Ni koko se inkuru kuri Diane Rwigara zishimangira ko abanyamakuru bo mu Rwanda bogejwe ubwonko nk’uko Boniface Rucagu abyemeza ?

Publié le par veritas

Abanyamakuru bari bageze i Nkumba mu ngando zo kuboza ubwonko!

Abanyamakuru bari bageze i Nkumba mu ngando zo kuboza ubwonko!

Ubutegetsi bwo mu Rwanda bwihaye guhindura itangazamakuru nk’igikoresho kugira ngo bugere  ku nshingano bwihaye. Itangazamakuru rifatwa nk’urwego rwa 4 rw’ubutegetsi mu guhuza rubanda n’ubutegetsi ariko kenshi iryo tangazamakuru rihindurwa igikoresho cy’ubutegetsi mu gukandamiza rubanda no kubajijisha! Ibi ni ibitekerezo byatanzwe mu kiganiro cyanyuze kuri « Radiyo Ijwi ry’Amahoro » VOP aho abanyamakuru b’iyo radiyo basesenguye uko itangazamakuru ryifashe mu Rwanda.
 
Twifashishije ibitekerezo byatanzwe muri icyo kiganiro, dusanga igihugu cy’u Rwanda kiri guhatanira kubona umwanya wa nyuma ku isi mu guha  itangazamakuru uburenganzira busesuye, u Rwanda rukaba rushobora kuzahigika igihugu cya Koreya ya Ruguru gifite uwo mwanya! Nyamara itangazamakuru ni nk’ibice by’umubiri bikomeye by’umuntu kuko rigaragaza impumeko y’abaturage n’ubuzima bwabo bwa buri munsi ! Raporo ya RSF (Reporter Sans Frontière) yerekana uko itangazamakuru rihagaze ku isi ndetse no mu karere k’ibiyaga bigari, irerekana ko u Rwanda ruri mu bihugu bya nyuma. Mu kiganiro cya radiyo VOP, Umunyamakuru Mulindahabi Jean Claude, yavuze mu ncamake raporo y’umuryango RSF muri aya magambo, yagize ati :
 
«Ikigereranyo cya RSF, ni ikigereranyo ngarukamwaka, aho umuryango mpuzamahanga w’abanyamakuru batagira umupaka, bakurikiranira hafi uko ubwisanzure bw’itangazamakuru buhagaze muri buri gihugu. Ibihugu by’Iburayi bw’amajyaruguru bikomeje kuba ku isonga mukubahiriza ubu burenganzira. Ibyo bihugu akaba ari : Norvège, Suède, Finlande na Danemark. Naho mu karere k’ibiyaga bigari, u Rwanda ruza ku mwanya w’159, naho Uburundi ku mwanya w’160. Ibyo bihugu byombi nibyo bibangamiye ubwisanzure bw’itangazamakuru muri iki gihe kurusha ibindi mu karere k’ibiyaga bigari, kuko Tanzaniya iri ku mwanya wa 83, Kenya ku mwanya wa 95, Uganda ku mwanya w’112, Repubulika Iharanira Demokarasi ya Congo ikaba iri ku mwanya w’154.
 
Uru rutonde rwakozwe ku bihugu 180, igihugu kiri ku mwanya wa nyuma akaba ari «Koreya ya Ruguru» izwi nko gufata abaturage bayo bunyago, ibatoza intero n’inyikirizo imwe, aho ntawazamura ijwi rinyuranye nirivuye ibukuru ngo bimugwe amahoro! Tugarutse rero ku gihugu cy’u Rwanda, nacyo gihora mu b’inyuma, uru rutonde buri gihe iyo rushyizwe ahagaragara, inzego nkuru z’igihugu cy’u Rwanda ziraruhinyuza, bakavuga ko ngo«abakora uru rutonde badashyira mu kuri»! Iyo hiyongereyeho ko uyu muryango RSF ufite icyicaro mu Bufaransa, abahinyuza bavuga ko binava ku mubano urimo agatotsi uri hagati y’ibi bihugu byombi! Icyo birengagiza ni uko uyu muryango RSF wigenga ndetse ugashyira Ubufaransa ku mwanya wa 39 kuko nyine ariho ikigero k’iki gihugu kiri!
 
Uretse nibyo, RSF siyo yonyine ishyira u Rwanda mu banyuma ku bijyanye n’ubwisanzure mu bitekerezo cyangwa itangazamakuru, kuko n’indi miryango mpuzamahanga iharanira uburenganzira bw’ikiremwamuntu nka : «HRW» ifite icyicaro muri Amerika na «Amnesty International» ifite icyicaro gikuru mu Bwongereza, yerekanye kenshi ko muri raporo ngarukamwaka, ko hari byinshi byo gukosora, kugira ngo ubwisanzure bw’itangazamakuru bugire umwanya nyawo mu Rwanda».
 
Leta y’u Rwanda yafashe gahunda yo koza ubwonko bw’abanyamakuru !
 
Mu kiganiro cya radiyo «VOP» ku itangazamakuru, hagaragaramo uburyo leta y’u Rwanda yajyanye abanyamakuru mu ngando zo kuboza ubwonko. Abanyamakuru bajyanywe muri izo ngando bakabasha kuzitoroka batanze ubuhamya bwerekana uko boza ubwonko bw’abanyamakuru ! Abanyamakuru basaga 160 bamaze iminsi 10 ku kigo cya Nkumba bahabwa amasomo yo koza ubwonko bwabo. Bamwe mu bagiye muri izo ngando dore uko bavuga amasomo bahawe : «Ngo ibyagezweho bagiye kubishimangira ngo ku buryo budatsimburwa, ngo abanyamakuru bose babaye abatoza b’intore bakaba bagiye kwigisha amasomo abaturage » ! Ni ukuvuga ko abo banyamakuru baretse akazi k’umwuga bakoraga ko kugeza amakuru kuri rubanda ahubwo bakaba bagiye kwigisha ibisingizo n’ibyivugo by’intore! Itangazamakuru ry’u Rwanda rikaba rigiye kwigisha abaturage gusingiza abayobozi no kubavuga imyato !   Dore uko Boniface Rucagu asobanura uko yogeje ubwonko bw’abanyamakuru agashyiramo propagande ya FPR, yagize ati :
 
«Mbere abanyamakuru baratinyukaga, ariko ubungubu bakurikira gahunda za leta zose…, kera hahozemo bacye, batari benshi cyane wenda bavugaga ibintu uko bitari, ariko ubungubu baravuga bose bose, uko ibintu biri, bakabivugira igihe kandi bagatanga n’inama. Mboza (abanyamakuru) ubwonko mvanamo ikibi, nshyiramo ikiza! Noza ubwonko mvanamo amacakubiri, nshyiramo ubumwe bw’abanyarwanda, mboza ubwonko mvanamo kugendera ku moko, aho kugendera kubunyarwanda, ngashyiramo ubunyarwanda! Ndoza ubwonko ngirango abana b’u Rwanda bubake igihugu, aho kugisenya… imico mibi twatojwe yo gusenya igihugu idakomeza… »
 
Urugero rwiza rwerekana ko abanyamakuru mu Rwanda bogejwe ubwonko !
 
Nk’uko ikiganiro cya  « Radiyo Ijwi ry’Amahoro » cyabisesenguye, leta  y’u Rwanda irimo itera ikirenge mu cya «Koreya  ya ruguru» mu miyoborere y’igihugu. «Koreya ya Ruguru» izwiho kuba aricyo gihugu gifunze ku isi! Itangazamakuru rya Koreya ya Ruguru rirafunze cyane, abanyamakuru b’icyo gihugu bogejwe ubwonko kuburyo amakuru yose batanga aba yuzuye ibisigo byo gutaka umuyobozi w’icyo gihugu « Kim jung un » gusa, dore ko abaturage banamuramya nk’Imana !
 
Leta  y’u Rwanda nayo yahisemo gukurikiza urwo rugero rwa Koreya ya ruguru ku buryo yatangiye koza ubwonko bw’abanyamakuru kugirango bakure mu mitwe yabo amasomo bahawe yo gukora umwuga w’itangazamakuru ; bakayasimbuza ibisigo bigishijwe na «Rucagu Boniface». Ibyo bisigo ni ibyo gusingiza no kuramya ibyiza byagezweho na «Paul Kagame» wenyine ! Urugero rwerekana ko ubwonko bw’abanyamakuru mu Rwanda bwasibwe, abanyamakuru bo mu Rwanda bakaba barabaye nk’ibipfamatwi n’impumyi,ni ikiganiro bagiranye na Diane Rwigara kuwa gatatu taliki 3 Gicurasi 2017.
 
Kuri iyo taliki Diane Rwigara yagiranye ikiganiro mbwirwaruhame i Kigali n’abanyamakuru benshi baba abo mu gihugu bakorera ibinyamakuru byandika, ibikoresha amajwi n’amashusho ndetse no kuri interineti,  n’abanyamakuru b’ibinyamakuru mpuzamahanga ka RFI, France 24, AFP, BBC, VOA... Kugeza ubu nta kinyamakuru cyo mu Rwanda (radiyo cyangwa televiziyo) kirigera gitambutsa ikiganiro Diane Rwigara yakoranye n’abo banyamakuru b’ibyo bitangazamakuru bari mukiganiro cye. Ibinyamakuru byandika kuri interineti nabyo bizwi mu Rwanda ntabwo byatambukije amakuru y’icyo kiganiro cya Diane Rwigara! Kuba abanyamakuru bari mu kiganiro cya Diane Rwigara, ariko bakananirwa gutangaza inkuru y’ibyo bumvise n’ibyo babonye muri icyo kiganiro, bigaragaza ko uburozi bwa Boniface Rucagu bwo kuboza ubwonko bwakoze! Biratangaje kubona abanyamakuru bagirana ikiganiro n’umunyepolitiki wiyemeje kwiyamamariza umwanya w’umukuru w’igihugu, iyo nkuru bakayiceceka ntibagire icyo babwira rubanda !
 
Igitangaje kurushaho, ni uko abo banyamakuru bashoboye gukwirakwiza hose inkuru igaragaza amafoto y’urukozasoni agaragaza Diane Rwigara yambaye ubusa! Ese kwandika inkuru kw’ifoto y’umuntu wambaye ubusa nibyo rubanda ikeneye kumenya kurusha ibitekerezo byavuzwe n’umukandida ku mwanya wa perezida wa repubulika mu kiganiro yabatumiyemo ? Iyo nkuru y’amafoto ikaba yarasohowe bwa mbere n’ikinyamakuru cya «Rushyashya», ibinyamakuru byose mu gihugu bikaba birimo bivuga ko byamenye uwatangaje ayo mafoto maze bakabigereka ku munyamakuru Bob Mugabe ! Nta muntu numwe uyobewe ko uyu Mugabe,  ariwe wenyine mu Rwanda wavuze ko Kagame agomba kuruhuka, akareka gukomeza kwiyamamariza kuyobora u Rwanda, kugira ngo ave kubuyobozi nk’intwari, aho gutegereza kuzabuvaho ananiwe amaze kuba « Ikigwari ! »
 
Ese koko ubwonko bw’abanyamakuru bo mu Rwanda, Rucagu yarabusibye kugeza ubwo bananirwa gutara amakuru y’ikiganiro cy’umukandida wiyamamariza umwanya wa perezida ariko ubwo bwonko bwabo bugashobora gukora inkuru y’amafoto yerekana ubwambure bw’umuntu ? Umuhanga mu itangazamakuru,yavuze ko :«inkuru si uko imbwa yariye umuntu, ahubwo inkuru ni uko umuntu yariye imbwa ! » No mu Rwanda rero, inkuru si uko umunyamakuru yabonye ifoto y’incurano yerekana ubwambure bw’umugore, ahubwo inkuru ni ukugeza kuri rubanda ibitekerezo by’umukandida witeguye kubayobora, maze abaturage bakarushaho gusobanukira imigabo n’imigambi y’uwo mukandida!
 
Leta ya FPR- Kagame iravomera mu rutete !
 
Kuba leta  ya Paul Kagame ibuza abanyamakuru gutangaza ibitekerezo bya Diane Rwigara wiyemeje kwiyamamariza umwanya wa Perezida wa Repubulika y’u Rwanda ; ahubwo bagategeka abo banyamakuru gutangaza amafoto (ashobora kuba ari amacurano) agaragaza ubwambure bwe, ni ubuswa bwuzuye ubugome kandi bushobora gusubiza igihugu mu icuraburindi ! Igihugu cy’u Rwanda nicyo gito ku isi, abanyarwanda bavuga ururimi rumwe ; niba Leta  ya Paul Kagame ikomeje koza ubwonko bw’abanyamakuru, bizatuma amakuru batangaza adahabwa agaciro n’abaturage, ahubwo rubanda ihe agaciro amakuru atangazwa n’ibinyamakuru mpuzamahanga !
 
Amakuru y’ikiganiro cya Diane Rwigara yanyuze kuri Radiyo mpuzamahanga y’abongereza BBC Gahuzamirya na Radiyo VOA y’abanyamerika ; ayo maradiyo yombi yumvikana mukarere kose k’Afurika yo hagati mu rurimi rw’ikirundi n’ikinyarwanda, ibinyamakuru by’abanyarwanda byandikira kuri interineti nabyo byatambukije amakuru y’ikiganiro cya Diane Rwigara, imbuga nkoranyambaga (facebook, twitter, whatsapp…) nazo zatambukije ibitekerezo bya Diane Rwigara. Mu ndimi z’amahanga, ubutumwa mwa Diane Rwigara bwatambukijwe n’ibinyamakuru bikomeye mpuzamahanga ! Uretse n’ibyo, abanyarwanda bazi guhererekanya amakuru mu biganiro bagirana kandi akihuta ndetse agakwira igihugu cyose kuburyo ibitekerezo bya Diane Rwigara nabyo byageze kubanyarwanda bose bagiye babihererekanya !  Uretse ubuswa n’ubujiji bw’abayobozi ba Leta  ya FPR Kagame, muri iki gihe tugezemo ntabwo leta ishobora gupfukirana ibitekerezo by’abantu ngo bishoboke, nta nubwo iryo tangazamakuru rya Kagame rishobora guhangana n’ibinyamakuru byatambukije ubutumwa bwa Diane Rwigara ngo bibishobore !
 
Ubuswa buvanzemo n’ubugome, niwo mwanzi wa mbere wa leta  ya FPR-Kagame, imiterere y’u Rwanda n’aho ruherereye ku isi, ntabwo abayobozi barwo bashobora gupfukirana abanyarwanda nk’uko abaturage ba Koreya ya ruguru bameze ngo bishoboke, ingaruka yo koza ubwonko abanyamakuru bo mu Rwanda zizabanza kwigaragaza kuri leta  ya FPR Kagame ; kuko inkuru yose izajya itangazwa n’abo banyamakuru bagizwe ibicucu izajya ifatwa nk’ikinyoma, bityo na leta  yose ifatwe nk’ikinyoma maze abaturage bahe agaciro inkuru cyangwa se ibihuha bibagezeho kuko baba bazi ko amakuru abagezeho adatanzwe n’abanyamakuru bogejwe ubwonko ariyo mazima!
 
Kuba Diane Rwigara yaragaragaje ibibazo abaturage bafite kandi akaba yiteguye kubikemura mu gihe yaba abaye perezida wa Repubulika, byateye ubwoba FPR Kagame, ibura icyo ivuga ahubwo yifashisha amafoto yo kumwerekana yambaye ubusa ngo ahari hari icyo byahindura ku kuri kuvugwa na Diane Rwigara! Umufasha wa Perezida w’Amerika Donald Trump nawe berekanye amafoto ye yambaye ubusa, ariko ntibyabujije umugabo we gutsinda amatora.  Angel Merkel uyobora ubudage, nawe berekanye amafoto ye yambaye ubusa ariko ntibyamubujije gutorwa incuro 3 zose ndetse akaba ashobora kuzatora incuro ya kane !  Amafoto y’urukozasoni kuri Diane Rwigara akimara gushyirwa mu binyamakuru by’u Rwanda ; ku mbuga nkoranyambaga hahise hasohoka amafoto yerekana Paul Kagame n’umukobwa we Ange Kagame nabo bambaye ubusa, ayo mafoto akaba acurwa mu buryo bw’ikoranabuhanga, akaba ariyo mpamvu abanyarwanda batagomba kuyataho igihe, kuko ikibazo abanyarwanda bafite si amafoto y’abantu bambaye ubusa, ahubwo n’ibibazo by’imiyoborere mibi.
 
Ubugome n’ubuswa biranga leta  ya FPR- Kagame bizoreka igihugu, birazwi ko nta kindi gisubizo leta  ya FPR-Kagame ishobora gutanga kubibazo bikomereye igihugu byagaragajwe na Diane Rwigara uretse kumucecekesha bikozwe mu buryo bumwe cyangwa se ubundi! Abantu benshi bemeza ko Diane Rwigara ashobora kwicwa, gufungwa cyangwa se guhohoterwa mu buryo ubwo aribwo bwose na FPR kuko idashobora guhangana n’ibitekerezo bye!  FPR-Kagame itinya demokarasi, itunzwe n’ikinyoma, ikaba yivugana umuntu wese ushatse gukoresha iyo nzira mu kugira uruhare mu miyoborere y’igihugu ! Ikibazo abanyarwanda benshi bibaza, ni ukumenya niba iyo mikorere y’ubugome yaranze FPR-Kagame izakomeza kuyihira !
 
 
Veritasinfo.
 

Commenter cet article

Mbonyingabo 08/05/2017 12:05

Diane Rwigara agombakumenya yuko biriya byo kwambikwa ubusa bisanzwe muri politic, agomba kudacika intege agakomeza urugendo yiyemeje rwokubohora abanyarwanda.

Mbonyingabo 08/05/2017 12:00

Ababanyamakuru bogejwe ubwonko bere kubatera ubwoba, kuko democracy duharanira izabakura kurubuga. FPR bananiwe kwitoza democracy bagifite ubutegetsi kuko nibamara kubwakwa bazahita bava mukibuga, ntabwo bo bazabona namahirwe yoguhagarikwa nka MRND na MDR ahubwo bazajya hanyuma ya IPRONA.

kalisa 08/05/2017 10:37

Ibya FPR ni agahomamunwa. Ejobundi uwiyita GITERA Alpha yavuze ko Diane ari we wishe Rwigara.Ikigaragara ni ko Gitera ukorera FPR kuri Facebook yanyomoje ibivugwa ko Rwigara yishwe na accident. None babonye nta muntu ubyemeye bazana fotoshop za Diane. Birabe ibyuya.

MUGABO 08/05/2017 08:34

Uyu mukobwa acyo akeneye ni umugabo wo kumurongora naho ibyo mumubwira byose muramubeshya. Umugabo uzamukuramo ihungabana afite yasigiwe n'impanuka yahitanye se, umugabo uzamurongora buri munsi maze akongera akagarura ibitekerezo byo gufata ikindi cyerekezo cy'ubuzima nyuma y'urupfu rwa se. Abo bacyene bamubabaje, agashinga inganda akabaha akazi wenda akareba ko bagabanuka kuko kubamaraho byo ntiyabishobora dore ko nta n'igihugu na kimwe ku isi kitabamo abakene. Naho kumubeshya ngo nabe perezida ngo azahita ahindura u Rwanda paradizo murashaka kumuta mu rudubi rwose ntiyabishobora namwe mujye mureka kwiraza i Nyanza. Perezida se mama, uriya igihugu gitewe n'umwanzi yamenya aho abasirikare baherereye?! Cyangwa yasanga yiyambariye ubusa arimo abyumva kimwe n'abagabo. Ngaho nimwogeze simbabujije.

Imikorere ya FPR inkotanyi 08/05/2017 06:21

Imikorere ya FPR inkotanyi

https://www.youtube.com/watch?v=8awWJCBQkvc

Waruziko 08/05/2017 02:31

Kuba umuntu ari gusa ntagisebo bitanga na cyane iyo yibereye iwe i mu hira asama akayaga cg arimo yoga nkiyi iboneka ko yari muri dushe (bathroom ). Wabona bivuye kugushaka yagutega camera kuburyo ubwo aribwo bwose maze akakubonera ubusa kuko nta muntu yomara kabiri atambaye ubusa. Bivana gusa naho wabwambariye.Uwumva atarambara ubusa( uretse bitagiye cg bitarajya ahabona) antere ibuye.

Birasekeje rero niba uwashyize amafoto yumwari nyakubahwa kandida perezida rda yarashaka kuvuga ko afite inenge tutamutora,noneho tugatota akamasa katagira inenge. Reka mvuge inenge nke zako
1.atangura ayisumbuye mwibucye izina"kagosi"ntiryavuye kukuba imwesho bamwe bita ikariso yabuze aho ifata utugosi tukaboneka?
2 .3.ikinyendaro. ntibyanditswe bikabugwa ko we numugore bacana inyuma? Akaba areze umwana utari uwe kandi ngo na we yabyaye benshi hanze? Ni mwibuke umuhungu we yigeze kurwarira muri
afrika yepfo
4. Bose bagenda babuga hose ku isi ko uyu mugabo ari umwicanyi. Iyi nenge irenze ubusa
5.ubugome
6.umunyagitugu
7gufungira abandi ubusa
8....nizindi........

None kwambara cg kwambikwa ubusa no gukora ibi byavuzwe aha hariguru nikihe kiruta ikindira

Anonyme 07/05/2017 23:42

Yambu mwese.
Ndagirango mbamenyeshe ko ya mafoto y’urukozasoni acicikana kuri internet abanyarwanda twayatesheje agaciro.Harya ni kuriya ngo mu Rwanda bateza umugore imbere? Harya b’Ababyeyi bari mu nzego z’ubutegetsi na Parlement ko ntacyo bavuga. Ariko ubundi bishoboka bite ko umuntu uri mu Rwanda, ushaka kwiyamamaliza gutegeka u Rwanda, bishoboka bite ko amafoto amuharabika yasohokera i Buganda bwambere? Relation yabyo ni iyihe ? Abazi ibya internet na informatique bazadukulikiranire baturebere uruhererekane rwayo niba inkomoko yayo yaba ari munda y’ingoma. Byaba ari akumiro.
Ibyo aribyo byose uwareba mu maso ya Diane kuri ayo mafoto ntiyobonamo uburaya cyangwa se uburara. ahubwo ubona une personne innocente qui est dans son intimité. Intandaro ya biriya ibaye Umunyarwanda, ntiyahimye Diane yiretse. Twese tuzi umuco wacu. Ahubwo, Diane nadacika intege azabyungukiramo. Bamukoreye publicité du jamais vu. A quelque chose malheur est bon. Abonye indi turufu ya kurwanya ubutegetsi niba buri inyuma yariya mahano.

Mugabe 07/05/2017 12:51

Umunyamakuru Robert Mugabe uvugwaho kuba inyuma y’amafoto ya Diane Rwigara, umukobwa uherutse gutangaza ko ashaka kwiyamamariza kuyobora u Rwanda, yashyize agira icyo ayavugaho, agaragaza ko ari amahimbano.

Mu butumwa yanyujije ku rukuta rwe rwa Facebook, Robert Mugabe (wiyita Bob Mugabe kuri uyu rubuga) yanditse ko akunda Diane Rwigara, ko yubaha n’ibitekerezo bye ndetse yizera ko ari umukobwa uharanira icyo yiyemeje abishimangira agira ati ‘Ndamwizera’.

Yakomeje avuga ko bibabaje kuba abantu banezejwe n’aya mafoto agaragaza Diane Rwigara yambaye ubusa. Ati “Mfite impamvu zituma nizera ko umuntu wahinduye ariya mafoto ashobora no gukora ibindi ku mpamvu za politiki.”

Amagambo ya Robert Mugabe yakuruye ikiganiro kirekire kuri Facebook kigaragaza urujijo abantu benshi batewe na yo, ahanini bitewe n’uko nyuma yo kuyandika yabajijwe ibibazo byinshi ariko ntihagire na kimwe asubiza, mu gihe hari benshi bakomeje kwemeza ko aheruka kubahamiriza ko azi ariya mafoto ndetse ko yibwe telefone yarimo.

Intore mukokoresha abantu nk’abo byagombye kubatera isoni 07/05/2017 11:53

Pour les photos en question de Diane Shima Rwigara, les spécialités s’accordent pour dire que chaque photo est sensé contenir des métadonnées.
Dans le cas des photos de Diane, les métadonnées (EXIF) ont été effacées pour couvrir les modifications, rendant impossible de dire les photos proviennent d’un caméra, d’un smartphone… ou l’édition (Photoshop, GIMP…).
A cela s’ajoute la qualité très basse des images, pour éviter l’analyse via les outils FORENSICS.
Donc, il y a lieu de douter sérieusement de l’authenticité de ces clichés.
C’est travail d’amateur.
Intore mukokoresha abantu nk’abo byagombye kubatera isoni (y compris le nommé NTWARI). Puuu !

NTWARI 07/05/2017 09:21

Iyo uvuze koza mu kinyarwanda bisobanuye kuvanaho imyanda hagasigara isuku. Niba muvuga ko abanyamakuru bagiye kozwa ubwonko. Rucagu akemeza ko Koko yabogeje ubwonko agakuramo imyanda y'amacakubiri, agakuramo imyanda yo kuvuga inkuru zisubiza abanyarwanda inyuma, hagasigara isuku y'ubumwe, isuku y'iterambere ikibazo kiri hehe? Niba mwumva mubabaye noneho mwebwe muzagende mwanduze ubwonko bwanyu mubushyiremo umucafu w' amacakubiri uretse ko yo muyasanganywe mushyiremo umucafu wo kuvuga inkuru zidafite icyo zimariye abanyarwanda zo kwirirwa musebya munabeshyera umukuru w'igihugu cy'u Rwanda nkaho ibyo hari icyo bimariye umunyarwanda. Guhora muvuga ko u Rwanda atari igihugu kimeze nka Paradizo, ntabwo bikuyeho ko hari aho cyavuye habi Kandi Hari aho kigeze heza. Kandi ibi ntibyaturutse mu kirere byagizwemo uruhare n'ubuyobozi bwiza igihugu cy'u Rwanda cyagize. Naho kwitwaza ibyo Human Right Watch yavuze, ngo ubwo ni ukuri, Human Right Watch se ni Imana? Si abantu bayishyizeho kubera inyungu zabo? Jyewe rero ruriya rutonde ndusubiyemo u Rwanda narushyira ku mwanya wa mbere kuko umuntu yemerewe gutanga igitekerezo cye ntabizire gipfa gusa kuba kitanyuranyije n'amategeko y'igihugu. Umuyobozi ukoze amakosa itangazamakuru riramwerekana mpora mbona bandika ba maires na ba executif bakoze amakosa Kandi agakosorwa, umuturage yemerewe kujya imbere y'umukuru w'igihugu akavuga akarengane yakorewe n'ubuyobozi Kandi bigakosorwa, ariko ngo umunyamerika wo muri Human Right Watch niwe veritas info yumva ikanamuha agaciro kuruta umunyarwanda. Ntabwo turumva mu Rwanda abanyamakuru b'ikinyamakuru runaka batewe aho bakorera bakicwa Bose barashwe ntihagire urokoka, nk'uko byagenze i Paris mu Bufaransa ubwo abanyamakuru b'ikinyamakuru Charlie Hebdo baterwaga aho bakorera bakicwa bose ntihagire ucika ku icumu. Ese igihugu kiberamo ibintu nk'ibyo Reporter sans Frontière cyo igishyira ku mwanya wa kangahe ra? Ubwo ni uwa mbere!! Ariko ye!!! Hahahababababa. Iyo biba byarabereye mu Rwanda, ntibari no kwemera ko ari ibyihebe byabikoze, veritas info bwari gucya yandika ko ari FPR yabiyiciye, ariko kuko byabereye i Paris ntawigeze avuga ubujajwa nk'ubwo veritas ihora ivuga ku Rwanda. Nzabandora icyo muzimarira, nyamwanga kumva ntiyanze no kubona.!!!

Nkusi 07/05/2017 08:52

Inkotanyi zataye umutwe! Aho guhangana mu bitekerezo zinyura buri gihe mu nzira y'ubugome! Zabonye amasezerano y'Arusha arangiye zigomba guhangana muri politiki zibona zitabivamo zica Habyara n'abandi banyepolitiki, zibonye zitava imbere ya Ingabire ziramufunga; none zigize ubwoba bwa Diane zigira inama yo gucurisha amafoto y'ubwambure! Ninde se utazi imiterere y'umubiri w'umugore cyangwa umugabo ko n'abana babyigira mu ishuri? Inkotanyi zirabona amafoto y'urukozasoni ariyo zizajyana muri meeting zigiye gushaka amajwi koko? Nanjye ndasetsa, ntajwi na rimwe inkotanyi zakwibonera ahubwo zizavuna ibikumwe by'abaturage ngo nibatore aha ahasigaye basohore icyegeranyo cy'amajwi y'amahimbano kibitse mu kabati nkuko umuryango w'ubumwe bw'iburayi wabivuze ko mu Rwanda nta matora azahaba kuburyo uwo muryango wakoherezayo indorerezi! Ni ukuzitega ingaruka ibyo byose bizabyara!!

ABIDISHYI 07/05/2017 07:46

IYO MU RWANDA TUGIRA ABAGORE MUNTEKO BATARI ABIDISHYI NINKOMAMASHYI BARI GUTUMIZA INAMA VUBA NABWANGU YO GUSHAKISHA UWAKOZE BIRIYA.

ARIKO SI IGITANGAZA NIBA MUKA PRESIDENT ABYARA MUGASOZI UMUGABO AKARERA ABO ATAZI (UMWANA WUMUGARAGU) NI KUKI DIANE MWUMVA BYABA IGITANGAZA?

TWAGUSHIJE ISHYANO TUYOBORWA NAGATSIKO K'AMABANDI AKA EVODI!

BURIYA BASANZE UYUMWANA WUMUKOBWA AGIYE KUBAHAGAMA BABURA INGENGASI BAMUSHINJA KUKO ATI UMUTUTSI BATI REKA TUMWAMBIKE UBUuSA

Byendagusetsa 07/05/2017 01:47

Ninde munyarwanda ushobora kuba ya kwisomera i kinyamakuru gisobanutse agasobanukirwa atazi ibusa? Mumbabarire ngaha utazi bwinshi byinshi bihera keri kabiri (2...)azi ubwe. Bibasetse kandi birasekeje kubona abaswa basubiza ibibazo bya Diane muguhimba/mugutekinika ubusa bwe. Ubonye niyo buba ubusa bidatekinitse kuko ngo ibibi brutanwa.haaha biyambitse ibusa aribo. Hari icyo batazi ubusa guteranya,gukuramo,kugabanya no gukuba ubusa nubusa gusa gusa.