USA :Kagame na Clinton bafite ubwoba ko Bwana Steve Bannon wahawe umwanya ukomeye na Donald Trump ashobora kubashyira mu kagozi!

Publié le par veritas

Perezida w'Amerika (USA) watowe Donald Trump n'umujyanama we mu ngamba Steve Bannon

Perezida w'Amerika (USA) watowe Donald Trump n'umujyanama we mu ngamba Steve Bannon

«Ningera ku butegetsi, ikintu cya mbere nzakora ni ugushyira muri gereza Mugabe na Museveni bakarangirizamo ubuzima bwabo bwose. Niba Obama abatinya, njye nta bwoba banteye; niba Clinton na Bush barabatinye, niba Papa agenda akabapfukama imbere; ntabwo njye nzisuzuguza bigeze aho; ntabwo nzigera nshyirwaho iterabwoba. Mbijeje ko nzahanagura aka kajagari kose kari muri politiki yo muri iyi si, ahubwo ngateza imbere ubutabera mpuzamahanga». Aya ni amwe mu magambo akomeye Donald Trump yavuze ubwo yiyamamarizaga kuyobora igihugu cya leta  zunze ubumwe z’Amerika (USA).
 
Ku italiki ya 08/11/2016 nibwo Bwana Donald Trump, wakunze kugaragazwa nk’inkundarubyino ya politiki (populiste) kubera amagambo akomeye yavuze yiyamamaza, yatsinze amatora kuburyo butunguranye, aba atorewe kuba perezida wa 45 w’igihugu k’igihangange ku isi cya Leta zunze Ubumwe z’Amerika (USA). Nyuma y’iryo tora, hagaragaye imyigaragambyo myinshi mu mijyi itandukanye y’Amerika (USA) y’abantu bagaragazaga ko batishimiye itorwa rya Trump, ndetse bakagaragaza n’impungenge batewe n’ibyemezo bikomeye yavuze ko azashyira mubikorwa mugihe azaba yatorewe kuyobora Amerika ; muri ibyo byemezo twavuga:
 
Kwirukana abimukira bagera kuri miliyoni 11 badafite uburenganzira bwo kuba muri Amerika, gucira urubanza umuryango wa Clinton kubera ibyaha bikomeye wakoze, kubaka urukuta rukomeye ku mupaka w’igihugu cya Mexique n’Amerika, guhana abagore bakuramo inda, kugirana ubushuti busesuye n’igihugu cy’Uburusiya, kugabanya inkunga Amerika yahaga umuryango wo gutabarana w’ibihugu by’iburengerazuba OTAN ; kwikura mu masezerano y’ubucuruzi n’igihugu cy’Ubushinwa, kutubahiriza amasezerano arengera ibidukikije y’iParis yiswe COP 22, gukura ingabo z’Amerika ziri mu bihugu binyuranye hirya no hino ku isi….
 
Nyuma y’itorwa rye, Donald Trump yakunze kugaragaza imvugo yoroheje kugirango arebe ko yahosha uburakari bw’abigaragambywa batishimiye intsinzi ye, yavuze ko gahunda yatorewe azazishyira mu bikorwa ariko agashyiramo n’ubushishozi buhagije ; nko kukibazo cy’abimukira badafite ibyangombwa byo kuba muri Amerika, yavuze ko azirukana cyangwa agafunga abakoze ibyaha bikomeye babarimo bagera kuri miliyoni 3, naho ku kibazo cyo kwemerera abagore gukuramo inda,ubwo bubasha akaba yaravuze ko abuhaye za leta  zinyuranye zigize igihugu cya Leta zunze ubumwe z’Amerika. Ku bindi bibazo bikomeye birimo gukurikirana abayobozi bakomeye bakoze ibyaha ; Donald Trump yavuze ko azashyiraho urwego rw’abacamanza rwihariye mu gihugu cyose bazakurikirana ibyo bibazo.
 
Trump ariko yerekanye ko yiteguye gukora ibyo yavuze yiyamamaza iyo urebye abayobozi bakomeye ari guha imyanya muri iki gihe, aha twavuga nka Bwana Reince Priebus wari usanzwe ari umuyobozi w’ishyaka ry’abarepubulikani yagize umunyamabanga mukuru wa Leta zunze ubumwe z’Amerika, umwanya wagereranywa na ministre w’intebe na Bwana Steve Bannon wari umuyobozi w’ikinyamakuru gishyigikira ibitekerezo by’abahezanguni bo mu ishyaka ry’abarepubulikani kandi akaba ashyigikiye cyane ishyirahamwe rihamagarira abazungu kwirwanaho bita « Ku Klux Klan » !
 
Kuki Paul Kagame na Clinton bafitiye ubwoba bukomeye Donald Trump kurusha abandi ?
 
Nk’uko amategeko ya Leta zunze ubumwe z’Amerika abiteganya, perezida watowe, afite ububasha bwo gushyiraho abayobozi bashya mu nzego zitandukanye barenga ibihumbi 4, bagomba gusimbura abari basanzwe muri iyo myanya bashyizweho na perezida ucyuye igihe. Kuri uyu wa mbere taliki ya 14/11/2016, Bwana Donald Trump yahaye umwanya ukomeye « Bwana Stephen Bannon » wo kuzaba umujyanama mukuru wa Donald Trump mu kugena ingamba z’ubuyobozi bukuru (chef de la stratégie). Uyu mwanya wahawe Stephen Bannon ukaba ukomeye cyane kuburyo byateye ubwoba abayobozi b’ishyaka ry’abademocrate ndetse bamwe muri abo bayobozi bakaba barasabye perezida Obama kugira icyo yakora kugirango Steve Bannon ntahabwe uwo mwanya ; kuri icyo kibazo, perezida Obama yasubije abo bayobozi ko : Donald Trump yatowe kuburyo bwa demokarasi, akaba afite uburenganzira busesuye bwo gushyiraho abayobozi yifuza bazamufasha gushyira mu bikorwa ibyo yatorewe !
 
Bwana Steve Bannon, ni umunyamerika ugendera ku matwara akarishye y’ishyaka ry’abarepubulika, afite imyaka 62, akaba nawe ari umuherwe nka Donald Trump. Bwana Steve Bannon avuka muri leta  ya Viriginia mu muryango w’abakristu gatolika bakomoka mu gihugu cya Irlande. Bwana Steve Bannon yabanje kuba umuyoboke w’ishyaka ry’abademocrate, akaba yarakundaga cyane perezida Kennedy, nyuma yaje guhindura ajya mu ishyaka ry’abarepubulikani bitewe n’uko atari ashyigikiye gahunda ya perezida Jimmy Carter. Bwana Steve Bannon yakunze cyane perezida Reagan ndetse ashyigikira cyane gahunda yo gukoresha imbaraga za gisilikare yaranze perezida George W.Bush. Bwana Steve Bannon akunda itangazamakuru cyane, akaba yari ashinzwe ikinyamakuru cyitwa «Beitbart News» aho yanyuzagamo inyandiko zishyigikira amatwara akaze y’abarepubulikani. Steve Bannon azwi cyane nk’umukinnyi wa sinema no kuzihanga akaba ari naho yakuye ubutunzi bwinshi afite.
 
Bwana Steve Bannon yangana urunuka n’umuryango wa Bill Clinton, ibyo bikaba byaratewe n’uko mu gihe Bill Clinton yari perezida w’Amerika, Bwana Steve Bannon ariwe wambere washyize ahagaragara amabanga y’ubusambanyi bwa Clinton n’umugore witozaga umwuga w’ubuyobozi mu biro bya perezida witwa Monica Lewinsky. Mu gihe Barack Obama yari amaze gutorerwa kuba perezida wa leta  Zunze Ubumwe z’Amerika, Steve Bannon yakoranye igihe gito n’ubutegetsi bwe ariko biba ngombwa ko abihagarika kubera amakimbirane yari afitanye n’umuryango wa Bill Clinton kandi Obama akaba atarashoboraga kubunga.
 
Mu gihe gito Steve Bannon yakoranye n’ubuyobozi bwa Obama, yabonye akanya ko gukora iperereza no kubona ibimenyetso bihamye ku byaha by’indengakamere byakorwaga n’umuryango wa Bill Clinton hirya no hino ku isi. Bwana Steve Bannon akaba yaranzwe bikomeye n’abayobozi b’ishyaka rya Obama kubera umuryango wa Bill Clinton, byageze n’ubwo abademocrate bagiye gushaka umugore wa Steve Bannon batandukanye, bamusaba gutanga ubuhamya bwemeza ko Steve Bannon yanga abayahudi byasaze kuburyo yabujije abana be kujya kwiga mu ishuri ririmo abana b’abayahudi ! Icyo kirego kikaba cyarahimbiwe Stave Bannon kugirango akunde agire abanzi benshi b’abayahudi bakomeye, ariko yahanganye nabo bayobozi kugeza n’ubu!
 
Steve Bannon yakoze ubushakashatsi ku byaha bikomeye umuryango wa Bill Clinton ukora hirya no hino ku isi ; muri ibyo byaha, Steve Bannon yasanze umuryango wa Bill Clinton warigwijeho ubutunzi bukomeye wagiye usahura hirya no hino ku isi, ubinyujije mucyo bise « Fondation Clinton ». Steve Bannon yasanze kuva mu mwaka w’1990 umuryango wa Bill Clinton wifashishije umwanya w’ubuyobozi wari ufite, warafatanyije na Paul Kagame mu guteza intambara z’urudaca mu karere k’ibiyaga bigari by’Afurika muri gahunda yo gusahura umutungo kamere w’ako karere. Steve Bannon yakusanyije amahano yose Kagame na Bill Clinton bakoze kuva mu mwaka w’1990 basahura akarere k’ibiyaga bigari bamaze kwica abaturage bagera kuri miliyoni 10. Ayo mahano yose Steve Bannon yayakusanyirije muri filime yise : «CLINTON CASH OFFICIAL DOCUMENTARY MOVIE» !
 
Mu kwezi kwa Kanama 2016, nibwo Bwana Steve Bannon yegereye umukandida ku mwanya wa perezida w’Amerika (USA) Donald Trump amugezaho ibimenyetso byose bigaragaza ibyaha bikomeye Clinton yakoze ; kuva ubwo Donald Trump yahise aha Steve Bannon umwanya wo kuba umuyobozi wo kwiyamamaza kwe. Kubera ibyaha bikomeye umuryango wa Bill Clinton wakoze, Donald Trump yavuze ko mu gihe azaba yatorewe kuba umukuru w’igihugu, azafunga Madame Clinton. Hari ibyaha byinshi Clinton yakoze byagiye bikorerwa iperereza n’urwego rushinzwe ubutasi by’Amerika (CIA), ibyo byaha bikaba bitaragiye bihabwa agaciro n’ubutegetsi bwa Barack Obama ; ibyo bikaba byaragiye birakaza abakozi b’iperereza ry’Amerika, bigatuma basohora ayo mabanga mu binyamakuru mu buryo bwihishe babinyujije kuri Steve Bannon dore ko nawe yabaye umusilikare ukomeye mu ngabo z’Amerika, nawe yamara kubibona akabisohora mu kinyamakuru ayobora cya « Breitbart News ».  
 
Steve Bannon yemeza ko ibyaha bikomeye Kagame yakoranye na Clinton byarangije gukorerwa dosiye igomba gushyikirizwa inkiko, iyo dosiye ikaba yarakozwe n’intumwa idasanzwe y’Amerika mu kugenzura ibyaha bikorwa mu ntambara Bwana Stephen Rapp. Nyuma y’aho Trump atorewe, yavuze ko ikibazo cyo gufunga Clinton atazagira icyo agikoraho ariko avuga ko azashyiraho urwego rw’abacamanza 9 bazasuzuma ibigomba gukorwa ku madosiye nk’ayo. Ubwoba bukomeye Clinton afite ndetse na Paul Kagame bwarushijeho kwiyongera bitewe ni uko Donald Trump yahaye umwanya ukomeye Steve Bannon wo kumubera umujyanama mukuru no kuyobora ibikorwa byo gufata ingamba zo gusukura ubuyobozi bw’Amerika ; Clinton akaba afite impungenge ko Steve Bannon azamuhitana akamushyikiriza inkiko, cyane ko uyu mugabo Steve Bannon yahanganye bikomeye n’ibikomerezwa byo mu idini rya illiminati akabinanira!
 
Film ya Steve Bannon yerekana ibyaha Clinton yakoze afatanyije na Paul Kagame yasohotse mu kwezi kwa gatanu uyu mwaka w’2016, mu mezi atatu gusa akurikira isohoka ry’iyo filime akaba yarashize imaze kurebwa n’abantu barenga miliyoni 3.
 
Abumva ururimi rw’icyongere mushobora kureba iyo filime hasi aha.
 
Ubwanditsi.

Commenter cet article

No comment 16/11/2016 20:22

Uwitwa Mme Alice Cyusa, waba ahagarariye "diaspora nyarwanda international" ati :

«Nta gihugu tuzi cyitwa Hutu ngo kibe gifite Diaspora Hutu”

Source: http://www.igihe.com/diaspora/amahuriro/article/nta-gihugu-tuzi-kitwa-hutu-ngo-kibe-gifite-diaspora-hutu-alice-cyusa

Ariko hari ibintu dusoma, tukagirango turi kurota.
None se, zirya NTORE zizajya zihunga “NZARAMBA”, nizigera imahanga ziyite diaspora…

Bumva ko ijambo diaspora ari marque déposée?

Hashobora kuba diaspora Tutsi, nkuko haba diaspora Bamleke,… cyangwa HUTU.
Paradoxalement, abantu nkaba, ba Alice Cyusa, nibo bakomeje kubiba (culture) amacakubiri.

Co ga rero 16/11/2016 19:17

"Perezida w’u Burusiya, Vladmir Putin kuri uyu wa Gatatu yasinye iteka rivana igihugu cye mu masezerano yashyizeho Urukiko Mpuzamahanga Mpanabyaha, ICC, umwanzuro ukurikiye uw’ibindi bihugu bya Afurika biri kwivanamo umusubizo"

Tujye mu muhanda... 16/11/2016 15:29

Ndabona ari « Rwanda Untold story » bagaruye! Kuri iyo filime ni agace gahereye kuri minota 6:05.

Rwose tujye mu muhanda kubyamagana, kubera agaciro kacu.

Ariko na none, ubanza ibihe bya « Roza wacu byararangiye ».
Ibibazo byinshi nitwe tubyikururira, sinzi niba ari ukutareba kure, cyangwa niba ari ukugira abakonseye babi.

John 16/11/2016 10:58

Mwe mwatanze comments kuri ino nkuru bigaragara ko mutazi isi murimo ndetse nuwanditse inkuru nawe ntasobanukiwe neza imikino iba hanze aha muri iyi si.



Clinton, Bush, Obama.... aba bose ni abapagasi kuko hari abo bakoreraga. Trump nubwo akize kandi akaba na President hari ibyo atazakora kubera ko hari urukuta atazabasha kurenga, nafunga umutwe azeguzwa cg yicwe na Kennedy.


Isi kuva kera ifite beneyo batanga gahunda zuko ibintu bikorwa. kuvuga ngo Trump azasenya system Clinton aha ho ntibishoboka kuko inganda zikomeye, Banks n'ibigo bikomeye by'ubucuruzi nibyo Clinton yakoreraga kandi bifite ijambo ntayegayezwa.


Abumva uruzungu nibasome ibi, nubwo bisa nk'ibisekeje ariko bifite ukuri gukomeye:


Don't worry he will realize he can't do much as president; see his first day of briefing; after being elected President, by the CIA, Pentagon, FBI:

Trump: We must destroy ISIS immediately. No delays.

CIA: We cannot do that, sir. We created them along with Turkey, Saudi, Qatar and others.

Trump: The Democrats created them.

CIA: We created ISIS, sir. You need them or else you would lose funding from the natural gas lobby.

Trump: Stop funding Pakistan. Let India deal with them.

CIA: We can't do that.

Trump: Why is that?

CIA: India will cut Balochistan out of Pak.

Trump: I don't care.

CIA: India will have peace in Kashmir. They will stop buying our weapons. They will become a superpower. We have to fund Pakistan to keep India busy in Kashmir.

Trump: But you have to destroy the Taliban.

CIA: Sir, we can't do that. We created the Taliban to keep Russia in check during the 80s. Now they are keeping Pakistan busy and away from their nukes.

Trump: We have to destroy terror sponsoring regimes in the Middle East. Let us start with the Saudis.

Pentagon: Sir, we can't do that. We created those regimes because we wanted their oil. We can't have democracy there, otherwise their people will get that oil - and we cannot let their people own it.

Trump: Then, let us invade Iran.

Pentagon: We cannot do that either, sir.

Trump: Why not?

CIA: We are talking to them, sir.

Trump: What? Why?

CIA: We want our Stealth Drones back. If we attack them, Russia will obliterate us as they did to our buddy ISIS in Syria. Besides we need Iran to keep Israel in check.

Trump: Then let us invade Iraq again.

CIA: Sir, our friends (ISIS) are already occupying 1/3rd of Iraq.

Trump: Why not the whole of Iraq?

CIA: We need the Shi'ite govt of Iraq to keep ISIS in check.

Trump: I am banning Muslims from entering US.

FBI: We can't do that.

Trump: Why not?

FBI: Then our own population will become fearless.

Trump: I am deporting all illegal immigrants to south of the border.

Border patrol: You can't do that, sir.

Trump: Why not?

Border patrol: If they're gone, who will build the wall?

Trump: I am banning H1B visas.

USCIS: You cannot do that.

Trump: Why?

Chief of Staff: If you do so, we'll have to outsource White House operations to Bangalore. Which is in India.

Trump (sweating profusely by now): What the hell should I do as President???

CIA: Enjoy the White House, sir! We will take care of the rest!

kilimambogo boys 16/11/2016 21:15

none se niba umu président wese bashobora kumukoresha uko bishakiye nikuki (bashygikira umukandida umwe uwundi bakamurwanya) ? Nko muminsi ishize bari bashyigikiye clinton cyane hanyuma bakarwanya trump ? baba bishakira umuntu bashobora kumanipila biboroheye, kumanipila trump w'umukire ntabwo bizaborohera aricyo gituma batamushakaga (ngira ngo mwabonye ko medias hafi ya zose zamurwanyaga )! kandi mugomba kumenya ko no mwabo bazungu harimo plusiers clans (ou maffias), buriyose iba ishaka inyungu kandi ntibasiba kwicana hagati yabo ! imbwa ntaho zitaba kwisi ...

Team 16/11/2016 16:22

Nibyo iyisi ifite ba nyirayo, jyewe ubwange mfite ikibazo gikomeye cyane kiri mumaboko ya FBI aribo bashinzwe ibyinkozi zibibi hano muri amerika. Ariko ikibabaje ikibazo cyange nticyashobotse guhabwa ubutabera kubera inyungu zabene isi nkuko wabivuze. Nibyo hari inkuta Donald Trump adashobora kurenga, nundi wese waba Presida muri amerika aba afite inkuta adashobora kurenga aramutse abigerageje akubitwa ninkuba ako kanya.
Jyewe ibyonzi nibyishi cyane mbona abantu batazi amerika nabanyamerika barihishe byishi.
afrika yari ifite amahoro nubukungu ariko abanyarwanda bafite ubwenge buke cyane, ubugome, ubujajwa, ubusambo, ninda nini nibo bakururiye akaga afrika yibiyaga bigali yahuye nako kandi birakomeje gukunda guhakwa no guhakirizwa kwabanyarwanda nikibazo gikomeye cyane. Izo za ISS nizabanyamerika, izo ntambara zose nibo babitegura cg ba creating izo ntambara no kunyungu yo kugurisha intwaro zabo, gushakira akazi aba slikare ba amerika, nibindi byishi kunyungu z'amerika ntabwo ari kunyungu zuwo ariwe wese.

Clinton avuye mu nzira 16/11/2016 10:03

Kimwe mu bintu byatumye Donald Trump atsinda ni ukurwanya akazu ka Clinton kimwe n'ibyaha kakoze, ndabarahiye uyu muryango uzagezwa imbere y'inkiko kandi n'abo bafatanyije ibi byaha ntibazasigara! Umuryango wa Clinton urashinjwa genocide mu Rwanda no muri Congo, urashinjwa kugurisha intwaro Daech, urashinjwa kurigisa no kwica abanyepolitiki 6 bakomeye bo muri Amerika bagerageje gushyira ahagaragara amahano uyu muryango ukora, sinzi rero niba iyi leta ya Trump izawusiga amahoro kandi yariyemeje gusukura Amerika n'isi yose iyi myanda Clinton yayishyizemo!

Team 16/11/2016 01:03

Ibibazo bya Cinton byo birahari, Clinton Foundation azayisobanura icyo ikora, yakoze nibyo igamije, FBI inzego zishinzwe inkozi zibibi muri amerika bafite byose kuri iki kibazo kandi Presida wa FBI niwe wambere wagize uruhare rukomeye rwo gutsindwa kwa Hillary Clinton kandi FBI nibo bashyize ahabona ibyaha byishi cyane uyu mugore wa Clinton yakoze byo kwiba umutungo wa Amerika ndetse numugabo we adasigaye. Urubanza rurahari rukomereye uyu muryango wa Clinton bafite. Byongeye aba Republican ntibavugirwamo hano muri amerika nino bica bakanakiza. Nibabishaka bazakurikirana ibirego byinzandiko zumugore wa Clinton ndetse na Foundation ya Bill Clinton.