Rwanda : Ubutwari busaza vuba, bukibagirana vuba nubwo waba ugezweho nka «whatsapp» !

Publié le par veritas

[Ndlr :Mu gitondo cyo kuri uyu wa kane taliki ya 18 Mata 2017, abanyarwanda benshi bakoresha itumanaho rya telefoni rikoresha uburyo bwa « whatsapp » batunguwe n’uko ubwo buryo bwahaze, bakaba batari kwakira cyangwa ngo bohereze ubutumwa bakoresheje « whatsapp ». Mu bihugu byinshi bifite ubutegetsi bw’igitugu gikaze, imikorere yo guhagarika itumanaho rishingiye kuri interneti ikunze kubaho kuko leta iba idashobora kubugenzura ! Gusa kimwe mu byivugo u Rwanda rugenderaho muri Afurika ni uko ruvuga ko rwateye imbere mu ikoranabuhanga ! Ese igihe cyaba kigeze interneti mu Rwanda ikagenda nka nyomberi ? Umunyarwanda ushishoza akaba yaduhaye urugero rw’uburyo ubutwari mu Rwanda butaramba, wabona n’iyi mihigo y’iterambere leta  ya Kagame yirirwa ivuga, izagenda nka nyomberi ! Dore uko abitubwira :]
 

Muduhe Roza wacu, Roza wacu, Roza wacu....
Mufungure Roza wacu, Roza wacu,....
Murekure Roza wacu, Roza wacu,...
Intwari Roza wacu, Roza wacu,....
Yahagaritse jenoside Roza wacu, Roza wacu,....
Igihugu cya Uganda kiramenyesha Ubufaransa ko niba butarekuye Roza wacu, East Afrika iratangira kwanga kugura ibintu (kuboyikota produit) byose zikorerwa mu Bubufaransa !
 
Iyo niyo yari intero n'inyikirizo mu mihanda ya Kigali aho abantu bari uruvunganzoka baje kwigaragambya ngo Roza Kabuye yatawe muri yombi mu gihugu cy'Ubudage. Abantu ibihumbi n'ibihumbagiza barataga ubutwari no guhagarika jenoside kwa Roza Kabuye. Ibyo bihumbi n'ibihumbagiza nta n’umwe kuri ubu wabaza irengero rya Roza wabo !
 
Mu minsi micye nk’uko dusanzwe tubizi : Ingabo, Polisi, Dasso, Inkeragutabara, NSS, Inzego z'ibanze… bose guhera saa cyenda z'ijoro, baraba bakwiye imisozi kuri buri rugo, bajya gusohora ku ngufu abaturage ngo bajye gushungera aho umukandida Paulo Kagame yagiye kwiyamamariza! Izuba, inyota, inzara, umuvundo…ibyo ni bimwe mubyo abaturage bagomba kwitegura guhura nabyo mu Karere kazaba gatahiwe kwakira ukwiyamamaza kwa Paulo Kagame!
 
Abanyarwanda, nk’uko ikinyamakuru «Africa Time » giherutse kubitangaza, baremanywe umuco wa «ndiyo bwana no gukoma yombi (amashyi)» ! Gutekereza ku mateka ya hafi yo guhatirwa gusingiza ubutwari bwa Roza Kabuye, nyuma y’imyaka itanageze no ku 10, iyo ntwari yahagaritse jenoside,ikaba yarabaye «ikigarasha gicitse», byagombye kutwigisha kudahururira ibibonetse byose. Munyarwanda utazemera kubyutswa saa cyenda cyangwa saa kumi, ngo genda muri kampanye, niba bitakurimo uzabyange wigumire mu buriri!
 
Erega, iryo hurura akenshi niryo ryakozeho abanyarwanda benshi, nyuma Leta ihindutse baza kuba interahamwe bose, abenshi  bakaba bacumbikiwe mu mabohero, abandi bakaba barishwe, abasigaye bakaba bari ku ntonde, bariho  bashakishwa na Leta iriho! Ni iki kikugaragariza ko iryo hurura ryawe ujyanwa hirya no hino ko utazabibazwa Leta ihindutse?
 
Ninde watumenyera irengero rya Roza wacu? Ntakiri intwari se? Ntiyagaritse jenoside se baratubeshyaga? Rwari urukundo tumukunda cyangwa kwari ugutamba umurishyo w'ingoma? Itonde iwacu ubutwari busaza vuba, bukibagirana vuba!
 
Umunsi mwiza kuri mwese.
 
Kanuma Christophe (facebook)

Commenter cet article

dii 21/05/2017 04:06

Imana ikunda u Rwanda!

MUGABO 19/05/2017 07:08

Wa gicucu we uvanga Rayon Sports na Politike yanyu y'ubugoryi warayobye uzajye gushaka Panthère noire abe ariyo ufana niyo ijyanye n'imyumvire yawe. Abantu nkamwe turabamenyereye niba warihinduye umufana wa Rayon Sport uri umufana ariko ntabwo uri umukunzi wa Rayon Sport, ikipe y'i Bwami i Nyaza.

NTWARI 18/05/2017 22:55

Umva mpora mvuga ko interahamwe muri ibigoryi by'ibipumbafu mukajyaho mukabwejaguraaaa!! Nkaho ibyo mvuga atari byo. Reba nk'iyi yihimbye KANUMA Christophe yanditse ibi bitakaragasi biri hano hejuru ngo ni inkuru. Ubuse what's up ihuriye he na Rose Kabuye? Reba ukuntu atangiye abeshya ngo mu Rwanda bafunze what's up, kandi nyamara uyu munsi what's up yagize ibibazo mu bihugu byinshi ku isi, si mu Rwanda honyine. Ibi umukuru wa What'up na Facebook ku isi witwa Mark Zuckerberg yari yabiteguje abantu, kuko yabwiye ikinyamakuru The Guardian ko what's up izagira ibibazo kuwa gatatu anisegura kubera icyo kibazo. Iyo veritasinfo rero yihandagaje ngo u Rwanda rwafunze what's up, ni veritasinfo ubwayo iba yitesha agaciro kuko yiyerekana nk'icyinyamakuru cy'impuha. Ikindi kintu gisekeje Kiri muri iyi nkuru ni aho iyi ngirwamunyamakuru ibeshya ngo ubutwari burasaza. Ese sha uretse ibigoryi nkawe bimira bunguri ibitakaragasi uvuga, ubona arinde wakwemera ko ubutwari busaza? Ni inde wakwibagirwa intwari Fred Rwigema watangije urugamba rwo kubohora u Rwanda aruvana ku ngoyi y'igitugu ivanguramoko n'uturere? Intwari Mutara Rudahigwa wasabye bwa mbere ko u Rwanda rwigenga akabizira, ubona arinde wamwibagirwa uretse ibicucu? Intwari Rwagasana wabujije mukuru we Kayibanda gukurura amacakubiri mu banyarwanda, kugeza ubwo Kayibanda amwicishije ni inde wamwibagirwa? Ni inde wakwibagirwa abana bo mu ishuri ryisumbuye ry'i Nyange banze politike y'ivanguramoko y'interahamwe bakabizira, ni inde wakwibagirwa Agathe Uwilingiyimana? Ni inde wakwibagirwa soeur Niyitegeka Felicien wemeye kwicanwa n'abatutsi bari bamuhungiyeho akagerageza gusobanurira interahamwe ko umuntu ari nkundi zikanga ahubwo zikamwicana n'izo nzirakarengane. Patrice Lumumba waharaniye ubwigenge bwa Congo akabizira ni inde wamwibagirwa? Rwagasore Louis waharaniye ko u Burundi bwigenga ni inde wamwibagirwa? Thomas Sankara warwanyije ubukoroni bw'abafaransa muri Afrika akabizira ni inde wamwibagirwa? None uyu akaza gushyanuka hano ngo intwari ziribagirana? Ngo Roza Kabuye arihe? Ese iyi ngirwamunyamakuru yatubwira igihe Roza Kabuye yabereye intwari? Kuba yarafatiwe mu bufaransa kubera ubuswa n'ubuhubutsi bw'ubucamanza bwo mu bufaransa, hanyuma abanyarwanda bakunda ubutabera bakigaragambya basaba ko umunyarwanda Rose Kabuye wafashwe arengana arekurwa kuko yari yafashwe mu buryo bunyuranyije n'amategeko, hanyuma icyifuzo cy 'abo banyarwanda kikaza gutsinda ikinyoma, ibi bihuriye hehe no kuba intwari? Nibyo koko Rose Kabuye yarwanye urugamba rwo guhagarika genocide yakorewe abatutsi, iki ni igikorwa cyiza yakoze afatanije n'abandi banyarwanda bazima Bari bafite umutima w'ubwitange, urukundo n'ishyaka. Ibi rero iyi ngirwamunyamakuru yiyita Kanuma ivuga babyita gucabiranya nta kuri na gucye kurimo. Nta kindi Kanuma akoze uretse ko yiyambitse ubusa akiyerekana uwo ariwe ko ari Macabiranya nyine. Ngo ubutwari burasaza ariko sha. Uwo ni umurengwe w'utwo kurya abazungu bakujugunyira ngo uze kuvuga ubusa hano kuri veritasi!!! Ngaho amashumi yawe y'interahamwe nasigare amoka. Les chiens aboient mais la caravane passe.

Mambo 19/05/2017 10:56

Bwana Ntwari, muri iki gihe cya internet n'amakuru menshi ava impande zose, iyo wanditse commentaire irenze 5 lignes ntisomwa !!!

Waruziko 18/05/2017 16:58

Ikorana buhanga rya Gihuru Rwanda? Imbwa yiganye Inka kunywa mururugo. Abantu baravuga nimbwa zikabwejagura. Iyo bavuze Hexane izo mbwa bo zumva heptane bavuga Piramide zo zikumva ubusiha.
Inkotanyi - imisega.

Kalisa 18/05/2017 16:54

Ngo " La révolution mange ses enfants" , ngo impinduka irya abana bayo, FPR yo yarabamaze kuburyo itema n'ishami yicayeho(Assinapaul Rwigara).Ba Sendashonga ntako batari bagize, Seth yahitanywe na Karegeya, Karegeya yahitanwe na Kagame, Rosa Kabuye yabaye ikigarasha, Mucyo Jean de Dieu yaguye muri escalier ya Sénat amaze kwandika raporo ku Bafaransa,Makuza we ngo yazize urw'ikirago, hari abasirikare benshi ntavuze, hari ababorera mu munyururu, na Rwigema ubwe ntiyishwe n'inzirabwoba, mubitege amaso...

Nkuranga 18/05/2017 15:20

Inkotanyi ibyazo bizarangira nabi kandi zizavaho zirimbuye abanyarwanda, ubu zimaze gusahura abanyarwanda bose, zasahuye ibihugu by'abaturanyi none zigeze ku bigo by'imali mu Rwanda! Nka MTN igiye guhomba kuko amafaranga yungutse igiye kuyaha Kagame hanyuma yongere yambure nayo abanyarwanda andi! N'andi masosiyete y'itumanaho ni uko bigiye kugenda! Bralirwa inkotanyi zayituye hasi, ONATRACOM zarayiriye, ORINFOR zayiriye kera, SINA GERARD asigaye yorora imbwa kuko umutungo we inkotanyi zawuriye, Rujugiro sinakubwira, Rwigara we zabanje kumukandagiza ikamyo kugirango nyuma y'urupfu rwe zizabone uko zica umuryango we wose.... Aya ni amasiha yateye igihugu ndabarahiye, none afungiye abanyarwanda itumanaho ngo batavuga urwo bapfuye, nihahandi ibibera mu gihugu bizamenyekana , ka rwanda ni gato cyane kuburyo n'umuyaga utwara amakuru!!!

Byendagusetsa 18/05/2017 13:34

Bishika kubutwari buba budafatika cg butekinitse nkubu bwa roze wanyu, bwa mushikiwanyu nabandi.

GIKUNDIRO FOREVER yo ntibuzasaza vuba niyo bwa saza sinzi ko ibikombe 8 bya shampiona yigihugu ibitse n'ibindi byo ntibizasaza. Masoud oyeeeee!!! Rayon sport oyeee!!! Gikona izagukomera amashyi mbere yuko ukina nayo umukino usigaye yewe na Mukura numutoza wayo ntibazakwibagira ubutwari bwawe.
Ubwaroza wanyu