Rwanda :Guhinduka k’ubuyobozi biteye ubwoba Paul Kagame, ngo arashaka gutanga amasomo yo kugundira ubutegetsi !

Publié le par veritas

Ibijya gucika bica amarenga, Kagame afite ubwoba bw'ahejo hazaza he nka Mobutu!

Ibijya gucika bica amarenga, Kagame afite ubwoba bw'ahejo hazaza he nka Mobutu!

Ku italiki ya 25 Ukuboza 1989 nibwo Nicolas Ceausescu wayoboraga igihugu cya Rumaniya yafashwe mpiri n’abaturage b’igihugu cye bari bamaze iminsi 3 mu myivumbagatanyo, maze  bamucira urubanza rwihuse  we n’umugore we  Elena Ceausescu. Urwo rukiko rwakatiye Ceausescu n’umugore Elena igihano cy’urupfu, nyuma y’amasaha macye icyo gihano gitanzwe, Ceausescu n’umugore we bahise baraswa amasasu y’urufaya n’ingabo zari zishinzwe kubarinda. Amashusho y’imirambo ya Ceausescu n’umugore we yakwiriye ku isi yose, cyane ko Ceausescu yari azwi nk’umunyagitugu n’umwicanyi ruharwa warimbuye imbaga!
 
Muri icyo gihe televiziyo y’igihugu cya Zaïre niyo garagaraga cyane mu karere k’ibiyaga bigari, iyo televiziyo nayo ikaba yarerekanye amashusho y’iyo mirambo, ariko ibyo ikaba yarabikoze rimwe gusa! Impamvu yo kwerekana ayo mashusho rimwe gusa yatewe n’uko uwo munyagitugu Ceausescu yari inshuti magara ya Mobutu, uko kwerekana ayo mashusho bikaba byaratumye perezida wa Zaïre Mobutu arakarira ministre w’itangazamakuru w’igihugu cye muri icyo gihe, bitewe n’uko yatinyutse kwerekana imirambo ya Ceausescu kuri televiziyo bityo bikaba byarashoboraga gutuma abaturage ba Zaïre bamwivumburaho nawe akagererwa muri ako kebo! Ubwoba Mobutu yari afite muri icyo gihe bw’uko abaturage bamwivumburaho, ni nabwo  bwoba Paul Kagame uyobora u Rwanda nawe afite muri iki gihe! Kagame afite ubwoba bw’uko impinduka z’ubuyobozi ziri kuba hirya no hino ku isi nawe zamugeraho binyuze mu buryo ubwo aribwo bwose !
 
Hashize igihe kitarenze ukwezi hagaragara impinduka mu buyobozi bw’ibihugu bikomeye ku isi ; izo mpinduka zikaba ziterwa n’abaturage bari gutora abantu batari bamenyerewe muri politiki y’ibyo bihugu cyangwa se abayobozi bamwe bibyo bihugu bagasezera ku myaka bariho kuburyo butunguranye bitewe n’uko badakunzwe (sondage de l’opinion) n’abo bayobora ! Ku italiki 8/11/2016 abanyamerika batunguye isi yose batora Donald Trump nka perezida wa 45 w’icyo gihugu kandi atarahabwaga ayo mahirwe, ubu Trump ari gushyiraho abayobozi bashya bazamufasha kuyobora leta Zunze ubumwe z’Amerika guhera ku italiki ya 20/01/2017 ari nawo munsi azarahiraho ; biteganyijwe ko Donald Trump azashyiraho abandi bayobozi bashya basaga ibihumbi 4 bagomba gusimbura abari basanzweho mu buyobozi bwa Perezida Barack Obama ucyuye igihe.
 
Uretse izo mpinduka z’Ubuyobozi bwo muri Amerika zavuzwe cyane ku isi kuko icyo gihugu gisa n’ikiyobora isi mu byukuri, hari izindi mpinduka za vuba kandi zigikomeje ziri kuba mu bihugu bikomeye byo ku isi. Ku italiki ya 24/06/2016 abaturage b’igihugu cy’Ubwongereza batoye ko igihugu cyabo kiva mu muryango w’ibihugu by’Iburayi UE, iryo tora ryatumye ministre w’intebe w’icyo gihugu David Cameron yegura ku mwanya we. Ku italiki ya 01/12/2016 perezida w’Ubufaransa François Hollande yatangaje ko atazongera kwiyamamariza indi manda mu mwaka w’2017 ; kandi François Hollande yari abifitiye uburenganzira bwo kongera kwiyamamaza ndetse bigaragara ko afite ibikorwa byinshi yagezeho byari gutuma abona abamushyigikira. Ku italiki 02/12/2016 perezida Yahya Jammeh wari umaze imyaka irenga 22 ayobora igihugu cya Gambiya yatsinzwe amatora kuburyo butunguranye, uyu mu perezida akaba yari umunyagitugu ndetse akaba ashinjwa n’imiryango iharanira uburenganzira bw’ikiremwamuntu kwica abaturage urubozo.
 
Impinduka mu buyobozi bw’ibihugu byinshi zirakomeje : Ku italiki ya 03/12/2016, nibwo perezida w’Angola, José Edouardo de Santos yatangaje kuburyo butunguranye ko mu mwaka w’2017 atazongera guhatanira intebe mu ishyaka rye rya MPLA kugirango akomeze kuba perezida w’icyo gihugu. De santos akaba amaze imyaka 37 ku buyobozi bw’icyo gihugu kandi akaba afite imyaka 74. Ku italiki 05/12/2016 ministre w’intebe w’igihugu cya « Nouvelle-Zélande » Bwana John Key ufite imyaka 55 gusa  nawe yeguye ku mwanya we ku buryo butunguranye, nyamara abantu benshi bavugaga ko yari afite amahirwe menshi yo kuzongera gutorwa mu mwaka w’2017. Ku italiki ya 05/12/2016 ministre w’intebe w’igihugu cy’Ubutaliyani Matteo Renzi ufite imyaka 41 gusa nawe yuguye ku mwanya we wa ministre w’intebe bitewe n’uko umushinga we wo kuvugurura itegeko nshinga ry’icyo gihugu utashoboye gutorwa n’abaturage. Kuri uyu wa kabiri taliki ya 06/12/2016 ministre w’intebe w’igihugu cy’Ubufaransa Manuel Valls nawe yeguye kugira ngo ashobore kujya mu matora yibanze yo kuba umukandida w’ishyaka rya PS ku mwanya wa perezida wa repubulika !
 
Paul Kagame asanga abazungu begura ku butegetsi ari injiji !
 
Nk’uko Mobutu yatewe ubwoba n’urupfu rw’umunyagitugu w’inshuti ye magara wayoboraga Rumaniya Nicolas Ceausescu, niko na Paul Kagame atewe ubwoba nizo mpinduka zose tuvuze haruguru ziri kuba mu buyobozi bw’ibihugu bikomeye kugera no kuri bimwe mu bihugu by’Afurika. Paul Kagame yabeshye ibihugu by’inshuti ze bikomeye byamushyize ku butegetsi birimo Leta Zunze Ubumwe z’Amerika (USA) n’Ubwongereza ko nawe azazana impinduka mu butegetsi bwe, akareka kuzakomeza kugundira ubutegetsi nyuma y’umwaka w’2017 ! Kubeshya amahanga ariko ntibyamukundiye kuko amaherezo Kagame yagaragaje ko adashobora kuva ku butegetsi; ibisobanuro Kagame aha izo nshuti ze, asobanura impamvu adashobora kuva ku butegetsi, birasekeje cyane, bigeze naho Kagame yumvikanisha ko abo bazungu bava ku butegetsi ari ibicucu!
 
Kuri uyu wa mbere taliki ya 05/12/2016 Paul Kagame yayoboye umuhango wo gutaha inzu y’ubucuruzi yitwa « CHIC » ndetse n’indi yitwa « Kigali Heights » zombi zubatse mu mujyi wa Kigali. Inyubako ya CHIC yubatswe n’abacuruzi barenga 56 b’abanyarwanda. Mu ijambo yavuze ataha iyo nzu ya CHIC Paul Kagame yagize ati : « uku niko impinduka ikorwa, mwarakoze gushora imari yanyu bwite… ». Nyuma yo gutaha izo nyubako Paul Kagame yakoranyije abacuruzi mu nyubako ye yitwa « Kigali Convention center ». Mu ijambo Paul Kagame yabwiye abo bacuruzi, hagaragaramo ubwoba bw’impinduka z’ubuyobozi mu bihugu byinshi ku isi, maze akaba atinya ko nawe ibihugu bimukingiye ikibaba mu kwica abanyarwanda, ko byakomeza kumushyiraho igitutu cyo gukora impinduka y’ubuyobozi mu Rwanda, Paul Kagame yagize ati :
 
«Twe twabimenye kera ariko twigishijwe n’ibibazo byacu, ko politiki igomba kubanza gutungana. Ntabwo ari ugukina abantu bamwe ku mubyimba, ariko inkoni dukubiswe mu myaka 20 ishize twigishwa politiki, abadukubitaga izo nkoni bari mu bibazo bya politiki. Ubu ahubwo ngira ngo muzaturekure tujye kwigisha abantu politiki, nta politiki bazi, none dore ingaruka zabyo. Aho ugiye hose bararira, birirwa barira… ubwo dushobora gutangira gutanga imfashanyo natwe. Twagiye aha turakubitwa ntitwaganya turabyihorera, twe dukora ibyo twumvaga bigomba, ariko ubu isomo twe twize kera cyane ubu nibwo bakiryiga bo. Iyo udakorana n’abantu, udakorera abantu, ntabwo ari politiki. Kandi bigeraho bikakwereka ko bitari politiki, ukagomba gusubira inyuma ukajya gukora ibyo wagombaga kuba warakoze ejobundi. Ubu biri ku Isi hose, ntabwo mbabeshya ngiye kuba ‘Consultant’, ngiye kujya mbabwira nti ‘dore ni biriya twababwiraga. wanyigisha ibindi cyangwa wandusha ibindi, ukambwira ko undusha ubushobozi cyangwa ko undusha amikoro cyangwa ko wavutse mu gihugu kinini kiruta icyanjye, ariko biriya byo ntabwo ari ubuhanga byavuyemo, ni Imana yabibahaye gusa, naho ubundi burya twese turi kimwe. » !
 
Iyi myumvire ya Kagame ya demokarasi twayigeranya n’iya wa «mu twa wavuze ko uwamugira burugumesitiri, yahita agira uburenganzira bwo kujya asogongera ibigage byose biri mu isoko ntihagira umubuza ! » Kubwa Kagame asanga abayobozi b’ibihugu bikomeye ku isi bari kwegura ku buyobozi bari mu mazi abira ! Mbese kuri Kagame, yumva kubaho atayobora ari urupfu kandi ko abari kwegura ku buyobozi ari abaswa! Nta nubwo Kagame azi ko ubuyobozi ari ubw’abaturage, babutanga igihe bashakiye bakabusubirana igihe bashakiye ! None se Kagame utekereza utyo yavugana iki n’ibihugu byateye imbere muri demokarasi ? Ngo abazungu bazamuhe akazi ko kujya kubigisha gutekinika uburyo bagomba kuguma ku buyobozi !
 
Biteye isoni, kumva Kagame avuga ko amajyambere abazungu bagezeho batayakuye mu bwenge bwabo, ngo ahubwo ari impano y’Imana ! Ahubwo Kagame akaba abona ariwe uzi ubwenge kuko yashoboye kwigundiriza ku butegetsi, umenya abazungu bashobora kuzaha akazi Kagame ko gutanga isomo rya demokarasi ari bacye cye cyangwa se akaba atazabona numwe ukamuha! Igihugu cy’u Rwanda nicyo gifite abaturage bari kwicwa n’inzara, abaturage bacyo bakaba bahozwa ku nkoni bakubitwa n’ababayoboye nk’inka, abanyarwanda barunze mu magereza nk’amatafari, imyaka irarandurwa mu mirima, amazu y’abaturage arasenywa ku mugaragaro, amatora y’abayobozi ni umuhango gusa, abantu birirwa bahunga igihugu umusubizo kubera akarengane…, aya se niyo masomo Kagame azajya guha abazungu ?
 
Uwapfuye yarihuse atabonye aho Kagame atanga amasomo yo kugundira ubutegetsi !!
 
Ubwanditsi.

Commenter cet article

Sophia Mukamana 08/12/2016 16:29

Wow! This speech for this Man on Video. True Free Speech/Democracy for true Speaking.

Mokuriye ingofero. Muhaye isaruti.

I know most Kenyans like this Man knows very well kigali-Inkotanyi.
Someday Corruption will end. Then Peace takeover by my God I trust.

Thanks alot Man

ilo 08/12/2016 15:11

http://rushyashya.net/itohoza/rudasingwa-yongeye-kuzura-umutwe.html

Mpagazehe 08/12/2016 16:11

Dr. Theogene Rudasingwa ni umugabo, azapfa yavuze ibyabaye kubahutu niba ntanicyo yabikoraho ariko yaragerageje. Ikibazo gikomeye cyane ni abahutu bari muri amerika babicanyi nabagambanyi bica bene wabo, bagambanira abandi bahutu ngo bicwe beshi muri abo bakorana na Enough Project yabanyamerika yiyemeje kurimbura buri muhutu wese wumunyarwanda cyane abari mumashyamba ya Congo. Aba bagambanyi nabicanyi babahutu bari muri amerika nibo batanga amakuru yose yerekeye impunzi zabanyarwanda bari muri Congo cyane abayobozi barinze izi mpunzi. Kandi abo bahutu babacanyi batuye amerika beshi bihinduye aba Congomani n'Abarundi muburyo bwo kutumara ntawe urokotse bo bakabihemberwa bagatunga bagatunganirwa, ariko Dr. Theogene Rudasingwa wumututsi we yiyemeje kuvuga ukuru. Nibyiza nakuvuge ntacyo asize inyuma ariko yibuke ko amerika ariyo yambere mumugambi wo gutsemba ubwoko bwabahutu babanyarwanda yihishe mwikote rya FPR-INKOTANYI iyobowe na Kagome mwene Kanjogera nase Rutagambwa. kandi yibuke kurinda umutekano we igihe isaha kwisaha kuko ashobora kwicirwa muri Amerika. Abanyamerika mukumena amaraso niwo mwuga wabo wakamere yabo. Umuzungu wumunyamerika ntabwo ashobora kurara atishe umuntu ngo asinzire bimukundire kereka yishe umwirabura, yishe umunyafrika buri munsi uko niko bari kandi niko bateye.

Dr. Theogene Rudasingwa komera turagushyigikiye, intwari ihora ari intwari niyo yagwa mumakosa iyivanamo.

kilimambogo boys 08/12/2016 02:10

murebe hejuru kw'ifoto agasamunyiga kambaye ingofero kagiye kurya micro ! n'umuzungu ayigafatiye mbona yumiwe, yegeye hirya ngo ntikamunukire !!!ahahahahaah

Uwizeye, Leo. 07/12/2016 21:07

Harya uwavuze ngo ihene 7 zirindwi ntizizonka we ninde? Aho ihene 7 ntizisobanura 2017?
Dushonje duhishiwe.
Hari undi musaza wahanuriwe muri 1974 uko ubutegetsi bwa Rukarabankaba uzamena amaraso bigatinda, uzasimbura Habyara uko ingoma ye izarangira ibimenyetso byose yabwiwe byose bimaze gusora uyu musaza ari mumashyamna ya Congo Imana yamubujije gutaha kuko igihe kitaragera ubwo yashakaga gutaha murwamubyaye dore ko anashaje cyane. Mubasenga Imana byukuri ntanumwe nigeze mbona nagereranya nuyumusaza kuko igihe cyo kuba kwisi nigito cyane ahora yigendera mwijuru akagaruka kwisi azanye ubutumwa bw'Imana imutumye kuruta Mariamu w'ikabera muri Congo.

Indagu za Magayane ziri hafi kugera ku musozo 07/12/2016 20:41

"Hazabaho ibika ry’isake isura urwimo ikigera ku mutambiko w’urusenge"
***************************************************************************************************

Aya magambo nshyize hano hejuru ni kimwe mu bimenyetso Magayane yatanze bizaranga irangira ry'ubutegetsi yuwo yise Rwabujindiri rurya ntiruhage. Hari benshi bajyiye bavugango ni ibinyoma ariko bamenyeko ntana kimwe kitazasohora.
Ntagiye muri menshi nashakaga kubasobanurirako ibivugwa mu ndagu za Magayane bijyanye niriya sake byamaze gusohora nubwo hafi abantu bose batigeze babibona, muti ese iyo sake yavugaga ni iyihe?
>>>>>Mwese ejobundi mwarayibonye, yaragurutse iva iBurayi maze igeze muri Kenya (ku rusenge) irabika (ivugira ku maradiyo na za televisions zitandukanye). Ntabwo yigeze iva ku rusenge ngo imanuke igere ku butaka (ntibaretse itaha murwa Gasabo). Naho urwimo iriya sake isura ni amahinduka agomba kuba murwa Gasabo, ayo mahindura akazazana n'induru nyinshi ndetse n'amarira (abakuru muri twe bazi urwimo icyo aricyo). Iriya sake rero ni integuza y'akandare kenda gusohora, aho abari baziko bacigatiye ingoma bajyiye kuyamburwa mu rwamo; benshi bibaza ibizaba muri 2017 mutegereze kuko ikinamico riri gutegurwa niryo rizasoza.
++++++++++++++++++++++++++++++++++++++++++++++++++++++++++++++++++++++++++
Ntihazagire uvuga ngo ntiyabimenye! Ndabizi hari benshi bashobora kuntera amabuye ngo ndabeshya cyangwa bakanantuka ngo mvuze ibyerekeranye n'umwami w'abenerupfu, ariko bamenyeko bashonje bahishiwe kandi ko inkono igeze mu iterura kandi ikaba ntawuzayisubiza ku ziko ngo bimukundire.
Nasoza mbibutsako abakuru baciye umugani uvugango "AMATWI ARIMO URUPFU NTIYUMVA", nizereko Mutimamuke uryamye mu mutiba yumva, erega ni wowe mbwira.

Mama Wararaye! 07/12/2016 17:03

Hari abatutsi bameze nka Kagome bibeshya kubazungu ngo barabakunda, babonye Clinton na Blair biibereye mubucuruzi bwabo muri afrika mukarere kibiyaga bigali bibeshya ko nabandi bazingu babakunda atari ubucuruzi n'inyungu zabazungu gusa, kumabarabara yo muri Washington, DC no mumigi wa New York usanga huzuye abatutsi babaryarwanda barara kumabarabara yaho baje bakurikiye abazungu ngo barabakunda maze bagera muri amerika bagahita babereka ko ntaho bahuriye, bakabereka ko ari abanyamerika nahobo ari abanyafrika bagaherukana kukibuga kindege muri amerika. Mbona beshi miri abo nkisekera gusa. Ubucuruzi bwamazuru yabo maremare ko ari abatutsi atari abahutu burangirira mu rwanda naho mubazungu bitwa abanyafrika. Na Kagome intozo izirusha intambwe nigihe gito cyane gisigaye maze agasaba uwo yimye. Uwapfuye yarihuse.

IBIHE BYIHUTA VUBA.... 07/12/2016 16:06

Bibiliya iti byose ni UKWIRUKA INYUMA Y'UMUYAGA. Polo arabona iminsi iri kumushirana NTACYO AGEZEHO. Byoooose byamubereye UBUSA.

Ibyo KWIKIRIGITA byo ngo AZIGISHA ABAZUNGU mureke BARI KUMUBARIRA IMINSI. Ko ntacyo YAMARIYE abo KILINGITONI ngo BATEKINIKE aka S. Power maze TRUMP acyure umunyu nka RUKOKOMA? Ahaaaa yewe yewe.....

Buriya Polo ararebaaaa akabona MUBUJIJI BWE ko GUTSINDWA kwa Shebuja (nduziko ari umugabo washakaga gusubira muri Yanzu y'umweru) AKABONA KO YARI GUKORESHA bya BISEKE bya KABONEKA maze Abanyamerika (abagabo) BAGAKENYERA IMISHANANA Nuko BAKARUNDA IMVAHO naza RUSHYASHYA mubiseke ngo Ni AMABARUWA bakajyana ngo. H.KILINGITONI niwe UTSINZE Donald atahahanye 2% nka RUKOKOMA!!! Akumiro ni Itushi. HUMURA BIZA GUSHIRA. Izo Tekiniki zirikwigwaho.

Rwabujindiri arasetsa! 07/12/2016 10:46

Kagame ngo ari kubona abazungu bari kurira ngo kuko politiki yabananiye!! Ahaaaa!! ni nde se uri kurira muri bo? kiretse niba ashaka kuvuga mushuti we Hillary Clinton watsinzwe amatora!! Iyo Kagame avuga ngo abazungu bari kurira ngo kuko beguye kubuyobozi ni ukuvuga ko Kagame we natakaza ubuyobozi umutima uzahita uhagarara!!!

kilimambogo boys 07/12/2016 05:26

rujonjori ati : "abantu nta politiki bazi" ! kuri aka kagabo, politike nukwica ! mbega akagoryi !
madwedwe yongeraho tena ngo ati : "Iyo udakorana n’abantu, udakorera abantu, ntabwo ari politiki" kuri aka kavunamuheto kagasamunyiga iyo udakorana n'abazungu, ubakorera mukubibira amabuye y'agaciro, kubagabanyiriza abirabura ubicisha inkoni, amasasu, inzara, ubabomorera amazu, uha uburenganzira abazungu ngo bapimire imiti yabo kubaturage uyoboye (uretse ko katabayoboye ahubwo kabayobya) ntibagiwe imfungwa, kubatuka n'ubundi bugoryi ntiriwe mvuga, si politique !!!! yewe ubugoryi buragwira, ariko ubwuyu musega si gusa mbona harimo tena !!! aka kagabo gasa n'impyisi irikwikanira inya mumugezi, ntawuzi ibyo abazungu bakarishije (uretse ko n'ubundi kavukanye ubugoryi bw'inkomoko bwakinyenzi) ! muzakore ubushakashatsi kuri "projet MK Ultra" yakozwe na USA biga ukuntu bashobora gu controla esprit y'umuntu.... njywe mbona yaba ariyo barikugeragereza kuri aka gashwiriri karwaye bwaki !

Nibyose 07/12/2016 01:50

Nibyo koko reka abagaye nibo bamworoye. Hali imvugo ngo "umushitsi nakugendera uzomwicaze muli salon (muruganiliro) ntazaharenge ngo abone mu mbere cg mu cyumba uraramo" uyu rujindili rero rurya ntiruhage yemeye gukubitwa inkoni nyinshi ngo abicire abanzi nabakunzi ba banzi babo;abibire imitungo yabamwe murabo; abafashe kwica democracy mubiyaga bigali nahandi nko muli sudan na ethiopia; agire abaturage ayoboye abacakara;abice,abafunge abarokotse kwicwa, abicishe inzara (nzaramba )mukubatwara amasambu yabo(cyane cyane ibishanga), mukubategeka guhinga indabyo nibyatsi byinka nibindi bitabatunga nkurusenda cg imyumbati itanga isombe nibindi byontazi nkibyo; abime aho kuvugira, atuke cg akoronjye bagenzi be (coleagues) nibindi nibindi maze abyite ko alimo gukora democracy maze bamuhe intororano (gifts)yibikorwa bye banavuga ko ali umugabo abona kure ( home fort) nguwo mubinyamakuru mpuzamahanga nka jeune afrique nibindi. Nguwo muli za uni nka Havard nahandi.

Kuliwe rero ibi byamuteye kumenyana nabakuru bakomeyeye ku isi (Amerika, ONU, abumupira wamaguru ku isi ,abakire hafi yabose nibandi),bituma abasha kurenga muruganiriro agera no mu mbere. Buliya rero iyo umugabo ageze mu mbere yuwundi haba hasigaye umugayo. Nibwo rero abagaya akanabereka ko azi ubwenge nk'ubwa ba kame kuko ababizi bemeza ko nta gikoko kirusha bakame ubwenge

Kuvuga ko yabigisha sibyo ahubwo nukubishongoraho, abakina kumubyimba alinako abasezeraho kuko mu kuva mu mbere(vilage urugwiro) ntiyavamo gutyo gusa atacyo avuze. Burya hali abayamaze bati"ikinyoni kigurutse kitavuze bakita icyana"reka asijye avuze ntihazagire nuwundi bazakubitira kwica no gukandamiza aba ayoboye. Icyo mukundira arajajwa none nimumenye ko ibyo akora abikora kukiboko nyine cg kugahato kababifitemo inyungu. Haruwundi yakora nkibyo akora nta nkoni imuli kumugongo cg kunnyo dore we ko nta ninnyo yo gukubitwaho yigilira( afite)! naho yalihanganye ahubwo yarakotanye cyane.

Welarse 07/12/2016 00:16

Kagome niwe uyoboye UN itegeka isi none icyo atakora niki kwisi kandi ariwe mukuru ushinzwe ibibera kwisi yose. Imbwa zisigaye zinnya murugo nk'inka, imbwa zimisega nazo abantu basigaye bazikukira amase n'kinka. Akumiro nigisebe naho amavunja arahandurwa.

Jean Paul 06/12/2016 18:16

Reka ajye yivuga ibigwi ni uko azi aho agejeje isi . EAC,ntayishenye izuba liva? Ikitwa CEPGL ntihasigaye izina gusa. Mu mezi makeya cyane, muraza kwibonera uko UA nayo igiye gucikamo ibice,biturutse kuli Maroc. Uburundi bugeze aho umwanzi yifuza. Ni kangahe bwerekanye nyirabayazana?

mwalimu 06/12/2016 18:11

"Democratie ntabwo ali amatora" Kagame. "Abatazi uko bakoresha referendum yo mu duseke bazaze tubigishe" dit Kagame. Mwalimu muli kaminuza zo muli amerika zikomeye ninde? Kagame. Mwalimu wa politike igezweho kwisi hose ninde? Ntawundi ni Kagame.

Kagame ni umusazi 06/12/2016 16:16

Ngo abazungu bafite ibibazo bya demokarasi!! Mbega Kagame!! ahubwo niwe ufite ibibazo bya demokarasi!! iyo umuzungu afite umwanya w'ubutegetsi aba azi ko ari gukorera abaturage, iyo bamubwiye bati nturi gukora neza avaho hakajyaho undi , ntabwo yica abantu babimubwiye kugira ngo agume ku butegetsi ahubwo ajya kwiruhukira!! None se hari umuzungu warasa abaturage ku manywa yihangu ngo ni uko badashaka ko abategeka? ibi rero nibyo Kagame yita ubwenge.