Rwanda : Ni koko se Yves Butera afite imbaraga zikomeye mu gihugu kuburyo avuguruza Perezida Paul Kagame ?

Publié le par veritas

Ni gute umuzungu w'umunyamerika nka Warren yemererwa kujya mu Rwanda nta nkomyi, Nahimana waruvukiyemo Kagame akamucira ishyanga?

Ni gute umuzungu w'umunyamerika nka Warren yemererwa kujya mu Rwanda nta nkomyi, Nahimana waruvukiyemo Kagame akamucira ishyanga?

Baca umugani mu kinyarwanda ugira uti : « ntizikora ababyinnyi nk’abareberezi ». Leta y’u Rwanda yagombye kwerura ikavuga ko nta demokarasi ishaka mu gihugu yifatiye ku ngufu ariko ikareka kwirirwa ibeshya rubanda ngo hari amabwiriza cyangwa se amategeko agomba gukurikizwa !
Ibi mbivuze kubera ikiganiro uwitwa Butera Yves ushinzwe ibiro by’abinjira n’abasohoka mu Rwanda yahaye radiyo BBC Gahuzamiryango, aho Butera yasobanuraga impamvu ibiro ayobora byangiye padiri Nahimana Thomas gukoza ikirenge ku butaka bw’u Rwanda agamije gukorera politiki mu gihugu cye cy’amavuko! Urebye uko Butera yisobanuye, bigaragara ko impamvu yavuze yatumye bima padiri Nahimana Thomas passeport na visa ari imwe gusa :
«Ngo ni uko aho Padiri Nahimana aboneye ubwenegihugu bw’Ubufaransa, atagiye kubivuga muri ambassade y’u Rwanda iri i Paris mu gihe kitarenze amezi atatu» ! Icyo Butera atasobanuriye abanyarwanda ndetse n’umunyamakuru akibagirwa kukimubaza ni ukumenya ngo : iyo umuntu wabonye ubundi bwenegihugu atabivuze mu mezi atatu ateganywa n’amategeko azwi na Yves Butera wenyine, bigenda bite ? Ese ahita atakaza ubunyarwanda ?
Ese iyi mpamvu itangwa na Butera irafatika ? Ashwi daaa! Niba padiri ataramenyesheje ubundi bwenegihugu afite, kuki ambassade y’u Rwanda iri i Paris itabimumenyesheje ngo imubwire ko nta passeport yabona kubera iyo nenge afite yo kugira ubundi bwenegihugu? Kuki byarindiriye inshuro ya kabiri Nahimana abujijwe kwinjira mu Rwanda kugira ngo leta ijye yabisobanura ? Ibi babyita gufitira !
Ese niba padiri Nahimana yaramaze gutakaza ubwenegihugu bw’ubunyarwanda, ni kuki bamwima visa nk’umufaransa, bamara kuyimwima bagategeka ko companyi z’indege zose nta nimwe igomba kumufata nk’umugenzi imwerekeza i Kigali ? Ubwenegihugu bw’ubunyarwanda ntabwo yabutakaje kuko Kagame nyir’igihugu amwemera ko ari umunyarwanda, yewe na Yves Butera nawe arabyemera ! None se ubwo umwana w’u Rwanda aburizwa iki kwinjira mu rwamubyaye ?
Ibyo barega padiri se ko batabireze Twagiramungu muri 2003 ndetse ko baje no kumwima visa muri 2013 batamureze iyo nenge ? Kiretse niba we Yves Butera afite ibimenyetso by’uko Twagiramungu yamenyesheje ambasade y’u Rwanda i Buruseli, ubundi bwenegihugu afite mu gihe kitarenze amezi atatu ! Kuki se bahaye ingabire Victoire visa ? Ese yabamenyesheje ubwo bwenegihugu bundi afite nawe ? Ingero z’abahabwa visa yo kujya mu Rwanda kandi bafite ubundi bwenegihugu batarabumenyesheje u Rwanda dushobora kuzirondora kuko ni nyinshi ! Gusa tukaba twibaza tuti : iri vangura rikorerwa bamwe bakabuzwa kujya iwabo rituruka kuki, ryarangira bigenze gute ?
Butera Yves nareke gutayanjwa asobanura amategeko atabaho no mu buryo bugoretse kuko turabizi neza ko padiri Nahimana azira impamvu za politiki kuko FPR ifite ubwoba ko yakangura abaturage bagahaguruka bakivumbura kuri FPR. Nta kindi azira !
 
Kubwimana Jacques

Commenter cet article

Mbonabucya 29/01/2017 21:07

ariko Imana nigitangaza pe! ndabyemeye. Baba vanga (baba-vanga.com) ati nyuma yumwirabura uzategeka amerika arangije manda ye amerika izahita isenyagurika. Donald Trump ari kubishyira mubikorwa ari gusenya aho kubaka. abirabura bose bati burya sibwabundi barakubita agatoki kukandi ko bazihorera, abazungu bati turabamara ntanumwe tuzasiga tugiye kubacucuma kahave. impunzi za Syria zo zabonye umugati muri Canada zakinguriwe amarembo ubwo Donald Trump yari yaziboheye kukibuga cyindege ngo nizisubire iwabo. abanyafrika bo baraba abande? Canada bati dushingiye kuruhu igikoba cyacu cyabazungu turengera abacu kirazira kurengera abirabura.
abategera ibwami bahishwa byishi.
reka mvuge nti abanyafrika nimuhuke amaso murebe bwakeye kera cyane. nimuhaguruke mwitabare kandi mwirengere bitabaye ibyo imikino yabazungu izabamara, dushirire kwicumu ryabazungu nkubushwilili.

America first 29/01/2017 19:33

Umukiza wabahutu twaritwiteze mubiyaga bigari burya twari twaribeshye.
Ibyo yakoreye abarabu byakorwa numusazi.
Niko mwa , ko twamamazaga Trump cyane ubu ko mbona ntumugaya cg ngo amushime?
Ejo mwazanye amakuru umu Hacker yamaze kumwinjirana, none mwisomere namwe, burya Trump akoresha Samsung galaxyS3 yo mili 2012, ngo yoroshye kwiba amabanga nogukoresha Tweets ze uko bishakiye. Ngicyo gisobanuro, nukuvuga ko ibyo bi tweets byose wasanga ize ali nkeya.
America first, Abirabura mwirwaneho . Kagame yarabivuze Kwigira. com, Agaciro,... Nibindi
Donald Kaberuka yigisha abanyafrica ameyeri yo kwigira NEPAD ikigenga 100% kuli budget yayo, abanyafrika bati ntituritegura, kuberiki? Imfashanyanyo aho gufasha Abozishinzwe zinjira mubifu byabo..... Nguko ngayo, Ubu igisigaye Ubushinwa bugiye guhangana nuburusiya kuli Afrika...

Bocoli 29/01/2017 19:09

Ariko jye ndumva byumvokana.

Nigute wareka kwakira umuvugabutumwa usengera abanyarwanda akabahuza n'Imana, ukakira umuhutu w'inkoramaraso ugamije gusenya igihugu asubiranoshamo abagituye???

Ntitugakabye rwose.

KABONERA 29/01/2017 11:22

EREGA MWEMERE MWICARE MUWUNYWE KUKO INTERNETT ATALIYO IZAVANA GACIRO MU RUGWIRO. MUBINDI BIHUGU ,ATALI NO MUBYATEYE IMBERE GUSA MULI DEMOCRATIE, ABATURAGE BITABAZA UBUCAMANZA CYANGWA SE BAKAJYA MU MIHANDA. AHO UBUCAMANZA BWIGENGA ,AHO INGABO CYANGWA SE POLICE ALI IBY'IGIHUGU ATALI IBYUMUNTU KUGITI CYE. URUGERO RWA HAFI NI BURKINAFASO NI MULI USA. TRUMP IBYO AMAZE IMINSI ASINYA,UBUCAMANZA BWATANGIYE KUBIKUBA NA ZERO.
IWACU RERO BYOSE NI BALINGA,BYOSE BILI MUKWAHA KWA GACIRO.

Sunday 29/01/2017 13:07

Hari imipaka itarengwa muri amerika uwageragezs wese ntamenya ikimukubise. Donald Trump azumirwa. Abacamanza cg aba Judge nabandi bake ntavuze muri amerika ntibabugirwamo nibo bashyiraho bakanakuraho. Muri amerika Ndahasaziye.

Niyonzima jean de Dieu 29/01/2017 08:22

Kagame ,Kaguta, Kanambe bubye imirwano muri Congo imana yabo yongeye kubategeka kumena amaraso yi inzira karengane. Bamaze guhanura Indege ebyiri za Congo none barabyitirira Makenga wenda kwicwa na Sida. Aya madayimoni tuzayakizwa niyo hejuru. Museveni we yareruye ko nta Mugande akorera ubwo mwese murumva uwo akorera uwariwe. Abatutsi bashyira mugaciro bagombye kwitandukanya na aba bicanyi babigize umwuga kandi bakabamagana kumugaragaro , kuko kutabikora ari ugushira mu kagaga ahazaza hi imiryango yabo, kuko Satani atazahora ahanze.

Apartheid mu Rwanda 29/01/2017 06:20

Rwanda kadomo ; pirizo idasakaye !
Afrika yepfo yabohojwe n'abana bayo ; n' Rwanda izabohorwa n'abana bayo ; apana abapirate barangajwe imbere n'abakoloni bashya !
Ubushize munsi ya komenti yavugaga uriya mubyeyi wagiye mu bukwe bakamufunga ; hari : NOTE : "bazabamesa , nzakumanika". Nagirango nsubize uwanditse nkumusomyi usanzwe :
Ko mbona igihembo Kagome aha abakozi be bashebetse kurusha abandi ari ukubamanika ; icyo gihembo abaha kikamulyohera urinda kwirwa ugisegereza uzi ko yakwibagiwe !
Padili Nahimana ; komera ; Imana igufashe !

rukemanganizi 28/01/2017 22:56

NDASHIMIRA CYANEEEEE ABASOMYI BA VERITASI INFO BATANGA IBITEKEREZO BYUBAKA BYUMWIHARIKO NA VERITASI INFO YUMVA IBYIFUZO YBABAYIGANA IGAKORESHA UKURI NONGEYE GUSHIMIRA UMUNTU NTAVUZE IZINA WATANZE KOMANTERI YIBAZA IMPAMVU VERITASI INFO ITANDITSE KUKIBAZO CYA PADIRI NAHIMANA NKAHO NTACYABAYE KANDI VERITASI INFO IGARAGARA NKAHO IRI MURI OPOSISIYO