IKIBAZO CY’UBUYOBOZI MU MASHURI MAKURU NA ZA KAMINUZA MU RWANDA.

Publié le par veritas

KIST.pngNyuma yaho mu mashuri makuru naza kaminuza havugiwe ikibazo gishobora kuba irondabwoko n’irondakarere,

 

 

Nyuma yaho gutora abahagararira abandi  banyeshuri bikomeje gukorerwa mukavuyo nta demokarasi, abanyeshuri biga mu ishuri rikuru ry’ubumenyi n’ikoranabuhanga (KIST) baratangariza abanyarwanda, inshuti z’u Rwanda  ibi bikurikira :

 

Ku cyumweru taliki ya 10 kamena 2012 nibwo bamwe mu banyeshuri bateye mubiro by’umuyobozi w’ishuri Madame MUJAWAMARIYA Jeanne d’arc  bamusaba kurangiza ikibazo kimaze imyaka myinshi muri iryo shuri cyerekeranye n’uburyo abayobora abandi banyeshuri bajyaho ;bityo Madame Mujawamariya ari kumwe n’umwungirije ushinzwe amasomo, hamwe n’ushizwe ibibazo by’abanyeshuri bahagaritse amatora yarateganyijwe kuba kuri iki cyumweru maze bategeka ko hamanurwa amafoto n’urutonde rwabiyamamazaga.

 

Ubusanzwe abanyeshuri batorerwa kuyobora abandi kuva KIST yatangira baturuka mu ntara y’uburasirazuba mucyahoze ari Umutara, bakaba barakoze system yuko basimburana kubuyobozi bwa KISTAS , bikaba bizwi ko udashobora kuyobora KISTAS (KIST Association Student) utemewe n’ikitwa Task Force (TF) ya FPR Inkotanyi, bikaba bizwiko ugomba kuba uzwi nku mw’angrofone (abavuga icyongereza gusa) ufitanye isano n’abaturutse uganda.

 

Umwaka ushize w’ 2011 hari umunyeshuri witwa Michael wabajije icyo kibazo  Recteur MUJAWAMARIYA  mu nama y’abanyeshuri  cy’uburyo abanyeshuri batagira uruhare mu kwishyiriraho ubuyobozi , uwo munyeshuri bamutera utwatsi , none bikaba byaratumye abanyeshuri bamwe batakaza ikizere cy’ejo hazaza kuko mu gihe abitwako ari abanyabwenge bacecekeshwa, bakimwa uburyo bwo kwitorera abayobozi,bigaragaza ko imigirire nkiyo izakomeza kugira ingaruka mbi kubuzima bw’igihugu. Niba udatoje umuntu wiga muri kaminuza gukorera mu mucyo na demokarasi, ejo ukamugira umuyobozi ntacyo azarenzaho.

 

Nyuma yibyo bike tubagaragarije turasaba abayobozi bayobora amashuri makuru naza kaminuza gutoza abo bashinzwe kurera umuco wa demokarasi isesuye, bakareka kugendera kunyungu z’ishyaka rimwe ariryo FPR Inkotanyi kuko ubwo buryo ntaho bwazageza abanyarwanda kandi bamaze guhumuka bihagije.

 

 

Bikorewe i kigali, kuwa 11/06/2012

Umunyeshuri muri KIST

  

Commenter cet article