Ishingwa ry’umuryango mushya mpuzamahanga «Fondation CYIZA» uharanira amahoro n’ubutabera mu Rwanda.

Publié le par veritas

Mu gihe abanyarwanda bibuka ku ncuro ya 23 ubwicanyi bw'indengakamere bwibasiye abana b'u Rwanda, bituma ukwezi kwa Mata kutwibutsa ayo mateka mabi, kuri uyu munsi wa 23 Mata tuzirikana by'umwihariko ko uwo mubabaro wo kubura abacu ugikomeje ku miryango myinshi y'abanyarwanda harimo n'uwa Lt Colonel Agustini CYIZA wahoze ari Uwungirije prezida w'Urukiko rw'ikirenga akaba yari na prezida w'urukiko Rusesa imanza, Umwarimu muri za kaminuza z'u Rwanda, akaba kandi yaragize uruhare runini mu ishingwa no mu guteza imbere imiryango idaharanira inyungu mu Rwanda nyuma akaza kuburirwa irengero kuva mu ijoro ryo kuwa 23 Mata 2003.
 
Mu kwibuka ku nshuro ya 14 iryo zimira, umuryango ninshuti ba Agustini CYIZA, biyemeje kuzirikana uwo mubabaro wabo mu bimenyetso bibiri : ukuri no guterana inkunga. Ku byerekeye ukuri, ni ngombwa gukurikirana kugira ngo iperereza rikorwe ku byerekeye iryo zimira rya Lt Coloneli CYIZA no ku bandi. Muri abo twavuga Depite Léonard HITIMANA. Guterana inkunga bisobanura kurengera no gushyigikira mu buryo bunyuranye imiryango yabahohotewe.
 
Kubwiyo mpamvu kandi nyuma yo kubona ko Umuryango Fondation CYIZA wa mbere wari washinzwe mu mwaka wa 2008 washeshwe, hashinzwe umuryango mpuzamahanga udaharanira inyungu witwa: Fondation Cyiza, umuryango uharanira ukureshya imbere yamategeko, amahoro n’ubutabera mu Rwanda wahawe izina rigufi rikurikira : Fondation Cyiza.
 
Uwo muryango washatse kubahiriza umurage wa CYIZA bityo ukaba uzagendera ku ihame ryo kurenga ibidutandukanya no kunga ubumwe mu byiciro bitandukanye. Mu kubahiriza inshingano nintego Cyiza yari yariyemeje mu rwego rwimibereho myiza, mu bya politiki, mu bukungu no mu byerekeye umuco, Fondation Cyiza wiyemeje intego zikurikira :
 
a)Guteza imbere, kurengera no gusigasira ikiremwamuntu mu isi no mu Rwanda by’umwihariko;
b)Kubaka isura yu Rwanda itandukanye niyasizwe namateka mabi ya politiki yahekuye u Rwanda, Akarere kibiyaga bigari byAfurika byumwihariko uhereye mu mwaka w’ 1990;
c)Gufasha abanyarwanda kurenga imipaka yibidutandukanya no kubaka ibiraro bihuza ibyiciro bitandukanye byabanyarwanda, ku ruhande rumwe, no hagati yabanyarwanda n’amahanga ku rundi ruhande;
d)Kugira uruhare mu bikorwa byo mu mirenge, mu turere no mu rwego mpuzamahanga bigamije guteza imbere umuco wamahoro nkuko usobanurwa na UNESCO : umuco wamahoro ni indangagaciro, imyitwarire nimibereho birinda ko habaho intambara bikarwanya amacakubiri biyaturutse mu mizi hakoreshejwe ibiganiro hagati yabantu ku giti cyabo, ibyiciro byabantu nibihugu”: Icyemezo cyumuryango wabibumbye A/RES/52/13: Umuco wamahoro na A/53/243: Itangazo na gahunda yibikorwa ku byerekeye umuco wamahoro;
e)Kugira uruhare mu kwimakaza ubutabera mu Rwanda, mu karere kibiyaga bigari byAfrika no mu rwego mpuzamahanga;
f)Kurwanya umuco wo kudahana na ruswa uko byaba bisa kose.
 
Fondation cyiza iboneyeho umwanya, wo guhamagarira inzego zose namahanga kugira ngo bashyigikire umuryango wa CYIZA Agustini nindi miryango yazimirijwe ababo mu Rwanda no kugira ngo umucyo nubutabera muri byo biboneke mu buryo bwihuse. Ugize ibyayo, ibitekerezo byagaragajwe nabanditsi bigitabo rusange: Augustin CYIZA, Un homme Libre au Rwanda”(Ed.Karthala, 2005), fondation irasanga amagambo yubutegetsi bwu Rwanda buvuga ko Agustini Cyiza yaba yarahunze igihugu akaba yarifatanije nabigometse ku butegetsi bwu Rwanda bari muri Repubulika Iharanira Demukarasi ya Congo ari amagambo yubugome bwindengakamere kandi atesha agaciro ikiremwa muntu.
 
Fondation irasanga imvugo nkiyo, yo kugaragaza ko uwahohotewe yari umuntu wumugome mu gihugu, bibasha kugira ingaruka mbi ku muryango n’inshuti zuwahohotewe.Umuryango wamaganye wivuye inyuma imyitwarire nkiyo igamije gutera ubwoba no kuzitira iperereza ryo gushyira ahagaragara ukuri mu gihe cyirigiswa cyangwa iyicwa ryumuntu.Tuboneyeho umwanya kandi wo gushyigikira umuryango wa Lt colonel CYIZA mu kuba waratanze ikirego mu mwaka wa 2013 imbere yUmushinjacyaha mukuru wu Rwanda umusaba gukora iperereza kuri icyo kibazo.
 
Turashima ibikorwa byamaze gukorwa cyane cyane, ibyakozwe na komisiyo yuburenganzira bwa muntu n’itsinda ryibyerekeye irigiswa ryabantu mu gushakisha amakuru kuri icyo kibazo. Fondation irasaba ibihugu byinshuti zu Rwanda nimiryango mpuzamahanga niyo mu karere gukora ibishoboka byose bagashyigikira ibirimo gukorwa. Fondation cyiza irashima ibihugu byinshuti zu Rwanda, imiryango yo mu karere nimiryango mpuzamahanga batizigama mu kugira uruhare mu byo kurwanya irigiswa numuco wo kudahana.
 
Fondation cyiza yiyemeje gufatanya nibyiciro bitandukanye byimiryango nyarwanda idaharanira inyungu mu buryo bwibiganiro no kubahana mu gushaka imyanzuro yamahoro kandi irambye yo kurwanya ibintu bitatu byayogoje u Rwanda ari byo : ihohotera, umuco wo kudahana nuwo kurwanya uwishoboye. Ibyo uko ari bitatu nibyo Agustini CYIZA yarwanyije mu mibereho ye yose haba mu gisivire no mu gisirikare.
 
Gukomeza urwo rugamba niyo mpamvu yatumye uyu muryango, ufite izina ryurwibutso rya CYIZA ushingwa.
 
Bikorewe i Lille, kuwa 23 Mata 2017
Ku bwa Fondation CYIZA
 
Bwana AMANI Byusa Perezida
 
Madamu NTAMWERA Denyse
Perezida wa kabiri wungirije
 
Bwana NIYITEGEKA Aloys Umubitsi
 
Bwana BIGWI Hodari Umunyamabanga mukuru

Commenter cet article

Turur 29/04/2017 11:22

Niko sha ; bakubwiye ngo niba utumbye ko
bashyizeho findation iyi niyi ; tulika.
Halya Ntwari Gahini ngo mulica
mugakiza ;hakalira uwo mubihereye
uruhusa ? Byose bizashira vuba !

NTWARI 29/04/2017 10:50

Umuntu agira fondation mu mitwe y'abantu kubera ibikorwa byiza by'ubutwari yakoze. Fondation zishingwa kubera izindi nyungu ntacyo zimaze nta nicyo zagezaho abantu. Wari wumva hari Fondation Patrice Lumumba iriho? Wari wumva Hari fondation Mutara III Rudahigwa iriho? Wari wumva hari Fondation Capt Thomas Sankala iriho? Wari wumva hari Fondation General Major Fred Rwigema iriho? wari wumva hari Fondation Rwagasore Louis iriho? Wari wumva hari Fondation Jesus Christ de Nazareth iriho? Ntiyishwe n'abaromani se? ariko na nubu aribukwa. Intwari rero singombwa ko barinda kuyishingira fondation kuko ibikorwa byayo birivugira. Nimushaka muzashinge fondations zingana n'umubare w'abashinwa ku isi, ibyo ni ugukora ubusa ni nko kuvomesha akayunguruzo.

Epimake 29/04/2017 08:10

@Gouvernema yo mu buhungiro.
I love you !

Muhire Noa 29/04/2017 08:07

Naho hajyaho fondations igihumbi .
Uwo bibabaje
atulike.
Dutahiliza umwe.
Uwishe wese ahanwe .
Amaraso arasa.
Abategetsi bari kwica bahanwe.
Umwicanyi ni nkundi !

Mwiza 29/04/2017 05:17

Abatutsi twarishe abahutu mwarishe ikizima nikwiyunga tukababarirana abanyabyaha bose Bahanwe ubundi urwanda rubané amoko y ise mumahoro asagambye .

Fondation ntacyo Zimaze kubahutu kurubu ahubwo mushyire hamwe mwe mwarokotse mukorane nabatutsi bumutima nkatwe ubundi amahoro asagambe.

Waruziko 29/04/2017 03:06

Hakwiye kujyaho fondation zabishwe na k.nagatsiko kose nka ba mucyo, rwabukamba nabandi dore ko bamwe nka karegeya na sendashonga mbere nuyu cyiza bazibonye bityo na na Perezida Pasteur akaronka iye.

Amakuru atarasobanuka neza avuga ko uyu Bizimungu P.yoba ari mubitaro muri us kuburyo bishoboka ko yashizemo umwuka, kandi mu buryo bwibanga ngo harateganywa kuzomuhamba rwihishwa bakazabitangaza nyuma yo kumuhamba kugira ntihazamenyekane ubwoko bwutuzi yanyoye cg yahawe mu minsi iheze
Ngaho abashinga fondation nababwira iki!!!

RUGAMBA 28/04/2017 22:29

Hakwiye no kujyaho foundation z'abishwe na MRND nka Kayibanda Foundation, Padiri Sindambiwe Foundation, Colonel Mayuya Foundation, Gatabazi Felecien Foundation, Uwilingiyimana Agathe Foundation, Nzamurambaho Frederic foundation, Maître Ngango Foundation, n'abandi ntavuga ngo ndangize. Tugashyiraho kandi na Foundation z'abishwe na Parmehutu ya Kayibanda.

Kabare 28/04/2017 21:26

Nihaboneka abantu benshi bazashyiraho "fondation z'abo FPR" yiciye ndumva bizaba bigana mu nzira nziza kuko noneho hazabaho impuzaza Fondation z'abiciwe na FPR bityo izo za fondation zose zigahuza imbaraga! Ibyo biruta kwituramira!

Amaherezo ni ayahe??? 28/04/2017 18:48

None se buri wese FPR yiciye nashyiraho foundation ubwo bizagarukira hehe??? nIHAJEHO FONATION IMWE ivuganira abo bose nahubundi ibi ntaco bimaze.

Kayumba 28/04/2017 16:20

Igitekerezokiza cyane. Ikibazo nyamukuru ngewe nibaza;Nibyo koko abanyarwanda batagira ingano,abenshi twabuze abacu kugeza ubu,abandi bishwe nkibisimba,abandi baratwikwa nkibihuru muli Nyungwe no mukagera. Ntibyaba byiza,hagiyeho umulyango umwe uhagaraliye abo bose bahuje ibibazo?
Hali Fondation Seth Sendashonga, Fondation ,Colonel Cyiza Augustin, ngirango hali niya Karegeya,etc....Bigiye kuba nkayamashyaka ya politike atagira ingano,avuka buli munsi. Uburo bwinshi.......

Karoli 28/04/2017 15:08

Ibi ntako bisa! Iyaba abanyarwanda bose bajujubishijwe n'iriya ngoma ya Kagame bari bashyize hamwe ubushobozi bafite, bagamburuza iyi ngoma ikareka gukomeza kwica urw'agashinyaguro abanyarwanda!