Igihugu cy’Amerika (USA) cyahagaritse imfashanyo ya gisilikare cyahaga u Rwanda kubera imirwano rwashoye muri Kongo !

Publié le par veritas

ObamaMu itangazo ryashyizwe ahagaragara mu gihugu cy’Afurika y’Epfo rivuga ko igihugu cya Amerika (USA) cyisubiyeho ku nkunga  cyemereye urwego rwa gisilikare cy’u Rwanda kugira ngo iyo nkunga icyo gihugu gihabwa kitazayikoresha mugufasha imitwe yitwara gisilikare ihungabanya umutekano mu burasirazuba bw’igihugu cya Congo.

 

Kuri uyu wa gatandatu taliki ya 21/07/2012, ubunyamabanga bwa leta y’Amerika (USA) niho bwashyize ahagaragara itangazo rimenyesha ko igihugu cy’amerika gikurikiranira ibibera muri Congo mu rwego rwo hejuru , icyo gihugu kikaba gisaba u Rwanda  guhagarika no kudashyira kumugaragaro inkunga yose icyo gihugu giha mitwe ihungabanya umutekano mu gihugu cya Congo no mu karere kose.

 

Muri iryo tangazo igihugu cy’Amerika kikaba cyavuze ko gihagaritse imfashanyo ya gisilikare ihwanye na 200 000 y’amadolari y’amerika (ahwanye na 122 636 941 mu mafaranga y'u Rwanda) cyari cyaremereye u Rwanda muri uyu mwaka w’2012 ; n’ubwo bisanzwe bizwi ko icyo gihugu ari inshuti ikomeye ya Leta ya Paul Kagame. Igihugu cy’Amerika kikaba cyafashe icyo cyemezo gikurikije ibirego by’impuguke z’umuryango wa loni n’iz’imiryango irengera uburenganzira bwa muntu biri muri zaraporo zakozwe bivuga ko igihugu cy’u Rwanda gitera inkunga imitwe yitwara gisilikare iri guteza umutekano muke mugihugu cya Congo, n’ubwo igihugu cy’u Rwanda gikomeje guhakana ibivugwa muri izo raporo.

 

Amakuru veritasinfo ikesha ikinyamakuru The Guardian cyo mu Bwongereza aremeza ko igihugu cy’Amerka kirimo kwiga ibindi bihano bikakaye ku Rwanda niba icyo gihugu kidahagaritse ibyo gutera inkunga umutwe wa M23 , Amerika ikaba yafashe icyemezo cyo guhagarika iriya nkunga ya gisilikare nk’ikimenyetso cy’uko n’ibindi bihano bishobora gufatwa mu minsi iri imbere.

Twabibutsa ko imirwano ibera mu burasirazuba bwa Congo imaze gukura mu byabo abantu barenga 200000.

 

 

Source : journalmetro

 

 

Commenter cet article

Ntabwoba 22/07/2012 13:42


Bye bye Kagame, bye bye Nyakatsi y'Abanyamerika. Iminsi ushigaje ku butegetsi irabarirwa ku ntoki...!