Angola na Tanzaniya byiyemeje guhagurukira ikibazo cy’umutekano mucye mu karere k’ibiyaga bigari

Publié le par veritas

Dos-santos-et-kikwete.pngMu mujyi wa Luanda muri Angola kuri uyu wa gatandatu taliki ya 10/05/2014 Perezida w’Angola José Eduardo Dos Santos yakiriye Perezida Jakaya Kikwete uyobora igihugu cya Tanzaniya ; ibiganiro aba bakuru b’ibihugu byombi bagiranye byabereye mu muhezo ; ku cyumweru taliki ya 11/05/2014 nibwo Perezida wa Tanzaniya yasubiye mu gihugu cye.

 

Nk’uko ibiro ntaramakuru by’Angola « Angop » bibitangaza, umukuru w’igihugu cya Tanzaniya na mugenzi we w’Angola baganiriye ibyerekeranye n’ubutwererane hagati y’ibihugu byombi ndetse baganira no ku kibazo cy’umutekano mucye urangwa mu karere k’ibiyaga bigari kuva mu gihe kirenga imyaka 20 yose ! Abo bakuru b’ibihugu byombi basanze umutekano mucye ukomeje kurangwa mu burasirazuba bwa Congo Kinshasa, muri Repubulika ya Centrafrique no muri Sudani y’epfo. Perezida w’Angola José Eduardo dos Santos akaba yarabwiye mugenzi we wa Tanzaniya ko ashishikajwe  no kurangiza burundu ikibazo cy’umutekano mucye mu karere k’ibiyaga bigari yifashishije umwanya afite wo kuba perezida w’umuryango mpuzamahanga w’ibihugu by’akarere k’ibiyaga bigari CIRGL.

 

Umuryango CIRGL ugizwe n’ibihugu 11 aribyo Angola, u Burundi, Centafrique, Repubulika ya Congo, Congo Kinshasa, Kenya, Uganda, u Rwanda, Sudani y’Epfo, Tanzania na Zambia. Perezida Eduardo dos santos akaba yarasimbuye Yoweli Kaguta Museveni kubuyobozi bw’uwo muryango.

 

Igihugu cy’Angola muri iki gihe kivugwaho kuba kiri mu bihugu bifite imbaraga za gisilikare mu karere k’ibiyaga bigari kuburyo ubwacyo gishobora guhosha intambara ziboneka muri ako karere, icyo gihugu kikaba kandi gifite ubunararibonye mukugarura amahoro nyuma yaho gishoboye gusohoka mu ntambara ikomeye n’umutwe wa UNITA (Union Nationale pour l’Indépendance Total d’Angola) yamaze imyaka isaga 20 ubu kikaba gifite ubukungu buhagaze neza cyane kuburyo abaturage bo mugihugu cya Portugal kiri mu Burayi bari guhungira muri Angola ku bwinshi bashaka ubuzima bwiza!

 

Kuba perezida Eduardo dos santos yaraganiriye kuburyo burambuye ikibazo cy’umutekano mucye mu karere k’ibiyaga bigari na Perezida Jakaya Kikwete, ni uko igihugu cya Tanzaniya kizwiho ubunararibonye mu gufasha ibihugu byo muri Afurika y’amajyepfo byagize ibibazo bikomeye by’umutekano mucye nk’uw’ibihugu byo mu karere k’ibiyaga bigari ariko ibyo bihugu byo mu majyepfo bigashobora kwikura muri ayo makuba bifashijwe na Tanzaniya ! Igihugu cya Tanzaniya kandi kizwiho kuba gifite demokarasi kuva kera no kurwanya kivuye inyuma politiki yabagashakabuhake yo muri Afurika y’epfo !

 

Tanzaniya yerekanye ubutwari bwayo no kutagira ubwoba aho rukomeye mu gihe yashyigikiraga ishyaka ANC rya Nelson Mandela kuburyo Mandela yanahungiye muri iki gihugu kandi Afurika y’epfo muri icyo gihe yaragabaga ibitero bikaze bya gisilikare mu bihugu byacumbikiraga abarwanashyaka ba ANC barwanyaga politiki y’ivanguramoko y’abazungu. Angola kandi ikeneye kumvikana neza na Tanzaniya mu gikorwa cyo kugarura amahoro mu karere bitewe ni uko Tanzaniya ifite ingabo mu mutwe udasanzwe w’ingabo za ONU ziri muri Congo !

 

http://www.igihe.com/local/cache-vignettes/L600xH322/0_f9eb7227-ac87-4bb8-85d2-76a1faff7653--r--njqwedm0mw==-29b7c.jpgMu gihe Angola yakiraga Gikwete nibwo yahise yohereza Ministre w’ububanyi n’amahanga w’icyo gihugu Georges Chikoti, mu ruzinduko rwo mu bihugu byo mu Karere k’Ibiyaga Bigari birimo u Burundi, u Rwanda, Uganda na Kenya ; aho uyu mu ministre agomba kugeza kubayobozi b’ibyo bihugu ubutumwa bwa Perezida José Eduardo dos Santos wa Angola mu kugarura amahoro mu karere.

 

Niba koko Angola yiyemeje gucyemura ikibazo cy’umutekano mucye mu karere k’ibiyaga bigari twakwizera ko amahanga yose azafasha icyo gihugu niba ibihugu by’ibihangange bitavangiye abanyafurika kubera impamvu zo kwisahurira ubukungu bw’Afurika.

 

Ubwanditsi

 

 

Commenter cet article

Tores 13/05/2014 18:10

iiyeheeeee!!!! nanjye ndore!

Morel Witzer 13/05/2014 14:47


FDLR, ko mwibagiwe se kuvuga ko Kikwete na Dos Santos bavuganye uburyo bwo gutera Urwanda kuko niho muba muganisha! Ariko kuki mutarwanya Kagame ubwanyu mukumva ko bazamubakurira ho! Ibicucu
gusa!

Morel Witzer 16/05/2014 21:23

None se wowe wiyita ndatima ni iki kikubwira ko amazina atari aya njye? None se ibyo mvuga si byo? Ngaho ngo mutegereje icyo france izabakorera, ngaho ngo muhanze amaso kikwete.......epu nonese ibi nabyita iki ureste ubucucu mwa nyangabirama mwe! Muzaza ryari se ko twabategereje kuva na cyera.Tuko tayari kabisa, you mother fuckers

ndatimana gregoire 15/05/2014 06:55

mbabajwe numutu ubonamo abandimo ibicucu kuko uwbwuzuyemo abubna muribose ikigaragaza umugabo nukoyigaragaza ukoari ndagusaba uzagerageze ukoreshe namazinayawe nimba bavuze ibyavuzwe ukabonasibyuge ubivuguruza ureke gitukanakuko mwamenyereye gufungaumunwa itangaza makuru kandi menyako nituza kubohoza urwanda tutazatuma.