USA :Donald Trump yahaye umwanya w’ubuministre umugore wayoboye ikigo WWE cy’abarwanyi ba Catch!

Publié le par veritas

Madame Linda McMahon wayoboye WWE yagizwe ministre

Madame Linda McMahon wayoboye WWE yagizwe ministre

Perezida watowe wa Leta Zunze Ubumwe z’Amerika (USA) Donald Trump akomeje gufata ibyemezo bitunguranye kandi bitangaje cyane mu gushyiraho abayobozi bazamufasha kuyobora igihugu cy’igihangange cya mbere ku isi. Abantu benshi batunguwe n’icyemezo Donald Trump yafashe cyo kugira Madame Linda McMahon ministre ushinzwe ubucuruzi n’ibigo by’imari iciriritse. Igitangaje cyane, ni uko hashize imyaka 9 gusa Donald Trump yogoshe imisatsi y’umugabo wa McMahon ku karubanda mu kibuga k’imikino y’abarwanyi ba catch.
 
Icyemezo cyo kugira Madame Linda McMahon ministre, cyatangaje abantu benshi kuko uyu Madame Linda ariwe wayoboraga ikigo cya WWE cy’umukino w’abarwanyi kabuhariwe witwa Catch. Kuva taliki ya 20 Mutarama 2017 Madame Linda McMahon akaba azatangira gukora akazi ke nka ministre muri leta  ya Donald Trump. Minisiteri y’ubucuruzi n’ibigo by’imari iciriritse, ifite umwanya ukomeye mu buzima bw’Amerika kuko igizwe n’ibigo by’ubucuruzi birenga miliyoni 28 bikoresha abakozi baruta kimwe cya kabiri cy’abakozi bose Amerika ifite bakora mu bigo byigenga ! Donald Trump akaba yarasezeranyije abanyamerika ko azagabanya imisoro y’ibigo by’imari ndetse akoroshya n’amategeko agenga ibigo by’imari kugirango ubukungu bw’igihugu burusheho gutera imbere.
 
Madame McMahon uhawe kuyobora iyo minisiteri akaba afite akazi katoroshye ko guteza imbere kurushaho ubukungu bw’Amerika. Madame McMahon afite imyaka 68, Donald Trump akaba yavuze ko Madame McMahon ari umwe mubayobozi bakomeye Amerika ifite. Umurimo ukomeye uzwi Madame McMahon yakoze, ni uko kuva mu mwaka w’1994 kugera mu 2010 yayoboye ikigo cyitwa World Wrestling Entertainment (WWE) gishinzwe gutegura imikino y’abarwanyi ba Catch. Madame McMahon akaba ashimirwa ko yateje imbere icyo kigo, akagikura ku bakozi 13 cyari gifite, akigira ikigo mpuzamahanga gikoresha abakozi barenga 800 nk’uko Donald Trump yabisobanuye mu itangazo rigira Madame McMahon ministre.
 
Muri iryo tangazo Perezida Donald Trump agira ati : «Linda azaba umuyobozi udasanzwe, ndetse abe indasumbwa muguteza imbere ibigo by’imari, azakangura ubushake abantu bifitemo bwo guhanga imirimo mu gihugu cyose ». kuruhande rwe, Madame Linda McMahon yagaragaje ko yishimiye ko yatoranyijwe mu guhabwa uwo mwanya kandi akaba abona ahawe icyubahiro kidasanzwe. Umugabo wa Madama Linda yitwa Vince McMahon, bakaba bamaranye imyaka 50 bashyingiwe. Bwana Vince McMahon akaba ari umuherwe nka Donald Trump ; aba bagabo bombi bakaba bakunda umukino wa Catch kandi buri wese akaba afite ikipe y’abarwanyi be muri uwo mukino. McMahon na Donald Trump bamaze igihe kinini bahanganye, umwe avuga ko arusha undi ubugabo ndetse n’ubukire. Guhangana kwabo kwafashe intera ndende cyane mu mwaka w’2007 ubwo habaga imirwano yiswe «intambara y’abaherwe » yahanganishije umurwanyi wa McMahon n’uwa Donald Trump.
 
Iyo mirwano yabereye mu mujyi wa Detroit, ikaba yari ifite intego yo kwerekana muri abo baherwe bombi (Vince McMahon na Donald Trump) umuherwe ukomeye kurusha undi! Buri muherwe yatoranyije mu barwanyi be, umurwanyi abona ukomeye kurusha abandi maze abo barwanyi bombi bajya kurwana mu izina ry’abo baherwe bombi. Umurwanyi wa Donald Trump niwe waje gutsinda urwo rugamba ariko ntibyagarukiye aho kuko Danald Trump yaje gukubita ku buryo bukomeye Vince McMahon amutura hasi, ndetse nyuma Donald Trump ategeka abarwanyi be kumufata, bamubohera ku ntebe, Trump afata imashini yogosha maze aharangura umutwe wose wa Vince McMahon imbere y’imbaga y’abantu bari baje kureba uwo mukino!
 

Iyo ntambara no guhangana kw’abo baherwe bombi ntibizibagirana mu mateka y’umukino wa Catch wa WWE cyane ko Trump arushijeho kubiha indi ntera akaba agize umugore wa McMahon ministre ukomeye ! Ngibyo ibyiza by’impinduka ya demokarasi ; Donadl Trump akaba agaragaje ko atagira inzika ahubwo agira urukundo akibuka n’abo babanye mu buzima busanzwe.
 
veritasinfo
 

Commenter cet article

Mbonyingabo 10/12/2016 09:34

Donadl Trump ubwe yivugiye yuko agiye gukora impinduka muri Washington baramuseka. Tekereza ukuntu arikuzana mubutegetsi abantu bashya batigeze bategeka, icyakora ibyarigukora birumvikana. Arashaka kumaramo abantu bose bakoranye na Clinton na W. Bush hanyuma akabasimbuza abantu bashya..

Trump avuga yuko ibibazo byaba terrorist byazanwe na Clinton na Bush.

Vuba vumbi 10/12/2016 06:53

USA yarundutse igiye kuyoborwa na za mpayibobo.ejo aza yashyizeho n'indaya kabuhariwe cyangwa ruharwa mu kwibisha imbunda

Sibwo inkuru yaba ibaye impamo 09/12/2016 01:02

Iyo sake uvuga yabikiye muri Kenya numvise yongeye kubikira mu Bwongereza! Wabona bibaye impamo kandi ibyo ivuga birakaze kuburyo Rwabujindiri ashobora kubikuramo ubwehe. Nimufungure iyi link mwiyumvire:

https://www.youtube.com/watch?v=4JuHdMjtG8A

Indagu za Magayane 08/12/2016 21:41

"Hazabaho ibika ry’isake isura urwimo ikigera ku mutambiko w’urusenge"
***************************************************************************************************

Aya magambo nshyize hano hejuru ni kimwe mu bimenyetso Magayane yatanze bizaranga irangira ry'ubutegetsi yuwo yise Rwabujindiri rurya ntiruhage. Hari benshi bajyiye bavugango ni ibinyoma ariko bamenyeko ntana kimwe kitazasohora.
Ntagiye muri menshi nashakaga kubasobanurirako ibivugwa mu ndagu za Magayane bijyanye niriya sake byamaze gusohora nubwo hafi abantu bose batigeze babibona, muti ese iyo sake yavugaga ni iyihe?
>>>>>Mwese ejobundi mwarayibonye, yaragurutse iva iBurayi maze igeze muri Kenya (ku rusenge) irabika (ivugira ku maradiyo na za televisions zitandukanye). Ntabwo yigeze iva ku rusenge ngo imanuke igere ku butaka (ntibaretse itaha murwa Gasabo). Naho urwimo iriya sake isura ni amahinduka agomba kuba murwa Gasabo, ayo mahindura akazazana n'induru nyinshi ndetse n'amarira (abakuru muri twe bazi urwimo icyo aricyo). Iriya sake rero ni integuza y'akandare kenda gusohora, aho abari baziko bacigatiye ingoma bajyiye kuyamburwa mu rwamo; benshi bibaza ibizaba muri 2017 mutegereze kuko ikinamico riri gutegurwa niryo rizasoza.
++++++++++++++++++++++++++++++++++++++++++++++++++++++++++++++++++++++++++
Ntihazagire uvuga ngo ntiyabimenye! Ndabizi hari benshi bashobora kuntera amabuye ngo ndabeshya cyangwa bakanantuka ngo mvuze ibyerekeranye n'umwami w'abenerupfu, ariko bamenyeko bashonje bahishiwe kandi ko inkono igeze mu iterura kandi ikaba ntawuzayisubiza ku ziko ngo bimukundire.
Nasoza mbibutsako abakuru baciye umugani uvugango "AMATWI ARIMO URUPFU NTIYUMVA", nizereko Mutimamuke uryamye mu mutiba yumva, erega ni wowe mbwira.

Washington 08/12/2016 17:45

Aba illuminati bahawe akazi muri ministeri na Donald Trump, aya madayimoni yamashitani azajya arara arwanira muri White House kahave. Maze urusaku rumene abantu umutwe.
Jyewe ntabwo nemera guturana naba illuminati hano muri Washington ngiye kwimuka. Murabona uko basa ukagirango ni abantu kandi ari amashitani. Ubutegetsi bwa Trump bugiye gukorerwamo byishi byuruvange. Naho Hillary Clinton watsinzwe amatora ari kiririra mu myotsi nkabakame ngo nibasubire mumajwi kubarura barebe ko atibwe. Yewe ni akumiro kubona avuga ko imashini zibeshye kubarura amajwi. Narire yihanagure nkabamukiniraho ngo ni Cocaine tracking (umucuruzi wibiyobya-bwenge).

Gakoco 08/12/2016 17:15

Mbega ibintu binshimishije, kuva namenya Veritasinfo.fr nta na rimwe nigeze kuhabona ibintu nkibi.

Sha nabonaga Trump nkigicucu , ubu nemeye ko aricyana cyigitesi pe, ubu ndamukunze kuba yahaye umugore wuyu mugabo yaharanguye. Wasanga yarogoshe ninsya za mugorewe ubwo murumva ko yamuteye icyums cye gihora gityaye.

Big up TRUMP, urikibwa kdi kizi Fairplay. Sinarinziko kizi guhoga naho abatutsi nabahutu nuguhiga kwicana gusa. Cfr J.Kabarebe na Rwarakabije. Mbana nabaholandi burys ibizungu byose nibitesi pe