IGIHUGU CY’UBUDAGE NACYO GIHAGARITSE IMFASHANYO YACYO KU RWANDA !

Publié le par veritas

Allemand.pngNyuma y’igihugu cya Leta z’unze ubumwe z’Amerika , Ubuholandi, Ubwongereza na Suwedi , igihugu cy’Ubudage nacyo kimaze gutangaza ko gihagaritse inkunga yacyo y’amajyambere ku gihugu cy’u Rwanda ihwanye na miliyoni 21 z’amafaranga y’amayero (zihwanye n’amanyarwanda :15 868 158 600 frws) iyo nkunga ikaba yari igenewe ibikorwa by’amajyambere ikaba yaragombaga gutangwa guhera muri uyu mwaka 2012 kugera mu 2015. Ubudage busobanura ko buhagaritse iyo nkunga bitewe ni uko u Rwanda rushyigikiye imitwe yitwaje intwaro igateza umutekano muke muburasirazuba bwa Congo.

 

Amakuru agera kuri veritasinfo yemeza ko ibi byemezo byose byo guhagarika inkunga ku gihugu cy’u Rwanda bigendeye kuri raporo yakozwe n’impuguke za ONU igaragaza kuburyo budashidikanwaho inkunga ikomeye u Rwanda rukomeje gutera umutwe wa M23.

 

Ministre w’Ubudage ushinzwe iby’iterambere watangaje iyi nkuru Bwana Dirk Niebel yavuze ko inkunga ku Rwanda ishobora kongera gutangwa mu gihe bizaba bigaragaye neza ko u Rwanda rutagifasha imitwe ihungabanya umutekano muburasirazuba bwa Congo, Ubudage bukaba busaba u Rwanda gufatanya n’impuguke za ONU muri byose kugira ngo izo mpuguke zigaragaze ko ibintu byose byaregwaga u Rwanda muri kiriya kibazo cya M23 rwabihagaritse .

 

Twabibutsa ko kugeza ubu ibihugu bimaze gutangaza kumugaragaro ko bihagaritse inkunga n’inguzanyo  ku Rwanda ihwanye na miliyari 65 z’amafaranga y’u Rwanda.

 

 

Source : walesonline.co.uk

 

 

Commenter cet article