USA-Afurika: Umunyamabanga w’ubumwe bw’Afurika UA yasuzuguriwe muri Amerika nk’uko byabaye kuri Paul Kagame !

Publié le par veritas

Rex Tillerson (USA) na Moussa Faki (UA) umwuka si mwiza hagati yabo

Rex Tillerson (USA) na Moussa Faki (UA) umwuka si mwiza hagati yabo

Rex Tillerson umunyamabanga wa leta Zunze ubumwe z’Amerika ushinzwe Ububanyi n’amahanga, yagombaga kugirana umubonano n’umunyamabanga w’umuryango w’ubumwe bw’Afurika UA Bwana Moussa Faki; ariko uwo mubonano ukaba waraburijwemo ku munota wa nyuma nta bisobanuro bitanzwe ! Umunyamabanga w’ubumwe bw’Afurika akaba yarafashe icyo gikorwa cyo gusubika uwo mubonano  nk’ «agasuzuguro». Ibyo kandi bikaba byarabaye incuro nyinshi no kuri Perezida Paul Kagame Perezida w’u Rwanda wasabye kubonana na ministre w’Ububanyi n’Amahanga w’Amerika (USA) Rex Tillerson ariko amaso akaba yaraheze mu kirere, kuko kugeza ubu Paul Kagame ntarashobora kwakirwa n’abayobozi b’Amerika nk’uko ikinyamakuru «le monde» dukesha iyi nkuru kibisobanura!
 
Inkuru y’ikinyamakuru «le monde» cyakuye mu kinyamakuru cyo muri Leta Zunze Ubumwe z’Amerika «Foreign Policy», ivugako ubwo umunyamabanga w’ubumwe bw’Afurika UA, Moussa Faki yari mu rugendo rw’akazi i New York mu nama y’umuryango w’Abibumbye ONU yo kuwa 17 Mata 2017, Moussa Faki yabonye ubutumwa bwa ministre w’ububanyi n’amahanga wa Leta Zunze ubumwe z’Amerika «Rex Tillerson», bwamusabaga ko yifuza ko bagirana ibiganiro i Washington nyuma y’inama yo muri ONU, uwo munyamabanga w’ubumwe bw’Afurika yari yitabiriye. Umubonano wa  Moussa Faki na Rex Tillerson wari uteganyijwe ku mataliki ya 19 na 20 Mata 2017. Nyuma y’inama muri ONU i New York, Moussa Faki yategereje ko abona gihamya yo kubonana na Rex Tillerson araheba !
 
Ibiro bya ministre « Rex Tillerson » byararuciye birarumira ntibyagira icyo bitangariza umunyamabanga w’ubumwe bw’Afurika ku itegurwa rya gahunda y’uwo mubonano ! Kera kabaye, nibwo ibiro bya ministre w’Ububanyi n’Amahanga w’Amerika byasabye Moussa Faki, umunyamabanga w’Ubumwe bw’Afurika kujya i Washington akabonana n’abakozi bo mu rwego rwo hasi bo muri ministeri y’ububanyi n’amahanga y’Amerika kuko adashobora kubonana na ministre Rex Tillerson! Icyo gisubizo cyo kubonana n’abakozi bo hasi ba ministeri y’ububanyi n’amahanga y’Amerika cyakuruye umwuka mubi mu bubanyi n’amahanga hagati y’ubunyamabanga bw’Umuryangwa w’Ubumwe bw’Afurika n’ubutegetsi bwa Donald Trump! Nkuko byemezwa n’abantu bari hafi y’Umunyamabanga w’Ubumwe bw’Afurika, Moussa Faki yahise agira uburakari akimara kubwirwa iyo nkuru, ahita asubika urugendo yagombaga gukorera i Washington !
 
Kagame nawe byamubayeho !
 
Nubwo Paul Kagame akunda gukorera ingendo nyinshi muri Leta Zunze ubumwe z’Amerika, kubonana n’abayobozi bakuru b’icyo gihugu kuri ubu butegetsi bwa Perezida Donald Trump byamubereye ihurizo rikomeye ! Imwe mu mpuguke za « Foreign Policy » yemeza ko Paul Kagame yifuje kuva kera kwakirwa mu buyobozi bukuru bwa perezida w’Amerika Trump (Maison Blanche) no mu bunyamabanga bw’ububanyi n’amahanga bw’Amerika (Secrétariat d’Etat) ariko bakaba baramuteye utwatsi ! Kagame yageze ubwo yiyambaza ibyitso bikomeye by’abayahudi bo muri Amerika kugira ngo bashobore ku kumugeza ibukuru, ariko kugeza ubu bikaba bitarakunda !
 
Ubuyobozi bw’Amerika busobanura ko ayo makosa yo kudashobora kwakira abanyacyubahiro bo mu bihugu by’Afurika aterwa n’abakozi bakiri bacye muri ministeri y’ububanyi n’amahanga y’Amerika! Impuguke muri « Foreign Policy » yatangaje ikaba itinya ko Leta zunze ubumwe z’Amerika zishobora kuhatakariza ubushuti ifitanye n’Afurika, cyane ko abakuru b’ibihugu by’Afurika batangiye kuyoboka inzira y’umubano n’igihugu cy’Ubushinwa aho bakirwa mu cyubahiro kibakwiye n’abayobozi bakuru b’Ubushinwa !  Ibyo bikaba byaragaragajwe n’uruzinduko Kagame yakoze mu Bushinwa nyuma yo kwanga kwakirwa n’abayobozi bakuru b’Amerika ! Igihugu cy’Ubushinwa kandi nicyo cyubatse inzu ubunyamabanga bw’umuryango w’Ubumwe bw’Afurika bukoreramo ! Moussa Faki afatanyije umwanya wo kuba umunyamabanga mukuru w’umuryango w’Ubumwe bw’Afurika UA no kuba ministre w’Ububanyi n’amahanga w’igihugu cya Tchad !
 
Nubwo ibihugu by’Afurika bishobora kujya gushaka umubano mu Bushinwa, bizahura n’ingorane zo kuziba icyuho cy’inkunga Amerika yabiteraga mu mafaranga na Politiki kuko Ubushinwa ntibutanga amafaranga cyangwa ngo bujye gushyigikira ubuyobozi bw’ibindi bihugu mu bibazo bya politiki buba bufite mu bihugu byabo nk’uko Leta zunze ubumwe z’Amerika z’ibikora !
 
Veritasinfo

Commenter cet article

kalisa 02/05/2017 16:10

Kagame se n'akanya yibagiwe umubano yari afitanye na Clinton?

Mbonyingabo 02/05/2017 11:36

Kagame ninkawamwana wigundiriza kurinyina ashaka yuko amwitaho birenze urugeroko, kandi nyina yaramaze kumukurikiza. Kagame agomba kwemera gucuka, kuko atakiri kwiberi uri US.

NTWARI 02/05/2017 10:07

Nyakubahwa President Kagame Paul yavuze ko ashyigikiye President Donald Trump kubera ko Donald Trump afite gahunda nziza yo kugabanya ubufasha Amerika yahaga Afrika. President Kagame avuga ko ibi bizatuma ibihugu bya Afrika bikanguka ntibikomeze kumva ko bizabeshwaho n'inkunga z'amahanga. Cyane cyane ko we yanatangije mu Rwanda gahunda yo kwifasha kuva cyera, ibi yabikoze igihe atangiza ikigega Agaciro Development Fund. Iki kigega cyarwanyijwe cyane n'abanga abanyarwanda cyaranze kijyaho Kandi kirakomera, iki kigega kikaba cyarafashije u Rwanda cyane kuko ubu igice kinini cy'ingengo y'imari gituruka mu Rwanda, binaganisha ko uyu mupresident nakomeza kuyobora u Rwanda uko tumubona u Rwanda ruzageza igihe rwifasha ijana ku ijana. Ibi bikaba bitandukanye cyane no ku ngoma ya Habyalimana aho 90℅ by'ingengo y'imari y'u Rwanda yaturukaga mu bufaransa. Habyalimana nawe yahoraga mu bufaransa, avuga interuro imwe y'igifaransa ngo " Le Rwanda est un pays très pauvre, il faut nous aider" Abazungu bamubonaga nka masikini wo gufashwa. Birababaje rero kubona umuperezida w'igihugu cya Afrika afata indege akajya gusabiriza i Paris! Biteye ikimwaro!!! kandi yarangiza agasetsa abo bazungu ababwira ngo u Rwanda rwipakuruye ingoma ya gikolonize n'iya gihake!!!! Yari agikolonijwe n'ubufaransa Kandi agihatswe n'ingoma ya cyami y'ababiligi. Amahirwe ni uko Imana yahaye u Rwanda Paul Kagame urimo ugarurira abanyarwanda agaciro Bari barambuwe n'ubwo butegetsi bubi bwari bushyize imbere gutegura genocide yo kumara abatutsi, aho gushyira imbere iterambere ry'abanyarwanda bose nta vangura. Ndabizi neza ko uku kuri kw'impamo mvuze, kuri bubabaze cyane abagifite ibisigisigi by'ingoma zavanguraga abanyarwanda, icyo bakora nta kindi Bari bukore rero uretse kwandika udu commentaires two gusebya ubutegetsi bw'u Rwanda ariko icyo nababwira ni uko ukuri kuraryana, guca mu ziko ntigushye Kandi kuvugisha ukuri ntibyica umutumirano. Nibandika amahomvu yabo nkabona umwanya ndayanyomoza, nintabona umwanya, amateka azabanyomoza kuko nza hano kuri veritasi iyo mfite umwanya wo gupfusha ubusa. Ubusanzwe mba ndimo nkora ibintu bifitiye abantu akamaro kuruta veritasi yahindutse nk'umugore w'umunyamazimwe yirirwa itambutsa ibitekerezo by'interahamwe zumagariye ku ruhu kandi Inka yarariwe cyeraaaaaa!!! Ngo zizatsinda Kagame ryari se?! Byanyuze mu yihe nzira SE? Iya Demokarasi se? Iy'intambara se?! Iyihe? Zirabashuka.

rwemalika 01/05/2017 18:23

Kubya jenosidi: abitwa abatutsi bishwe ku bwinshi amanywa ava. Abitwa abahutu bishwe ku bwinshi amanywa ava. Kuvuga ko habayeho jenosidi yakorewe abatutsi gusa biragoramye kandi si ukuri.
Cyeretse mutubwiye niba abahutu barazize urwikirago.

rwemalika 01/05/2017 17:27

Kagame se comporte comme un chef de gang!
Igihugu yarakishe yateranyije abanyarwanda...
Ni ahabagabo kongera kubaka urwanda rwa twese.

Domboro 01/05/2017 17:19

Niba miliyoni 13 zabanyafrika zipfa ; uwitwa ngo ni chef wa UA , akagarama muri
foteyi nkaho ari ibomonyo byishwe .
Yamusuzuguye neza ; jye sinumva
ibiba mu bwonko bw'abategetsi bino.
Baliya bategetsi ba kera ko bigobotoye
ingoyi ya gikoloni ; aba bacu bazigobo
tora ingoyi ya tapis rouge bukeye
kabili !

Samandari 01/05/2017 16:38

iyo biba byakomezaga uku abanyafrika bakumva ko amakiriro atari mubazungu ahubwo muritwe twenyine , tukubahana ubundi tugafashanya twubaka igihugu nejo hazaza,...