Rwanda- Ububiligi: Ese Kagame agiye gukoresha "Rwanda day" cyangwa ni "Rwanda deuil"?

Publié le par veritas

Uko abaje mu myigaragambyo yo kwamagana rwanda deuil ya Kagame mu bubiligi (gant) bahagaze kuri iyi saha!

Uko abaje mu myigaragambyo yo kwamagana rwanda deuil ya Kagame mu bubiligi (gant) bahagaze kuri iyi saha!

Ifoto ya mbere ni intore zije kubyinira Kagame ,ikurikiyeho ni abanyarwanda baje kwamagana umwicanyi Kagame n'intore ze! Impande zombi zirahanganye

Ifoto ya mbere ni intore zije kubyinira Kagame ,ikurikiyeho ni abanyarwanda baje kwamagana umwicanyi Kagame n'intore ze! Impande zombi zirahanganye

Kuwa gatatu taliki ya 07 Kamena 2017 nibwo Kagame yatangiye kwiyereka ku mugaragaro intore zimushyigikiye n'abazungu b'ibyitso bamutumiye mu nama za nyirarureshwa i Bruxelles mu murwa mukuru w'igihugu cy'Ububiligi. Kuri uwo munsi, Paul Kagame yari yijeje abanyaburayi ko agiye kubera ko akunzwe koko n'abanyarwanda benshi, kuko yari yizeye kwakirwa n'imbaga y'abanyarwanda bari ku mubyinira! Uwo munsi Paul Kagame yakubiswe n'inkuba kuko intore zaje ku musanganira ntabwo zari zirenze umubare w'abantu 40!
 
Ahubwo imbaga y'abantu baje ku mwamagana barenga 500 nibo bagendaga bamuha induru mu mujyi wa Bruxelles bituma hafatwa ingamba zo kunyuza Kagame mu bikari no mu duhanda duto kugirango bamuhishe abanyarwanda batamwishimiye bari baje kubimwereka uwo munsi! Kubera umujinya n'ubwirasi biranga Paul Kagame, yahise afata icyemezo, maze ategeka abambasaderi bose b'u Rwanda bari mu bihugu biri mu Burayi gukodesha amabisi maze bagashyiramo abakozi bose ba z'ambasade z'u Rwanda ziri muri ibyo bihugu, bagashyiramo abanyeshuri bose bahabwa buruse na leta ya Kagame biga mu bihugu biri ku mugabane w'Uburayi ndetse bagashaka n'abandi bakozi bose bari mu bihugu by'Uburayi n'Amerika ya ruguru (USA na Canada) , bakabazana mu Bubiligi kuri uyu wa gatandatu taliki ya 10 Kamena 2017 mu mujyi wa Gant bagakora icyo bise "Rwanda day" aho kuviramo aho agasubira mu Rwanda amaramasa!! Biteganyijwe ko muri iyo "Rwanda day" Kagame ateranyamo inkomamashyi zigera ku bihumbi 4 zije kumuha amashyi!
 
Igihugu cy'Ububiligi kibarirwamo abanyarwanda barenga ibihumbi 40 none Kagame ari kurwana no kubona ibihumbi 4 gusa ngo bimukunda (1/10)! Iki akaba ari ikimenyetso cy'uko Kagame akunzwe nibura na 1/10 cy'abanyarwanda ariko nacyo ntikigezeho kuko biriya bihumbi 4 biraba bivuye mu Buraya bwose!! Gusa rero hashobora kuba igitangaza n'ibyo bihumbi 4 bivugwa Paul Kagame ntashobore kubibona! Abanyarwanda babajwe n'ubutegetsi bubi bwa Paul Kagame nabo ntibacitse intege, biyemeje kujya mu mujyi wa Gant kujya guha induru izo ntore. Kuri izo ntore uyu munsi akaba ari "Rwanda day" (Umunsi w'ibyishimo ku banyarwanda) naho kubamagana Kagame akaba ari "Rwanda deuil" (Umunsi w'agahinda ku banyarwanda)!  Ubu twandika iyi nkuru impande zombi z'abanyarwanda ziri kurebana ay'ingwe mu mujyi wa Gant mu Bubiligi! Intore ziri kujya kureba Kagame zihishahisha kandi zikebaguza naho abanyarwanda baje kwamagana Kagame bakaba babukereye kandi urabona bazanye imbaraga nyinshi cyane ko intore zatangiye ibikorwa by'urugomo kugirango zitere ubwoba abanyarwanda ntibaze kuziha induru!
 
Ni hahandi, abanyarwanda bari ku mugabane w'Uburayi bashize ubwoba , ntabwo intore zishobora kubirukana murwababye ngo zize no kubirukana aho bazihungiye ! Niyo mpamvu Paul Kagame atari mu Bubiligi ku neza y'abanyarwanda ahubwo azanywe no kurushaho kubacamo ibice no kubakwizamo urwicyekwe no kwishishanya nk'uko bimeze ubu mu Rwanda!
 
Veritasinfo irakomeza kubakurikiranira ibyarwanda Day/deuil mu Bubiligi!
 
 

Commenter cet article

kilimambogo boys 11/06/2017 16:19

agasamunyiga karwaye bwaki mburugu n'imitezi mugatwe kari kaje guhunahuna mububirigi bakacyiriye nkuko WC yacyira amabyi... ntaniradiyo, cyangwa TV nimwe yigeze ibivuga yo mubuirigi !!! akanyenzi gasa nabi nkumufutu wa nyina gusa ... pumbafu

Kanama 11/06/2017 15:01

Mbese wize angahe wa kagabo we .
Uli ikigolyi ku bulyo utazi ko : ubutwari bw'umuperezida buboneka mubyishimo by'abaturage mu gihugu cye ! ; ntabwo butangwa n'umubiligi yagiye guhakilizwaho .ok ?
Ntabwo nzaramba n'umufuko wa Rweru bihagije.
Amatwi yanyu yumva induru n'ibyo ntavuze .Bizaba.

NTWARI 11/06/2017 14:24

Ngirango Ibyo mpora mbabwira ko President Kagame ari we muyobozi muzima u Rwanda rugize kuva rwakwitwa Repubulika birigaragaje. Ubu Ntabwo ari umuyobozi w'abanyarwanda gusa ahubwo ni umuyobozi ukomeye w'abanyafrika bose. Abanyamahanga Ubu barimo kwifuza kuba abanyarwanda Kubera agaciro Kagame yahesheje abanyarwanda. Ubuyobozi bwa European Union bwamutumiye kuko bumuziho ubuhanga. Hanyuma rero mwebwe Mwiriwe mukora ubusa ngo muramagana Kagame, ibintu mwakoze babyita Gucurangira abahetsi. Ntabwo abantu 50 nabonye hariya i Gand bameze nk'imbwa zirwanira mu mayezi aribo barwanya ibyiza Kagame akora ngo babishobore. Isi yose yamaze kumenya ko Kagame afite uruhare mu kugarura amahoro hirya no hino ku isi (Darfur, Sudan,, Haiti, Centre Afrique, côte d'Ivoire...) aho hose ingabo z'u Rwanda zahagaruye umutekano. Afrika yose imaze kumenya ko Kagame yateje imbere u Rwanda ku buryo inama zikomeye za Afrika zisigaye zijya Kubera i Kigali, uyu mujyi ukaba usigaye ubarirwa mu mijyi isa neza yo muri Afrika. Ibi ntibyigeze bibaho mu Rwanda. Ziriya mbunzarunwa zirwanya ibyiza by'abanyarwanda ndazibutsa ko nta ngufu zifite zo kurwanya President Kagame nta ngufu zabona zingana n'iza Habyalimana Yuvenali warwanyije Kagame bikamunanira kandi we yari afite Inzirabwoba, Abajandarume, Interahamwe, Abafaransa, mafaranga... nkanswe ziriya za rukururankweto zibona udufaranga two kugura inzoga rwahize. President Kagame Paul akoze neza kujya mu Bubiligi mbere y'uko abanyarwanda twongera kumutora. Igitego aragitsinze, mbunzarunwa zitashye Amara masa.

Propaganda 11/06/2017 13:55

abantu basoma kuri internet mugomba gushishoza ibyo musoma byose ntabwo ari ukuri

nta muntu ufunze

BIRAKOMEYE 11/06/2017 12:57

Turabona umupira ugenda neza, Kagame atsinze 1, naho Nahimana ni 0. Faustin mu ba kabiri, turabona asatira izamu.

Christophe 11/06/2017 12:20

Dushimiye abashinzwe umutekano mu Bubiligi ko bataye muri yombi imihirimbiri y'abarundi n'abakongomani bari baje Kurwanya ibyiza u Rwanda rwagezeho. Izo ncakarafu Ubu ziri mu ibohero ryo mu Bubiligi. Impamvu zaje kwamagana u Rwanda ni uko zizi ko wa mwehu w'i Burundi Ngo ni Nkurumbi adashobora gusunutsa amazuru i Bruxelle kuko na Union Europeene idashobora kumutumira kuko abazungu bazi ko ibitekerezo bye bireshya n'amazuru ye. Nkurumbi rero icyo twakubwira ni uko iyo mihirimbiri yawe Muzopfa uko nyine muriko muramoka.

Kamali 11/06/2017 09:59

@Mugabo
Umugabo aratambuka bagaculira ; nta nkomamashyi nkawe igenda isesengura imitima yishimye cg irakaye ! Halya ngo mwazamuye igihugu ? Mukiza nde ? Kagame n'umugore n'abana be ? cg abo mwica buli munsi ?
Ndakwibutsa ko na biliya bibondo mwatwikiye muli ruhurura ejo bundi ko biruta incuro igihumbi inzana zawe kandi ko uzarutswa baliya bana nizindi miliyoni 13 uzi mwaliye.

President Kagame agera imbere ya Hotel iruhande rwahabereye rwanda day i GAND 11/06/2017 00:58

President Kagame agera imbere ya Hotel iruhande rwahabereye rwanda day i GAND

https://www.youtube.com/watch?v=0WpjHusQ-WE

MUGABO 10/06/2017 22:52

Nubwo Veritasinfo irimo igerageza kubeshya abatari bahari kugirango yikure mu kimwaro, Ariko Twe twabonye ukuri kw'ibyabaye nababwira ko twiboneye ukuntu President Kagame yakiranywe icyubahiro n'abayobozi bo mu muryango w'ubumwe bw'ibihugu by'iburayi, tureba n'imbaga y'abanyarwanda bacyeye baje kwakira umukuru w'igihugu cyacu bafite amabendera y'u RWANDA bambaye udupira twiza turiho ibendera ry'u Rwanda byatweretse ko koko u Rwanda rumaze guhabwa agaciro mu ruhando rw'amahanga. Hari abandi Bantu nabo bameze nk'imburuburu bari baje guhekenya amenyo Nubwo Veritasinfo irimo ipfundikanya ibeshya, icyagaragaye ni uko abo Bantu bari bacye ugereranyije n'abanyarwanda bari baje gushyigikira u Rwanda. Izo mburuburu rero mu gihe abandi bari bishimiye ibyiza u Rwanda rumaze kugeraho zo zari hanze aho zirimo ziririra mu myotsi zihekenya amenyo Mbese umenya umuriro w'iteka zo zaratangiye kuwubamo hano ku isi kuko Iyo Abantu bishimiye zo zirababara. Icyo zishoboye ni ukwirirwa zitera indirimbo yaharurutswe ngo Kagame ni umwicanyi kandi abo zibwira bazi neza ko arizo bicanyi. Abo ba Nyiramiruho Icyo umuntu yababwira ni uko uretse na Kagame na Yezu ubwe Nubwo ari umwana w'Imana nawe bamugeretseho ibyaha atigeze akora. Kuba rero mwaje kwihenura ku banyarwanda ingaruka yabyo muzayibona, nimwishinge Veritasinfo iboshye mwange gukora ibifite akambaro, Ngo umuntu ananira umuhana Ntabwo Ananira umushuka kandi ngo intabwirwa ibwirwa n'uko amaso atukuye. Mushatse mwava muri Ubwo bugoryi kuko nta munsi numwe muzatsinda ukuri Nubwo mwateka ibuye rigashya. Ngo muzatsinda Kagame muzamutsindira se mu Bubiligi aho mutunzwe n'imfashanyo ziva mu misoro y'ababiligi, aho musigaye mwirirwana irungu mukararana intimba mukazindurwa n'agahinda Kubera ingaruka z'amabi mwakoreye u Rwanda n'abanyarwanda?

abayoboke ba RNC ishaje bashatse guhohotera umuntu wo muri RNC new 10/06/2017 20:35

Nyuma y'imyigaragambyo i GAND abayoboke ba RNC ishaje bashatse guhohotera umuntu wo muri RNC new

https://www.youtube.com/watch?v=jFSwFEFoqWc