UGANDA -USA: Leta iyobowe na Donald Trump yahagaritse ibikorwa byo kurwanya Joseph Kony !

Publié le par veritas

Ingabo z'Amerika muri Uganda

Ingabo z'Amerika muri Uganda

Gahunda ya Perezida Barack Obama ku mugabane w’Afurika, yari iyo kohereza ingabo mu bihugu by’Afurika mu gikorwa cyo guha imbaraga abaperezida b’ibihugu by’inshuti z’Amerika biri kuri uwo mugabane. Nk’uko amakuru atangwa na radiyo y’abanyamerika « VOA » abyemeza ; Igihugu cy’Amerika (USA) cyatanze amafaranga ari hagati ya miliyoni 600 na 800 z’amadolari mu gikorwa cyo kurwanya umutwe wa LRA no kwica umuyobozi w’uwo mutwe Joseph Kony, kuko uwo mutwe urwanya leta  ya Yoweli Kaguta Museveni ukoresheje intwaro! Mu kwiyamamaza kwe, Perezida Donald Trump yavuze ko azita kuri Amerika gusa, kandi akarwanya abanyagitugu bo muri Afurika ; aho kubaha amafaranga no kuboherereza ingabo zibarengera nk’uko Barack Obama yabikoze!
 
Icyemezo cya mbere ubuyobozi bwa Donald Trump bufashe ku mugabane w’Afurika : Ni uko umuyobozi w’ingabo z’Amerika ku mugabane w’Afurika général Waldhauser yemeje ko ingabo z’Amerika zahagaritse ibikorwa byo kurwanya umutwe wa LRA ushinjwa ibikorwa by’ubwicanyi bw’abaturage no guhiga umuyobozi w’uwo mutwe Joseph KonyGénéral Waldhauser asobanura ko ibikorwa by’ingabo z’Amerika byo kurwanya LRA byatangiye mu mwaka w’2011 bikaba byaratwaye akayabo k’amafaranga ari hagati ya miliyoni 600 na 800 z’amadolari.
 
Général Waldhauser asobanura ko Amerika (USA) yohereje muri Uganda no mu karere k’Afurika yo hagati abajyanama bakomeye mu byagisilikare barenga 100 bo kurwanya umutwe wa LRA no guhiga bukware umuyobozi w’uwo mutwe Joseph Kony. Hagati y’imyaka 5 n’6 ingabo z’Amerika ziri muri ibyo bikorwa, zashoboye gushegesha kuburyo bukomeye umutwe wa LRA kuko abarwanyi bawo bari hagati y’amajana n’ibihumbi bishwe, abandi bagafatwa mpiri n’ubwo izo ngabo z’Amerika zitashoboye kwica cyangwa se ngo zite muri yombi umuyobozi w’uwo mutwe Joseph Kony.
 
Joseph Kony uyobora umutwe wa LRA arashakishwa bikomeye n’urukiko mpanabyaha mpuzamahanga CPI, umwe mu byegera bye witwa «Dominc Ongwen» yatawe muri yombi, ubu akaba yaragejejwe imbere y’urukiko mpanabyaha mpuzamahanga rwa CPI ruri i La Haye mu gihugu cy’Ubuholandi. Umutwe urwanya ubutegetsi bwa Museveni wa LRA umaze imyaka irenga 30 ukora ibikorwa byo kunyereza abana no kwica urubozo abaturage bo mubihugu by’Afurika yo hagati. Kuva Museveni  yafata ubutegetsi muri Uganda, umutwe wa LRA watangiye ku murwanya guhera mu mwaka w’1987, uwo mutwe ukaba ushinjwa kwica abaturage barenga ibihumbi 100 ukaba warashimuse n’abana barenga ibihumbi 60.
 
Imiryango irengera uburenganzira bw’ikiremwamuntu yashyize igitutu kuri perezida w’Amerika Barack Obama, bituma mu mwaka w’2010 afata icyemezo cyo kohereza impuguke za gisilikare z’abanyamerika muri Afurika yo hagati kugirango zifatanye n’ingabo z’ibihugu byo muri ako karere mu bikorwa byo kurwanya umutwe wa LRA n’umuyobozi wawo Joseph Kony. Wifashishije iyobokamana, umutwe wa LRA urwanya leta  ya Uganda mu buryo bw’intambara ya kinyeshyamba irangwa n’ubwicanyi buteye ubwoba, Joseph Kony uyobora uwo mutwe akaba avuga ko ashaka gufata ubutegetsi muri Uganda agashyiraho leta igendera ku mategeko 10 y’Imana.
 
Munyigisho za Joseph Kony, avuga ko hejuru y’ayo mategeko 10 y’Imana, ateganya kuzashyiraho itegeko rya 11 leta yifuza gushinga muri Uganda izagenderaho « ribuza abantu kugendera ku igare », ko umuntu wese wazahamwa n’icyo cyaha bagomba kumuha igihano cyo kumuca akaguru! Kurwanya ubutegetsi ntabwo ari igitangaza, ariko igitera amakenga n’impamvu abarwanya ubutegetsi bagaragaza n’icyo bo bazakora babubonye! Kubera ibyo bitekerezo bya Joseph Kony, Amerika yifuza gukomeza gufatanya n’ibihugu byAfurika yo hagati kurwanya uwo mutwe n’ubwo yahagaritse ibikorwa bya gisilikare byo kuwurwanya.
 
Amafaranga Amerika yakoresheje mu kurwanya umutwe wa LRA, ari hagati ya miliyo 600 na 800 z’amadolari, uwayaha leta y’u Rwanda na Uganda zikayashora mu bikorwa by’ubuhinzi, inzara yacika burundu muri ibyo bihugu !
 
Veritasinfo

Commenter cet article

Kagitumba 30/03/2017 12:45

Batangiye gufunga robine Mu minsi irimbere za ndege ziratangira guta ama piece

Jean 27/03/2017 20:45

Nta jamvo ly'umusazi nyine nkuko ubivuze !
Icyo azi ni ukulyalyata mu butoki no gucumba umwotsi mu kabuno no mu nnyo kubera ko yabuze abo yica ! Nibwp wumva we n'abambali be babyukiye mu isoko guhonda udufuni abazunguzayi . Harahagazwe !!!!

ntakataraza 27/03/2017 15:03

"Perezida Kagame asanga Isi itazatekana hakiri abagishyigikiye ubwicanyi" igihe.com
Umusazi arasara akagwa kwijambo.
Iyo ubucuti Kinani yarafitanye n,ubufaransa,buatali bushingiye kuli we na Mitterand,ngirango u Rwanda ubu rwali kuba ruhumeka amahoro n,ubumwe.

Nsubize Rutayisire 27/03/2017 13:26

Urakoze Rutayisire !

Ref :
http://igihe.com/amakuru/article/ibuka-irifuza-ko-ibihugu-byakwinjiza-mu-mashuri-amateka-ya-jenoside-yakorewe

Ariko se, ibintu bitagenda byose, muzajya babishyira kuri RACISME.
Abazungu, mu burere (education) bwabo, bigishwa kugendera ku murongo. Iyo rero bababwiye ibintu, bakabona harimo tena, bagerageza gutekereza.

Ngaho rero, sobanurira umuzungu, ukuntu ugomba kuvuga jenoside Tutsi apana jenoside rwandais, kandi azi neza ko iyo jenoside yabaye mu ntambara hagati ya RPF na FAR.
Umutagatifu muri bo, ninde?

Muhumure, ku mashuri ya secondaire i Burayi, abana baratekereza, kandi bakavuga icyo batekereza ku mugaragaro, badashinjwe ingengabitekerezo, KUKO NIBO BATEGETSI b’ejo.
Ububiligi buri mu Burayi, ntabwo ari intara ya Corée du Sud.

Ikibazo rero, ni uko byose tubivangavanga, hejuru y’inzirakarengane zapfuye, hejuru y’imiryango yibabariye, yatakaje abayo.

Tu devrais avoir honte.

Mbonyingabo 27/03/2017 10:25

Nibyiza kuba Trump ihagaritse iriyankunga, niyo Museveni yskoreshaga mugukandamiza opposition. Nomu Rwanda bararye barimenge bamenye yuko nabo infashanyo za gisirikare zishobora guhagarikwa; igihe icyaricyo cyose,

NTWARI 27/03/2017 09:10

@Kalinganire
Apuuu. Ntukavuge abantu ngo uvuge na Habyalimana. Habyalimana wagiye mu Bushinwa akakirwa n'abaririmbyi Perezida w'ubushinwa yibereye mu kazi, kubera ko bari bazi ko Habyalimana ari inkende y'umwirabura ikunda ko bayibyinira si ibyo yatahiye ngo baramuririmbye ngo bazamuherekeza? Baramuherekeje se? Aho icyo Kinani bagihambye hari umushinwa wigeze uhabona? Ariko uzajye mu Rwanda urebe Company z'ubucuruzi zimaze gufungurwa hagati y'u Rwanda n'ubushinwa. None ngo Kinani baramuririmbye? Yatahiye indirimbo nyine!!! President Kagame yageze mu Bushinwa President w'ubushinwa aramwakira Ari kumwe n'abayobozi Bose b'ingabo z'ubushinwa ari kumwe n'abacuruzi Bose bakomeye n'abayobozi Bose kuko we babona ari umugabo ufite ibitekerezo utandukanye na cya kindi cyiyitaga Ikinani iyo cyabaga kimaze guhaga Primus cyarangiza kikabwira abanyarwanda kujya kwirirwa babyina Sakanyonsa ngo ni za animation. Ibyo se nibyo bari guteza imbere igihugu? Naho ibyo gutega abantu iminsi ngo igihe cyabo kiri Hafi, burya si buno wibuke ko Kagame mwamurwanyije kuva muri 1990 kugeza nubu aracyari KU isonga muzarinda murangira ibyo mutegereje ntabyo mubonye. Inama mpora ngira abanyarwanda bagicuramye mu bwonko ni ukuva mu bujajwa bwo guhora bumva ko bazarwanya Kagame ahubwo bagafatanya n'abandi banyarwanda guteza imbere igihugu dore kugeze kure mu majyambere, naho kwirirwa kuri veritasi uririmba ngo Nzaramba ngo Mapping report ntacyo byapfa bikumariye kuko uwakubaza iyo mapping aho iri ubu ntiwahamenya

Kalinganire 27/03/2017 08:47

Ntwari polisi ntozo media bite ?
Kinani yasuye u Bushinwa bamulilimbira mu kinyarwanda ngo :" Nzaguherekeza Habyarimana mu nzira yukuri igana rwose mu majyambere." Sobuja Kagame bamwakije iyihe ? Igihe mumuhanura ko ubushinwa butaje (= bahuwifite).
BeniLadeni yakoze anaba ku ibere lya Amerika.
Kadhafi yakoranye na Amerika.
Ba amerendiano bakiye impunzi arizo Amerika yubu ; bazihembye kuzitsemba.
Kagame nawe akorana nayo inamubikiye mapping repport izigurutsa vuba iyimukorere wenyine. Amateka azasubiramo vuba ibi nkubwiye !

NTWARI 27/03/2017 06:10

Iyo mbona mwijujuta ngo America irabakoronije muransetsa. Igihe cyose America ikibarusha intwaro n'ubukungu izabategeka. Wabyemera wabyanga uzarakara umujinya wawe ushirire mu murizo. Afrika se izigenga ryari itagira intwaro za kirimbuzi nk'abandi? Ko arizo zitegeka isi? Ubwo mugiye kuvuga ngo cya gicucu Kadhafi cyari intwari ya Afrika? Ikigoryi Kadhafi kihaye kurwanya inyungu z'abanyamerika muri Afrika Kandi kibikora kidafite intwaro zo guhangana nabo, ubugoryi burenze ubwo ni ubuhe? Ntibagikuyeho bakagikubitira mu muhanda nk'ukubita igisambo cyibye ibitoki? ubwo se nibwo butwari? Ahubwo jye ndashima abapresidents bose ba Afrika bakomeje kugirana umubano mwiza na Leta Zunze Ubumwe za America (USA) kuko ni uguhitamo neza kubana neza n'igihugu cy'igihangange ku isi. Ikindi aho gukoronizwa n'abafaransa wabana neza n'abanyamerika kuko abafaransa ni imbwa baragushuka ukishora mu bibazo Kandi ntibagutabare nimwibuke ukuntu bashutse interahamwe zikica benewabo b'abanyafrika zigakora genocide mu maso y'isi yose none reba zirimo zirahigishwa uruhindu, ziririrwa zipfundapfunda imitwe hirya no hino ngo zirebe ko bwacya kabiri ibyo byose kubera kwishinga imbwa z'abafaransa. Nyakubahwa President w'u Rwanda nakomeze ateze imbere umubano mwiza hagati y'u Rwanda n'ibihugu by'ibihangange bizagirira akamaro abanyarwanda. Dore aherutse mu Bushinwa aho yakiriwe nk'umuyobozi ukomeye Ku isi, abayobozi Bose b'u Bushinwa bari bacyereye kwakira President w'u Rwanda Paul Kagame. Ni ubwa mbere mu mateka y'u Rwanda umuperezida w'u Rwanda yakiranwa icyubahiro cyo ku rwego rwo hejuru mu bushinwa. President w'u Rwanda Kandi aherutse kwakiranwa icyubahiro gihambaye na Papa Françis aho uyu muyobobozi wa Kiliziya gatolika yasabye imbabazi kubera genocide yakorewe abatutsi ikaba yaragizwemo uruhare n'abagatolika bamwe bari barananiye Imana n'abantu. Uyu muyobozi yakoze neza gusaba Imbabazi Kandi burya usibye imbabazi arazihabwa. Atandukanye na wa mugore w'icyomanzi ngo ni Ingabire Victoire unanirwa gusaba imbabazi abanyarwanda kubera ibigambo yahuraguye byo guteza amacakubiri mu banyarwanda ahubwo akirirwa yiruka inyuma y'ibicupuri ngo ni inkiko za Afrika, araziririra se ngo zizaze zimufungure? Nimbabwira ko hariho abirabura b'ibigoryi rero mujyeho mubyimbye amazuru!!!

Thimotheo 27/03/2017 18:01

Ntwari, ujye uvuga make cyane kuko beshi dutuye muri amerika turi abanyamerika kandi turi abanyarwanda. Bititinde bitebuke niba mudahinduye ibintu vuba cyane tuzimanukira turangize ibibazo byacu abanyarwanda turengere Rubanda rwa giseseka mwica buri munsi, mwishe kandi mikomeje kwica. Abo ushyigikiye kandi urata ntawe urusha kubamenya nagato. Kwica mwabihinduye imikino nurusimbi kumaraso yabana babanyarwanda. Sha bucya bwitwa ejo niko abanyarwanda bavuze. Tuzahangana muhagarare tubereke ko na nyina wundi abyara umuhungu.

Mbote 26/03/2017 23:39

Urinda gutanga ingero za kure ; wabaza ayo Kagame abishyura buri kwezi ; abahembera ko bamufashije gutsemba abanyarwanda ..nabo bakamutereka mu Rugwiro ! Wabaza ibara bali bagiye gukora i Burundi iyo Nkuru yera atabahunga akigira kwa Putini bakamwara !
Isi iravuza imiborogo hose ; akarengane ubwicanyi n' inyota y'ifaranga n'ubutegetsi !
Uyu muyaga uranuka iya gatatu y'isi ! Nizeye ko Gapfakare Rwabuzisoni yabitse azamuhungishiliza kuri Marsi wenyine yo kuma ahagaze.

Sam 26/03/2017 22:25

Uvuzukuri muvandimwe elidephonsi, iyaba abategetsi bafurika bameze nka kadafi bagakumira aba bazungu ntivogere afrika ubu afrika iba ari paradiso ,ariko ikibabaje nuko bamwe murino arabanyanda nini , biyemeje kujya birirwa bakomeramashyi abazungu bikavamo bamwe babanyagitugu, ahubwo bagakandamiza abirabura babo munyungu zabazungu, urugero rufatika, nimurebe imyaka ibaye ingahe congo yarokamwe nintambara zurudacya zitagira nuzina abazungu bagatekimitwe ngo bahe8rejeyo za monusco ahubwo ubwicyanyi bukiyongera nimitwe yitwajintwaro ikaba akajagari mugihugo, none se iyo monusco imaziki muli congo? Nukuvoma congo , bakabahumisha ngo barabafashya urugamba, byahe! Ninjiji zabategetsi ba congo sugukomamashyi nu kabasingiza kakahava, rero abategetsi bafurika ibyo kurengera abaturage babo ntabyo bazi ,ichabo nugusahura ibihugu bafatanyije nabo banyamerika babatekamutwe naho abanyagihugu batabazi ngo bajye kudufashya byahe byokajya.

Mohamed Farrah Hassan Aidid 26/03/2017 18:33

Maze uwo bita Aïdid, GENERAL Mohamed Farrah Hassan, wa wundi wo muri Somalia wishe Abasoda b'Abanyamelika i Mogadishiyo, akabakurura mu muhanda, bamuhigishije uruhindu, baramwica.
None ngo Kone....Ntabwo ari ikibazo cy'umutekano wabo, uwo Koni wigize ingunge mw'ishyamba, ubu aba ari amateka.

Niyirema, Eldephonse 26/03/2017 17:16

Mwa bantu mwe nimuhumuke murebe mufite amaso, nimutekereze kandi mwibaze kuko mufite ubwenge numutima hanyuma yabyose dukore ibyaturengera byose byatuvana mubucakara Neo-Colonize ya amerika iri muri afrika yibiyaga bigali. Mbese mbajije nti guhera 1990 kigeza uyu munsi 2017 hamaze kwicwa milion zabantu bacu zingana gute? Bicwa cg bishwe kubera iki? Abo banyamerika bo kobaticwa ngo bumve uko bimera nukubera iki? Bakomeza kutwicira abantu no dushyira mubucakara bwabo kubera iki? Abanyamerika ni ingoma yikuzimu kwa Lusoferi umuntu wese ukorana nabanyamerika ni Shitani nkabo bazungu, bagamije kurimbur abanyafrika no gushyira afrika mubucakara. Kwica abantu bisobanuye iki? Kwica abantu ukarengera ibikoko bisobanuye iki mwabantu mwe? Amaraso yabantu babanyafrika yahindutse amazi aseseka gute? Nyabuna ndatabaza nimuhaguruke twese hamwe twitabare kandi twirengere kuko amazi yarenze inkombe. Usoma wese ibi nanditse abiceho akarongo ibikorwa biturange kuruta amagambo. Abasangwabuta bo muri amerika barishwe baratsembwa ntibasiga nuwo kubara inkuru nucitse kwicumu yaruswe nuwapfuye. Afrika yacu niyo abanyafrika ntabwo ariyo abanyamahanga kirazira. Abagabo bintwali ba afrika nimutabare afrika yacu . Kadafi yari inkingi ya afrika ibuza izo nkoramaraso za amerika kuvogera afrika uko bishakiye uyu mugabo wintwali Kadafi utaravugirwagamo nabo ba Rutuku yarishwe none afrika igiye kuba umuyonga. Abavuze Baracka Obama haribyo atashoboye gukora kuko yakoreshwaga nawe cg bamwe bamufataga nkumwirabura uhabwa amategeko agenderaho atayakurikiza akicwa. Uko niko yakoze mubu presida bwe muri amerika. Nongere mbisubiremo intwali za afrika nintwarane twese hamwe twitabare kandi twirengere dutabare afrika yacu.

Kalinda 26/03/2017 13:08

Uvuze ukuri rwose, ntabwo abanyamerika babuze Kony, ahubwo bakora ibishoboka byose kugira ngo akajagari n'ubwicanyi bikomeze mu bihugu by'Afurika maze ibyo bihugu bihore mu bukene n'umutekano mucye bityo ibyo bihugu bikomeze gusahurwa no gupfukamira abo bazungu! Ikibabaje ni uko abitwa abayobozi b'Afurika bakagombye kuyikura muri ubwo bucakara bushya badakunda abaturage akaba ari abicanyi n'ibisambo!

Baba babagarira yose, kuko baba batazi irizamera. 26/03/2017 12:55

Uti:

"Général Waldhauser asobanura ko ibikorwa by’ingabo z’Amerika byo kurwanya LRA byatangiye mu mwaka w’2011 bikaba byaratwaye akayabo k’amafaranga ari hagati ya miliyoni 600 na 800 z’amadolari".

None se, intwaro Kony akoresha azivanahe? Za satellite zabo zimaze iki? Maze bashatse kwica Kony baramubura?!! Muzabeshye abandi. Bashatse kwica General "Michigan" baramubura?!

Baba babagarira yose, kuko baba batazi irizamera. Abumva bumvise.

Mbangura 26/03/2017 12:54

Akaga karagwira! Amerika ijya kurwanya abadashyigikiye ubutegetsi bwo mu bihugu byabo mu ruhe rwego koko! Niyo mpamvu Trump ari uwo gushyigikirwa! Obama nawe uvuga ko arwanya igitugu muri Afurika akajya kurengera Museveni umaze imyaka 30 ku ngoma koko!! Ni ukumirwa gusa !!