Rwanda: Ibitekerezo bya Faustin Twagiramungu byatumye Paul Kagame ateshaguzwa imbere y'abaturage!

Publié le par veritas

Paul Kagame muri 1994 amaze kwiha umwanya wa visi perezida

Paul Kagame muri 1994 amaze kwiha umwanya wa visi perezida

Umugabo w'umunyamerwe yagiye gusura kwa sebukwe mu Bugoyi, agezeyo asanga bari kubaga Ruhaya (isekurume). Uwo munyamerwe yaje gutaha asubira iwe, kwa sebukwe bamupfunyikira inyama, bamuha n'umwana wo kumutwaza; ageze iwe mu rugo nibwo yatekererezaga umugore we iby'urugendo rwe, ni ko kumubwira ati :"nageze iwanyu munsi y'uruhu, nsanga iseseme barayibaga, ubwo isekurume iba iranteruye no ku kinyama k'inzu ngo pii! Ngo nyikubite amazi, amaso aba yuzuye akanwa!"...Nyirakanaka ngo abite mu gutwi, araseka cyane ibi byimazeyo,afatwa n'impumu arakumbagara, niko kubwira umugabo we ati:"Erega Ruhaya yarinkozeho, ni Isekurume ntisebanya, kiretse utazi uburyo inunira, niwe uyisebya ibi by'abasenzi!".
 
Amagambo ari muri iki gitekerezo cy'umunyamerwe, ahuye n'ayo Paul Kagame yavugiye mu karere ka Nyamasheke i Cyangugu kuri uyu wa gatandatu taliki ya 29 Nyakanga 2017,ubwo yari imbere y'imbaga y'abaturage bazanywe ku ngufu mu gikorwa k'ikinamico ryo kwiyamamaza Paul Kagame arimo akora kandi yarivugiye ubwe ko amatora yarangiye cyera! Ubwo yari afashe ijambo imbere y'imbaga, Paul Kagame yagize ati:"hari abantu bazanye kundeba mu kubaka inzego z'igihe gikurikira intambara irangiye, dushyiraho leta y'ubumwe n'ibindi, yabatsinze (Makuza) ntiyabavuga n'amazina,hari abantu benshi, harimo naba Twagiramungu,ngirango niwe yigeze kuvuga uba hanze,ariko duhora dutumira ngo nawe atahe, icyantangazaga icyo gihe bazana n'igurupe nini, harimo abantu ba PL, PSD, MDR yari iyobowe icyo gihe na Twagiramungu, icyo gihe twabasobanuriraga ibigiye gukorwa, icyantangaje ni uko icyo gihe nyine uwo Makuza yavugaga, yambwiraga ngo ninjye ukwiye kuba Perezida, ariko hashize igihe gito arabihindura (abantu baraseka cyane)! Ntabwo yari akinyifuza, ngirango yibwiraga ko azankoresha! Nari nabaye urutindo yambukiraho! Ariko ibyo ni amateka! (kanda aha wumve uko yabivuze)"
 
Iyi mvugo ya Kagame ntaho itaniye ni iy'umunyamerwe! Ihabanye cyane n'imigabo n'imigambi abaturage baba bategereje kumva ku muperezida wiyemeje kuyobora indi myaka 7! Umwarimu aramutse ahaye Kagame amanota kuri iyi mvugo yavugiye muri mitingi i Nyamasheke akazanamo amazimwe afitanye na Twagiramungu yamuha amanota 0%! Uku guteshaguzwa kwa Kagame nibyo bita H.S (hors sujet/kurengera). Twagiramungu amaze imyaka 22 ataba mu Rwanda, ntabwo ari kwiyamamaza mu ikinamico ry'amatora ya Kagame, none se dukurikije ibibazo by'uruhuri abanyarwanda bafite, Paul Kagame yazanye izina rya Twagiramungu gute muri programe agomba kugeza ku baturage? Iyo niyo migabo n'imigambi se Kagame afite y'imyaka 7? Uko guteshaguzwa niko kwatumye abaturage baseka Kagame amaze kuvuga amazimwe kuri Twagiramungu! Ikirushijeho gutangaza cyane ni uko Paul Kagame yabeshye abanyarwanda izuba riva ababwira ko ngo ahora ahamagarira Twagiramungu gutaha! Ese Kagame aziko abaturage badakurikira ngo bamenye ukuri kw'ibyo avuga? Niba Kagame abeshya abaturage kubyo bazi ubwabo ko yanze ko Twagiramungu akandagiza ikirenge mu Rwanda, abona abaturage bakemera bate amazimwe ari kubabwira y'uko Twagiramungu yifuje ko aba perezida?
 
Ni iyihe mpamvu yatumye Paul Kagame yibagirwa ibyo yagombaga kuvuga muri mitingi akivugira Twagiramungu?
 
Paul Kagame yagiye muri mitingi i Nyamasheke i Cyangugu amaze kumva ikiganiro cy'imvo n'imvo cyatambutse kuri radiyo BBC Gahuza mu gitondo cyo kuwa gatandatu taliki ya 29 Nyakanga 2017. Icyo kiganiro cyayobowe n'umunyamakuru wa BBC Gahuza, Bwana  Gakwaya Felin (Kanda aha wumve icyo kiganiro), mubatumirwa yaganiriye nabo hakaba harimo inararibonye muri politiki Bwana Faustin Twagiramungu, Nahimana Thomas w'ishyaka Ishema n'abayoboke 2 ba FPR Inkotanyi aribo: Jean Claude Ruzigandekwe na Alphonse Bizimana. Uko bimeze kose, nubwo Paul Kagame yakwihindura umwami w'u Rwanda cyangwa se akigira mareshali nka Mobutu, cyangwa Umwami w'abami nka Bokasa, ntabwo ashobora gusimbuka ibibazo bikomeye bya politiki byavuzwe muri icyo kiganiro!  
 
1)Ikibazo cya Demokarasi: Bwana Faustin Twagiramungu yasobanuye ko mu nama yabereye i la Baule mu Bufaransa mu mwaka w'1990, perezida w'icyo gihugu muri icyo gihe Bwana François Mitterrand yasabye abakuru b'ibihugu by'Afurika gushyiraho demokarasi mu bihugu byabo ishingiye ku mashyaka menshi, ko umukuru w'igihugu utazemera iyo politiki azahagarikirwa imfashanyo n'Ubufaransa. Twagiramungu asobanura ko afatanyije na Gapyisi Emmanuel na Seth Sendashonga bandikiye ibaruwa Habyarimana Juvénal wayobora u Rwanda muri icyo gihe, iyo baruwa ikaba yarashyizweho umukono n'abantu 33 basaba Perezida Habyarimana gufungura urubuga rwa politiki. Habyarimana akaba yaremeye ishingwa ry'andi mashyaka. Twagiramungu asobanura ko iyo baruwa Habyarimana yayakiriye neza yubahiriza icyifuzo cyo kuzana demokarasi isesuye mu gihugu. Ubwo yari amaze kwemera ifungurwa ry'ubuga rwa demokarasi mu Rwanda nibwo inkotanyi zahise zigaba igitero cya gisilikare! Iyo baruwa yandikiwe Habyarimana muri icyo gihe n'ubu ku ngoma ya Kagame iracyafite ireme ryaro, ibyo akaba aribyo bitera Kagame kuvugishwa!
 
Nahimana Thomas yashimangiye ko akurikije imyitwarire ya Paul Kagame, asanga Habyarimana Juvénal aruta kure Paul Kagame mu kubahiriza demokarasi. Thomas yagaragaje ko FPR imeze nk'ishyaka rimwe rukumbi. Abahagarariye FPR bo bemeza ko mu byukuri mu Rwanda hari amashyaka menshi yibumbiye mu mpuzamashyaka imwe bityo opposition ikaba itagaragara kuko ayo mashyaka ahuje umugambi. Twagiramungu na Nahimana basobanuriye abo bayoboke ba FPR ko atari uko demokarasi ikora, ko ari ngombwa kureka andi mashyaka afite ibindi bitekerezo byo kuyobora igihugu akabigaragaza, Twagiramungu yerekanye ko Paul Kagame atinya guhangana n'abantu bafite ibitekerezo binyuranye n'ibye kuko azi neza ko atabatsinda, akaba ariyo mpamvu Diane Rwigara yanze ko yiyamamaza! Ikibazo gikomeye Kagame afite ni iki:
 
Abambari ba FPR bari muri iki kiganiro bavuze ko Habyarimana Juvénal yemeye amashyaka menshi atari kubera ubushake bwe ko ahubwo yabitewe n'igitutu cy'abazungu bavugagako bashobora kuzamufungira imfashanyo! Aba bambari b'inkotanyi bashakaga kwerekana ko Habyarimana yagaragaje ububwa agatinya guhangana n'abazungu, ko Paul Kagame we adashobora gukora nka Habyarimana uko byagenda kose! Aba bambari b'inkotanyi kimwe na Paul Kagame babona ko bageze aho bajyaga: bafite igihugu, bakoresha abaturage ibyo bashatse kandi ko bafite ingabo zibarinda kandi n'ifaranga basahuye muri Congo baryibitseho, bityo urusaku rw'abanyapolitiki nka Twagiramungu na Nahimana ntacyo rwabatwara! Gutekereza gutya kwaba ari ukureba hafi cyane, none se ni izihe mbaraga Paul Kagame afite arusha Habyarimana kuburyo we ashobora guhangana n'igitutu cy'abazungu? Urwanda n'igihugu gito kidakora ku nyanja, nta mutungo kamere gifite, uko Habyarimana yarusize niko n'ubu rungana, Paul Kagame afite izihe mbaraga zo guhangana n'amahanga aramutse amufatiye ibyemezo?
 
2)Ikibazo cy'ubuhunzi: Umunyamkuru Felin Gakwaya yabajije ikibazo gikomeye cyane,kuko Paul Kagame na FPR bakiburiye igisubizo kandi aricyo bagize urwitwazo batera u Rwanda! Felin Gakwaya yagize ati: "Muri iyi manda y'imyaka 7, murumva ko umuntu uzayitsindira akaba agiye kuyiyobora hari politike mubona afite ituma ijambo bita guhunga, rituma abanyepolitiki bahunga, rituma abanyamakuru bahunga, rituma abari mu mashyirahamwe yigenga bahunga, mu rumva iri jambo rigomba kuzahanangurwa kuburyo u Rwanda rurangwa n'amahoro nta mususu?".
 
Kuri icyo kibazo Bwana Faustin Twagiramungu yagize ati:"Niba abantu bahunze badataha bifite impamvu, mu mashyamba hariyo impunzi zirenga ibihumbi 300, hariyo abana bavukiyeyo batabona uburyo bwo kwiga no kwivuza naba nyina ntibashobore kujya muri za maternité, kandi abo bose ni abanyarwanda. Mu gihugu abenshi barahunga kandi ntibagomba gusezera....kugira ngo ibyo bintu bizacike , byagombye gucibwa n'abantu nkaba Kagame babaye impunzi,...nkaba nibaza niba abantu bari mu mashyamba ya Congo n'abandi bari mu bindi bihugu nabo bazafata imbunda nk'uko Kagame yazifashe kugirango atahe? Njye rero numva batazataha ari uko bakomye mu mashyi cyangwa ngo batahe ari ingaruzwamuheto." Uhagarariye FPR muri icyo kiganiro we avuga ko nta muntu FPR yangiye gutaha, ariko Nahimana Thomas yahise amunyomoza amubwira ko we yangiwe ku mugaragaro gukoza ikirenge mu Rwanda! Abo bahagarariye FPR bagaragaje ko nta ngamba ziriho zo guca ubuhunzi ko nta gihugu na kimwe kidafite impunzi kibaho ku isi ,ko n'iburayi abantu bahunga! Niba bimeze gutyo FPR yarwaniye iki ko yaje ivuga ko ije guca ubuhunzi?
 
Ikibazo gikomereye Kagame ni ukumenya niba koko afite ubushake bwo kubuza impunzi gutaha iwabo, ese izo mpunzi zifashe imbunda nk'uko nawe yayifashe zigatera u Rwanda azemerako iyo ntambara ifite ishingiro? Ese hari uwo yatakira ko yatewe akamwumva? Ibyo bibazo bikomeye byavuzwe muri icyo kiganiro nibyo Kagame yagombaga kuvugaho muri mitingi ye i Nyamasheke aho kuzana amazimwe y'uko Twagiramungu yashatse ko aba perezida! None se ko yabaye we, uwo mwanya yawukoresheje iki?
 
Veritasinfo
 
 
 
 
 

Commenter cet article

philippe mpayimana mu kwiyamamaza i Musanze 01/08/2017 08:55

philippe mpayimana mu kwiyamamaza i Musanze

https://www.youtube.com/watch?v=dbCkpjBP088

Faustin Twagiramungu aravuga inyenzi 1959 n'amateka y'u Rwanda. 31/07/2017 20:32

Faustin Twagiramungu aravuga inyenzi 1959 n'amateka y'u Rwanda.

https://www.youtube.com/watch?v=IvYeGyCMEN4

kilimambogo boys 31/07/2017 18:56

kuri veritasinfo SVP turabasabye mureke gusiga amabyi uru rubuga mushyiraho amafoto yariya mahurungure yaboze ngo ni ndayishwima kavunamuheto kagome mabere ya nyina !

Bihozagara 01/08/2017 10:14

Kilimambogo boys. Genda uri INTORE kabisa ya Kagame kuko gutukana n'uburere buke mubihurije ho. Yise Karegaya na Kayumba amabyi, ibigarasha kandi baramushyizeho. Mushiki wabo yungamo ati UTUZUNGU, kandi abo atuka aribo bamushyizeho... None nawe usigaye ubona AMABYI ahantu hose. Ayo magambo yuburere buke niyo aranga INTORE muri Social Media kuko nta argument bagira. Yewe ntawabarenganya niho ubwenge bwanyu bugarukira.

UK ramba 31/07/2017 17:07

Harakabaho UK nubwo Tony Blair yatugulishije bwose.
Abicanyi ba Kagame babahaye gasopo yo kuza kubatobera igihugu-Uwagiye mu Rwanda akaza gushimutwa, baba babwiye Gaciro bati murekure vuba-Abafatiwe ubusa,bati muzagume hano,ntabwo tuzabohereza mu muliro ngo ni u Rwanda,igihe za Canada-Suede-Holland,-Danmark bohereza inzirakarengane ngo nibajye kubambwa. Duhaye impundu igihugu cya UK

Maputo 31/07/2017 20:05

Wibagiwe USA yoherereza kagome impunzi zabanyarwanda nkuko bohereje Leonard Munyakazi bamuboshye bakamushyikiriza abicanyi ikigali none ari kuborera muburoko bwa Kagome.

Christophe 31/07/2017 14:46

Kuri Kampire. Ibyo uvuga ni amagambo gusa adafite Icyo avuze, Niba uri umugabo uzatere u Rwanda, Nibwo uzamenya itandukaniro rya Perezida Kagame n'abo bose wavuze. Ubwo rero ngo mutegereje ko abafaransa bazongera bakabafasha. Ko babafashije kuva muri 1990 mubuze gupfa mwangara se? . Ngaho nimutegereze ko Twagiramungu ugiye kwicwa na rubagimpande ariwe uzabageza i Kigali. Cyangwa uriya mupadiri wigize Perezida wa Repubulika ya Balinga utazi no kurashisha itopito, no gutanga ukalistiya byaramunaniye cyakora icyo ashoboye ni ukwiruka inyuma y'ingutiya z'abagore. Ibyo rero niba aribyo bizatuma afata u Rwanda simbizi.

Semanzi 01/08/2017 10:24

Christophe, felicitations noneho ntukoze ibisanzwe biranga INTORE: gutukana n'uburere buke. Gusoma Veritas byakugiriye akamaro kuko byakwigishije ko gutukana ari bibi, mugihe Ingando za FPR zakibwiye ko gutukana ari byiza, biteza uRwanda imbere. Ariko hari ikindi ukeneye kumenya: gutera ubwoba abantu ubabwira ko nibatera ntabwo byubaka birasenya. Kandi nimba Twagiramungu arwaye nkuko ubivuze aho kubyishimara wari ukwiye gutekereza k'umunyarwanda wavuze ati: UMUGABO MBWA ASEKA IMBOHE. Ubundi Bienvenue kuri Veritas kuko uzaba wirebera akamaro izakugirira

kilimambogo boys 31/07/2017 19:04

ese iki gicucu cyiyita christophe nacyo kije kiva he ? ngo perezida kagoryi ... wowe nituza tuzagufata tukwinjize mumabuno yakariya gasamunyiga karwaye bwaki ngo ni perezida wawe, tugusunikisheyo igishirira winjiremo wese wagipfayongo we !!! urwanda .... inyenzi ejobundi turabakubita kugeza igihe muzahitwa amaraso yose mwanyweye akabashiramo wa pumbafu we

Li baraho uwaliraye 31/07/2017 18:27

Komeza urege agatuza ngo utazi ikimuhatse avuga ngwiki? Niba wali uziko uli umugenzi kulo ino si ntiwataye ingufu zawe mugushaka ibyica abantu nkawe.

Christophe 31/07/2017 12:30

Wa muginga we wiyita NDARIBWARIBWA uretse Ubwo bugambo Bwawe bumeze nk'ubw'abagore b'injajwa Hari ikindi ushoboye gukora? Ese ko ubwira abandi ngo nibahaguruke Wowe wababanjirije ukabaha urugero ukareka kwihisha inyuma ya internet, kuko uzi neza ko Ibyo uvuga nta shingiro bifite? . Abanyarwanda benshi cyane bibuka uko Leta zavuyeho zasize zigize igihugu cyabo, bazi neza iterambere n'amahoro bafite ubu Kubera ubuyobozi bwa President Paul Kagame. None Wowe uraza uvuga ngo nimufate imbunda? Igihe mutazifashe ni ryari se? Zabamariye iki se? Muzongere muzifate, ibizakurikiraho ni ibintu bitatu. Icya mbere ni ukubarasa, kuko twabarashe tutagira ibikoresho Ubu noneho turabifite bihagije bizadufasha kubarasa neza cyane, icya kabiri ni ugutoratora abazarokoka Iyo ntambara muzaba mwishoyemo, Icya gatatu ni ukubajyana mu mahugurwa yo kubavanamo Ubwo bujiji bwabamunze ubwenge bubabwira ko gusenya amajyambere abanyarwanda bamaze kugeraho ngo kugirango wongere ugaruke mu Rwanda kurugaruramo amacakubiri bitazabakundira. Dore mumaze imyaka 24 aribyo murwanira ariko byarabananiye. Tubavanemo ubujiji bwo guhora mwiruka amahanga uri inyuma y'abantu batatu bahunze igihugu Kubera ibyaha baregwa, kandi wowe nta muntu wakubujije gutaha. Naho kuza kwiyesura Hano ngo uzarwanya u Rwanda nta bubwa burenze Ubwo. Iyo uba umugabo uba uri mu Rwanda ukaba waraburijemo Aya matora abanyarwanda bihitiyemo maze tukareba. Wowe wiyita Ndaribwaribwa urarutwa n'abarundi b'intwari bagiye mu muhanda i Bujumbura bagahangana n'interahamwe zifatanyije n'imbonerakure bakarwanya umunyagitugu Nkurunziza. Naho Wowe urabundabunda inyuma ya internet ngo uzatsinda Kagame. Ryari se? Byanyuze mu yihe nzira se? Iy'intambara se? Iya demokarasi se? Iyihe? Urishuka?

Semanzi 31/07/2017 16:01

Mushiki wabo ati utuznugu. Christophe ati wa Muginga we (ubushize yise abantu ingurube). Kagame ati Kayumba na Karegeya uretse kuba Ibigarasha na AMA.... Abantu bo muri FPR bose ntaburere bafite, nta argument bagira uretse ibitutsi. Fora zose ugiyeho uhita ubona ikibaranga: IBITUTSI by'abashumba. Muteje agahinda pe. Nimba ugira ngo ndabeshya usome ibyo bahora bandika urahita wumva ko umweru uturutse ubukuru urakwira. Ntakunu waba uri INTORE za Kagame ngo wifate ukundi

kampire 31/07/2017 13:01

Ngo ubuze icyo agaya inka avuga ngwiki?
Ninde wishe abo yavuze,yarangiza akanivuga? Iterambere n'amahoro ubipimira kuki?
Kigali convention center? imihanda iduhuza nabaturanyi-stade amahoro-centre de sante' byose bwubatswe na Kinani-Amahoro? ahangaha ho ntakubeshye ugomba kuba wibera mundaki: uzanyarukire i Kami cyangwa kwa Gacinya i Gikondo wirebere abahali bagihumeka uko baliho-uzabaze abapfakazi ba Karegeya-Rwigara-Rwigema.etc...uko baliho-Ni hehe wabonye abantu bicwa izuba liva,ntihagire nibura icyo bita police gikora itahuza,ahubwo bagahita bahamba nkimbwa! Ngo mufite imbunda zambere? kadafi-Sadam-Hitler bali bafite izina ingana iki?

Habineza frank muri huye natorwa azaha abana inkoko n'urukwavu 31/07/2017 07:30

Habineza frank muri huye natorwa azaha abana inkoko n'urukwavu

https://www.youtube.com/watch?v=wiipjY3T2rM

NDARIBWARIBWA 30/07/2017 23:17

Ariko murasetsa kweli."ese impunzi zifashe imbunda nk'uko nawe yayifashe zigatera u Rwanda azemerako iyo ntambara ifite ishingiro? Ese hari uwo yatakira ko yatewe akamwumva?

IKI KIBAZO NUMWANA YAGISUBIZA: POLO NDARIBWARIBWA amaze kubeshya ABANYARWANDA INSHURO 3 KO ATAZIYAMAMAZA MANDA YA 3. Uriya MUNYABINYOMA arabizi neza ko ATATANGA UBUTEGETSI AMARASO ATABANJE KOMENEKA. Yavuze ko aho kugirango bibeho: YASUBIRA MUNDAKI(Nabonye koko baransyivuguruye neza nkaho azahungira akiyibagiza ko Sadamu na Kadafi bagiyemo INDAKI IKABANGA aka Bible ngo BAZATAKIRA IMISOZI NAYO IBAHUNGE). Abicanyi ni iki cyabakira?

Polo aziko KUVAHO ARI URUPFU no kutavaho ari URUNDI. Yahisemo Rumwe rero rwo kuzagwa ho!

YIVUGIYE KO NO KWICA YAKWICA (Ati nakwica nanjye... nabarasa izuba riva.... nibindi bisazi nkibyo). Murambwire umuperezida hano ku isi wavuga biriya uretse North Korea!

REKA MVANIRE ABANYARWANDA INZIRA KUMURIMA: MUNTU UTEKEREZA NGO POLO AZAVA KUBUTEGETSI ABUTANZE MUMAHORO urutwa nawe kuko ufite Indwara yo kutareba ngo wumve maze umenye.

NIBA POLO yica KAREGYEYA; AKICA MUGANGA WE GASAKURE akica RWIGARA akicaaaaa AKARASA INDEGE ngo ATANGE IBITAMBO YICARE; AGURE INDEGE; YUBAKE CONVETION CENTRE YIGWIZEHO IMITUNGO asahure igihugu ASHAKE KWICA KAYUMBA wamuvanye MURUBINGO koko MUTEKETEZA KO UBWO BUTEGETSI AZABUHA NDE? RUKOKOMA? PADRI; INGABIRE; YA PFUBYI YA RWIGARA; KAYUMBA; MUSHSYIDI; IGNACE MURWANASHYAKA; BARAFINDA SEGIKUBO? Ba MAKUZA yavanyemo Umutima agashyiramo ibuye nubwoba? MUZAREBE UKO V. BIRUTWA wa PSD aba areba? Asa nuhahahanutse ( Un Docteur SVP)!

Niba Umuntu utararangije Secondaire ategeka FAKE PROFESSOR KILIZOLOGE KWIBA AMAJWI 2 kose Uwo muntu AZAHA NDE UBUTEGETSI?

NGO MUTEGEREJE 2024? HAAAA murababaje. B. MAKUZA ejo yavuze ko ABONA NTANUNDI WAYOBORA NYUMA YA 2024! Ariko murumva? Kuki Polo atahagurutse ngo amumwaze ati: AYA RWOSE NYUMA YIMYAKA 7 NZABA NSHIZE UMURURUMBA! NEVER. NI 2034 CG 2050 (VISION 2050)!

BANYARWANDA KOKO MWAVUYE MUMAGAMBA TUGAHAGURUKA TUGAKINAGIZA BIRIYA BISAMBO? Ninde wababwiye ko BARIYA BA KABAREBE batakinyeganyeva bazamufasha? IBINGIRA? NYAMVUMBA wahahamutse utegekwa na KADOGO?
MUSHIKIWABO wirirwa atuka abazungu ngo ni UTUZUNGU (yavugaga umwe wo muri Washington Post)!!

MUVE MUMAGAMBO NTAMUNTU MU RDA UGISHAKA URIYA MWICANYI ikimenyi menyi umunsi yumvise bahagurutse bariya ba MAKUZA naba FAZILI baza mutanga muri Ya ndaki!

DUFITE ABAGABO BO KUTUYOBORA KANDI IGIHE NI IKI.

WAKE UP.

Uyu avuze ukuli 30/07/2017 23:27

Nonese ngo Ejo bamennye inzoga zabanze kujya kumwamamaza! Ariko murumva ra? Abo kandi banze kujya kumwiruka inyuma nibamwe bikoreye ibiseke ko bamukunze mama ga we!!! Bagiye muri AU kwakayo inzererezi ngo ni indorerezi 40 mama! Haaaa AU kurebera amatora mu Rda. Wasting money. Amatora ahanganye nande? Ariko muhumure ngo IGIKENYA KIRIKENYA.

Shami 30/07/2017 22:45

Umva mbabwire rwose iki kuganiro naragikurikiye nsanga abavugiraga FPR . Bakanuye ariko batabona, babanguye amatwi ariko batumva kumpamvu ngiye gusobanura.
1. Ngo abanyarwanda bakunze Kagame basaba ihinduka ry'itegeko Nshinga kdi muri abo bamukunze hagaragayemo n'abari kuborera mu magereza ndetse batanafite ububasha bwo gutora.
2. Ngo Kagame arakunzwe niyo mpamvu avugako ibizava mumatora bizwi. Ese waba ukunzwe ukajya gusura uwo ukunze nk'ugiye kurugamba( wambaye imyenda irinda amasasu).
3.Ko bavuze ngo Habyarimana yabujije abantu gutaha. Ese baduha urugero rw'umuntu watashye agasubizwa inyuma ko na Kagame ubwe atasibaga kuza mu Rwanda.
4.Ese bazi ijambo "igipinga" icyo bisobanuye naho ryaturutse dore ko uryiswe bimuvuramo kunyagwa , kwicwa cg kwangara.
5. Ngirango nsorezeho. Ese Habyarimana wahinduwe mubi ndetse bikanavugwa ko yari yaraheje abatutsi yewe ngo ko batari banemerewe kwiga. Kotujya tujya kwibuka abatutsi bishwe bari abakozi ba Leta, ibigo se cyangwa amasosiyete abo bantu bari barahawe akazi batagira diplome? Ayiiii
Ndarangiza nshimira cyane Nyakubahwa Padiri Nahimana wavuze uti ni mubwire abazungu mureke gushinyagurira abanyarwanda.