Akanama gashinzwe amahoro ku isi kiyemeje gusura Kinshasa na Kigali

Publié le par veritas

http://s1.lemde.fr/image/2013/09/28/534x267/3486372_3_302e_le-conseil-de-securite-de-l-onu-a-vote-une_2b9a2690c0a5244a0378e0b23fab69e1.jpgIntumwa z'akanama gashinzwe amahoro ku isi ziyemeje gusura igihugu cya Congo n'u Rwanda; urugendo rw'izo ntumwa rukaba rutangira kuri uyu wa gatanu taliki ya 4/10/2013 rukazakomeza no ku mataliki ya 5 n'iya 6/10/2013. Umuryango wita kuburenganzira bw'ikiremwamuntu w'abanyamerika HRW (Human Rights Watch)wasabye izo ntumwa z'akanama gashinzwe amahoro ku isi kuboneraho akanya ko guhatira  leta z'ibihugu byo mu karere guhagarika ibikorwa byose byo gufasha imitwe yitwaje intwaro!

 

Umuryango HRW uravuga ko igihe kigeze kugira ngo ibikorwa byose by'urugomo bikorerwa abaturage baturiye uburasirazuba bwa Congo bihagarare kandi uwo muryango ukaba usanga bibabaje kuba abakorera abaturage ibyo bikorwa bibi ari bacye cyane bagezwa imbere y'inkiko nk'uko bisobanurwa na Daniel Bekele umuyobozi w'ishyami ry'Afurika rya HRW.Izo ntumwa z'akanama gashinzwe amahoro ku isi zizasura Kinshasa , umujyi wa Goma wagize akaga ko guhura n'intambara z'urudaca z'imitwe yitwaje intwaro, nyuma zikomeze urugendo rwazo zerekeza i Kigali. Uru rugendo rw'izi ntumwa rukaba ruhanzwe amaso cyane kuko rubaye mu gihe ibiganiro bibera i Kampala hagati ya leta ya Congo na M23 bitaragira umwanzuro bigeraho!

 

M23 n'ibihano by'Amerika ku Rwanda

 

http://i2.wp.com/www.direct.cd/wp-content/uploads/2012/11/kabarebeus.jpgUmuryango HRW ukomeje gushyira igitutu ku kanama gashinzwe amahoro ku isi; uwo muryango urasaba ako kanama gufata umwanzuro wo gutegeka u Rwanda guhagarika inkunga yose icyo gihugu giha umutwe wa M23 kandi abarwanyi bakoze ibyaha by'intambara ba M23 kimwe n'abaha inkunga uwo mutwe bagatabwa muri yombi bagashyikirizwa ubutabera! Igihugu cya leta zunze ubumwe z'Amerika cyatangaje ku munsi w'ejo kuwa kane taliki ya 3/10/2013 ko gifatiye ibihano igihugu cy'u Rwanda kubera kwinjiza abana mu gisilikare cy'umutwe wa M23, ibyo bihano Amerika yahaye u Rwanda akaba ari uguhagarika inkunga yose  ya gisilikara icyo gihugu cyahaga u Rwanda.Itegeko rya Amerika ryo mu 2008 rivuga ko ibihugu biri mu bihano nk’ibyo bivanirwaho uburenganzira (licenses) bwo kugura intwaro.Leta ya Kagame Paul ngo yatunguwe n'ibi bihano yahawe n'Amerika ngo kandi ari ibikorwa bibera kubutaka bw'ikindi gihugu , bakibagirwa ko Charles Taylor yahaniwe ibikorwa bya Siera Leone mu gihe we yayoboraga Liberia!

 

Indi mitwe ntigomba kwibagirana

 

HRW isanga akanama gashinzwe amahoro ku isi katagomba kwibagirwa indi mitwe iteye ikibazo iri muburasirazuba bwa Congo, uwo mu ryango ukaba utunga agatoki umutwe wa Maï-Maï de Ntabo Ntaberi Sheka ufite abarwanyi bakomeje kwica abaturage no gusambanya ku ngufu abagore n'abakobwa muri Congo guhera mu kwezi kwa Gicurasi 2013. HRW ivuga ko ku italiki ya  "Le 27 /09/2013, abarwanyi ba Sheka bagabye ibitero mu turere twinshi twa Masisi, bica abana benshi, basambanya abagore benshi ndetse batwika n'amazu y'abaturage.

 

http://4.bp.blogspot.com/-2ZNYJubCPzw/UbZObVXmokI/AAAAAAAAAJ8/YT5pNB1uTsM/s1600/femme+violes_1.jpgHRW (Human Rights Watch) iratunga agatoki ingabo za Congo nazo zikora ibikorwa by'urugomo bihohotera abaturage, izo ngabo zikaba zarasambanyije ku ngufu abagore n'abakobwa barenga 76 munkengero z'umujyi wa Minova mu kwezi k'ugushyingo 2012. HRW ivuga ko ibyo bikorwa byose bikorwa n'imitwe yitwaje intwaro bidahanwa kimwe n'uko ingabo za Congo nazo zakoze ibyo bikorwa zidahanwa! HRW ikaba isaba abagize akanama gashinzwe amahoro ku isi gushyira igitutu kuri leta ya Congo kugira ngo ikoreshe amaperereza yo kumenya abasilikare bayo bishoye muri ibyo bikorwa bibi maze bagezwe imbere y'ubutabera.

 

Kampala

Umuryango wa HRW wibukije ibi bikorwa bibi byose bikorwa n'abitwaje intwaro muri Congo mu gihe leta ya Congo iri kujya impaka zo guha imbabazi mu biganiro bibera i Kampala abarwanyi b'umutwe wa M23 kugira ngo bemere gushyira intwaro hasi. HRW yibutsa ko amazerano nkayo yo gutanga imbabazi yakozwe na leta ya Congo mu bihe bya shize ubwo yahaye imbabazi abarwanyi bari mu mitwe itandukanye bakoze ibyaha by'intambara n'iyica rubozo, bakagororerwa amapeti bamaze kwinjizwa mu ngabo za Congo aho guhanwa, icyakurikiyeho ni uko abo bahawe amapeti bongeye gukora ibyaha bihohotera ikiremwa muntu nk'uko babikoraga mbere kuko batigeze babihanirwa kandi abo barwanyi bikura no mu ngabo za Congo bongera gushinga imitwe yitwaje intwaro irwanya leta ya Congo! ", Umuryango  Human Rights Watch ukaba usoza usaba umuryango mpuzamahanga kuba maso kugira ngo ayo makosa yabaye mbere atazongera kubaho!

 

 

Iyi nkuru Veritasinfo iyikesha "africarabia"

Commenter cet article

Kayumba 05/10/2013 12:02


Lambert, ibyo uvuga nibyo , ku italiki 28/08/2013 Bikiramariya yahaye Byishimo ubutumwa ageza kubayobozi b'u Rwanda n'abanyarwanda bose , akaba yaravuzemo ko mu kwezi kwa cyenda hazafatwa
icyemezo kizashegesha abayobozi b'u Rwanda none dore USA yafatiye u Rwanda ibihano mu kwa cyenda bitangira gushyirwa mu bikorwa ku italiki ya 01/10/2013 harimo no kurubuza kugura intwaro! Iyo
nkuru y'ubwo butumwa wayisoma aha :http://www.veritasinfo.fr/article-ubutumwa-umubyeyi-bikira-mariya-na-yezu-bahaye-byishimo-kuwa-28-08-2013-na-01-09-2013-119875249.html

Kadubiri 04/10/2013 10:30


Burya koko ngo amatwi y'ihene yumva ahiye ! None se Quita abo uvuga ko basize bishe abantu ni bande? Ni abanyamerika se bafashe ibihano cyangwa n'itangazamakuru ribivuga? Ko izi nkuru zo guhana u
Rwanda ziri mu binyamakuru byinshi abakunda byacitse ni bande? ubundi se ujya kubisoma ushaka iki? Imitekerereze ya Quita ntaho itaniye niya wa mwana wabonye inzu iri gushya akabwira ababyeyi be
ngo nibasase yiryamire!!