Angola-Rwanda : Ibi bihugu byombi bishobora kurwanira muri Congo (RDC)!

Publié le par veritas

Perezida Dos santos (Angola), Paul Kagame (Rwanda) na Joséph Kabila (RDC)

Perezida Dos santos (Angola), Paul Kagame (Rwanda) na Joséph Kabila (RDC)

Intara ya Kasaï iri mu gihugu cya Repubulika iharanira Demokarasi ya Congo iri kuberamo ubwicanyi budatoranya. Abaturage benshi bo muri iyo ntara bari guhungira mu gihugu cy’Angola. Ubuhamya bw’abaturage barokotse ubwo bwicanyi, buremeza ko abaturage ba Kasaï bari kwicwa n’ingabo za Congo zishyigikiye Kabila zifatanyije n’ingabo z’u Rwanda zoherejwe na Paul Kagame muri Congo mu gikorwa cyo gushyigikira leta  ya Joséph Kabila mu guhangana n’abatayemera. Igihugu cy’Angola gihangayikishijwe cyane n’ubwo bwicanyi buri kubera muri Congo kuko buri gutuma impunzi nyinshi z’abakongomani zihungira iwabo.
 
Leta y’Angola ibishyigikiwemo n’igihugu cya leta  zunze ubumwe z’Amerika, ikaba iteganya gutabara muri Congo muri gahunda yo guhagarika ubwo bwicanyi. Leta  y’u Rwanda nayo ikaba ihangayikishijwe n’uko ingabo z’Angola zishobora kugera kure zikirukana Joséph Kabila ku butegetsi, Paul Kagame akaba yiyemeje kohereza ingabo i Kinshasa zo gushimangira ubutegetsi bwa Joéph Kabila! Abakurikiranira hafi politiki yo mu karere k’ibiyaga bigari bakaba batangiye kugira impungenge ko ingabo z’ibi bihugu byombi zishobora guhanganira muri Congo bikabyara indi ntambara ikomeye cyane! Impuruza y’abakongomani batuye mu ntara ya Kasaï, iratabaza amahanga ko ubwicanyi buri kubera muri iyo ntara bumeze nka jenoside, bityo amahanga akaba agomba gutabara amazi atararenga inkombe.
 
Amacumbi y’ababikira na kiliziya gatolika zo mu turere twa Bilomba, Ndekesha, Masuika na Luebo… byagabweho ibitero bikomeye n’ingabo za Congo zishyigikiye Joséph Kabila zitewe inkunga n’ingabo z’u Rwanda (FPR-Inkotanyi) mu gukora ubwo bwicanyi. Izo ngabo za Congo zifatanyije n’inkotanyi zishe abapadiri maze zisambanya ku ngufu ababikira bo mu karere kitwa Tshikapa gaherereye muri Kasaï. Abaturage benshi bo mu ntara ya Kasaï bari guhigwa bukware ngo bicwe n’ingabo za FARDC ziri kumwe na APR- Inkotanyi mu bikorwa byo kurwanya ishyirahamwe ry’urubyiruko ryitwa «Kamuina Nsapu». Urubyiruko rwo muri Kasaï rubumbiye muri iryo shyirahamwe, rukaba rutemera umugambi wa Joséph Kabila afatanyije na Kagame wo kwica no guhungisha abaturage ba Kasaï, kugirango bave ku butaka bw’abasekuruza babo maze Kabila abuhe amasosiyete y’amahanga kugira ngo abucukuremo amabuye y’agaciro!
 
Amakuru y’ubwicanyi buri kubera muri Kasaï arimo atangazwa cyane n’ibinyamakuru byo muri Angola kuko icyo gihugu gitangiye guhura n’ingaruka z’umutekano mucye utewe n’impunzi z’abakongomani zivuye muri iyo ntara ihana umupaka n’Angola. Amakuru akomeje kwemezwa i Kinshasa ni uko igihugu cy’Angola kiyemeje kohereza ingabo muri Congo mu mugambi wo kwirukana Joséph Kabila. Nubwo bimeze gutyo ariko, ntabwo Kabila yicaye ubusa kuko mu ijoro ryo kuwa kabili rishyira kuwa gatatu w’iki cyumweru, indege ebyiri nini zakoze urujya n’uruza zitwaye abasilikare bavuye mu Rwanda zibageza i Kinshasa. Izo ndege zagwaga ku kibuga cya Njili, byabaye ngombwa ko ingabo za Congo zirukana abantu bose bari kuri icyo kibuga kugira ngo batamenya amakuru y’aho ibo basilikare ba Kagame bari gucumbikirwa muri uwo mujyi.
 
Abakongomani bakurikiranira hafi ibibera i Kinshasa bemeza ko Paul Kagame yongereye umubare w’ingabo z’inkotanyi muri Congo kugira ngo zitere inkunga izo yoherejeyo mu minsi yashize kuko amaze kubona amakuru y’impamo y’uko Angola yiyemeje nayo kwambuka umupaka wayo na Congo igana i Kinshasa. Iyi ntambara ya Kagame n’Angola muri Congo ishobora kuzaba rurangiza kuko ibihugu byombi bigomba kwerekana ikirusha ikindi imbaraga akaba aricyo Amerika izashyira imbere mu kuyobora akarere kose !
 
Ni ukubikurikiranira hafi.
 
Veritasinfo.
 

Commenter cet article

Dudu 26/05/2017 11:38

Veritas namwe muracangacanga ye! Ni gute u Rwanda rwashyigikira umututsi w'umunyarwanda Kanambe Hippolyte (alias Kabila) mu gihe America itakimushaka kandi ari nayo nyine iri gutuma Angola ngo igende imuhirike?

Ubwo se noneho murashaka kuvuga ko u Rwanda rutakivuga rumwe na America kandi tuzi neza ko ariyo irugize?
Ikiriho ni uko u Rwanda na Angola ari ibikoresho bya America byose ikaba iri kubikoresha ngo ikureho uwo mututsi w'umunyarwanda Kanambe Hippolyte ushaka kwigira ingunge Homme fort wa Congo kandi ba shebuja b'abanyamerika batabishaka na gato baranamubujije akica amatwi.
Barashaka kumukuraho ngo bamusimbuze ikindi kikoresho cyabo kitari umukongomani w'amaraso nka Moise Katumbi.

Niba rero mpatsibihugu Amerika rero itakimushaka, u Rwanda sirwo rwakwitambika kuko Kagome birazwi neza ko ari umuboyi uzi gukomba neza innyo za ba shebuja ba mpatsibihugu.

Urubanza rwa Kayumba nyamwasa kubyerekeye kumwaka ubuhungiro . 26/05/2017 08:20

Urubanza rwa Kayumba nyamwasa kubyerekeye kumwaka ubuhungiro .

https://www.youtube.com/watch?v=fPrzem-dekk

Nduwayezu 25/05/2017 22:02

Ndi umusomyi wa veritas.
Twese ntawe utazi ko RDC yagizwe isibaniro ly'imitwe inyuranye kugirango byorohere ibihangange bisahulira mu nduru bikuliza ibisahurano i Kigali ! Kabila fils ; solda wa Uganda ni agakingilizo kabo .
Ahubwo wabaza ONU icyo ibihumbi byingabo zabo zikora muri RDC ?
Ni igitekerezo cyanjye si Veritas.

Kuri veritasinfo ou igihuha.com? 25/05/2017 19:08

Veritasinfo.fr, nkunze gusoma inyandiko zanyu kandi nkazisesengura. Akenshi zirimo ubuhanga, kandi bigatuma dukurikira amakuru abera mu gihugu cyacu.
Ejo bundi mwaranditse muti :
« Troisième raison, enfin, de ce refroidissement des relations congolo-rwandaises : Kigali voit d’un très mauvais œil le rapprochement entre Kinshasa et Bujumbura. Des militaires burundais sont d’ailleurs venus prêter main forte aux forces de l’ordre congolaises, en septembre, décembre et avril derniers, quand il s’est agi de mâter les manifestations anti-Kabila ».

Ref :
http://www.veritasinfo.fr/2017/05/rdc-rwanda-kabila-n-est-plus-en-odeur-de-saintete-a-kigali.html

None murongeye muti :
« Nubwo bimeze gutyo ariko, ntabwo Kabila yicaye ubusa kuko mu ijoro ryo kuwa kabili rishyira kuwa gatatu w’iki cyumweru, indege ebyiri nini zakoze urujya n’uruza zitwaye abasilikare bavuye mu Rwanda zibageza i Kinshasa. Izo ndege zagwaga ku kibuga cya Njili, byabaye ngombwa ko ingabo za Congo zirukana abantu bose bari kuri icyo kibuga kugira ngo batamenya amakuru y’aho ibo basilikare ba Kagame bari gucumbikirwa muri uwo mujyi »

Ref :
http://www.veritasinfo.fr/2017/05/angola-rwanda-ibi-bihugu-byombi-bishobora-kurwanira-muri-congo-rdc.html

Munsobanurire cohérence iri mu byo mwandika.

None KGM yabaye allié wa Nkurnza Umurundi kuva ryari.
Site yanyu yaba yarabaye igihuha.com ?
Mudusobanurire kbs.

Mbonyingabo 25/05/2017 18:47

Niba Kagame ashubije abasirikare muri kongo na menye yuko nayamanda yiyongeje atakiyibonye. Abanyarwanda bahite bitegura intambara kubutaka bwabo izarangirira i Kigali.

Kanzeguhera 25/05/2017 18:45

Inganda zamerika zintwaro za kirimbuzi zongeye zabonye isoko, ntizijya zihomba kuko zabonye abanyafrika bo kuzigura. Ngaho nababwira iki nimwicane mumarane ko inganda zo ziri kunguka ikibazo kirihe? Pumbafu abanyafrika bo mubiyaga bigali gusa. Bose ari abize nabatarize bose ni amawese-imisarani inuka gusa. Habure nabagabo 20 muri afrika yibiyaga bigali yose bo guhagatika kurimburwa no kwicwa kwababo, gusahura afrika, gusubiza afrika mubucakara kunyungu ya Rutuku? Muzashire niho hahandi.

Umututsi Mwiza umumenya iyo aphuye 25/05/2017 18:11

Imbwa yarashyutswe irapha
Wishinga innyo yundi iyawe ikarangara

Abatutsi tuzumva ryari ko turi rubanda nyamuke?
Amaherezo nuko Isi yose izatuvumbura maze tumware aho buzakera.
UBURUNDI bwaratunaniye bungana nkifundi none kuko twamenyereye ikinyoma nogufashwa na America ya clintoniburere benamama mwabatutsi mwe ngo burya sibuno Kandi nanyina Wundi abyara umugabo

Abatutsi bazi ukuri mushatse murebe kure

MUGABO 25/05/2017 16:09

Ingabo z'u Rwanda nemeye ko zikomeye rwose. Ikibaye cyose bahita bikanga ingabo z'u Rwanda. Nkurunziza w'i Burundi ntaherutse gufata agatotsi ntakirara mu nzu arara mu mwobo Ngo arakwepa ingabo z'u Rwanda. Kikwete iminsi ye ya nyuma y'ubutegetsi bwe yayimaze ahora yikanga ingabo z'u Rwanda. Ikibaye cyose ku isi Veritasinfo ihita uvuga ko ingabo z'u Rwanda zibifitemo uruhare. Bravo RDF ngabo z'u Rwanda. Reka babatinye ni mu gihe muri indatsimburwa ku rugamba, Ubu u Rwanda ntiruvongerwa. RDF ngabo z'u Rwanda songa mbele.

Bushishi 25/05/2017 15:59

#UKURI!

#Umunyarwanda Boniface Twagirimana aragira ati :
"Mu makuru ya #VOA umunyamakuru yifuje kubaza komisiyo y'amatora impamvu yafashe micro ngo yamagana abakandida bigenga ngo barimo kwaka za signatures mu buryo budakurikije amategeko nyamara #umunyamakuru ashatse kumubaza icyo avuga ku bategetsi n'abasirikare batandukanye batangiye kwamamaza perezida Kagame mu nama zose barimo gukoresha #abaturage banabasaba gutora Kagame kandi igihe cyo kwiyamamaza na kwamamazwa kitaragera maze ubuyobozi bwa komisiyo y'amatora telefone buzihindura ibiragi umunyamakuru ababurira irengero!

Komisiyo y'amatora nayo irimo kwamamaza Perezida #Kagame! Ubuse izayobora amatora ku bwigenge?
Oya nta nubwo yigeze. Niyo mpamvu kuvuga ko mu #Rwanda hari amatora ari ugushinyagurira rubanda no kubeshya amahanga."

Abateruzi b'ibibindi bo muri RNC ntibumvikana 25/05/2017 14:25

Abateruzi b'ibibindi bo muri RNC ntibumvikana

https://www.youtube.com/watch?v=_nRfdlnZJmI