Rwanda: Uganda yataye muri yombi Umunyarwanda wagize uruhare mu rupfu rw’umunyamakuru Ingabire Charles!

Publié le par veritas

Rwanda: Uganda yataye muri yombi Umunyarwanda wagize uruhare mu rupfu rw’umunyamakuru Ingabire Charles!
Kuva kuri uyu wa gatatu taliki ya 9 Kanama 2017, ibinyamakuru byo muri Uganda no mu Rwanda biri kwandika inkuru y’ishimutwa ry’umugabo witwa René Rutagungira wari utuye mu mujyi wa Kampala. Amakuru atangwa n’abanyarwanda bahungiye muri Uganda yemezako uyu Rutagungira yavugaga ko ari impunzi y’umunyarwanda wahungiye muri Uganda, ariko umugore wa Rutagungira we aremezako umugabo we yakoraga imirimo y’ubucuruzi muri Uganda! Abantu ba hafi ya Rutagungira bakaba bemezako uwo mugabo yabaga i Kampala ari mu kazi yahawe na Leta ya Paul Kagame ko gushimuta no kwica abanyarwanda bahungiye muri Uganda ubutegetsi bwa FPR-Kagame! Ese muri aya makuru yose, dufate iki, tureke ikihe?
Bwana René Rutagungira ni umusilikare wo mu ngabo za FPR-Inkotanyi akaba afite ipeti rya sergeant; akaba ashinzwe akazi k’ubutasi akorana na Kabarebe ministre w’ingabo za Paul Kagame mu Rwanda. Bwana René Rutagungira akaba yarahawe akazi na Leta ya Kagame ko kujya guhiga impunzi z’abanyarwanda muri Uganda; kugirango abone uko yiyegereza izo mpunzi neza, Rutagungira yigize impunzi y’umunyarwanda muri Uganda, abeshya ubutegetsi bwa Uganda n’umuryango mpuzamahanga wita ku mpunzi UNHCR ko ahunze ubutegetsi bubi buri mu Rwanda. Amakuru yizewe neza ava mu nzego z’iperereza z’igihugu cya Uganda, yemeza ko icyo gihugu cyakurikiranye neza ibikorwa bya René Rutagungira muri Uganda basanga ari intasi ya leta y’u Rwanda yabinjiranye! Uganda yasanze René Rutagungira atari intasi gusa y’igihugu cy’amahanga, ahubwo ari n’umwicanyi ruharwa wamaze impunzi azica izindi akazishimuta akazohereza i Kigali! Zimwe muri izo mpunzi zashimuswe na Rutagungira zoherejwe mu Rwanda zarishwe izindi zifungiye mu Rwanda!
Ibiro by’iperereza by’igihugu cya Uganda byasanze René Rutagungira akoreshwa na Bwana Baguma Ismael ushinzwe umutekano wa ambasade y’u Rwanda muri Uganda (Attache de la Police,Rwandan Embassy Uganda).Bwana René Rutagungira akaba yarahahamuye impunzi z’abanyarwanda ziri muri Uganda kuko azwi muri izo mpunzi nk’umwicanyi ruharwa. Impunzi z’abanyarwanda zishwe izindi zigashimutwa na René Rutagungira ni nyinshi cyane, twavuga nk’umunyamakuru Charles Ingabire warashwe na René Rutagungira i Kampala ahitwa Bukesa, icyo gihe hari mu kwezi kwa cumi na kumwe mu mwaka w’2011. Paul Kagame ubwe akaba yariyishimiye iyicwa ry’uwo munyamakuru kandi Rutagungira akaba yaragendaga yigamba ku bantu abonye bose ko ari intwari kuko ariwe wishe uwo munyamakuru. Impunzi n’imiryango irengera impunzi muri Uganda batakambiye leta ya Uganda ngo ihane uwo mwicanyi ugenda abyigamba hose ariko biba ibyubusa!
Mu mwaka w’2014, René Rutagungira yari agiye gushimuta umwana w’umunyeshuri witwa Manirakiza Pascal, Imana ikinga akaboko, uyu Manirakiza Pascal yari umunyeshuri  wajyanywe muri M23 kugahato na leta ya Paul Kagame, bamuvanye mu Rwanda, nyuma Pascal yaje gutoroka avuye muri M23 ahungira muri Uganda. Manirakiza Pascal akigera i Kampala yatangiye gutangariza amahanga uburyo yajyanywe muri M23 ku ngufu na leta y’u Rwanda ndetse atangaza n’amazina y’abantu bohereza abana muri M23! Ayo makuru yatanzwe na Manirakiza Pascal yatumye ONU ikora iperereza ryo kumenya ubufasha leta ya Kagame iha M23 bituma kandi leta y’Amerika ndetse na bimwe mu bihugu by’i Burayi bihagarika imfashanyo yabyo ku Rwanda! Leta y’i Kigali ibinyujije kuri ambasade yayo iri i Kampala yahaye ubutumwa René Rutagungira bwo gushimuta no kwica Manirakiza Pascal, mu gihe gito cyane Rutagungira yashimuse Manirakiza Pascal, kubw’amahirwe Manirakiza atabarwa ataravamo umwuka kuko yari yakubiswe cyane na Rutagungira!
Muri uwo mwaka kandi w’2014, René Rutagungira yagize uruhare rukomeye mu ishimutwa ry’impunzi z’abanyarwanda zari  muri Uganda nka : Innocent, Rukundo Patrick, Joel Mutabazi, Camarade, Nsabagasani ndetse n’abayoboke ba PS Imberakuri bari barahungiye muri Uganda, bose babohereza mu Rwanda; bamwe muri izo mpunzi zashimuswe na Rutagungira barishwe imirambo yabo ijugunywa mu kiyaga cya Rweru bahambiriye mu bigunira abandi bakaba bafungiye mu Rwanda! Kugirango Rutagungira akomeze gukora akazi ke mu mutuzo, leta y’i Kigali yamwise umwicanyi mu rwego rwo kujijisha ariko amakuru atangwa n’abakozi bo mu biro by’iperereza rya Uganda yemeza ko Rutagungira n’umugore we bakoreraga ingendo nyinshi mu Rwanda kandi babeshya ko bahunze icyo gihugu! René Rutagungira kandi ari mubashimuse umunyarwanda w’impunzi witwa Gafirita wari warahungiye muri Uganda,nyuma akaza guhamagarwa n’umucamanza w’umufaransa Marc Trévedic ngo atange ubuhamya ku ihanurwa ry’indege ya Habyarimana, Gafirita yaje kujya muri Kenya kubera umutekano we utari umeze neza, ariko yaje gushimutirwa muri Kenya i Nairobi,bigizwemo uruhare na René Rutagungira.
Uganda yanze agasuzuguro k’inkotanyi kubutaka bwayo!
Kuwa gatanu taliki ya 4 Kanama 2017 Bwana René Rutagungira yagiye mu gikorwa cyo gukina ikinamico ryo gutora Kagame kuri ambasade y’u Rwanda i Kampala kandi yiyita impunzi! Ubusanzwe impunzi yahunze igihugu ikomokamo ntifite uburenganzira bwo gutora abayobozi bo mu gihugu yahunze ndetse nta nubwo ifite uburenganzira bwo kujya kuri ambasade y’igihugu yahunze, iyo ibyo bigaragaye, ya mpunzi yamburwa ubuhungiro ifite muri icyo gihugu! Ubwo Rutagungira yajyaga muri ambasade y’u Rwanda akiyemeza no kujya mu matora; inzego zishinzwe iperereza za Uganda zaramukurikiraniraga hafi!
Ku cyumweru taliki ya 6 Kanama 2017 saa saba z’ijoro, ubwo René Rutagungira yarimo anywera inzoga mu kabari kari aho bita Bakuri ari kumwe n’inshuti ze yaguwe gitumo n’inzego zishinzwe umutekano za Uganda zimuta muri yombi. Muri ako kabari haje imodoka 2 zirimo abakomando ba Uganda, binjira mu kabari Rutagungira yanyweragamo, bamwe binjira imbere munzu abandi basigara hanze, bose bari bambaye sivili, kandi bafite ibyangombwa bibaranga, bose hamwe bakaba bari bageze kuri 12 kandi bitwaje intwaro zikomeye kuko Rutagungira bari baje gufata ari umukomando woherejwe na Kigali ngo ahungabanye umutekano w’impunzi mu Uganda na Kenya. Ubwo Rutagungira yatawe muri yombi n’urwego rushinzwe umutekano muri Uganda akaba afungiye ahantu hatazwi!
Nyuma y’iryo fatwa rye, hatangiye kugaragara ibimenyetso simusiga bigaragaza ko Rutagungira yari intasi ya Leta y’i Kigali; bitewe n’uko aho afungiwe hatazwi; abakozi b’ambasade y’u Rwanda i Kampala bahawe amabwiriza na Kigali yo gukora uko bashoboye bakamenya aho Rutagungira afungiye mu rwego rwo kumubohoza kugirango amabanga yahawe niyo leta atayamena! Ikinyamakuru “igihe.com” gikorera leta ya Kagame nicyo kiri gukwiza ibihuha by’uko Rutagungira yashimuswe n’urwego rushinzwe iperereza rwa Uganda! Niba se igihe cyemeza ko Rutagungira yafashwe n’urwego rushinzwe umuteka ubwo yanyerejwe? Ikinyamakuru “igihe.com” kiremeza ko Rutagungira ari umunyarwanda wasezerewe mu ngabo z’u Rwanda akaba akora imirimo y’ubucuruzi muri Uganda mu gihe uyu Rutagungira we yiyemerera ubwe ko ari impunzi, ni gute ashobora kuba impunzi nyuma akajya gutabarizwa na leta y’i Kigali yahunze?
Amakuru menshi “veritasinfo” ikesha inzego z’umutekano muri Uganda yemeza ko izo nzego zagejeje kenshi ibibazo bikomeye by’umutekano mucye biterwa na maneko za Kagame zacengeye mu gihugu cya Uganda, ibyo bibazo byagejejwe ku nzego nkuru z’icyo gihugu; amakuru yizewe neza akaba yemeza ko ubuyobozi bwa Uganda mu nzego zose bumaze kurambirwa n’agasuzuguro zishyirwaho n’intasi za leta y’u Rwanda zihishe muri icyo gihugu zihora zikora ibikorwa byo guhungabanya umutekano w’impunzi z’abanyarwanda bahungiye muri icyo gihugu! Igihugu cya Uganda kikaba kiyemeje kurwana ku busugire bwacyo no kwihesha agaciro kirwanya izo maneko za Paul Kagame zanduza isura nziza y’igihugu cya Uganda!
 
Veritasinfo

Commenter cet article

Jambo 16/08/2017 23:27

None abanyarwanda Baba Uganda batangiye guhambirizwa, The begining of the end , time is ticking please mwihane muhindukirire umwami Yesu niwe gisubizo cy'ibibazo byacu !?

http://mobile.igihe.com/amakuru/u-rwanda/article/abanyarwanda-basaga-90-bafatiwe-mu-mukwabu-muri-uganda-bahita-bahambirizwa

Abazunguzayi bakozanyijeho na dasso ivumbi riratumuka 11/08/2017 19:42

Abazunguzayi bakozanyijeho na dasso ivumbi riratumuka

https://www.youtube.com/watch?v=lXwIU38XnoY

Richad 11/08/2017 06:40

Ko fpr ivuga ko abanyarwanda hafi ya bose bayikunda (98%) kuki igira ubwoba bwa competition, debat contradictoire?
Ese hagize irindi shyaka rifata ubutegetsi rigategeka neza neza nk'uko fpr itegtse abanyarwanda muri iki gihe, fpr yabyemera? Yabyishimira ikayoboka?
Kuki KPolo ategekesha igitugu cyo mu bwoko bwa apartheid ngo arapyinagaza abahutu aramutse ategetse igihugu cy'abatutsi gusa bo yabaha democratie? Ese ba Joseph Sebarenzi, Nyamwasa, Diane , Mwenedata ni abahutu? Ese abatutsi nibo bskwemera gusigazwa inyuma na Kagame ku Isi yose kubera gusa ko bayobowe na Kagame w'umwicanyi? Tubyibazeho.

kilimambogo boys 11/08/2017 08:04

"...aramutse ategetse igihugu cy'abatutsi gusa bo yabaha democratie?" voilà ce qu'on appelle une très bonne question.

Niyonzima jean de Dieu 11/08/2017 00:15

uyu mwicanyi akorana ni indi Nyenzi yabigize Umwuga ikunda kwiyita Uwera. Aba nibo bamaze bene wabo muri uganda no ku si yose ngo bararwanya Kayumba. Sinzi umwobo Uwera yihishyemo , ariko nawe amaraso yi inzira karengane zo mumoko yose bakomeza kwicya ntazabura ku basama bitinde bitebuke. Mwahise mo umwuga mubi kandi muzapfa muvuza induru.

kilimambogo boys 10/08/2017 19:04

kwiy'isi hari ibintu byinshi bibabaza ariko hari n'ibindi bisetsa ! nimurebe hano mwisekere : https://www.youtube.com/watch?v=mJGen6WTLhc

kilimambogo boys 10/08/2017 18:41

ubwo ako kagome agiye kugaha igihembo aha ibigarasha byamukoreye ...rutagwingira shitani iguhe iruhuko ridashira

kilimambogo boys 10/08/2017 18:39

"Rutagungira akaba yaragendaga yigamba ku bantu abonye bose ko ari INTWARI ...NTWARI " ntacyo bibabwiye abasomyi ba veritasinfo ?

Kalisa 10/08/2017 18:06

None se ibi nibyo byatumye Museveni atoherereza umuhungu we ubutumwa bwo kumushimira ko yibye amatora na mandat ya gatatu?

Gitamisi 10/08/2017 17:50

Impunzu zose aho ziri hose kwisi yose nizo zigomba kwirindira umutekano wazo kuko abicanyi ba Kagome buzuye isi yose, buri mpunzi yumunyarwanda igomba kwirinda muri byose utabikora ukicwa kuko Kwicwa kwimpunzi zabanyarwanda byahinduwe itegeko kwisi yose. Ntabwo impunzi zabanyarwanda zitwa ibiremwa muntu. Umwanzi aje kukwica wowe uhita umutanga ukamushyira aho ashaka kugushyira, umwice nkuko nawe ashaka kukwica burya sibuno kandi twese tuva amaraso atukura, irwaneho, rwana kumuryango wawe, inshuti nabavandimwe. Izo nyangabirama zose tuzishyire kukarubanda uwo zizongera kwegera wese ahite yica kuko nawe aje kukwica. Harabaye ntihakabe. Bamaso kandi witabare kuko igihe niki.

kilimambogo boys 10/08/2017 18:36

ndakwemera

Ryangombe 10/08/2017 16:58

Hanyuma se uwo Rene Rutagungira ko azwi kuki batamwica? Habuze impunzi zsgurira umwica? Uwo niyicwe ntacyo amaze aragapfa.

kilimambogo boys 10/08/2017 18:34

komera

Intwari Museveni 10/08/2017 16:21

Intwari Muzehe Museveni, warebye kure ubohereza kujya gukotanira iwabo muri 1990 (mbere y'uko nawe bakwirenza), none rero komeza igikorwa watangiye.

Obusingye Sebo.

Kwaya 10/08/2017 15:50

Umugore we yatangarije itangaza makuru ko umugabo we yajtaga mu Rwanda ntakibazo ntabwo yari impunzi rero