Rwanda : Ikipe ya« Rayon Sport » itsinze « Onze Créateur » yo muri Mali mpaga idakinnye!

Publié le par veritas

Ifoto y'ikipe ya "Rayon Sport" ubwo yari iri muri Mali

Ifoto y'ikipe ya "Rayon Sport" ubwo yari iri muri Mali

Amakuru «veritasinfo» ikesha  radiyo «BBC Gahuza», aremeza ko umukino wagombaga guhuza ikipe ya « Rayon Sport » yo mu Rwanda n’ikipe ya «Onze Créateur» yo mu gihugu cya Mali utakibaye. Uwo mukino wari uteganyijwe kubera i Kigali. Impamvu itumye uwo mukino utaba, ni uko ishyirahamwe ry’umupira w’amaguru ku isi «FIFA» ryahagaritse ishyirahamwe ry’umupira w’amaguru ryo mu gihugu cya Mali (FEMAFOOT)».
 
Itangazo ry’ishyirahamwe ry’umupira w ‘amaguru muri Afurika CAF rigira riti : «Tumaze kumenyeshwa n’ishyirahamwe ry’umupira w’amaguru ku isi FIFA, ko ishyirahamwe ry’umupira w’amaguru ryo mu gihugu cya Mali ryahagaritswe mu bikorwa byose birebana n’umupira w’amaguru. Kubera iyo mpamvu, amakipe y’umupira w’amaguru yo mu gihugu cya Mali ntiyemerewe kujya mu marushanwa y’umupira w’amaguru yateguwe na CAF, ayo marushanwa akaba ateganyije gukomeza mu mpera z’iki cyumweru. Imikino ifite nimero 44 na 64 irahagaritswe, bityo amakipe ya El Masry yo mu gihugu cya Misiri na Rayon Sport yo mu Rwanda, akaba yemerewe gukomeza irushanwa mu cyiciro gikurikiraho ».
 
Itangazo rya CAF rikomeza rivuga ko, ishyirahamwe ry’umupira w’amaguru muri Mali FEMAFOOT ryahagaritswe na FIFA ku mpamvu y’uko leta y’igihugu cya Mali yivanze mu mikorere y’ishyirahamwe ry’umupira w’amaguru ry’icyo gihugu. Ishyirahamwe rya FIFA ryafashe icyemezo cyo guhagarika ibikorwa bya FEMAFOOT bitewe n’uko ministre ushinzwe imikino na siporo muri Mali Houssen Amion Guindo afashe icyemezo cyo gusesa ubuyobozi bw’ishyirahamwe ry’umupira w’amaguru muri Mali mu cyumweru gishize.
 
Ubusanzwe ntabwo FIFA yemera ko leta z’ibihugu zivanga mu mikorere y’amashyirahamwe y’umupira w’amaguru ari mu bihugu ziyobora. Mu itangazo FIFA yatanze yagize iti : « Iki cyemezo kizakurwaho ari uko ministre wa Siporo muri Mali yisubiyeho agakuraho ibyemezo yafashe ku ishyirahamwe rya FEMAFOOT. Ikipe y’umupira w’amaguru y’igihugu cya Mali kimwe n’andi makipe yo muri icyo gihugu ntibyemerewe kujya mu marushanwa mpuzamahanga ».
 
Veritasinfo.  

Commenter cet article

Kiliziya Gatolika 19/03/2017 16:32

Twizere ko Papa Francis agiye kumujyiira inama, atari ugupfukama. Tubitege amaso, kuko iyo turebye ibyo Kiliziya Gatolika yigisha, ukareba n'ibyo ikora...usanga biteye kwibaza (réf: position devant le nazisme en 1933, c'est un sujet complexe je le reconnaît, mais l'histoire reste l'histoire).

Kubaho ni Yesu 19/03/2017 12:33

Ejo Kagome azabonana na Papa mu Butaliyani.
Intambara y'abazima yamugize umwami wa empire Hima-Tutsi yarayirangije isiga ayiciyemo miliyoni zirenga 13 muri Afrika y'ibiyaga .
None ndabona n'intambara y'abapfu yishe nayo ayigeze kure ! Agiye kubwira papa ko abasenyeli be n'abihayimana yiciye i Gakurazo ; Kibeho ;Byumba ;Kinigi na Kongo.......bo atali ikiremwa muntu ? Agiye kumubwira ko kurobanura abapfu yishe ; akagira abo ahamba mu cyubahiro ; abandi akabata muri za Rweru ,gutwika mu Nyungwe , kujugunyira imbwa n'akandi gasuzuguro katubahiliza umubili w'ikiremwa muntu ari ubugabo cg ububwa n'ubucucu !
Dutegereje ejo uko papa azapfukama imbere ya Kagome agasabira bamwe mu bihumbi 13 intambara ya Kagome ubwe yishe mu Buganda ;Rwanda ;RDC;Burundi na Tanzaniya ; ko mu isengesho lya papa nawe azatera mu lya Kagome wigize umwami w'isi yimitswe na ClingBulera mu muvu w'amaraso ya zahabu na diyama ya Kongo ; agire ati ndasabira ibimanuka byonyine bivukana imbuto kuko abandi atari ikiremwa muntu !
Tubitege amaso.
Jye umukene wiyi si nifatanije nabagihumeka bose ntarobanuye . Imana ibahumure ; ibamulikire ; ibafashe kubona ukuli no kugerageza kubana no kubahana nk'ibiremwa muntu by'Imana byugalijwe kandi bihigwa nasekibi ibona isi yifaranga aho kubona isi yabantu.

MUGABO 19/03/2017 11:42

Wowe Karema wo karindagira we wagiye ureka guhimba impuha ngo nta kinyamakuru cyo mu Rwanda cyatangaje inkuru ya Rayon Sport? Ahubwo se ni ikihe kinyamakuru cyo mu Rwanda kitayitangaje? Cyakora mukunda amatiku nk'abagore b'indushyi. Ubu iyo ririya shyirahamwe ryo muri Mali FIFA yafatiye ibihano iyo riza kuba ari Ferwafa yo mu Rwanda yafatiwe biriya bihano, muba mwavuze ibigambo urwanga rukabarenga u Rwanda murucira akobo Imana ikarucira akanzu ntacyo muzarutwara. Rayon Sport ihagarariye u Rwanda ni ikimenyetso ko u Rwanda rumaze gutera imbere mu bintu byose no mu mupira w'amaguru. Naho mwebwe muzapfa mubeshya ngo mu Rwanda hari nzaramba, ibyo ni ibyifuzo mwifuriza abanyarwanda ariko abanyarwanda bariho Kandi bazahoraho. U Rwanda si Somalia niyo ifite inzara, u Rwanda si Sudani yepfo niho Hari inzara, u Rwanda si Syria niho Hari inzara n'intambara, u Rwanda si U Bufaransa hahora harasirwa abantu kubera iterabwoba. U Rwanda ni amahoro niyo mpamvu Rayons Sport igeze hariya, ejo cyangwa ejo bundi ruzahagararirwa n'indi equipe nka APR, KIYOVU,MUKURA, ETINCELLE, AS KIGALI, MARINE FC, n'izindi...

Abanyarwanda bamwe bakomeje kujya i buganda kubera inzara bita nzaramba. 19/03/2017 10:59

Abanyarwanda bamwe bakomeje kujya i buganda kubera inzara bita nzaramba.

https://www.youtube.com/watch?v=Z6oewKfaIrQ

Karema 19/03/2017 00:06

Ndumiwe ! Rayon Sport yatsinze ariko nta kinyamakuru na kimwe cyo mu Rwanda cyanditseho inkuru nimwe kuri iyo ntsinzi yayo! Wagirango Rayon Sport si ikipe yo mu Rwanda ariko iyo akiba ari bya Bikona byo muri APR byatsinze induru iba iri kuvuga!!