Rwanda : Uwizeyimana Evode yararikocoye ! Ngo «Théoneste Bagosora wenyine arusha imbaraga leta yose ya Paul Kagame mu bitekerezo »!

Publié le par veritas

Evode ashobora kuzarangira nka Karugarama

Evode ashobora kuzarangira nka Karugarama

Baca umugani mu kinyarwanda ngo : « Umusazi arasara akagwa ku ijambo ! » Uyu mugani usobanura neza amagambo avugwa na Evode Uwizeyimana wahawe umwanya na Paul Kagame wo kuba umunyamabanga wa leta ushinzwe itegeko nshinga n’andi mategeko muri ministeri y’ubutabera ! Kuwa kabiri taliki ya 17 Mutarama 2017, Evode Uwizeyimana yakuriye inzira ku murima abasenateri ba Kagame, ababwira ko barushywa n’ubusa ko badashobora kurwanya ingengabitekerezo ya jenoside  ngo babishobore kuko bafite ubushobozi bucye mu bitekerezo bushobora  guhangana n’ibitekerezo bya Théoneste Bagosora ukoresha interinti aho yafungiye mu gihugu cya Mali!
Mu nama nyunguranabitekerezo kumiterere y’ibyaha byambukiranya imipaka no kubirwanya yabereye mu cyumba k’inama ya sena ya Paul Kagame kuwa kabiri, icyaha k’ingengabitekerezo cyavuzweho cyane, icyo cyaha kikaba giterwa na virusi ifitwe n’ubwoko bw’abahutu gusa uretse ko n’abanyamahanga batangiye kuyandura! Igiteye impungenge cyane leta  ya Paul Kagame ni uko icyaha k’ingengabitekerezo ya jenoside gikorerwa mu ikoranabuhanga rya interineti kandi bakaba badafite ubushobozi bwo kuyihagarika no kuyigenzura!
Muri iyo nama, umunyamabanga wa Leta ushinzwe itegeko nshinga n’andi mategeko Bwana Evode Uwizeyimana yagize ati : «Tuzi twese ko hari abagize uruhare muri Jenoside yakorewe Abatutsi bari mu mahanga usanga ari nabo kenshi bayihakana bakanayipfobya, bahora bagerageza kwigisha iyo ngengabitekerezo mbi mu bihugu bitandukanye harimo n’u Rwanda... Ntakuntu dushobora kuvuga ngo turimo guhangana n’ibi bintu na Bagosora aho afungiwe afite mudasobwa, internet ndetse yihuta, ashobora kujya ku kinyamakuru nawe agatanga igitekerezo.» Iyi mvugo ya Evode irerekana ubushobozi bucye cyane leta ya Paul Kagame ifite bwo gufungira abahutu bose bajijutse ahatava izuba mu gihano cya «burundu y’akato» no kubacecekesha burundu!
Iyi mvugo ya Evode Uwizeyimana iragaragaza ko Bagosora avugisha ukuri badashobora kubeshyuza ! Ubusanzwe iyo umuntu yahamijwe icyaha, nta kuri agomba kuvuga ngo kumvikane kandi aba ari umunyabyaha, niba rero ibitekerezo bya Bagosora bihabwa agaciro n’abo abigezaho, leta  ya Paul Kagame ikananirwa kubibeshyuza, byaba byiza Kagame ahaye umwanya Bagosora ufite ubushobozi, akirukana Evode kuko ntabushobozi afite bwo guhangana na Bagosora (abahutu) ! Iyi mvugo ya Evode yo kugaragaza ingufu nke leta  ya Kagame ifite, yibutsa imvugo imeze nk’iyi uwari ministre w’ubutabera wa Kagame, Bwana Karugarama yigeze kuvugira kuri radiyo ya BBC igatuma Kagame yubika imbehe ye !
Ubwo harimo hategurwa itegeko No 18/2008 ryo kuwa 23 Nyakanga 2008 rihana ingengabitekerezo ya jenoside,Bwana Karugarama yashyuhijwe umutwe n’imiryango mpuzamahanga irengera uburenganzira bwa muntu, yamusabaga gusobanura neza icyaha k’ingengabitekerezo bikamunanira ; nibwo Karugarama nawe yavugiraga mu binyamakuru ko itegeko rihana ingengabitekerezo ridasobanutse, Karugarama yagize ati : «Itegeko ridasobanutse ritegurwa na Leta idasobanutse, rigatorwa n’Inteko-nshingamategeko idasobanutse, rigashyirwa mu bikorwa n’Ubucamanza budasobanutse» ! Karugarama yabajijwe n’umunyamakuru wa BBC gusobanura icyo ashatse kuvuga maze agira ati «ntabwo ushobora guhana umuntu ngo ni uko yatekereje» ! Icyakurikiye ayo magambo ni uko Paul Kagame yahise yubika imbehe ya Karugarama kugeza n’ubu ikaba itaruburwa !
Evode nawe ashobora kubikirwa imbehe igihe bizagaragarira Paul Kagame ko « ingeso ye mbi yo kunenga ubutegetsi bwe » yananiwe kuyireka ! Evode niwe wavuze ko ubutegetsi bwa Paul Kagame bumeze nk’agatsiko k’amabandi yitwaje intwaro, yongeraho ko kugira ngo ukorane n’ubwo butegetsi bisaba ko ubwonko ubuvana mu mutwe ukabushyira mu gifu! Umenya abagize leta  ya Paul Kagame barushwa ubwenge na Bagosora bitewe n’uko ubwonko bwabo babushyize mu gifu !
Evode Uwizeyimana aratanga umuti w’uko abanyarwanda bazajya bakoresha interneti ku buryo bwa rusange, bazajya bayifunguza nimero y’irangamuntu zabo, iki gitekerezo gihabanye nibyo Kagame yirirwa avuga ko urubyiruko rugomba kujya kuri za interneti guhangana n’abapfobya jenoside, none Evode we arashaka ko izo ntore zihunga interneti! Byumvikana gute ko Kagame ari kubeshya abazungu i Davos mu Busuwisi ngo ashyigikiye ikoranabuhanga ariko umunyamabanga we ushinzwe itegeko nshinga akaba ari gutegura amategeko yo guhana abarikoresha ?
Ibyo aribyo byose imvugo n’imyitwarire ya Evode Uwizeyimana muri leta  ya Paul Kagame ishobora kuzamubera nka ya : «ngeso mbi itarara bushyitsi !»
 
Ubwanditsi.

Commenter cet article

Washington 21/01/2017 00:37

Abatuye Washington dukeneye amasengesho turakomerewe muri uyu mugoroba wo kuwa gatanu 1/20/2017. guhera 6:30 pm iki gihe ibintu biri guhindura isura cyane. nimudusengere ntibyoroshye.
nimukurikirane amakuru kuri NBS NEWS.com

Washington 21/01/2017 01:37

Gukosora,

amakuru ni
nbcnews.com
cg kuri youtube nbcnews


https://www.youtube.com/watch?v=QghtZ5WnOXw

CESAR 20/01/2017 23:53

Ce jeune homme entend rivaliser avec Jean Damascène Bizimana dans divagations.Il semblerait qu'ils sont juristes mais de nom car au regard de leurs dires abscons et pitoyables, ils ont oublié les enseignements de base dispensés dans les premiers mois dans les facultés de droit. Tout fait proféré expressément ou verbalement doit, en tout état de cause, être prouvé quant à son effectivité. Ces "éminents juristes" de Kagame sont devenus experts dans l'apologie du régime de leur maître. Ils espèrent recevoir la palme d'or qui leur sera décernée par Kagame. Le fait d'avoir intégré le régime Kagame a obscurci leur sens de jument et corrélativement ils sont gravement frappés d'un dysfonctionnement intellectuel. Question:qu'ont-ils appris dans les facultés de droit? Lorsque Uwizeyimana sera viré, il retournera dans son pays le Canada. Quant à Bizimana, experts dans les infamies et chantages contre son pays, la France, il s'est déjà grillé. Il ne pourra sûrement pas retourner en France qui lui a accordé la nationalité par naturalisation. Il serait d'ailleurs surprenant qu'un individu qui a été nourri et logé par la France pendant plusieurs années qui se livre profère malhonnêtement des infamies contre la France via son armée et se livre à une campagne contre celle-ci n'ait pas été déchu de la nationalité française. Uwizeyimana gonflé par son entrée dans le cercle Kagame prétend que les sénateurs rwandais ne connaissent rien dans les lois qu'ils créent et votent. Que dans ce pays, lui seul connaît les lois. Demain, il leur dira qu'ils sont tous incompétents. Que son créateur ait pitié de lui.

January 2017 20/01/2017 18:45

ngo ibi bisobanura iki? muri America.

https://www.youtube.com/watch?v=prd2RfhF1tM

Karangwa 20/01/2017 18:37

Abanyarwanda dufite amakode mu mutwe pe! None se muri iyi nkuru hari ibitutsi birimo? Hari amagambo arimo y'amahimbano se Evode atavuze? Ubwo tujye aho tuvuge ngo Evode baramwanga ! Niba ari uko bimeze Evode nawe ubwe ntiyikunda niba kuvuga amagambo yivugiye ari urwango!!

merci de régler vos comptes en privé 20/01/2017 17:06

Wowe wanditse iyi nkuru biragaragara ko Evode mufite icyo mupfa. Ayo marangamutima, twumva ntacyo atwunguye. Niba haricyo mupfa, merci de régler vos comptes en privé, pas sur internet.
Veritasinfo yahindutse RING?

kalisa 20/01/2017 15:36

Ngo inkubisi y'amabyi irayitarukiriza. Umugabo yiseumwana we ngo Nzabandora!