Rwanda: Ese guhungabana ni uburwayi bushobora guhishwa ku bushake na bamwe babufite?

Publié le par veritas

abana b'abacikacumu nabo barahungabana kubera jenoside nubwo yabayeho bataravuka!

abana b'abacikacumu nabo barahungabana kubera jenoside nubwo yabayeho bataravuka!

Kuwa mbere taliki ya 10 Mata 2017, Radiyo mpuzamahanga y’abongereza « BBC Gahuzamiryango » yatangaje amakuru y’uko kimwe mu bibazo bikomeje kwigaragaza mu gihe cyo kwibuka jenoside yabaye mu Rwanda yo mu mwaka w’1994 ; ari ihungabana rigaragara kuri bamwe mu barokotse ubwo bwicanyi bw’indengakamere. Ariko hakaba n’ikindi kiciro kidakunze kumenyekana cy’abagize uruhare muri ubwo bwicanyi, bavuga ko bahungabana kubera ibyo bakoze. Impuguke mu ndwara zo mu mutwe zikaba zemeza ko ibyo atari igitangaza kubona uwakoze icyaha nk’icyo ahungabana iyo abyibutse, ariko bikaba bitoroshye kumenya abo bantu kuko bagira ipfunwe ryo kwigaragaza!
 
Nk’uko radiyo BBC Gahuzamiryango ikomeza ibisobanura, umunyamakuru wayo uri mu Rwanda yagiranye ikiganiro na bamwe mubahamijwe kugira uruhare muri jenosideri ndetse bagafungurwa bahawe imbabazi cyangwa barangije igihano ; abo bantu bakaba biyumvamo ibimenyetso by’ihungabana ariko bakabihisha. Umwe muribo yagize ati : «ntabwo najya hariya ngo mvuge ngo ndahungabanye, igihe kiragera nkabyikuramo. Najya guhungabana se nkavuga ko mpungabanyijwe ni iki ? Nta muntu nabibwira, kuko n’uwo nabibwira yambwira ko nasaze ! » Dogiteri Magnus Gasana akaba inzobere mubirebana n’ubuzima bwo mu mutwe agira ati : «batinya kugaruka mu bandi, ese bo bambonye urwaho, ntibazangirira nabi ? Agahorana urwikekwe ko igihe cyose hari abantu bazamugirira nabi, ndetse bakamwishyura birenze ibyo yakoze (…)!
 
Ministeri y’ubuzima mu Rwanda, nayo ikaba ivuga ko ihungabana rishoboka ku bantu bagize uruhare muri jenoside. Abashinzwe ubuzima bwo mu mutwe mu Rwanda, bakaba basanga ikibazo cy’ihungabana gikomeye kurusha uko abantu bamwe babyibaza kuko ubushakashatsi bwerekanye ko mu banyarwanda 4 bari mu muhanda, hagaragaramo umwe uba ufite ihungabana! Igikomeje gutera impungenge muri iri hungabana, ni uko mu Rwanda hagaragara abantu bacitse ku icumu bavutse nyuma ya jenoside kandi nabo bagaragaza ihungabana iyo jenoside yabateye nubwo yabaye bataravuka! Iyi nkuru ivuga ihungabana kuri jenoside iteye urujijo kuko yabyukije ibibazo bidafitiwe ibisubizo :
 
1)Abana babyarwa n’abacitse ku icumu bavutse nyuma y’umwaka w’1994, nabo bagaragaza ihungabana baterwa na jenoside nubwo yabaye abo bana bataravuka. Ese abana babyarwa n’abakoze jenoside nabo bagira ihungabana nk’uko ababyeyi babo barifite ?
 
2)Ihungabana ni uburwayi bwo mu mutwe, bishoboka gute ko igice kimwe cy’abanyarwanda gifatwa n’ubwo burwayi kigashobora kubuhisha ariko ikindi gice cy’abanyarwanda ntigishobore kubuhisha ? Ese ibyo ntibyaba bigaragaza ko hari abemerewe kugaragaza ububabare bwabo abandi ntibabyemererwe ?
 
3)Ubwicanyi bwahindutse jenoside mu Rwanda, bwahitanye abantu bo mu moko yose : abahutu bishe abatutsi ariko bica n’abandi bahutu ; abatutsi nabo bishe abahutu ariko bica n’abandi batutsi. Ese abahutu n’abatutsi biciwe ababo n’inkotanyi ntibashobora kuba bahisha ko bahungabanye kugira ngo batitwa abicanyi kuko batabarirwa mubacitse ku icumu?
 
4)Ese ingabo z’inkotanyi ko ari abatutsi nabo ni abacikacumu ? Abatutsi bari hanze y’igihugu mbere y’umwaka w’1994 nabo ni abacikacumu ? Ese hari abahutu baba muri IBUKA?
 
Ibi bibazo byibazwa kuri «jenoside nyarwanda» biri kugenda byiyongera uko imyaka ishira indi igataha, kuko leta  ya FPR yanze ko hakorwa ubushakashatsi bwimbitse kuri iyo jenoside. Imyanzuro yari kuva muri ubwo bushakashatsi niyo yari gutanga ibisubizo kuri ibi bibazo bidasobantse ! Abakurikirana hafi imiyoborere y’u Rwanda muri iki gihe bakaba bemeza ko, ukuri kuri jenoside nyarwanda kuzatinda kumenyekana igihe cyose ishyaka FPR-Inkotanyi rizaba rifite ubutegetsi. Ibimenyetso byinshi bigaragaza ko FPR Inkotanyi ifite uruhare rukomeye muri jenoside nyarwanda (Kanda aha wumve Musonera uko abivuga); FPR ikaba ikora ibishoboka byose ngo isibanganye ibimenyetsi bigaragaza uruhare rwayo muri jenoside, uretse ko bitayoroheye !
 
Amaherezo ariko uruhare rwa FPR Inkotanyi muri jenoside y’u Rwanda ruzajya ahagaragara bidatinze kuko ibinyoma byayo bitangiye gukama ! Ubutegetsi bwa FPR  mu Rwanda bukora ibishoboka byose ngo bukomeze guteranya abanyarwanda bo mu bwoko bw’abahutu n’abatutsi kugira ngo bubone uko buramba ku ngoma, ariko aho ibintu bigeze ni uko uwo mutego mu tindi wo guteranya amoko mu Rwanda kugira ngo Kagame agume kubayobora (diviser pour régner), wamenyekanye! Abatutsi bamaze kumenya ko babaye ikiraro cyo gufata ubutegetsi kwa FPR, abagerageje kubigaragaza muri bo Kagame akaba abahigisha uruhindu ngo abice ariko ntazabamara bose !
 

Commenter cet article

Uwarokotse Tingi-Tingi (DRC) 12/04/2017 13:59

Hariho byishi byanyobeye muri iyi isi. Ubu koko isi ikomeze iyoborwe na Satani ntakuri kugomba kubaho kwisi? Ariko ubundi abantu baremwe nande? Isi yaremwe nande? Ndabajije ninde waremye abantu? Arihe? Iyo nibutse amagufa yimpunzi zabahutu yuzuye amashyamba ya Congo, nkongera nkibuka Kibeho yose impunzi zirimbagurwa imbere yamaso yamahanga bintera kwibaza cyane ninde waremye abantu. Abahutu batwikiwe muri Nyungwe, muri Park, mu ma-containers hose mu rwanda million zitabarika zabahutu ndibaza cyane ninde waremye abantu, ninde waremye Abahutu?
Amaherezo azaba ayahe? Mbona hari abantu bagenda kwiturira muri Mars hejuru cyane mukirere nkeneye inzira ingezayo nkabisa abantu batuye kuri iyisi.

MURAKOZE KUBABARIRA 12/04/2017 09:18

MWE MUZABABARIRWA RYARI?

Yakomeje agira ati “Nabyo bigira akamaro iyo abantu bashyikiranye, bakabiganiraho, bakemeranya ukuri, hakabaho no kwicuza. Baba barangije ibijyanye n’amategeko ariko ikindi baba batarakora ni ukwicuza imbere y’abo bahekuye kuko Abanyarwanda bagaragaje ko iyo umuntu yicujije BARAMUBABARIRA!

NTA MUNYARWANDA UKENEYE IMBABAZI Z'ABASHINYAGUZI

UKULI WHAT UKULI? 12/04/2017 09:15

Umunyamabanga Nshingwabikorwa wa Komisiyo y’Ubumwe n’Ubwiyunge, Fidèle Ndayisaba, yabwiye IGIHE ko iyo umuntu yarangije igihano ntahitemo gusubira mu gihugu cye ngo afatanye n’abandi kucyubaka, aba ATEREMERA "UKULI"!!

AHA BAVUGAGA MPAMVU KI ABAREKUWE NA ARUSHA BADATAHA!

IGIHE.COM

Kibeho 12/04/2017 06:52

Mbere ya maquis Kagame = 500 000 tutsi
Nyuma yintambara tutsi_Kagame= 300 000 tutsi barokotse.
Ibarura lya jenosayidi -Kagame = 1000 000 tutsi bapfuye .
800 000 bishwe = mubita abaki ?
Halya ngo uvuze ko abatutsi bamwiciye umulyango aba apfobeje jenosayidi ?
Ngo mwageze ku bwumvikane bw'abantu mwacagaguye mukica kuva 1990 ?
Mbese Nikeli mwashorewemo gucukura ntirarangira ngo muvane Afrika yibiyaga mu bucakara mwayizitsemo muyisubize amahoro ?
Nyagasani yakire mu bwami bwayo abahutu nabatutsi nabatwa bicishijwe banicwa nagaysiko kamabandi yabasilikali ba Uganda bashorewe nibihangange bisahura Afrika.

INTORE ZIFITE IBIBAZO BYO GUSOBANURA JENOSIDE 12/04/2017 00:10

Abanyarwanda batuye muri Suède, hamwe n’inshuti z’u Rwanda, bahuriye mu muhango wo kwibuka ku nshuro ya 23 Jenoside yakorewe Abatutsi, wabaye ku itariki ya 7 Mata 2017.

Iki gikorwa cyateguwe na Ambasade y’u Rwanda ifite icyicaro i Stockholm muri Suède.

Umuyobozi uhagarariye ishami rireberera Afurika muri Minisiteri y’Ububanyi n’Amahanga muri Suède, Ambasaderi Helena Rietz, yavuze ko Suède yifatanyije n’u Rwanda mu bihe nk’ibi byo Kwibuka Jenoside yakorewe Abatutsi , anongeraho ko ibihugu byombi bifitanye umubano mwiza ndetse bazakomeza gushyigikira ibikorwa by’iterambere mu Rwanda.

Ambasaderi Christine Nkulikiyinka, yashimiye abitabiriye iki gikorwa, yongera kubibutsa ko ari inshingano ya buri wese gukumira no kurwanya ingengabitekerezo ya jenoside.

Ati “Ntidukwiriye kwihanganira uhakana cyangwa upfobya jenoside yakorewe Abatutsi, yabikora ku mugaragaro cyangwa mu buryo bw’amayeri, buhishiriye. Hari nko kuvuga ko imibare y’abazize Jenoside atari yo cyangwa kuvuga ko hari n’abandi bapfuye n’ibindi muzi.”

Ambasaderi Nkulikiyinka yongeyeho ko nubwo hari abareberera abahembera ingengabitekerezo ya Jenoside bakavuga ngo ‘nimubareke bavuge ntacyo bazadutwara’ bidakwiye kuko n’amagambo ashobora kwica.

Umuhango wo kwibuka kandi wabereye muri Denmark, Finland na Norvege ku itariki 8 Mata, imyiteguro yawo kaba yaragizwemo uruhare n’abagize umuryango w’abanyarwanda batuye muri ibyo bihugu, unitabirwa n’inshuti zabo.

Abarokotse jenoside batanze ubuhamya hatangwa n’ ubutumwa bujyanye n’insanganyamatsiko y’uyu mwaka igira iti “Twibuke Jenoside yakorewe abatutsi, turwanya ingengabitekerezo ya Jenoside, dushyigikira ibyiza twagezeho.”

IBUKA NAYO IRI KUVODAVODA ! 11/04/2017 23:11

Perezida wa Ibuka mu Rwanda, Prof Dusingizemungu Jean Pierre, yasabye Umuryango w’Abibumbye guhagarika imvugo itatura ’Jenoside yakorewe Abatutsi’, anibutsa u Bufaransa ko bwagize uruhare rukomeye muri Jenoside.

Mu muhango wo kwibuka Abatutsi biciwe i Nyanza ya Kicukiro, buri tariki ya 11 Mata, u Rwanda rwibutsa amahanga ko yatereranye u Rwanda, ingabo z’Umuryango w’Abibumbye bakurira indege, bagasiga mu menyo ya rubamba abahigwaga.

Nubwo ubwo butumwa butangwa ngo hagire amasomo amahanga akuramo, Perezida wa Ibuka yavuze ko bikigaragara ko adakurikizwa.

Yagize ati “Cyakora bikaba bitangaje cyane kubona ayo masomo ntacyo abwira Loni, ikomeje kugaragaza ko irebera ahabera amarorerwa. Ibi twarabibonye hambere aha ngaha i Burundi."

Yakomeje agira ati “Ikindi kitumvikana ni urujijo Loni ikomeje kubaka mu mitwe y’abantu, mu mvugo y’abayobozi bayo nibature bajye bavuga ko Jenoside yabaye mu Rwanda yakorewe Abatutsi.”

Yasabye ko Umunyamabanga mukuru wa Loni, Antonio Guterres yavanaho urwo rujijo, akaba ateye intambwe ikomeye ku isi mu gihe amateka yaba asobanurwa uko ari.

Anavuga ko iyo yaba ari inzira yo guharanira amahoro, kandi ko atagerwaho mu gihe hari ibihugu bigiha uruvugiro abagoreka amateka.

Umuryango w’Abibumbye rikomeje gukoresha imvugo ‘Jenoside yo mu Rwanda’ .

Uretse Loni, Prof Dusingizemungu yagaragaje ko mu bihugu bitandukanye hakiri ugushyigikira abahakana bakanapfobya Jenoside. Aha yatanze urugero ruheruka ubwo Umunyamakuru w’Umubiligi, Peter Verlinden uri mu bashinjwa gupfobya Jenoside yashakaga kwitabira kiganiro mbwirwaruhame ku kwigisha amateka ya Jenoside mu mashuri, cyabereye mu nzu y’Inteko Nshinga Amategeko y’Intara ya Wallonie-Bruxelles mu Bubiligi, kuwa 24 Werurwe 2017.

Perezida wa Ibuka avuga ko uyu munyamakuru Verlinden ukorera televiziyo " VRT" yangiwe na Ibuka yateguye iki kiganiro, yaregera Perezida w’Inteko akamushyigikira, kugeza aho hakomeje ibiganiro byatumye akurikira ikiganiro ariko ari mu kumba ka wenyine, adashobora kuba yatanga ibitekerezo nk’uko Ibuka yari ibifitiye impungenge ko yabisakaza mu rubyiruko.

Prof Dusingizemungu yagaragaje ko abapfobya n’abahakana Jenoside bari inyuma y’icyitwa uburenganzira bwo gutanga ibitekerezo, ko abatanga ibibi badakwiye guhabwa urubuga.

Avuga ku gihugu ku itegurwa rya Jenoside yakorewe Abatutsi, Perezida wa Ibuka yashimangiye ko ryagizwemo uruhare n’abakoloni n’abamisiyoneri. Anavuga ko
n’amahanga yanateye inkunga mu gutera inkunga Interahamwe yaba mu bitekerezo no mu bikoresho.

Yitsa ku gihugu cy’u Bufaransa, Prof Dusingizemungu yagize ati "Igihugu cy’u Bufaransa cyari ku isonga muri ibi byose. Twongeye kugaragaza uyu munsi uruhare rw’ubuyobozi bw’iki gihugu mu gutegura no gushyira mu bikorwa Jenoside yakorewe Abatutsi."

Yabushinje akomeje asaba ko uhagarariye iki gihugu mu Rwanda ko yazabwira abayobozi babwo ko ari ‘icyasha gikomeye ku mateka y’u Bufaransa’.

Yaboneyeho gusaba abanyamateka ku isi yose kugaragaza urwo ruhare rw’Abafaransa.

Ibuka isaba ko hazakorwa ubuvugizi amateka ya Jenoside yakorewe Abatutsi akigishwa ku isi hose.

Sano 11/04/2017 22:39

Kuki Abanyarwanda ijambo Gucika kw'Icumu babigize iby'Abantu bamwe gusa mubona ali ukubaka cyangwa n'Ugusenya,Abanyarwanda benshi bacitse kw'Icumu mwabyemera mutabyemera niko bimeze ,kuko bose ntawe utaragarukiye kure , ndabivuga kuko twagize akaga Abicanyi baba alibo bayobora Igihugu gusa bamwe babishe kumugaragaro Abandi bakabica lu ibanga aliko byose twarabimenye ,Abanyarwanda twigiza nkana kubera inyungu dushaka aliko byose ni hahandi za nyungu zigera aho zikayoyoka ,Tuli mu Cyunamo aliko Icyunamo njye numva kireba uwabuze uwe mu Ntambara ,nyine birababaje kubona bamwe bagikora kumugaragaro Abandi bakagikora rwihishwa kandi bose Ali Abanyarwanda.

Niyitanga 11/04/2017 19:40

Mpereye kubuhamya bwa Jonnathan Musonera ndashimira cyane Uk-Ubwongereza kumutekano bakomeje kumurindira kuko mubindi bihugu ntibitaye kurinda umutekano wabanyafrika cg wabirabura muri rusange.
Jonnathan nawe uhore uri maso igihe cyose kuko inkoramaraso zakwivugana igihe icyo aricyo cyose. Ukuri guca muziko ntigushya kandi ukuri gutsinda ikinyoma. Ntabwo ibinyoma bya FPR-Inkotanyi bizahoraho. Abanyarwanda dukunda ukuri tuzitanga kugera tugupfiriye, ariko urwanda rube urwo ukuri namahoro na democracy kubenegihugu bose babanyarwanda. Tuzandika amateka ngo kirazira.
abakunda ukuri twese duhagurukire ibikorwa, kwitanga muri byose uyu mwaka wa 2017 niwo dukeneye kwibohozamo ntawundi. Abananiwe nabarambiwe nimwihangane, abarira muzahozwa, ababaye twese twihanishanye muri byose.

2017 amahoro mu rwanda, amahoro kubanyarwanda bose, Gahutu, Gatwa, Gatutsi twese hamwe ntawe udutandukanyije tuti amahoro iwacu mu rwanda rwa bene Kanyarwanda.
inkoramaraso ntizirimo kirazira.

Umututsi mwiza umumenya iyo aphuye 11/04/2017 19:13

Mpere kuburundi : niyemeje guphana ukuri kuko gupha ntawe byishe nibutse a bahutu biburundi ko uwambaye ikirezi atamenya ko cyera nonjyerembibutse ko kurangarakwanyu kuzabakoraho kuko mukomeje gusinzira bikabije mugihe cirabirarura ataribagirwa ko mwatumye adasinzira .nyakubahwa nkurunzoza ibuka ubemaso

Gahigi 11/04/2017 18:17

Erega Kagame ntaho azahungira igikorwa cyo gukoma imbarutso ya jenoside y'abatutsi akanategura kandi agakora jenoside y'abahutu. Gukomeza guteranya abahutu n'abatutsi ntabwo bizamworohereza imibereho iri imbere!