Rwanda: Impungenge ni zose ku buzima bw'abagororwa bari muri gereza ya Kimironko yafashwe n'inkongi

Publié le par veritas

Ifoto y'ikinyamakuru "igihe"  yerekana icyumba cya gereza ya Kimironko abagororwa bahungishirijwemo.

Ifoto y'ikinyamakuru "igihe" yerekana icyumba cya gereza ya Kimironko abagororwa bahungishirijwemo.

Inkongi z'umuriro mu Rwanda zari zimaze iminsi zitanze agahenge; ariko ku isaha ya saa mbiri n'igice za mu gitondo cyo kuri uyu wa gatanu taliki ya 31 Werurwe 2017; gereza ya Kimironko mu mujyi wa Kigali yafashwe n'inkongi ikomeye cyane.Igiteye impungenge ni uko mu gihe iyo nkongi yarimo ikaza umurego, humvikanye urusaku rw'amasasu imbere muri gereza!
 
Abaturage baturiye iyo gereza bahungishijwe, ariko abagororwa bari imbere muri gereza bo bashyirwa mu cyumba kimwe k'iyo gereza iri gushya! Nyuma y'isaha gereza ya Kimironko iri gushya, nibwo indi nkuru yashyizwe ahagaragara n'itangazamakuru ryo mu Rwanda ko ishami rya Banki nkuru y'igihugu riri i Rwamagana naryo ryafashwe n'inkongi saa tatu n'igice, iyo nkongi ikaba yahereye mu igorofa rya kabiri mu cyumba kigenzurirwamo imikorere, ariko ikaba idakanganye! Ese izi nkongi zombi hari aho zihuriye cyangwa ni ukujijisha?
 
Kugeza ubu nta mpamvu iragararazwa yateye inkongi yo muri gereza ya Kimironko, gusa umuyobozi w'urwego rw'amagereza mu gihugu yahise atanga igisobanuro cy'uko iyo nkongi yatewe n'uko iyo gereza yari ishaje! Kugeza ubu abantu benshi bafite impungenge z'ubuzima bw'abagororwa bari muri iyo gereza, nubwo abashinzwe umutekano ba leta ya Kigali bavuga ko hari abagororwa 7 gusa bakomeretse byoroheje; abo bashinzwe umutekano ntibasobanura uburyo ki abo bagororwa bakomeretsemo! Nta bisobanuro kandi baratanga ku mpamvu y'urusaku rw'amasasu yavugiye imbere muri gereza!
 
Ku mashusho ari gutangwa n'abantu begereye iyo gereza ku mbuga nkoranyambaga, abaturage baturanye n'iyo gereza baratangazwa cyane n'uko bahungishijwe uwo muriro kandi bari hanze ya gereza ariko abayifungiyemo ntibahungishwe! Kubera ibikorwa byo kunyereza abantu bagafungirwa mu magereza mu bwihisho, impungenge zatangiye kuba nyinshi ko iriya nkongi yafashe gereza ya Kimironko yateguwe kugira ngo abantu nkabo bafungiwe mu bwihisho bicwe mu buryo bw'amayobera ndetse n'abagororwa bamwe bagendere muri ako kavuyo! Guhisha imirambo y'abishwe byo ni umwuga FPR Inkotanyi ifitemo uburambe!
 
Imana ifashe abanyarwanda muri aka kaga barimo!
 
Ubwanditsi.
 

Commenter cet article

Kasongo 01/04/2017 20:49

Ndi wowe naceceka wa kagabo we Ntwali kataye umutwe. Radio yanyu ikeneye inyombya nkawe !
Ko wiyita umutegetsi ukamokera ku gasite nkaka ; nta soni bigutera . Evode wabise agatsiko k'amabandi yari yabitegereje ; ndetse yabahaye icyubahiro . Muri amadayimoni yujuje ibyangombwa byose.

NTWARI 01/04/2017 14:43

Niko mwa tugabo mwe. Ibyo muvuze hasi hano biragaragaza ubwenge bwanyu aho bugarukira. Mufite ibitutsi mu mwanya w'ubwonko mufite ibinyoma mu mwanya w'ubwenge, niyo mpamvu mushaje nabi. Nababwije ukuri byabananiye kukunyomoza none mwisharirije mwabaye nk'utubwana twariye urusenda, uwo mujinya wanyu rero numara gushirira mu murizo, muze gutekereza neza murasanga ibyo mbabwira nyamara ari ukuri. Mukwiye kuva muri ubwo bugoryi muhoramo mwishunga ngo muzatsinda Kagame, ahubwo mugataha mugafatanya n'abandi kubaka igihugu nibyo byabaha amahoro. Naho ibyo kurwanira kongera guteza imvururu mu Rwanda byarabananiye aho bigeze ubu uretse namwe mutagifite epfo na ruguru nta n'izindi ngabo muri kariya karere kose zatsinda ingabo z'u Rwanda. Ibyo rero murimo mukora mu rurimi rw'ikinyarwanda cyiza babyita kurota nabi Kandi ngo uwarose nabi burinda bucya. Jyewe Mbwirabumva Mbwirabumvaaaa!!!

@ Ntwari 01/04/2017 13:11

Wasaze.
Ngo mucyura abantu ; mukagarura ivu lyimilyango yabo mwanyanyagije muri Nyungwe ngo bakabana neza n'imilyango yabo ?
Uri inkunguzi nka shobuja ; kugusubiza ni uguta igihe . Nyamwanga kumva ntiyanze no kubona.
Ziliya roho zinyanyagije hilya no hino nizo zibasalisha ; zikabataganyura mukaba mwarataye umutwe mutazi nibyo muvuga ! Ibyo bizu urata i Kigali wagiye ukabyicaramo ukabirumanga niba byatuma usinzira bikakubuza komongana .
Bwira imilyango yawe urata wakijije iguculire imihama ikujyane i Ndera.

Yewe yewe yewe... 01/04/2017 12:55

Uragatwara imbeba mu menyo.
Wabaye umuntu ntiwaza kuboroga hano wiyita umugabo mu butegetsi bugira radiyo na tv by'igihugu . Mushenzi ngo Ntwari wagiye komongana kuri cya kimuna cyanyu ngo ni radio !
Wabona ugenda mu muhanda kuri goshi doiti mu mirambo yabazize nzaramba nawe ngo ndi amagabo. Bagenzi bawe bikebanura buri munsi ; bakubwira ko Ndalyalyata abohereje muri misiyo; nibo bazagusubiza ku murongo wa karorogo we.
Yewe ga ngo Ntwari : Nyoko yarakubyaye aguta mu musarani aheka ingobyi ariruka !

NTWARI 01/04/2017 12:10

Wowe wiyita NAKIVALA ubundi ntiwari ukwiye kuza gushyomoka hano ngo urasubiza NTWARI kuko nta mutwe ufite wo kurwanya ukuri. Ntacyo bimaze gupfobya ukuri ariko bikakunanira kukunyomoza. Ukuri ni uko President Paul KAGAME ariwe mu President u Rwanda rugize muzima kuva rwabaho. Ukuri ni uko abanyarwanda bamufitiye ikizere kubera ibyiza ubuyobozi bwe bumaze kubagezaho. Naho wowe se icyo abanyarwanda bakuziho ni iki? Uretse Kwirirwa wandika ibitutsi wonse mu mabere ya nyoko kuri veritasi hari ikindi ubamariye? Harya ngo Imana ntitwayifashe akaguru? Nibyo Koko Imana ntabwo twayifashe akaguru, ahubwo Imana niyo yadufashe akaboko iradukomeza, iduha ubutwari turwanya ingoma y'abicanyi yari yaracengeje ivanguramoko n'uturere mu Rwanda, abo bicanyi turabanesha barahunga, Imana idufata akaboko tugarura mu Rwanda abana b'u Rwanda Bari baratwaweho bunyago muri Zayire n'ingoma y'abicanyi, ikaba yari yarabajyanye kugirango ibicishe macinya n'inzara ibabeshya ngo nibataha Inyenzi zizabica naho ari ukugirango bashirire muri Zayire batamenye ukuri, Imana yadufashe akaboko turababohora ubu bameze neza mu gihugu cyabo, Imana yadufashe akaboko twubaka u Rwanda none reba Kigali isigaye ari umwe mu mijyi myiza cyane yo muri Afrika, tugeza amashanyarazi mu cyaro nyakatsi zihinduka amateka, abanyarwanda bagira Inka zibaha amata n'ifumbire yongera umusaruro, Imana rero yadufashe akaboko itugira Intore z'ingirakamaro ibyiza yadukoresheje ni byinshi cyane sinabivuga ngo mbirangize. Naho wowe uretse kwirirwana amaganya ubundi ukazindurwa n'amazimwe uvuga amagambo nk'ay'abaraguzi b'ifuro, ukwiza impuha ngo mu Rwanda byacitse, ngo buriya ngo muri gereza ngo biciyemo abantu, ngo mu Rwanda hari Nzaramba, ngo ugiye kuvanaho Kagame Kandi ntugira n'urwara rwo kwishima. Reka rero nkubwire burya ngo "Ubugabo butisubiraho bubyara ububwa", ushatse wakwisubiraho ukareka ubwo bugambo butagira iyo buganisha ukaza ugafatanya n'abandi kubaka u Rwanda. Ntawe uzaguseka ngo ni uko wafashe icyemezo cya kigabo cyo guhitamo neza ukubaka igihugu cyawe ugatera imbere umuryango wawe ugatuza ugatunganirwa. Hari benshi bari bameze nkawe ubu bavuye ibuzimu bajya ibuntu bameze neza nziko muhagararanye wasanga bakuruta. Ariko niba wumva udashaka kumva ukuri ndimo nkubwira, nubundi ngo "Umuntu ananira umuhana ntabwo ananira umushuka" Kandi ngo "Amatwi arimo urupfu ntiyumva ihoni" komeza womongane, uzahinduka nka ya mbwa yameze uruhara kubera guhora imena ingo nyinshi!! Jyewe Mbwirabumva Mbwirabumvaaaa.

Uko imfungwa zicwa! 01/04/2017 10:29

Buri gihe iyo Prison ihiye cyangwa se ahari imfungwa, mujye mumenya ko mw'ijoro riba ryakeye haba habaye transfert y'abanyururu bagomba kwicwa. In fact, abagomba kunyerezwa baba bavanywe mw'ijoro muri prison A (isanzwe izwi) berekeza mu yindi prison izwi B (isanzwe izwi) hanyuma ntibagezweyo.

Buriya muri iki gitondo uramutse ubajije abanyururu bose bo muri Kigali ndetse n'abafungiwe mu zindi nzu zisanzwe wasanga hari abakubwira ko mw'ijoro ryakeye hari imfungwa zaraye zimuriwe ku kimironko.

Ikibazo nuko abari basanzwe bafunganywe nabo batamenya uko byagendekeye bagenzi babo batazi, hanyuma n'abari basanzwe bafungiye muri prison imaze gushya nabo bakabona buzuye nta muntu wapfiriyemo cyangwa se gusa hari abakomerekeyemo. Hanyuma rubanda ikararama, ubuzima bugakomeza. Ngayo amanyanga ya kagame.

Nakivala 01/04/2017 10:06

Kano kagolyi kiyita Ntwali karababaje . Ngo ku ngoma zabo bitwaga abamotsi . Uyu muhungu ni umusega umoka nibo balyiyise ; nkuko biyise inyenzi barangiza bakaligarama . Mwagiye mutekereza mbere yo kwiyita amazina ahuje nubukozi bwibibi bwanyu ! Suhuza Ndalyalyata utagisinzira !
Msg nguhaye ni iyi : " Hari uwigeze kubabwira ngo ntimwafashe akaguru k'Imana ; hari mu mwijima murakarata mugundira aka Hilaliya n'umugabo we bari barose zahabu ya RDC ; nguko uko sekibi zihulira mu mwijima ntizimenye aho Imana inyuze !
Maze rero : ubwire shobuja akarage umurunga wo kumanikamo uliya mutezi ufite ubukana buruta kure ubwa sida. uracyatsa mu macuti ye hakulua Aziya ; nagakingirizo ntikayibuza kwinjira ! Mulica ; mukaroga ; mukiba ; mukabeshya ; mukarasa ; mukamanika ; mukagonga ; mukaligisa ; mukigerekaho imitungo ya Mirenge ku Ntenyo .....Nyamara ibyo byose imbere y'Imana ni ubusa. U Rwanda mwarugize Sodoma na Gomorhe. Ibimenyetso byerekana uburakali bwayo byatangiye kuboneka ; ababona barabona ! Ibyo bidege n'ibikonte abazungu bazabigabana ejobundi nirebera ; muzabaze Kadafi uko bigenda iyo utangiye kurenza akaguru !! Nimuseke mubyine ; abali kulira bazaseka ejo !!!!

NTWARI 31/03/2017 23:43

Inkongi z'umuriro se Hari aho zitaba ku isi ra? Nimujye muri Australia murebe ko inkongi y'umuriro itatwitse hafi igihugu cyose. Nayo se ni Kagame wayijyanyeyo? Ariko uziko mugiye guhinduka injajwa! ikibaye cyose ngo ni Inkotanyi, Upfuye wese ngo ni Inkotanyi, urwaye Maraliya ngo ni Kagame, mugiye gusaza musaze ngo murasebya Perezida w'abanyarwanda. Ni hahandi hanyu azayobora u Rwanda kuko arashoboye Kandi abanyarwanda bazi ibyiza yabagejejeho ni benshi cyane naho mwebwe nimugume mu mazimwe, mwarayahoranye kuva cyera none murayasazanye President Kagame ni umugabo, iyo nduru yanyu ntiyamushobora ntiyigeze inamushobora. Urusaku rw'ibikeri ntirubuza Inka kunywa amazi. Azayobora u Rwanda nanavaho azasimburwa n'undi Mugabo nkawe, ariko nta mbunzarunwa nkamwe zizongera gutegeka u Rwanda. Ntabwo bizongera kubaho ukundi Never ever.

FPR-INKOTANYI 01/04/2017 01:49

Kubera iki wiyita Ntwari ni ukubera iki?
Ntukiyite Ntwari kuko ntirigukwiye. Ube wumvise wa Mpongo we.

TORA KAGAME 31/03/2017 15:06

Ivya grenadi bivuyeho haje INKONGI! UMWAMI wacu Polo azayobora kugeza isi irangiye! PADRI SIMARAGIDO ati: NAHIMANA ararushywa nubusa A MATORA YARARANGIYE!

UBWO NYINE BARABATWITSE MWIHANAGURE. Icyo mutazi NI ABO EVODI YISE.... Uramenye!

Harabaye Ntihakabe 31/03/2017 21:24

Tora aha. umwami w'urwanda Nyabingi kagome.

Kayumba Nyamwasa azamwa nkinkuba kuko yamuhushije. nagahe gato gusa gasigaye. twicecekere.

Kabila 31/03/2017 12:21

Nihoburebrwa:ububwa,ubwoba,ukwanga icyo uri cyo.
Abo bigize abanyapolitiki basobanura buryoki buriya bwicanyi batabutangariza amahanga bandika mubinyamakuru no mumatangazamakuru asomwa kwisi
Ntamunyarwanda utazi uko bica abamukomokaho.nurumutegereje aba aruzi.
Mujya mutabariza abanyu aho gutangaza amakuru atarenga amatelefoni yanyu

Kananga 31/03/2017 12:14

Iyi ni imikorere imenyerewe y'inkotanyi, iyo zishaka kwica abantu zikora udutendo tw'inkongi z'umuriro cyangwa zikigabaho ibitero, ibyo biramenyerewe!! Ese ko gereza z'u Rwanda zose ziba zuzuye abantu kugera hejuru, abantu bari muri gereza ya Kimironko bashoboye gushyirwa mu cyumba kimwe gute? Birumvikana ko hari abagororwa babanje kubura kugira ngo haboneke umwanya wo gukusanyiriza abasigaye hamwe! Igitangaje kandi mu Rwanda ni uko abo bagororwa babuze batazigera bavugwa , maze ubuzima bugakomeza nk'ibisanzwe!