagaduro.


N’ubwo nta kipe ibaho bitewe n’uko indi ibayeho, ntawabura kwibaza niba kuba ikipe y’Ingabo ivuye mu irushanwa, bizorohera amakipe y’abantu ku giti cya bo cyangwa ay’Uturere gukomeza ayo marushanwa, cyane cyane ko abo bose batarusha ubushobozi Ingabo z’Igihugu.

 

 

Source : umuryango.com

Commenter cet article

Mahoro 04/10/2013 08:05


Wowe wiyita arsenal ugomba kuba uri agacucu kuruta ibicucu byose bibaho. None amakuru avuga ko urwanda rwahagarikiwe inkunga na USa zirurega kwohereza abana ku rugamba muri congo ntayo wumvise
kuri Radio Rwanda?! Ahubwo vuga uti Urwand turazira iki ureke kuvuga ubusa. Kandi mujye mwemera kubwirwa ukuri niho twashobora kwiyubakira igihugu